নলবাৰী চকবজাৰত ভিডিঅ গীত “লেংটি চিঙা” উন্মোচন

নলবাৰী জিলাৰ চকবজাৰত আজি সন্ধিয়া এক গাম্ভীৰ্যপূৰ্ণ অনুষ্ঠানত কলাশ্ৰী ডঃ আম্বেদকাৰ ফেল’শ্বিপ ৰাষ্ট্ৰীয় বঁটা প্ৰাপ্ত শিল্পী পুতুল ৰামচিয়াৰী আৰু শিল্পী দীপক ৰাজবিৰ সংগীতৰ মায়াজালেৰে সৃষ্টি হোৱা “লেংটি চিঙা” নামৰ ভিডিঅ গীত এটি উন্মোচন কৰে সাংবাদিক জ্ঞানজ্যোতি শইকীয়াই। উন্মোচন কৰি শইকীয়াই ভাষনত কয় যে পুতুল ৰামচিয়াৰী বন বিভাগৰ দৰে গুৰুত্বপূৰ্ণ বিভাগত বিষয়া হৈও সংগীতৰ সৈতে জড়িত থাকি অনন্য ভূমিকা পালন কৰিছে।অনুষ্ঠানত বিশিষ্ট অতিথি হিচাপে সাংবাদিক প্ৰাঞ্জল শৰ্মাই ভাষনত কয় যে সাংস্কৃতিক দিশেৰেও সমাজক নকৈ গঢ় দিব পাৰি বুলি দোহাৰে। আন এগৰাকী বিশিষ্ট অতিথি ডেকা পুলিছ খ্যাত অভিনেতা প্ৰাণজিৎ লোচন শৰ্মাই কয় যে অসমীয়া সমাজত অসমীয়াই নিজৰ সংস্কৃতি ধৰি ৰাখিব লাগিব বুলি দোহাৰে। শিল্পী কাজল ৰয় আৰু অভিনেত্ৰী আইজনী ডেকাই ভাষন ৰাখে। অনুষ্ঠানত বিশিষ্ট গীতাৰবাদক প্ৰদীপ বৈশ্য, শিল্পী গণেশ কলিতা সহ বহুসংখ্যক সাংস্কৃতিকপ্ৰেমি ৰাইজ উপস্থিত থাকে। উল্লেখ্য যে কৌতুক অভিনেতা উদয় শংকৰ ভূঞা,প্ৰাণজিৎ লোচন শৰ্মা, অভিনেতা কাজল ৰয়, বৰ্ণালী ৰামচিয়াৰী পৰিবেশ কৰা গীতেৰে জীপাল ভিডিঅ গীতটোত ৰাজনীতি আৰু ধৰ্মৰ নামত যে ৰাইজক আভুৱাভাৰি থকা হয় তাকেই উপলব্ধ হৈছে।