উত্তৰ গুৱাহাটীত এজাক কিশোৰীৰ “অপ্সৰা নৃত্য”।
যেন মৰ্তলোক নহয়, ত্ৰী সন্ধা পৰৰ দেৱলোকত পৰিণত হৈছে উত্তৰ গুৱাহাটী।
প্ৰচণ্ড শীতৰ মাজতে আউনীআটী সত্ৰীয়া ঐতিহ্য ভৱনৰ বাকৰি জীপাল হ’ল সত্ৰীয়া নৃত্যৰে ।
আউনীআটী সত্ৰৰ একক আৰু অনন্য অপ্সৰা নৃত্যৰ লগতে শিক্ষাৰ্থী সকলে পৰিবেশন কৰে কৃষ্ণ নৃত্য,গোপী নৃত্য,ঝুমুৰা নৃত্য,নাদুভঙ্গী নৃত্য , চালি নৃত্য আৰু অভিনয় নৃত্য ।
সত্ৰীয়া আধ্যাত্মিক কলা নিকেতনৰ গুৰু লক্ষ্মী কাকতিৰ উদ্যোগত পৰিবেশন কৰা হয় এটাৰ পিছত আনটো আকৰ্ষণীয় নৃত্যানুষ্ঠান ।
গুৰুজনাৰ অমৰ সৃষ্টি সত্ৰীয়া নৃত্যানুষ্ঠানত অংশগ্ৰহণ কৰে উত্তৰ গুৱাহাটীৰ কেইবাখনো সত্ৰীয়া বিদ্যালয়ৰ দুই শতাধিক প্ৰতিভাৱান শিক্ষাৰ্থীয়ে ।
আউনীআটী সত্ৰৰ প্ৰত্যক্ষ উদ্যোগত আয়োজন কৰা হয় অনুষ্ঠান ।
নতুন প্ৰজন্মক আধ্যাত্মিক চিন্তা-চেতনাৰে সঠিক মাৰ্গ দৰ্শন দেখুওৱাৰ প্ৰয়াস কৰা হৈছে ঐতিহ্যমণ্ডিত সত্ৰখনিয়ে ।
প্ৰধান মন্ত্ৰীৰ “পৰিক্ষা পৰে চৰ্চা” কাৰ্যসূচীত অংশগ্ৰহণ কৰা অৰ্পিতা দাসৰ বৈষ্ণৱ সাংস্কৃতিক প্ৰতিভা দেখি অভিভূত উপস্থিত ৰাইজ।
