লখিমপুৰৰ প্ৰবীণ সাংবাদিক, শিক্ষক বিজয় দাসে ৫৮ বছৰ বয়সত বৃক্ক আৰু হাঁওফাঁও জনিত ৰোগত ভূগি শনিবাৰে বিয়লি অসম চিকিৎসা মহাবিদ্যালয়ত শেষ নিশ্বাস ত্যাগ কৰে৷
ন লখিমী কাকতত সাংবাদিকতা আৰম্ভ কৰি পিছলৈ সাদিনীয়া বাতৰি, নতুন বাতৰি আৰু ২০০৯ চনলৈ আজি কাকতত , বিশ্বনাথ সংস্কৰণৰ উত্তৰ অসমৰ ষ্টাফ ৰিপৰ্টাৰৰ দায়িত্ব পালন কৰিছিল। ২০১০ চনৰ পৰা তেলাহী সোৱণশিৰি হাইস্কুলৰ সহকাৰী শিক্ষক হিচাপে কাম কৰি আছিল।
বিজয় দাসৰ ঘৰ লখিমপুৰৰ বছা গাঁৱত৷ মৃত্যুৰ সময়ত তেওঁ পত্নীসহ এজন পুত্ৰ আৰু এগৰাকী কণ্যা এৰি থৈ যায়। দাসৰ মৃত্যুত জিলাখনত শোকৰ ছাঁ পৰিছে।
