‘‘ভূপেন বৰাই নিজৰ সমষ্টিত নিৰ্বাচন থাকিলে ধুবুৰীত খোজ কাঢ়ে। ভাৰত জোড়ো নে ভাৰত তোড়ো কি কৰিছে তেওঁলোকেহে জানে। মিঞাৰ মাজত খোজ কাঢ়িছে। খিলঞ্জীয়াৰ মাজত খোজ কঢ়াৰ সাহস নাই। ভীম বৰ দেউৰীৰ হৈ কি কৰিলে, তাৰ উত্তৰ দিব নোৱাৰাৰ বাবেই ধুবুৰীত খোজ কাঢ়িছে।’’ – এই মন্তব্য মন্ত্ৰী জয়ন্ত মল্ল বৰুৱাৰ।
মন্ত্ৰীগৰাকীয়ে কয়, জিলা এখনলৈ যাওঁতে য’ত সন্দেহযুক্ত নাগৰিক থাকে তালৈহে যায়। মিয়া মিউজিয়াম বনালেও মনে মনে থাকিবলগীয়া হ’ল। কংগ্ৰেছ এতিয়া ৪ নম্বৰ দল। হয়তো এদিন নাইকিয়া হ’ব।
AIUDF দলৰ জন্ম কংগ্ৰেছৰ পৰাই বুলিও মন্তব্য কৰে মন্ত্ৰীগৰাকীয়ে। ইফালে, মিঞাৰ ষড়যন্ত্ৰ বুজি নাপালে খিলঞ্জীয়াৰ বাবে বিপদ হ’ব বুলি মন্তব্য কৰি জয়ন্ত মল্ল বৰুৱাই কয়, আগ্ৰাসনকাৰীৰ কোনো সংস্কৃতি নাথাকে।
