প্ৰয়াগৰাজত আয়োজিত মহাকুম্ভ সন্দৰ্ভত বিতৰ্কিত বক্তব্য দিছে মমতা বেনাৰ্জীয়ে। ১৪৪ বছৰৰ পাছতো মহাকুম্ভৰ আয়োজন কৰা হোৱা নাই বুলি মন্তব্য কৰে টিএমচিৰ নেতাগৰাকীয়ে।(Mamata Banerjee)
পশ্চিমবংগৰ মুখ্যমন্ত্ৰী মমতা বেনাৰ্জীয়ে কিছুদিন পূৰ্বে মহাকুম্ভৰ ওপৰত মন্তব্য দি মহাকুম্ভক মৃত্যু কুম্ভ বুলি অভিহিত কৰিছিল আৰু এতিয়া আকৌ এবাৰ টিএমচিৰ নেতাগৰাকীয়ে মহাকুম্ভৰ সন্দৰ্ভত বিতৰ্কিত মন্তব্য কৰে। মমতা বেনাৰ্জীয়ে কয় যে ১৪৪ বছৰৰ পাছত প্ৰয়াগৰাজত মহাকুম্ভৰ আয়োজন কৰা হোৱা নাই। এতিয়া পশ্চিমবংগৰ মুখ্যমন্ত্ৰী মমতা বেনাৰ্জীৰ বিতৰ্কিত মন্তব্যৰ সন্দৰ্ভত তীব্ৰ প্ৰতিক্ৰিয়াৰ সৃষ্টি হৈছে।
মমতা বেনাৰ্জীয়ে কয়, ‘প্ৰতি ১২ বছৰৰ মূৰে মূৰে মহাকুম্ভ আয়োজন কৰা হয়। যিসকলে কৈছে যে ১৪৪ বছৰৰ পাছত মহাকুম্ভ হৈছে, এইটো একেবাৰে ভুল। মই জনাত ২০১৪ চনতো হৈছিল। ১৪৪ বছৰৰ পাছত কুম্ভক অনুষ্ঠিত কৰা হৈছে বুলি কৰা দাবী সঁচা নহয়।
পশ্চিমবংগৰ মুখ্যমন্ত্ৰী মমতা বেনাৰ্জীৰ মন্তব্যক লৈ বিজেপিয়ে মমতা বেনাৰ্জীক লক্ষ্য কৰি লৈছে। টিএমচিৰ নেতাগৰাকীৰ বিষয়ে দলটোৱে কয় যে তেওঁৰ বক্তব্যই তেওঁৰ হিন্দু বিৰোধী ৰাজনীতিক উদঙাই দিছে। এই সন্দৰ্ভত বিজেপি নেতা সুবেন্দু অধিকাৰীয়ে কয়, ‘তেওঁ বাৰে বাৰে দিয়া বিভ্ৰান্তিকৰ বক্তব্য ৰাজনৈতিক উদ্দেশ্যপ্ৰণোদিত যেন লাগে।’
তেওঁ কয়, ‘সনাতন ধৰ্মৰ পবিত্ৰ পৰিঘটনাবোৰক দুৰ্বল আৰু অপমান কৰাৰ প্ৰয়াস কৰা হৈছে, যিটো তেওঁলোকৰ তুষ্টিকৰণ ৰাজনীতিৰ দ্বাৰাও প্ৰভাৱিত হৈছে।’
বিজেপি নেতা মিথুন চক্ৰৱৰ্তেও মমতা বেনাৰ্জীৰ এই বক্তব্যক সমালোচনা কৰিছে। তেওঁ কয়, ‘মমতা বেনাৰ্জীয়ে যি কৈছে সেয়া ভুল। ৭০ কোটি লোক ইয়ালৈ আহি পবিত্ৰ স্নান কৰিছে। এইটো ভুল নেকি? সনাতন ধৰ্মৰ শক্তি মানুহে দেখিছে।
২৯ জানুৱাৰীত মহা কুম্ভত গা ধোৱাৰ সময়ত বহু লোকৰ মৃত্যু হৈছিল। এই সময়ছোৱাত মমতা বেনাৰ্জীয়ে মহাকুম্ভ সন্দৰ্ভত চৰকাৰৰ ব্যৱস্থাক লৈ প্ৰশ্ন উত্থাপন কৰি মৃত্যু কুম্ভ বুলি অভিহিত কৰিছিল। তেওঁ কৈছিল- এয়া মৃত্যুৰ কুম্ভ।
