২৫ হাজাৰ লোকৰ কণ্ঠত নগাঁৱত গুঞ্জৰিত হ’ব গীতা, লগতে আয়োজন কৰা হৈছে গীতা যজ্ঞৰ। নগাঁৱৰ ডচন হাইস্কুল খেলপথাৰত আয়োজিত অনুষ্ঠানটোত উপস্থিত থাকিব দেশৰ বিভিন্ন স্থানৰ ধৰ্মগুৰু আৰু সনাতনী লোকসকল।অসম সনাতনী ধৰ্ম সংসদৰ উদ্যোগত আৰু ভাৰত সেৱাশ্ৰম সংঘৰ তত্বাৱধানত অহা ২২ ফেব্ৰুৱাৰীত অনুষ্ঠিত হ’ব গীতাপাঠ অনুষ্ঠানটো।
“হৰে কৃষ্ণ হৰে হৰে, গীতা পাঠ ঘৰে ঘৰে” বাণীৰে অনুষ্ঠিত গীতাপাঠ অনুষ্ঠানটোক লৈ এতিয়া ব্যাপক প্ৰস্তুতি চলিছে নগাঁৱত।
অসম সনাতনী ধৰ্ম সংসদৰ উদ্যোগত আৰু ভাৰত সেৱাশ্ৰম সংঘৰ তত্বাৱধানত অহা ২২ ফেব্ৰুৱাৰীত আয়োজন হবলগীয়া গীতা পাঠ আৰু গীতা যজ্ঞৰ ওপৰত আজি এক সংবাদমেল অনুষ্ঠিত হয়।দেওবাৰে ডচন স্কুল খেল পথাৰত অসম সনাতনী ধৰ্ম সংসদৰ উদ্যোগত ২৫ হাজাৰ ভক্তৰ কণ্ঠত গীতপাঠ আৰু গীতা যজ্ঞ আয়োজন কৰিছে। পুৱা ৯বজাৰ পৰা গীতা পাঠ আৰু ২.৩০ বজাৰ পৰা গীতা যজ্ঞ অনুষ্ঠিত হব। যি যজ্ঞত ভাৰতৰ বিভিন্ন প্ৰান্তৰ পৰা ভক্ত সকল লগতে ৰাজ্যৰ কেইবাগৰাকীও সত্ৰাধিকাৰ উপস্থিত থাকিব । লগতে সোমবাৰে অনুষ্ঠানস্থলীৰ পৰা এটি ধৰ্মীয় শোভাযাত্ৰা নগাঁও চহৰৰ মাজেৰে বাহিৰ কৰা হব। এই অনুষ্ঠানত নগাঁও সকলো সনাতনী হিন্দুক অংশ গ্ৰহণ কৰিব বাবে আহ্বান আয়োজক সকলৰ।
