২৬ ফেব্ৰুৱাৰীত চৰাইদেউ জিলালৈ মন্ত্ৰী ড° হিমন্ত বিশ্ব শৰ্মা

অহা ২৬ ফেব্ৰুৱাৰীত অসম চৰকাৰৰ বিত্ত, স্বাস্থ্য,শিক্ষা আৰু লোক নিৰ্মাণ বিভাগৰ মন্ত্ৰী ড° হিমন্ত বিশ্ব শৰ্মাই কেইবাটাও চৰকাৰী কাৰ্যসূচী লৈ চৰাইদেউ জিলালৈ আহিব । সেইদিনা মন্ত্ৰী গৰাকীয়ে জিলাখনৰ সদৰ সোণাৰি নগৰৰ সমীপৱৰ্তী  ৰজাপুখুৰীত স্থাপন হবলগীয়া চৰাইদেউ চিকিৎসা মহাবিদ্যালয়ৰ ভূমি পূজন কৰাৰ লগতে মাহমৰাৰ দিচাং নদীৰ ওপৰত ভজো আৰু দিচাংপানীত নিৰ্মাণ হবলগীয়া পকী দলং দুখন আধাৰশিলা স্থাপন আৰু অসম দৰ্শন আঁচনিৰ অধীনত নিৰ্মাণ হবলগীয়া ঐতিহাসিক নাহৰ আলি আধাৰশিলা স্থাপন কৰি কামৰ শুভাৰম্ভ কৰিব ।