যদি আপুনি ম’মো খাই শৰীৰ ফিট ৰাখিব বিচাৰে, (Momos)তেন্তে ৱৰ্কআউট কৰাটো প্ৰয়োজনীয়। তৃপ্তি ডিমৰিৰ ফিটনেছ ভিডিঅ’ৰ পৰা মটিভেচন লাভ কৰিব পাৰিব।
গৰম মমোৰ সোৱাদে মানুহক আকৰ্ষণ কৰে। সোৱাদযুক্ত ষ্টাফিং আৰু টেঙা চাটনিৰ সৈতে পৰিবেশন কৰা ম’মোৰ প্লেট এখনে ফিটনেছৰ প্ৰতি সচেতন এজনকো খাবলৈ ইচ্ছা জগাই তুলিব পাৰে। স্বাস্থ্য সচেতন বলীউডৰ তাৰকাইও মম’ খাই। কিন্তু প্ৰতিটো মম’ৱে আপোনাৰ স্বাস্থ্যত নেতিবাচক প্ৰভাৱ পেলাব পাৰে।
শেহতীয়াকৈ অভিনেত্ৰী তৃপ্তি ডিমৰিয়ে তেওঁৰ ৱৰ্কআউটৰ এটা ভিডিঅ’ শ্বেয়াৰ কৰিছে, যিটো ম’মো প্ৰেমীৰ বাবে উপকাৰী হ’ব। এই ভিডিঅ’টোত তেওঁ দেখুৱাইছে যে ম’মো খোৱাৰ পিছত শৰীৰত সৃষ্টি হোৱা কেলৰি নাইকিয়া কৰিবলৈ কিমান ৱৰ্কআউট কৰিব লাগে।
মম’ ৰিফাইন আটাৰে তৈয়াৰ কৰা হয়, যাৰ বাবে ই স্বাস্থ্যৰ বাবে বিপদজনক হৈ পৰে। প্ৰচুৰ পৰিমাণে মম’ খালে ওজন বৃদ্ধি পায় আৰু মেদবহুল হোৱাৰ সম্ভাৱনা থাকে। কেৱল এয়াই নহয়, হৃদৰোগ, ডায়েবেটিছ, ৰক্তচাপ আদি বিপজ্জনক ৰোগৰ সম্ভাৱনাও বৃদ্ধি কৰে।
কেৱল ওজনেই নহয়, ম’মো বেছি খালে বদহজম, গেছ, পেট ফুলাৰ দৰে সমস্যাৰ সৃষ্টি কৰিব পাৰে। এই সমস্যাবোৰে দৈনন্দিন জীৱনত প্ৰভাৱ পেলায়, সেয়েহে যিমান পাৰি কমকৈ ম’মো খাব লাগে।