দৰিদ্ৰতা ব্যাধি হ’ব নোৱাৰে, তাৰেই প্ৰমান কৰিলে দৰং জিলাৰ গংগাপুখুৰী গাঁৱৰ মৌচুমী মাধুৰী ডেকাই৷ অর্থনৈতিক ভাৱে সংকট থকা স্বত্তেও আজি গাঁৱখনৰ বাবে এক উজ্জল নক্ষত্ৰ৷ ইয়াকে প্ৰমাণ কৰি দেখুৱালে সদ্য ঘোষিত উচ্চতৰ মাধ্যমিক বিজ্ঞান শাখাৰ চূড়ান্ত পৰীক্ষাৰ ফলাফলত মৌচুমী মাধুৰী ডেকাই। দৰং জিলাৰ ছিপাঝাৰ থানাৰ অন্তর্গত গংগাপুখুৰীৰ গাঁৱৰ নিৱাসী ক্ষুদ্ৰ ব্যৱসায়ী গিৰিধৰ ডেকা আৰু বিজয়া ডেকাৰ একমাত্ৰ জিয়ৰী মৈচুমী মাধুৰী ডেকাই মঙলদৈস্থিত জ্ঞান সাগৰ একাডেমীৰ পৰা অৱতীৰ্ণ হৈ ৮৪.৬০ শতাংশ নম্বৰ লাভ কৰিবলৈ সক্ষম হৈছে।
ঘোষিত ফলাফল অনুসৰি মৌচুমী মাধুৰী ডেকাই অসমীয়াত ৮৮ কেমেষ্টিত ৮৭, বায়লজীত ৮৫ আৰু ফিজিক্সত ৭৯ নম্বৰ লাভ কৰিবলৈ সক্ষম হয়। মঙলদৈস্থিত জ্ঞান সাগৰ একাডেমীৰ ভিতৰত দ্বিতীয় স্থান লাভ কৰিবলৈ সক্ষম হোৱা মৌচুমী মাধুৰী ডেকাই ভৱিষ্যতে এগৰাকী সু চিকিৎসক হোৱাৰ লক্ষ্যৰে দৈনিক ৭-৮ ঘণ্টা অধ্যয়ন কৰিছিল। উল্লেখ্য যে হাইস্কুল শিক্ষান্ত পৰীক্ষাতো মৌচুমী মাধুৰী ডেকাই জৱাহৰ নবোদয় বিদ্যালয়ৰ পৰা সৰ্বোচ্ছ নম্বৰ লৈ ডিষ্টিংচন লাভ কৰাৰ লগতে ছাত্ৰী গৰাকী সত্ৰীয়া নৃত্য আৰু বিভিন্ন কৃষ্টি সংষ্কৃিতিৰ সৈতে জড়িত৷ মৌচুমী মাধুৰী ডেকাৰ এনে সাফল্যৰ বাবে শ্ৰীমন্ত শংকৰদেৱ সংঘ বুঢ়াখাট প্ৰাথমিক শাখা, জনসংঘ পুথিভড়াল নিজসৰাবাৰীয়ে এগৰাকী মানৱ সম্পদ গঢ়াৰ বাবে শুভেচ্ছা জ্ঞাপন কৰে৷
