২০২৫-২০২৬ নাট্যবৰ্ষৰ বাবে নন্দিনী (Nandini Kashyap) কাশ্যপৰ সৈতে ৰাজধানী থিয়েটাৰ কৰ্তৃপক্ষই বাতিল কৰিলে চুক্তি। এই কথা ৰাজধানী থিয়েটাৰ কৰ্তৃপক্ষই সামাজিক মাধ্যমত আনুষ্ঠানিকভাৱে ঘোষণা কৰিলে। সামাজিক মাধ্যমত ৰাজধানী থিয়েটাৰ কৰ্তৃপক্ষই উল্লেখ কৰে যে মেধাৱী ছাত্ৰ ছামিউল হকৰ অকাল মৃত্যুত তেখেতৰ পৱিত্ৰ আত্মাৰ চিৰশান্তি কামনা কৰিলো লগতে শোকসন্তপ্ত পৰিয়ালবৰ্গলৈ সমবেদনা জ্ঞাপন কৰিলো
ৰাইজেই ৰজা……ৰাইজৰ পক্ষত ৰাজধানী থিয়েটাৰ সদায় আছো… অসমবাসী ৰাইজৰ মতামতক সন্মান জনাই ২০২৫-২৬ নাট্যবৰ্ষত ৰাজধানী থিয়েটাৰৰ সৈতে চুক্তিবদ্ধ হোৱা অভিনেত্ৰী নন্দিনী কাশ্যপৰ চুক্তি বাতিল কৰিলো বুলি ৰাজধানী থিয়েটাৰ কৰ্তৃপক্ষই আজি আনুষ্ঠানিক ভাৱে ঘোষণা কৰিলো
( বি:দ্ৰ: অভিনেত্ৰী নন্দিনী কাশ্যপ দুবছৰৰ বাবে চুক্তিবদ্ধ হোৱা নাছিল,কেৱল ২০২৫-২৬ নাট্যবৰ্ষৰ বাবেহে ৰাজধানী থিয়েটাৰৰ সৈতে চুক্তি কৰা হৈছিল নন্দিনী কাশ্যপক)
পুনৰ উল্লেখ কৰিছো ৰাইজৰ পক্ষত ৰাজধানী থিয়েটাৰ সদায় আছো আৰু থাকিম……
সদৌশেষত ৰাজধানী থিয়েটাৰৰ তৰফৰ পৰাও আইনৰ ওপৰত ভৰষা ৰাখি উচিত তদন্তৰ আশা কৰিলো।
