সংযুক্ত ৰাষ্ট্ৰ মহাসভাই 2012 চনৰ আজিৰ দিনটোক আন্তঃৰাষ্ট্ৰীয় অৰণ্য দিৱস চমুকৈ আই ডি এফ হিচাপে ঘোষণা কৰে ৷ এই দিৱসত ৰাইজক বনজ সম্পদৰ মহত্ব, পৰিৱেশৰ ভাৰসাম্যতা ৰক্ষা আৰু খাদ্য সুৰক্ষাৰ ক্ষেত্ৰত তেওঁলোকৰ মহত্বপূৰ্ণ ভূমিকা সন্দৰ্ভত সজাগতা সৃষ্টিৰ প্ৰচেষ্টা কৰা হয় ৷প্ৰত্যেক আন্তঃৰাষ্ট্ৰীয় বন দিৱসত অৰণ্য আৰু গছ-গছনি ৰক্ষাৰ ক্ষেত্ৰত দেশৰ সৰ্বসাধাৰণ জনতাক বৃক্ষৰোপণ অভিযানৰ লগত জড়িত হৈ স্থানীয়, ৰাষ্ট্ৰীয় আৰু আন্তঃৰাষ্ট্ৰীয় প্ৰয়াস কৰিবলৈ উৎসাহিত কৰা হয় ৷ প্ৰত্যেক আন্তঃৰাষ্ট্ৰীয় অৰণ্য দিৱসৰ বাবে থিম সমূহক অৰণ্যত সহযোগিতামূলক অংশীদাৰৰ যোগেদি নিৰ্বাচিত কৰা হয় ৷
উল্লেখযোগ্য যে, পৃথিৱীৰ মুঠ মাটিকালিৰ এক তৃতীয়াংশ অঞ্চল অৰণ্যই আগুৰি আছে ৷ এই অৰণ্যভূমিয়েই পৃথিৱীৰ গোলকীয় উষ্ণতা নিয়ন্ত্ৰণ কৰি ভাৰসাম্য ৰক্ষাত অৱদান আগবঢ়াই আহিছে ৷ উদ্বেগজনক বিষয় এই যে, প্ৰতি বছৰে প্ৰায় 32 মিলিয়ন মাটিকালিৰ বনজ সম্পদ ধ্বংস হয় ৷ যাৰ ফলত অক্সিজেন উৎপাদনৰ ক্ষমতা হ্ৰাস হৈ গৈ আছে ৷