আইনী প্ৰক্ৰিয়াৰে পত্নীক বিদায়(Mukalmua News)জনাই মুকালমুৱাৰ বৰলিয়াৰপাৰৰ এগৰাকী স্বামীৰ বাল্টিয়ে বাল্টিয়ে গাখীৰেৰে গা ধুই আনন্দ উল্লাহ। আনন্দত মতলীয়া স্বামীয়ে ক’লে আজিৰ পৰা মই মুক্ত।
এবাৰ এবাৰকৈ দুবাৰ পৰকীয় প্ৰেমত পৰি পলাই গৈছিল পত্নী। পৰকীয় প্ৰেমৰ ঘটনা দিনক দিনে বৃদ্ধি পাইছে এইখন অসমত।এইবাৰ মুকালমুৱাৰ বৰলিয়াৰপাৰত ঘটিছে এক আজৱ ঘটনা। পত্নীৰ সৈতে বিবাহ বিচ্ছেদ হোৱাৰ আনন্দ উল্লাহ এজন স্বামীৰ। এবাৰ এবাৰকৈ দুবাৰ পৰকীয় প্ৰেমিকৰে পলাই যোৱা পত্নীক বাধা দি ৰাখিব নোৱাৰি অৱশেষত আইনীভাৱে বিবাহ বিচ্ছেদৰ সকলো কাম সম্পন্ন কৰাই আনন্দত মতলীয়া স্বামী মানিক আলী।
বাল্টিয়ে বাল্টিয়ে গাখীৰ লৈ গা ধুই মুক্ত মনেৰে কেমেৰাৰ সন্মুখত কলে “আজিৰ পৰা মই মুক্ত।” চাৰিটা বাল্টিত ৪০ লিটাৰ গাখীৰ লৈ গা ধুই আনন্দ প্ৰকাশ কৰিলে স্বামী মানিক আলীয়ে। এই ঘটনা সংঘটিত হৈছে মুকালমুৱা আৰক্ষী থানাৰ অন্তৰ্গত বৰলিয়াপাৰত। স্বামীৰ ভাস্য অনুসৰি, পত্নীয়ে অন্য পুৰুষৰ সৈতে বাৰে বাৰে পৰকীয় প্ৰেমিকৰে পলাই গৈ থাকে। পত্নীক বাধা দি ৰাখিব নোৱাৰে মানিক আলীয়ে । কিন্তু মানিক আলীয়ে কন্যা সন্তান এটি থকাৰ বাবে বাৰে বাৰে পত্নীৰ সকলো ভূল ক্ষমা কৰি আকোঁৱালি লৈ আহিছিল যদিও পত্নীয়ে সেই একে ভূলে বাৰে বাৰে কৰি আহিছিল। যাৰ বাবে দুয়ো দুয়োৰে ভূলৰ বাবে আইনৰ কাষ চাপিবলগীয়া হৈছিল আৰু অৱশেষত আইনী প্ৰক্ৰিয়াৰে দুয়োৰে বিবাহ বিচ্ছেদ হয়। বিবাহ বিচ্ছেদৰ আনন্দত স্বামীয়ে ৪০ লিটাৰ গাখীৰে গাই ধুই নিজকে আমাৰ কেমেৰাৰ আগত ক’লে আজিৰ পৰা মই মুক্ত।
