Mayajal The Illusion: গুৱাহাটী প্ৰেছ ক্লাৱত পালে অসীমা চিনে প্ৰডাক্‌চনৰ অসমীয়া চুটি ছবি মায়াজাল-দ্যা ইলুচনৰ শুভমুক্তি

অসীমা চিনে প্ৰডাক্‌চনৰ বেনাৰত নিৰ্মিত (Mayajal The Illusion) এখন অসমীয়া চুটি ছবি ‘মায়াজাল-দ্যা ইলুচনে” ২৯ জুনত শুভমুক্তি লাভ কৰিলে৷ @melodyvoice7914 ইউটিউব চেনেলযোগে চুটি ছবিখনৰ শুভমুক্তি দিয়া হয়৷এই উপলক্ষে আজি ২৯জুন দেওবাৰে গুৱাহাটী প্ৰেছ ক্লাৱত পুৱা ১১ বজাত এক অনুষ্ঠানৰ আয়োজন কৰা হয়৷চুটি ছবিখনৰ প্ৰযোজক কুশান চৌধুৰী৷মুখ্য পৃষ্ঠপোষক হিচাপে আছে ৰেণু চৌধুৰী৷চুটি ছবিখনৰ পৰিচালনা সোনাল হাজৰিকাৰ৷কাহিনী আৰু সহযোগী পৰিচালনা ধ্ৰুৱজ্যোতি কাশ্যপৰ৷আৱহ সংগীত অহিৰ ভৈৰৱৰ৷

ছবিখনৰ লাইন প্ৰযোজক আৰু মুখ্য কাৰ্যবাহী পৰিচালক হিচাপে আছে ইন্দ্ৰ প্ৰসাদ বৰা৷মায়াজালত অভিনয় কৰিছে সৌৰভ জ্যোতি বৰা,ৰাগিনী শৰ্মা, জিতুল ভৰালী,নয়নমনি বৰা,ৰাজদ্বীপ বৰা,ত্ৰিদীপ দাস, আকাশ ,গীতাৰ্থ দাস,জ্যোতিৰ্ময় শৰ্মা আদিয়ে৷চুটি ছবিখনৰ কেমেৰাৰ কাম কৰিছে পৃথ্বীৰাজ দত্তই৷কালাৰ গ্ৰেডিং বিৰিঞ্চি কুমাৰ গগৈৰ৷সম্পাদনা কৰিছে জিতেন বৰাই৷ ৰূপসজ্জা লভিতা কলিতা আৰু মিলনৰ৷ইংৰাজী উপ-শীৰ্ষক ভায়ো’লিনা বিএম ভাৰতীৰ৷ডাবিং কণ্ঠ পম্পী বৰা আৰু ৰাজেন ফুকনৰ৷

চুটি ছবিখনৰ শুভমুক্তিৰ এই অনুষ্ঠানত আদৰণী ভাষণ আগবঢ়ায় প্ৰযোজক কুশান চৌধুৰীয়ে৷অনুষ্ঠানত যশস্বী সংগীত শিল্পী ড° অনিমা চৌধুৰী,স্বনামধন্য শিল্পী সমৰ হাজৰিকা,চলচ্চিত্ৰ পৰিচালক তথা আকাশবাণী গুৱাহাটী কেন্দ্ৰৰ অৱসৰপ্ৰাপ্ত সঞ্চালক অৱনী ৰঞ্জন পাঠক,বিশিষ্ট অভিনেত্ৰী চেতনা দাস,অসম কৃষি বিশ্ববিদ্যালয়ৰ মুখ্য বিজ্ঞানী ড° শৰৎ শইকীয়া,বিধায়ক দিগন্ত কলিতা বিশিষ্ট অতিথি হিচাপে উপস্থিত থকাৰ লগতে দ্যা আছাম ৰাইজিং কাকতৰ কাৰ্যবাহী সম্পাদক দুলাল মিশ্ৰ প্ৰমুখ্যে সংবাদ মাধ্যমৰ কেইবাগৰাকী ব্যক্তি সন্মানীয় অতিথি হিচাপে উপস্থিত থাকে৷


উল্লেখযোগ্য যে অসমীয়া চলচ্চিত্ৰ,তথ্যচিত্ৰ,সংগীত ভিডিঅ’ আৰু দূৰদৰ্শনৰ অনুষ্ঠান নিৰ্মাতা অসীমা চিনে প্ৰডাক্‌চনে বিগত চাৰিবছৰ ধৰি অসমৰ সাংস্কৃতিক জগতত বহু কাম কৰি আহিছে৷ অসীমা চিনে প্ৰডাক্‌চনৰ মুখ্য পৰিচালন সঞ্চালক হিচাপে আছে অসীমা চৌধুৰী৷বৰ্তমান যুৱ সমাজখন যি ধৰণৰে স্খলিত হ’বলৈ ধৰিছে তাৰ প্ৰতি লক্ষ্য ৰাখি সামাজিক দায়বদ্ধতাক বাস্তৱমুখী চিন্তাধাৰাৰে উপস্থাপন কৰিবলৈ মায়াজাল-দ্যা ইলুচন শীৰ্ষক এখনি চুটি ছবি অসমীয়া ভাষাত নিৰ্মাণ কৰিছে৷উক্ত চুটি ছবিখনে ‘বাৰ্লিন মোচন পিকচাৰ বঁটা’, ‘ষ্টাৰলিং আন্তঃৰাষ্ট্ৰীয় চলচ্চিত্ৰ বঁটা’ ,’ৱৰ্ল্ড ফিল্ম কাৰ্নিভেল ছিংগাপুৰ বঁটা’, ‘জয়সালমাৰ আন্তৰাষ্ট্ৰীয় চলচ্চিত্ৰ বঁটা’,’পশ্চিমবঙ্গ চুটি ছবি মহোৎসৱ বঁটা’ ,’টেগ’ৰ আন্তৰাষ্ট্ৰীয় চলচ্চিত্ৰ মহোৎসৱ বঁটা’,’সত্যজিৎ ৰায় ইন্দিপেন্দেণ্ট চলচ্চিত্ৰ বঁটা’ আৰু ‘আন্তঃৰাষ্ট্ৰীয় ষ্টাৰ চলচ্চিত্ৰ মহোৎসৱ আদিকে ধৰি বহু কেইটা ৰাষ্ট্ৰীয় আৰু আন্তঃৰাষ্ট্ৰীয় বঁটা লাভ কৰিবলৈ সক্ষম হৈছে৷ দেওবাৰৰ অনুষ্ঠানটোত অসীমা চিনে প্ৰডাক্‌চনৰ কৰ্মকৰ্তা সকলৰ লগতে ভালেসংখ্যক গণ্য মান্য ব্যক্তি উপস্থিত থাকে৷

Related Articles