‘অপাৰেচন সিন্দুৰ’ৰ সফলতাত সুখী সমগ্ৰ দেশ।(Operation Sindoor)সেই দিনটোতে বিহাৰৰ কাটিহাৰৰ এটা পৰিয়ালত এটি কন্যা সন্তান জন্ম হৈছিল, পৰিয়ালৰ লোকে কন্যা সন্তানটিৰ নাম ৰাখিলে সিন্দূৰী। পহলগাম আক্ৰমণৰ প্ৰতিশোধ ল’বলৈ ভাৰতীয় সেনাই পাকিস্তানৰ ৯টা সন্ত্ৰাসবাদী আত্মগোপন স্থান সম্পূৰ্ণৰূপে ধ্বংস কৰে। এই ঘটনাত এতিয়ালৈকে ৭০ৰো অধিক সন্ত্ৰাসবাদী নিহত হৈছে। এই অপাৰেচনত সমগ্ৰ দেশ সুখী আৰু উদযাপন কৰিছে সেনাৰ এই বিজয়।
‘অপাৰেচন সিন্দূৰ’ৰ প্ৰতিধ্বনি কেৱল দেশতে নহয় সমগ্ৰ বিশ্বতে শুনা গৈছে। যেতিয়া ভাৰতীয় সেনাই পহলগামত মৃত্যু হোৱা ২৬ জনৰ প্ৰতিশোধ পাকিস্তানৰ সন্ত্ৰাসবাদী শিবিৰত বিমান আক্ৰমণ চলাইছিল, তেতিয়া সমগ্ৰ জাতি আনন্দিত হৈছিল। ‘অপাৰেচন সিন্দূৰ’ শব্দটোৰ সৈতে কিমান ভাৰতীয়সকল জড়িত হৈ পৰিছে তাৰ উদাহৰণ বিহাৰৰ কাটিহাৰত দেখা গ’ল। পাকিস্তানত ভাৰতৰ বিমান আক্ৰমণৰ পৰা অনুপ্ৰাণিত হৈ কাটিহাৰৰ এহাল দম্পতীয়ে নিজৰ নৱজাতক কন্যা সন্তানৰ নাম ৰাখিলে ‘সিন্দূৰী’।
যিদিনা ভাৰতীয় সেনাই পাকিস্তানত অপাৰেচন সিন্দুৰ আৰম্ভ কৰিছিল, সেইদিনা কাটিহাৰৰ নাৰ্চিং হোমত এটি কন্যা সন্তানৰ জন্ম হৈছিল। এই বিশেষ দিনটোৰ স্মৃতিত পৰিয়ালটোৱে নিজৰ কন্যাৰ নাম ৰাখিলে ‘সিন্দূৰী’। পৰিয়ালৰ লোকে কয় যে এই প্ৰাৰম্ভিক জয় আৰু একেদিনাই কন্যা সন্তান জন্ম দিয়াত তেওঁলোক সকলোৱে অত্যন্ত সুখী। সেইবাবেই কুৰ্চেলাৰ বাসিন্দা সন্তোষ মণ্ডল আৰু ৰাখী কুমাৰীয়ে তেওঁলোকৰ নৱজাত কন্যা সন্তানৰ নাম ৰাখিছে সিন্দুৰী।
