‘কোনো সন্ত্ৰাসবাদীক ৰেহাই দিয়া নহ’ব’৷ (Operation SINDOOR) পুনৰ সকিয়াই দিলে প্ৰধানমন্ত্ৰী নৰেন্দ্ৰ মোদীয়ে৷ চলিত বৰ্ষৰ আৰম্ভণিতে চ্ছজন লোকৰ প্ৰাণ কাঢ়ি নিয়া পহলগাম সন্ত্ৰাসবাদী আক্ৰমণৰ পিছত দেশখনে দ্ৰুততাৰে পাকিস্তানৰ বিৰুদ্ধে প্ৰতিশোধ লোৱাৰ উদাহৰণ দি সন্ত্ৰাসবাদৰ বিৰুদ্ধে ভাৰতৰ আপোচবিহীন স্থিতিৰ সন্দৰ্ভত সোমবাৰে প্ৰধানমন্ত্ৰী নৰেন্দ্ৰ মোদীয়ে এক কঠোৰ বাৰ্তা প্ৰদান কৰে৷ জম্মু-কাশ্মীৰৰ পহলগামত ২২ এপ্ৰিলত সংঘটিত আক্ৰমণৰ প্ৰতিক্ৰিয়া স্বৰূপে জ্জ মে’ত ভাৰতে পাকিস্তান দখল কৰা কাশ্মীৰৰ গভীৰতাত আৰু সীমান্তৰ সিপাৰে সন্ত্ৰাসবাদী প্ৰশিক্ষণ শিবিৰত সংঘটিত কৰা নিখুঁত আক্ৰমণৰ স্পষ্ট উল্লেখ আছিল৷
সামৰিক শক্তি আৰু ইয়াৰ সভ্যতামূলক মূল্যবোধৰ ওপৰত গুৰুত্ব আৰোপ কৰি কয়, ‘অপাৰেচন সিন্দূৰ আমাৰ সেনাৰ বীৰত্ব আৰু সুদৰ্শন চক্ৰধাৰী মোহনৰ ভাৰতৰ ইচ্ছাশক্তিৰ প্ৰতীক হৈ পৰিছে৷ আমাৰ পূজনীয় বাপুৱে স্বদেশীৰ জৰিয়তে ভাৰতৰ সমৃদ্ধিৰ পথ দেখুৱাইছিল চক্ৰধাৰী মোহনে৷ ইয়াত আমাৰ সবৰমতী আশ্ৰম আছে৷’ মোদীয়ে কয় ‘সুদৰ্শন চক্ৰধাৰী মোহনে [ভগৱান কৃষ্ণ] আমাক দেশ আৰু সমাজ ৰক্ষা কৰিবলৈ শিকাইছিল৷ তেওঁ সুদৰ্শন চক্ৰক ন্যায় আৰু নিৰাপত্তাৰ ঢাল হিচাপে ব্যৱহাৰ কৰিছিল৷আজি ভাৰতেও একে কাম কৰি আছে, কেৱল আমাৰ দেশেই নহয়, সমগ্ৰ বিশ্বই এই সংকল্প দেখিছে৷’ পৌৰাণিক কাহিনী আৰু ভাৰতৰ আধুনিক প্ৰতিৰক্ষা ভংগীমাৰ মাজত এক প্ৰতীকী সমান্তৰালতা আঁকি প্ৰধানমন্ত্ৰীয়ে কয় খোদালধাম খেলপথাৰত বিশাল ৰাজহুৱা ভাষণ, য’ত তেওঁ ৰে’লৱে, পথ পৰিবহণ, শক্তি, সেউজ গতিশীলতা আৰু নগৰ উন্নয়নকে ধৰি মূল খণ্ডসমূহত ৫,৪০০ কোটি টকাৰো অধিক মূল্যৰ একাধিক আন্তঃগাঁথনি প্ৰকল্পও উৎসৰ্গা আৰু উদ্বোধন কৰে৷
আহমেদাবাদৰ খোদালধাম খেলপথাৰত এক জনসভাত ভাষণ দি প্ৰধানমন্ত্ৰীয়ে গণেশ উৎসৱৰ লগত উদ্বোধনী অনুষ্ঠানৰ কাকতালীয় মিল হোৱাত আনন্দ প্ৰকাশ কৰি কয় যে, ‘গোটেই দেশতে গণেশ উৎসৱৰ বাবে এক আচৰিত উৎসাহ জাগিছে৷ গণপতি বাপ্পাৰ আশীৰ্বাদত আজিও গুজৰাটৰ উন্নয়নৰ সৈতে জড়িত বহু প্ৰকল্পও উদ্বোধন কৰা হৈছে৷ মোদীয়ে ৬৫ কিলোমিটাৰ দৈৰ্ঘ্য্যৰ মহেছানা-পালনপুৰ ৰে’ল লাইন [৫৩০ কোটি টকা], ৩৭ কিলোমিটাৰ দৈৰ্ঘ্য্যৰ কালোল-কাদি-কাটোছান ৰে’ল লাইনৰ গেজ ৰূপান্তৰ আৰু ৪০ কি.মি বেচৰাজী-ৰানুজ অংশ, একেলগে মূল্য ৮৬০ কোটি টকাৰ ওপৰত৷ এই উন্নীতকৰণৰ লক্ষ্য হৈছে মালবাহী আৰু যাত্ৰী সংযোগ, লজিষ্টিক, আৰু ঔদ্যোগিক কেন্দ্ৰসমূহৰ প্ৰৱেশ উন্নত কৰা৷
