আমাৰ বাবে ১৪ ফেব্ৰুৱাৰী সদায় স্মৰণীয়। কাৰণ এই দিন প্ৰেমৰ আৰু ভাৰতীয় সৈনিকৰ বাবে ছহিদ দিৱস। কিয়নো বিগত ১৪ ফেব্ৰুৱাৰী ২০১৯ চনত কাশ্মীৰৰ পুলৱামা লেথপুৰাত সংঘটিত বোমা বিস্ফোৰণত ৪০ জনকৈ দেশৰ বীৰ জোৱানৰ ছহিদ হৈছিল। এইফালে প্ৰেমৰ দিন হিচাপে ইজনে সিজনক প্ৰেম ভাল পোৱাৰ প্ৰকাশ কৰিছে। আনফালে দেশৰ বাবে ৪০ জন বীৰ জোৱানে নিজৰ প্ৰাণ পৰ্যন্ত ত্যাগ কৰিব লগা হৈছিল। সঁচাকৈ সেই দিন দেশৰ বাবে বিশেষ স্মৰণীয় দিন। যিহেতু আমি প্ৰাপ্তিৰ লগতে ত্যাগ কৰিব লগীয়া হ’লো। কিন্তু এই ঘটনাক ভাৰতৰ ৰাজনীতি প্ৰেক্ষাপটত বিভিন্ন ধৰণে আলোচনা পৰ্যালোচনা কৰা দেখিবলৈ পাইছিলোঁ।
এনেদৰে সৈনিকক লৈ ৰাজনীতিৰ লগত সাঙুৰি লোৱাটো কিমান গ্ৰহণ যোগ্য , তথাপিও বিশ্বৰ সৰ্ববৃহৎ গণতান্ত্ৰিক দেশ হিচাপে এনেকুৱা ধৰণ আলোচনা হোৱাটো বিশেষ নতুন বুলি ক’ব নোৱাৰি। সেইকাৰণে এইদিনটো অৰ্থাৎ ১৪ ফেব্ৰুৱাৰী দিনটোক আমাৰ বাবে সদায় স্মৰণীয় হৈ থাকিব। তদুপৰি দেশৰ বাবে নিজৰ প্ৰাণ ত্যাগ কৰা বীৰ ছহিদলৈ আমি শ্ৰদ্ধাঞ্জলি অৰ্পণ কৰিলোঁ।
