ভাৰতীয় ৰাজনীতিৰ ফেশ্বনেবল নেতাৰ তালিকা(Mahua Moitra Wedding) এখন বনালে মহুৱা মৈত্ৰই শীৰ্ষ দহৰ ভিতৰত স্থান লাভ কৰিব। বাঙালী সাংসদগৰাকীয়ে ছানগ্লাছ, কান্ধলৈকে পৰা চুলি, নতুন হেণ্ডলুমৰ শাৰী, আনকি সংসদ ভৱনত প্ৰৱেশ কৰাৰ সময়ত লৈ ফুৰা হেণ্ডবেগটোও ফেশ্বনেবল।
বংগৰ সাংসদ মহুৱাই আন বঙালী যুৱতীৰ দৰে বিয়াত বেনাৰসী শাৰী পিন্ধিছিল। শুকুৰবাৰে মহুৱাৰ বিয়াৰ খবৰ ৰাজহুৱা হোৱাৰ পাছত ‘ৰ’ মেংগো’ই তেওঁলোকৰ ইনষ্টাগ্ৰাম একাউণ্টত মহুৱাৰ বিয়াৰ তিনিখন ছবি পোষ্ট কৰে। লগতে শাৰীখনৰ সবিশেষ। দেখা গ’ল যে সাংসদ মহুৱাই বিয়াত বেনাৰসী শাৰী পিন্ধিছিল।
তেওঁ পৰিধান কৰা শাৰীখনৰ মূল্য ১ লাখ ৩৯ হাজাৰ ৮০০ টকা। ঐশ্বৰ্য ৰায় বচ্চনে এইবাৰ এনে এখন শাৰী পিন্ধি কান চলচ্চিত্ৰ মহোৎসৱলৈ গৈছিল। নীতা আম্বানীয়েও পিন্ধিছিল।
আনহাতে ফেশ্বন জগতৰ মানুহে কয় যে যদি কোনো সাংসদে ডেৰ লাখ টকাৰ হেণ্ডবেগ কিনে, তেন্তে ক’ব লাগিব যে তেওঁৰ বিয়াৰ দিনটোৰ বাবে শাৰীখনত বেছি খৰচ কৰা নাছিল!
ক’ব লাগিব যে এবছৰৰ আগতে লুই ভিটনৰ বেগ এটা লৈছিল সাংসদগৰাকীয়ে। বেগটোৰ দাম ১ লাখ ৬০ হাজাৰ টকা।সেই সময়ত সাংসদগৰাকীৰ বেগটোক লৈ সামাজিক মাধ্যমত চৰ্চা হৈছিল।