বেঙেনা এবিধ পাচলি, বহুতে খাই ভাল পায় আৰু বহুতে খাই বেয়াও পায়। বেঙেনা আমাৰ স্বাস্থ্যৰ বাবে অতি উফকাৰী। সেইবাবেই বেঙেনাক আমাৰ দৈনন্দিন খাদ্য তালিকাত অন্তৰ্ভুক্ত কৰিব লাগে। বেঙেনা উপকাৰীতা বিষয়ে জানক-
বেঙেনা পুষ্টিকৰ উপাদানৰে ভৰপূৰ
বেঙেনাক পুষ্টিকৰ উপাদানৰ শক্তিঘৰ বুলি গণ্য কৰা হয়, ইয়াত কেলৰি অতি কম পোৱা যায়, লগতে ই ভিটামিন, আঁহ, মেগনেছিয়াম, নিয়াচিন আৰু মেগনেছিয়ামেৰে ভৰপূৰ৷ যিসকলে নিয়মিতভাৱে খায়, তেওঁলোকৰ স্বাস্থ্যৰ বাবে ভাল।
বেঙেনা এন্টিঅক্সিডেন্ট সমৃদ্ধ
বেঙেনাত এন্টিঅক্সিডেন্ট গুণ প্ৰচুৰ পৰিমাণে পোৱা যায়, যিয়ে আমাৰ শৰীৰক ফ্ৰী ৰেডিকেলৰ ফলত হোৱা ক্ষতিৰ পৰা ৰক্ষা কৰে আৰু বহুতো গুৰুতৰ ৰোগৰ সম্ভাৱনা হ্ৰাস কৰে।
হাৰ্ট এটেক প্ৰতিৰোধ
বেঙেনাত কেলৰি অতি কম থাকে, যাৰ ফলত ওজন আৰু কলেষ্টেৰল কমোৱাৰ লগতে হৃদযন্ত্র সুস্থ কৰি ৰখাত সহায় কৰে, যাৰ ফলত হাৰ্ট এটেক, হৃদযন্ত্ৰৰ বিকলতা, ক’ৰ’নাৰী ধমনী ৰোগ আৰু ট্ৰিপল ভেছেল ডিজিজৰ দৰে সংকটজনক ৰোগ প্ৰতিৰোধত সহায় কৰে।
ডায়েবেটিছত উপকাৰী
ডায়েবেটিছ ৰোগীয়ে খাদ্যত নিয়মীয়াকৈ বেঙেনা অন্তৰ্ভুক্ত কৰিব পাৰে , কাৰণ ই আঁহৰ সমৃদ্ধ উৎস। যাৰ ফলত হজম শক্তি উন্নত হয়। বেঙেনাই ব্লাড চুগাৰ নিয়ন্ত্ৰণ কৰাত সহায় কৰে।