মৰাণৰ ৰাজপথত যুঁজাৰু বিমান।
যুঁজাৰু বিমানৰ অনুশীলন মৰাণৰ ৰাজপথত।
মৰাণৰ ৰাষ্ট্ৰীয় ঘাইপথত ৰাফেল, ছুখয়; মিৰাজ।
মৰাণৰ ৰাষ্ট্ৰীয় ঘাইপথত ৰাফেল, ছুখয়; মিৰাজকে ধৰি ১৬খনকৈ যুদ্ধ বিমানে প্ৰদৰ্শন কৰিব এয়াৰ শ্ব’।
১৪ ফেব্ৰুৱাৰীত মৰাণৰ ৰাজপথত অৱতৰণ কৰিব প্ৰধানমন্ত্ৰী নৰেন্দ্ৰ মোদীৰ বিমানে।
১৪ ফেব্ৰুৱাৰী শনিবাৰে মৰাণত দেশৰ প্ৰধানমন্ত্ৰী নৰেন্দ্ৰ মোদীয়ে এক ঐতিহাসিক অধ্যায়ৰ সূচনা কৰিব, য’ত তেওঁ প্ৰথমবাৰৰ বাবে অসমৰ এক ৰাষ্ট্ৰীয় ঘাইপথত নিৰ্মিত বিশেষ বিমান অৱতৰণ কেন্দ্ৰ (Highway Landing Strip) ব্যৱহাৰ কৰিব।
জানিব পৰা মতে প্ৰধানমন্ত্ৰী নৰেন্দ্ৰ মোদীয়ে প্ৰথমে চাবুৱা বায়ুসেনা ঘাটিত অৱতৰণ কৰি তাৰ পৰা মৰাণলৈ ৰাওনা হ’ব আৰু তাৰ পাছত সেই বিশেষ ঘাইপথতে বিমান নমাই এক বিৰল অভিলেখ গঢ়িব।
এই কাৰ্যসূচীত ভাৰতীয় বায়ুসেনাৰ যুদ্ধ বিমানৰ দ্বাৰা এক আকৰ্ষণীয় ফ্লাইপাষ্ট আৰু অৱতৰণ প্ৰদৰ্শনীও অনুষ্ঠিত হ’ব, যিয়ে দেশৰ প্ৰতিৰক্ষা সক্ষমতা আৰু জৰুৰীকালীন আন্তঃগাঁথনিৰ শক্তি প্ৰদৰ্শন কৰিব।
এই সমগ্ৰ প্ৰক্ৰিয়াৰ অন্তত প্ৰধানমন্ত্ৰী মোদীয়ে একেখন ঘাইপথৰ ৰানৱে’ৰ পৰাই C-130 সামৰিক বিমানযোগে গুৱাহাটীলৈ উভতি যাব।
মৰাণৰ এই বিশেষ কাৰ্যসূচীয়ে কেৱল কৌশলগত গুৰুত্বই নহয়, বৰঞ্চ দুৰ্যোগ ব্যৱস্থাপনা আৰু ৰাষ্ট্ৰীয় সুৰক্ষাৰ ক্ষেত্ৰত ভাৰতৰ বৰ্ধিত শক্তিৰ এক বলিষ্ঠ নিদৰ্শন দাঙি ধৰিব।
