সমগ্ৰ ৰাজ্যৰ লগতে নলবাৰী জিলাৰ মুকালমুৱাতো মিছন বসুন্ধৰা ৩.০ৰ জৰিয়তে ভূমিপট্টা প্ৰদান অনুষ্ঠান অনুষ্ঠিত হয়। বৰক্ষেত্ৰী মহাবিদ্যালয়ৰ প্ৰেক্ষাগৃহত অনুষ্ঠিত হোৱা ভূমিপট্টা বিতৰণ অনুষ্ঠানটোত নৱগঠিত ৩৮ নং বৰক্ষেত্ৰী বিধানসভা সমষ্টিৰ ২২৪ টা ৰাজহুৱা অনুষ্ঠানৰ লগতে ১৫ টা ভূমিহীন খিলঞ্জীয়া পৰিয়ালক আনুষ্ঠানিকভাৱে ভূমিপট্টা প্ৰদান কৰা হয়। বৰক্ষেত্ৰীৰ গুৰত্বপূৰ্ণ অনুষ্ঠান ভাংনামাৰী আৰক্ষী থানা, বৰক্ষেত্ৰী মহাবিদ্যালয়, শংকৰদেৱ নামঘৰ, মৰোৱা, বৰতলা গাঁও উন্নয়ন সমিতিকে ধৰি বৰক্ষেত্ৰী সমষ্টিৰ ২২৪ টা ৰাজহুৱা অনুষ্ঠানলৈ আজি ভূমি পট্টা বিতৰণ কৰে।
ভূমিপট্টা বিতৰণ কাৰ্যসূচীৰ শুভাৰম্ভ কৰে বৰক্ষেত্ৰী সমষ্টিৰ প্ৰাক্তন বিধায়ক তথা বৰ্তমানৰ জিএমডিএৰ অধ্যক্ষ নাৰায়ণ ডেকাই। লগতে এই কাৰ্যসূচীত উপস্থিত থাকে নলবাৰী জিলাৰ অতিৰিক্ত আয়ুক্ত, বৰক্ষেত্ৰী ৰাজহ চক্ৰ বিষয়া কৌস্তভমনি ৰয়, নলবাৰী জিলা পৰিষদৰ অধ্যক্ষা গিতুমনি বৈশ্য আৰু বৰক্ষেত্ৰী ৰাজহ চক্ৰ কাৰ্যালয়ৰ বিষয়া-কৰ্মচাৰীসকলৰ লগতে ১৫টা ভূমিহীন পৰিয়ালৰ সদস্যসকল।
ভূমিপট্টা লাভ কৰি আনন্দত উৎফুল্লিত হৈ মুখ্যমন্ত্ৰীক ধন্যবাদ জ্ঞাপন কৰে ভূমি পট্টা লাভ কৰা ৰাজহুৱা অনুষ্ঠানৰ কমিটিৰ বিষয়ববীয়া সকলৰ লগতে ভূমিহীন পৰিয়ালৰ লোকসকলে। এই অনুষ্ঠানৰ জৰিয়তে বহু পৰিয়ালৰ দীৰ্ঘদিনীয়া আশা পূৰণ হোৱাৰ লগতে স্থায়ী ঠিকনাৰ অধিকাৰ লাভ কৰি নতুন জীৱনৰ দিশে আগবাঢ়ি যাবলৈ সক্ষম হৈছে উপকৃত লোকসকল।
