কাহ আৰু জ্বৰৰ ঔষধ মেডিকেল ষ্ট’ৰত উপলব্ধ নহ’ব, চৰকাৰে নিষেধাজ্ঞা আৰোপ কৰিছে। চৰকাৰে ১৪ টা এফ ডি চি ঔষধ নিষিদ্ধ কৰিছে। চৰকাৰৰ মতে এই ঔষধবোৰৰ কোনো চিকিৎসা ন্যায্যতা নাই আৰু জনসাধাৰণৰ বাবে ‘বিপদ’ হ’ব পাৰে। নিমছুলাইড আৰু দ্ৰৱণীয় পেৰাচিটামল টেবলেট আৰু ক্ল’ফেনিৰামাইন মেলেট আৰু ক’ডেইন চিৰাপকে ধৰি ১৪টা এফ ডি চি ঔষধ নিষিদ্ধ কৰিছে। চৰকাৰৰ মতে এই ঔষধৰ কোনো চিকিৎসা ন্যায্যতা নাই আৰু ৰাইজৰ বাবে ‘ৰিস্কি’ হ’ব পাৰে। এফ ডি চি ঔষধ হ’ল সেইবোৰ যিবোৰত দুটা বা তাতকৈ অধিক সক্ৰিয় ঔষধি উপাদানৰ মিশ্ৰণ নিৰ্দিষ্ট অনুপাতত থাকে। কেন্দ্ৰীয় স্বাস্থ্য মন্ত্ৰালয়ে শুকুৰবাৰে ‘ফিক্সড ড’জ কম্বিনেচন’ (FDC) যুক্ত এই ঔষধ নিষিদ্ধকৰণৰ সন্দৰ্ভত এক অধিসূচনা জাৰি কৰে। বিশেষজ্ঞ সমিতিৰ পৰামৰ্শ অনুসৰণ কৰি এই পদক্ষেপ গ্ৰহণ কৰা হৈছে।
বিশেষজ্ঞ সমিতিখনে কয় যে এই এফ ডি চি (ফিক্সড ড’জ কম্বিনেচন)ৰ কোনো চিকিৎসা ন্যায্যতা নাই আৰু এফ ডি চিৰ লগত মানুহৰ বাবে বিপদ জড়িত হ’ব পাৰে। বৃহত্তৰ জনস্বাৰ্থৰ বাবে এই এফ ডি চিৰ উৎপাদন, বিক্ৰী বা বিতৰণত ড্ৰাগছ আৰু প্ৰসাধন সামগ্ৰী আইন, ১৯৪০ৰ ২৬এ ধাৰা অনুসৰি নিষেধাজ্ঞা আৰোপ কৰা হৈছে।নিষিদ্ধ ঔষধসমূহৰ ভিতৰত সাধাৰণ সংক্ৰমণ, কাহ আৰু জ্বৰৰ চিকিৎসাত ব্যৱহাৰ কৰা যৌগিক ঔষধসমূহো আছে। ইয়াৰ ভিতৰত নিমছুলাইড আৰু পেৰাচিটামল দ্ৰৱণীয় টেবলেট, ক্ল’ৰফেনিৰামাইন মেলেট + ক’ডেইন চিৰাপ, ফ’লক’ডিন + প্ৰমিথাজিন, এমোক্সিচিলিন + ব্ৰমহেক্সিন আৰু ব্ৰমহেক্সিন + ডেক্ষ্ট্ৰ’মেথ’ৰফেন + এমোনিয়াম ক্লৰাইড + মেন্থল, পেৰাচিটামল + ব্ৰমহেক্সিন+ ফেনাইলফ্ৰিন + ক্ল’ৰফেনিৰামিন + গুৱাইফেন আৰু ছালবুটামল + ব্ৰমহেক্সিন আদি ৰ নাম।
২০১৬ চনত চৰকাৰে ৩৪৪টা ঔষধৰ সংমিশ্ৰণ প্ৰস্তুত, বিক্ৰী আৰু বিতৰণত নিষেধাজ্ঞা আৰোপ কৰাৰ কথা ঘোষণা কৰিছিল। উচ্চতম ন্যায়ালয়ৰ নিৰ্দেশত গঠন কৰা বিশেষজ্ঞ সমিতিয়ে বৈজ্ঞানিক তথ্য অবিহনে সংশ্লিষ্ট ঔষধ ৰোগীক বিক্ৰী কৰা বুলি প্ৰকাশ কৰাৰ পিছতে এই ঘোষণা কৰে। এই আদেশক আদালতত প্ৰত্যাহ্বান জনাইছিল নিৰ্মাতাসকলে। বৰ্তমান নিষিদ্ধ কৰা ১৪টা এফডিচি ৩৪৪টা সম্পৰ্কীয় ঔষধৰ সংমিশ্ৰণৰ অংশ।