কভিড দুৰ্যোগৰ ভয়াবহতাৰ মাজতেই আলি গাঁৱত সোমবাৰে ৰাতি ১১ মান বজাত এক ভয়ংকৰ অগ্নিকাণ্ড সংঘটিত হয়। জানিব পৰা মতে বৰপেটা জিলাৰ বাঘবৰ সমষ্টিৰ অন্তৰ্গত আলি গাওঁ এন চি ৰ আৰফান আলীৰ ঘৰত হঠাৎ জুই লাগি চাৰিটাকৈ বাসগৃহ নিমিষতে পুৰি ছাই হৈ যায়। এই অগ্নিকাণ্ডত নগদ ধনৰ লগত ধান, চাউল, বাদাম, পহুধনৰ লগতে গুৰুত্বপূৰ্ণ নথি পত্ৰ সম্পূৰ্ণৰূপে জুইত জাহ যায়। ৰন্ধা ঘৰৰ পৰাই এই জুইৰ সুত্ৰপাত হৈছে বুলি পৰিয়ালৰ লোকে সন্দেহ কৰিছে। এই অগ্নিকাণ্ডত পৰিয়ালটোৰ প্ৰায় তিনি লক্ষাধিক টকাৰ সা-সম্পদ জুইত জাহ যায়।
