নাজিৰা উচ্চতৰ মাধ্যমিক বালিকা বিদ্যালয়ত আলোচনী উন্মোচন

নাজিৰা মহকুমাৰ অন্যতম আগশাৰীৰ শিক্ষানুষ্ঠান নাজিৰা উচ্চতৰ মাধ্যমিক বালিকা বিদ্যালয়ত  এঘাৰ নৱেম্বৰত এখন প্ৰাচীৰ পত্ৰিকা “জ্ঞানমালিনী”  আৰু এখনি হাতেলিখা আলোচনী  “দাপোণ”  নাজিৰাৰ মহকুমাৰ ভাৰপ্ৰাপ্ত মহকুমাধিপতি তথা অতিৰিক্ত উপায়ুক্ত সব্যসাচী কাশ্যপে উন্মোচন কৰে ৷যোগেন্দ্ৰ নাথ শৰ্মাৰ সভাপতিত্বত  অনুষ্ঠিত উন্মোচনী সভাত  মহকুমাধিপতি সব্যসাচী কাশ্যপে সম্প্ৰতি একাংশ অভিভাৱকে ইংৰাজী মাধ্যমত শিশুসকলক পঢ়ুৱাই অসমীয়া কব নাজানে বুলি কোৱাটো অতি দুখজনক বুলি মন্তব্য কৰে ৷ প্ৰাচীৰ পত্ৰিকা আৰু আলোচনীৰ জৰিয়তে ছাত্ৰীসকল লিখা-মেলাৰ লগতে আগন্তুক সময়ত অসমীয়া ভাষা চহকী হব বুলি আশা প্ৰকাশ কৰে ৷ এটি বৰগীতেৰে আৰম্ভ হোৱা সভাৰ আদৰণি ভাষণ দি বিদ্যালয়ৰ অধ্যক্ষ সমৰজিৎ শইকীয়াই বহুদিনীয়া এটি সপোন পূৰণ হোৱা বুলি মন্তব্য কৰে ৷ শিক্ষয়িত্ৰী মঞ্জু ঘৰফলীয়া বড়াই আত ধৰা সভাত বিশিষ্ট অতিথি হিচাপে অংশগ্ৰহণ কৰি বিজয়  চন্দ্ৰ বৰা ,দেবেন কোৱৰ ,সাংবাদিক অনন্ত কলিতাই নাজিৰা উচ্চতৰ মাধ্যমিক বালিকা বিদ্যালয়ৰ এনে প্ৰচেষ্টাৰ শলাগ লৈ ছাত্ৰীসকলৰ উদ্দেশ্য কৰি বক্তব্য আগবঢ়াই ৷ উক্ত সভাতেই বিদ্যালয়ত অনুষ্ঠিত হোৱা বিভিন্ন প্ৰতিযোগিতাৰ পুৰস্কাৰ সমূহ বিতৰণ কৰা হয় ৷