শীতকালত শুকান ফল সঘনাই খোৱাটো বাঞ্ছনীয়, যিহেতু কাজু, আখৰোট, আলমণ্ড আৰু বাদামৰ দৰে শুকান ফলৰ গৰম প্ৰকৃতি থাকে, সেয়েহে শীতকালত নিয়মিতভাৱে খোৱাটো বাঞ্ছনীয়। কিন্তু ঠাণ্ডা বতৰত যদি আমি অত্যাধিক শুকান ফল খোৱাৰ ফলত বহু ধৰণৰ ক্ষতি হ’ব পাৰে। শীতকালত কিয় বেছিকৈ শুকান ফল খাব নালাগে জানো আহক-
১/ উচ্চ কেলৰিযুক্ত খাদ্য শুকান ফলত স্বাস্থ্যকৰ চৰ্বি পোৱা যায় যদিও ইয়াত কেলৰিৰ পৰিমাণ অতি বেছি। সীমিত পৰিমাণতকৈ বেছিকৈ খালে ওজন বৃদ্ধিৰ আশংকা থাকিব। বিশেষকৈ ওজন কমাবলৈ চেষ্টা কৰা লোকসকলে নিশ্চিতভাৱে ডায়েটিচিয়ানৰ পৰামৰ্শ ল’ব লাগে।
২/ শুকান ফলত অধিক পৰিমাণে প্ৰাকৃতিক চেনি থাকে, যেনে কিচমিচ আৰু খেজুৰ। এইবোৰ প্ৰচুৰ পৰিমাণে খালে চেনিৰ মাত্ৰা বৃদ্ধি পাব পাৰে। যদিও ডায়েবেটিছ ৰোগীয়ে ইয়াক খাব পাৰে, তথাপিও সাৱধান হোৱাটো অতি প্ৰয়োজনীয়, নহ’লে তেওঁলোকৰ স্বাস্থ্যৰ অৱনতি ঘটিব পাৰে।
৩/ পেটৰ সমস্যা শুকান ফলত অধিক আঁহ থাকে, যিটো বেছিভাগ মানুহৰে বাবে ভাল, কিন্তু কিছুমান মানুহৰ বাবে ই পেটৰ সমস্যাৰ সৃষ্টি কৰিব পাৰে, আচলতে কেতিয়াবা হজম কৰাত কঠিন হৈ পৰে, যাৰ ফলত কোষ্ঠকাঠিন্য, গেছ আৰু বদহজমৰ দৰে সমস্যা হ’ব পাৰে।