এইবাৰ শিক্ষক দিৱসৰ দিনা সমগ্ৰ (National Teacher Awards 2025) দেশৰ মুঠ ৬৬ গৰাকী শিক্ষক, বিশেষকৈ ৪৫ গৰাকী বিদ্যালয়ৰ শিক্ষক আৰু ২১ গৰাকী উচ্চ শিক্ষাৰে জড়িত শিক্ষকক শিক্ষাৰ ক্ষেত্ৰখনলৈ আগবঢ়োৱা অনবদ্য অৱদানৰ বাবে ২০২৫ চনৰ ৰাষ্ট্ৰীয় শিক্ষক বঁটা প্ৰদান কৰা হ’ব। ইয়াৰে দুগৰাকী উচ্চ শিক্ষা বিভাগৰ, আনহাতে বিদ্যালয় শিক্ষা তথা সাক্ষৰতা বিভাগৰ ৭ গৰাকী আৰু অসমৰ শ্ৰীযুত দেৱজিৎ ঘোষকে ধৰি উত্তৰ-পূব অঞ্চলক মুঠ নগৰাকী শিক্ষকে প্ৰতিনিধিত্ব কৰিব।অসম–অৰুণাচল সীমান্তৰ সুদূৰ নামছাং চাহ বাগিচাৰ পৰা শ্ৰী ঘোষে শিক্ষাৰ প্ৰসাৰৰ ক্ষেত্ৰত আশাৰ ৰেঙণি কঢ়িয়াই আনিছে। তেওঁ নামছাং টি ই মডেল স্কুলৰ ছাত্ৰ-ছাত্ৰীৰ জীৱনক ইতিবাচক ৰূপত ৰূপান্তৰিত কৰিবলৈ সক্ষম হৈছে । ২০২৩ চনৰ জুন মাহত ভিএছএছই এছএচি আৰু ইছৰোৰ সহযোগত এক উদ্ভাৱনীমূলক বিজ্ঞান প্ৰদৰ্শনীৰ আয়োজন কৰি তেওঁ মানুহৰ মনত কৌতুহলৰ সৃষ্টি কৰিছিল আৰু এনেদৰে তেওঁ বিদ্যালয়ত অনুপস্থিতিৰ হাৰ হ্ৰাস কৰিছিল।
তেওঁ প্ৰমাণ কৰিছিল যে শিক্ষণৰ প্ৰতি থকা প্ৰেম অতি প্ৰত্যাহ্বানজনক পৰিৱেশতো জগাই তুলিব পাৰি । এনেদৰে লক্ষ্য নিৰ্ধাৰিত পথেৰে কাম কৰি তেওঁ পিএম-পোষণ কাৰ্যসূচীত সেউজীয়া শাক-পাচলি আৰু পৰিপূৰক প্ৰৱৰ্তন কৰিছিল, যিয়ে ১৬৫টা শিশুৰ হিম’গ্লবিনৰ মাত্ৰা সফলতাৰে উন্নত কৰাত সহায় কৰিছিল। চাহ বাগিচাৰ সমাজত, য’ত পুষ্টিহীনতাই শিশুক প্ৰায়ে স্কুলৰ পৰা বাহিৰ হৈ যাবলৈ বাধ্য কৰে, তাত সেয়া আছিল জীৱন সলনি কৰা পদক্ষেপ। তেওঁৰ এনে পদক্ষেপে শিক্ষাৰ ধাৰাবাহিকতা নিশ্চিত কৰিছিল।তেওঁৰ নেতৃত্বতে বিদ্যালয় খনৰ এইচ এছ এল চিৰ ফলাফল ৭৮%ৰ পৰা ৯০%লৈ উন্নত হৈছিল। তদুপৰি তেওঁৰ ছাত্ৰ-ছাত্ৰীসকলে এতিয়া আত্মবিশ্বাসেৰে ক্ৰীড়া তথা সাংস্কৃতিক প্ৰতিযোগিতাসমূহতো অংশগ্ৰহণ কৰি আহিব পাৰিছে। শৈক্ষিক উৎকৰ্ষতা, শাৰীৰিক সুস্থতা আৰু আৱেগিক সুস্থতাৰ বিষয়ত তেওঁৰ মনোনিৱেশে বিদ্যালয়খনক সামগ্ৰিক বিকাশৰ বাবে এক কেন্দ্ৰলৈ ৰূপান্তৰিত কৰিছে।ৰাষ্ট্ৰীয় সন্মান লাভ কৰি ঘোষ ডাঙৰীয়াই ৰাষ্ট্ৰীয় উদযাপনৰ অংশ হোৱাৰ সুযোগ পোৱাৰ বাবে মাননীয় প্ৰধানমন্ত্ৰী ডাঙৰীয়াৰ প্ৰতি আন্তৰিক কৃতজ্ঞতা প্ৰকাশ কৰিছে।
তেওঁ কয়- ‘অসম–অৰুণাচল সীমান্তৰ নামছাং চাহ বাগিচাৰ এখন বিদ্যালয়ৰ পৰা আৰম্ভ কৰি এই জাতীয় মঞ্চলৈকে যাব পৰাটো সঁচাকৈয়ে ই এক সৌভাগ্যৰ কথা।’ তেওঁ আৰ্হি বিদ্যালয়সমূহত শাৰীৰিক প্ৰশিক্ষকৰ জৰুৰী প্ৰয়োজনীয়তাৰ বিষয়তো আলোকপাত কৰে, ক্ৰীড়া আৰু শাৰীৰিক কাৰ্য্যকলাপত অংশগ্ৰহণ কৰিবলৈ ছাত্ৰ-ছাত্ৰীসকলৰ উৎসাহৰ কথা উল্লেখ কৰে। এখন দূৰৈৰ চাহ বাগিচাৰ বিদ্যালয়ৰ পৰা ৰাষ্ট্ৰীয় মঞ্চলৈ দেৱজিত ঘোষৰ যাত্ৰা নিষ্ঠা তথা দূৰদৰ্শী শক্তিৰেই প্ৰমাণ হিচাবে বিবেচিত হৈছে। শ্ৰী ঘোষৰ উপৰি উত্তৰ-পূব ভাৰতৰ তলত উল্লেখ কৰা শিক্ষকসকলেও এইবাৰ বঁটা লাভ কৰিছে- শ্ৰীমতী নাং একথানি মৌংলাং, চৰকাৰী ছেকেণ্ডাৰী স্কুল পাচিন, পাপুম পাৰে, অৰুণাচল প্ৰদেশ, শ্ৰীমতী পেলেনো পেটেনিলহু, জন চৰকাৰী উচ্চতৰ মাধ্যমিক বিদ্যালয় , বিশ্বেমা, কোহিমা, নাগালেণ্ড,শ্ৰীমতী কইজাম মাচাছানা, ঘাৰী উচ্চ প্ৰাথমিক বিদ্যালয়, ইম্ফল পশ্চিম, মণিপুৰ. শ্ৰী কৰ্ম টেম্পো এথেনপা, পি এম শ্ৰী মংগন এছ এছ এছ, মংগন, ছিকিম, হেইপৰ ইউনি বাং, কে.বি মেম’ৰিয়েল ছেকেণ্ডাৰী স্কুল ৱাপুং, পূব জয়ন্তীয়া হিলছ, মেঘালয়,শ্ৰীমতী বিদিশা মজুমদাৰ, হৰিয়ানন্দ ইংৰাজী মাধ্যম উচ্চতৰ মাধ্যমিক বিদ্যালয়, গোমাটি, ত্ৰিপুৰা,প্ৰশান্ত কুমাৰ সাহা, ৰাজীৱ গান্ধী বিশ্ববিদ্যালয়, পাপুম পাৰে, অৰুণাচল প্ৰদেশ,জোৰামদিনথাৰা, মিজোৰাম বিশ্ববিদ্যালয়, মিজোৰ
