মফচলীয় চহৰ তিতাবৰত ১৯৯৭ চনতে প্ৰতিষ্ঠা কৰা তিতাবৰ প্ৰেছ ক্লাৱৰ উদ্যোগত তিতাবৰৰ বিশিষ্ট নাগৰিক, বিভিন্ন দল-সংগঠন, অনুষ্ঠানৰ প্ৰতিনিধি উপস্থিতিত নৱবৰ্ষৰ অন্তৰংগ আলাপ শীৰ্ষক এটি মনোজ্ঞ অনুষ্ঠান অনুষ্ঠিত হয়। তিতাবৰ প্ৰেছ ক্লাৱৰ সভাপতি বিমান শইকীয়াই আদৰণি ভাষণ প্ৰদান কৰা আৰু সম্পাদক দুলাল কলিতাই আঁত ধৰা অনুষ্ঠানত ৰাজ্যৰ সভাৰ সাংসদ তথা অসমৰ মুখ্যমন্ত্ৰীৰ ৰাজনৈতিক সচিব পৱিত্ৰ মাৰ্ঘেৰিটাই তিতাবৰ প্ৰেছ ক্লাৱৰ সাংবাদিকসকলক শুভেচ্ছা জনাই কয় যে, অসমক প্ৰতিফলিত কৰা মানসিকতা সমৃদ্ধিশালী কৰিব লাগিব আৰু গ্ৰন্থ অধ্যয়নত গুৰুত্ব দিয়া উচিত বুলি ব্যক্ত কৰে। তিতাবৰৰ বিধায়ক ভাস্কৰজ্যোতি বৰুৱাই উদ্বোধন কৰা অনুষ্ঠানত অসম কৃষি বিশ্ববিদ্যালয়ৰ গৱেষণা সঞ্চালক ডঃ সঞ্জয় চেতিয়া, অসম ৰাজ্যিক মহিলা আয়োগৰ সদস্যা বৰ্ণালী শইকীয়া বৰা, যোৰহাট জিলা অতিৰিক্ত আৰক্ষী অধীক্ষক মৃন্ময় গোস্বামী, তিতাবৰ বিধানসভা সমষ্টি উন্নয়ন সমিতিৰ সভাপতি ডঃ গুণাৰাম নাথ, অসম অনুসূচিত জাতি পৰিষদৰ সাধাৰণ সম্পাদক দীপাংকৰ হাজৰিকা, অসম চাহ জনজাতি ছাত্ৰ সন্থাৰ সভাপতি ধীৰাজ গোৱালা, অসম জাতীয়তাবাদী যুৱ ছাত্ৰ পৰিষদৰ তিতাবৰ আঞ্চলিক সমিতিৰ সভাপতি ৰাজীৱ শৰ্মা, ইতিহাস সংকলন সমিতিৰ অসীম বৰা, অষ্ট্ৰেলিয়াৰ মেলবৰ্ণ নিবাসী বৰ্ণম বৰা, ঠেঙাল কছাৰী স্বায়ত্ত পৰিষদৰ উপাধ্যক্ষ পুলক কছাৰী, প্ৰাক্তন বিধায়ক হেমন্ত কলিতাই লেখক-সাংবাদিক কবীৰ শইকীয়া আদিয়ে অন্তৰংগ আলাপত অংশগ্ৰহণ কৰি আন্তৰিকতাৰে সাৱলীল মন্ত্ৰমুগ্ধ ভাষণে অনুপ্ৰাণিত কৰে।
অনুষ্ঠানত তিতাবৰ মহকুমা জ্যেষ্ঠ নাগৰিক সন্মিলনৰ সভাপতি ডঃ বুদ্ধিন্দ্ৰ নাথ শইকীয়া, ঠেঙ্গাল কছাৰী স্বায়ত্বশাসিত পৰিষদৰ মুখ্য কাৰ্যবাহী সদস্য প্ৰতাপ কছাৰী, সদস্য শ্যামলকৃষ্ণ বড়া, তিতাবৰ শাখা সাহিত্য সভাৰ সভাপতি নৰেন দত্ত, সম্পাদক ৰবীন্দ্ৰ কুমাৰ দেৱ, মাধপুৰ জিলা পৰিষদৰ সদস্য পৱন গগৈ, প্ৰণৱ শইকীয়া জাতীয় বিদ্যালয়ৰ সঞ্চালক ৰাতুল দত্ত, যুৱ সমাজকৰ্মী অসীম সন্দিকৈ, দেৱজিৎ হাজৰিকা প্ৰমুখ্যে বিভিন্ন দল-সংগঠন আৰু অনুষ্ঠান-প্ৰতিষ্ঠানৰ প্ৰতিনিধি আৰু শুভাকাঙ্খীসকলে অংশগ্ৰহণ কৰে। অনুষ্ঠানত স্নিগ্ধা স্নেহৰ শইকীয়া আৰু প্ৰত্যুষা দাসে গীত পৰিৱেশন কৰি সৌষ্ঠৱ বৃদ্ধি কৰে। তিতাবৰ প্ৰেছ ক্লাৱৰ হৈ বিমান শইকীয়া, দিলীপ খাউণ্ড, শশাংক দত্ত, দুলাল কলিতা, প্ৰসেনজিৎ ৰাজখোৱা, অনমূল যাদৱ, বিকি হৰিজন আদিয়ে অন্তৰংগ আলাপ সাফল্যমণ্ডিত কৰা সকলোলৈকে কৃতজ্ঞতা জ্ঞাপন কৰে।
