আৰব মহাসাগৰত নাও ডুবি ৬৮ জন লোকৰ মৃত্যু।(Boat capsizes off Yemen)
দেওবাৰে য়েমেনৰ উপকূলত ডুব যায় এখন নাও ।
৬৮জন প্ৰব্ৰজনকাৰীৰ মৃত্যু, প্রায় ৭৪ জন সন্ধানহীন ।
আৰবীয় দেশলৈ প্ৰব্ৰজনৰ সময়তে সাগৰত ডুব যায় নাওখন ।
নাওখনত আছিল ১৫৪ জন ইথিয়পিয়ান প্ৰব্ৰজনকাৰী।
উদ্ধাৰ অভিযান অব্যাহত আছে।
হিন্দী চলচ্চিত্ৰ জগতৰ ১১১ বছৰ সম্পূৰ্ণ হ’ল। (Richest Actress) এই আটাইকেইটা বছৰত ভাৰতত বহু নায়িকা জন্ম হৈছে। কিন্তু, আজি আমি আপোনালোকক ক’ম ভাৰতৰ সেই সৌন্দৰ্য্যৰ কথা যিয়ে বহু বছৰ ধৰি ধনৰ ক্ষেত্ৰত এক নম্বৰ স্থান দখল কৰি আছে। বিশেষ কথাটো হ’ল আগৰ তুলনাত এতিয়া সেই অভিনেত্ৰীগৰাকী ছবিত কম সক্ৰিয় হৈ পৰিছে। এই ধনী অভিনেত্ৰীগৰাকীৰ বিষয়ে জানো আহক-
৫৭ বছৰীয়া এগৰাকী ধনী ব্যক্তি। কেৱল এয়াই নহয়, ১৯৮৪ চনত মিছ ইণ্ডিয়া খিতাপ লাভ কৰি ভাৰতক গৌৰৱান্বিত কৰি তুলিছে। ৩৯ বছৰ ধৰি হিন্দী চলচ্চিত্ৰ জগতত ৰাজত্ব কৰি থকা এইগৰাকী সুন্দৰী অভিনেত্ৰীৰ নাম হৈছে জুহি চাওলা।
জুহি চাওলাই ‘চুলতানত’ ছবিৰ জৰিয়তে নিজৰ কেৰিয়াৰ আৰম্ভ কৰিছিল। ১৯৮৬ চনত মুক্তি পাইছিল এই চিনেমাখনে।ইয়াৰ পিছত তেওঁ বলীউডৰ আটাইতকৈ বিখ্যাত অভিনেত্ৰী হিচাপে পৰিগণিত হৈছিল। ‘কায়ামত সে কায়ামত টক’, ‘স্বৰ্গ’, ‘বল ৰাধা বল’, ‘ৰাজু বান গয়া জেন্টলমেন’, ‘হুম হায় ৰহী প্যাৰ’ আদি বহু ব্লকবাষ্টাৰ চিনেমা আগবঢ়াইছিল।
জুহি চাওলাৰ কেৰিয়াৰ আৰম্ভ কৰাৰ সময়ত তেওঁৰ বয়স আছিল মাত্ৰ ১৯ বছৰ। অভিনয় আৰু সৌন্দৰ্য্যৰে বলীউডত নিজৰ নাম বিখ্যাত কৰাৰ পিছত জুহিয়ে কেমেৰাৰ পৰা আঁতৰি থাকিবলৈ লৈছিল। এই সময়তে তেওঁ এনে কিছুমান বিনিয়োগ কৰিছিল তেতিয়া তেওঁ হৈ পৰিছিল আটাইতকৈ ধনী সুন্দৰী। বন্ধু তথা সহ অভিনেতা শ্বাহৰুখ খানৰ সৈতে জুহীয়ে আৰম্ভ কৰে ড্ৰিমছ আনলিমিটেড, যিটো পিছলৈ ৰেড চিলিজ এণ্টাৰটেইনমেণ্ট নামেৰে এটা সফল প্ৰডাকচন হাউচত পৰিণত হয়।
এই কোম্পানীটোৰ অধীনত ‘মেইন হুন না’, ‘চক দে ইণ্ডিয়া’ আৰু ‘ৰাৱন’ আদি বহু ছবি নিৰ্মাণ কৰা হৈছিল। ইয়াৰ পিছত জুহীয়ে শ্বাহৰুখ খান আৰু ডাঙৰ ব্যৱসায়ী তথা স্বামী জয় মেহতাৰ সৈতে কলকাতা নাইট ৰাইডাৰ্ছৰ আই পি এল দলটো আৰম্ভ কৰে। বিগত কেইবাবছৰ ধৰি এই আই পি এল দলটোৰ ব্ৰেণ্ড ভেলু বহু পৰিমাণে বৃদ্ধি পাইছে।
এই সকলোবোৰৰ বাহিৰেও জুহিৰ ৰিয়েল এষ্টেট, সেউজ শক্তি আৰু স্বাস্থ্য সুস্থতাৰ দৰে বহু খণ্ডত বিনিয়োগ আছে। যাৰ বাবে তেওঁ ধন-সম্পত্তি ক্ৰমাগতভাৱে বৃদ্ধি পাই থাকিল। হুৰুণ ৰিচ লিষ্ট ২০২৪ৰ প্ৰতিবেদন অনুসৰি জুহি চাওলা ভাৰতৰ আটাইতকৈ ধনী অভিনেত্ৰী যাৰ সম্পত্তিৰ পৰিমাণ ৪৬,০০ কোটি টকা।
লাখ লাখ টকা দি (Dibrugarh Crime News) নিজৰ স্বামীক শেষ কৰি দিলে পত্নী আৰু কন্যাই!
পৰকীয়া প্ৰেমক লৈ ডিব্ৰুগড়ৰ বৰবৰুৱাত জঘন্য ঘটনা।
উত্তম গগৈ জীৱন গ’ল পৰকীয়া প্ৰেমৰ বাবেই।
আৰক্ষীৰ জালত পত্নী, কন্যাসহ দীপজ্যোতি বুঢ়াগোহাঁই আৰু গৌৰাঙ্গ পাত্ৰ।
চুপাৰী কিলাৰ দি স্বামীক শেষ কৰাৰ সন্দেহ।
২৫ জুলাইতে সংঘটিত হৈছিল এই ঘটনা।
নিশা আৰক্ষীয়ে আটক কৰে ববী সোণোৱাল গগৈ আৰু কন্যাক।
১০ দিনৰ পিছত আৰক্ষীয়ে গ্ৰেপ্তাৰ কৰে ৪ অভিযুক্তক।
চলিত মাহৰ ভিতৰতে ঘোষণা (BTC election 2025) হ’ব বিটিচি নিৰ্বাচনৰ দিন।
নিৰ্বাচনৰ দিন ঘোষণাৰ আগেয়ে UPPL-BPFৰ একত্ৰীকৰণ প্ৰক্ৰিয়া সম্পূৰ্ণ কৰাৰ লক্ষ্য।
এই কথা জনালে এবছুৰ সভাপতি দ্বীপেন বড়োৱে।
নিৰ্বাচনৰ দিন ঘোষণাৰ পূৰ্বে UPPL-BPFৰ একত্ৰীকৰণ প্ৰক্ৰিয়া সম্পূৰ্ণ কৰাৰ লক্ষ্য।
এই লক্ষ্যৰে ১৫ আগষ্টৰ পূৰ্বে হ’ব জাতীয় অভিৱৰ্তন এই অভিৱৰ্তনত মিলিত হ’ব বড়ো জনগোষ্ঠীৰ সকলো জাতীয় সংগঠন ।
UPPL-BPFকে ধৰি বিটিচিৰ সকলো আঞ্চলিক দলৰ প্রতিনিধিও উপস্থিত থাকিব অভিৱৰ্তনত এই কথা জনালে এবছুৰ সভাপতিগৰাকীয়ে।
আজি বন্ধুত্ব দিৱসঃ আপোনাক পাহৰি যোৱা আৰু (Friendship Day 2025) নতুন বন্ধুক কেনেকৈ শুভেচ্ছা জনাব।
বন্ধুত্ব দিৱস কেৱল এটা দিন নহয়, এই দিনটো সম্পৰ্কবোৰ অনুভৱ কৰাৰ এটা বিশেষ দিন। বন্ধুত্ব হৃদয়ত থকা এটি সম্পৰ্ক, য’ত নাথাকে তেজৰ সম্পৰ্ক। থাকে মাথোঁ মনল মিলন। বন্ধুত্বই সেই বিশেষ বন্ধন যিয়ে আমাক হাঁহিবলৈ শিকাই, পৰিলে আমাক চম্ভালি লয় আৰু নিসংগতাত আটাইতকৈ লগ দিয়ে বন্ধুয়ে। গতিকে এই বন্ধু দিৱসত আপোনাৰ বিশেষ বন্ধুক জনাওক শুভেচ্ছা।
প্ৰতিবছৰে ৩ আগষ্ট ‘বন্ধুত্ব দিৱস’ উদযাপন কৰা হয়। এই বন্ধুত্ব দিৱসত আহক আমি সেই বন্ধুসকলক আকোৱালি লওঁ যিসকল আমাৰ হাঁহিৰ আঁৰৰ কাৰণ আৰু চকুলোৰ সময়ত শক্তি।
১/ খং উঠিলে কোনে হাঁহিব, গুচি গ’লে কোন থাকিব,
মনে মনে থাকিলে মোৰ ভয় লাগে, কোনে মোক এতিয়া মোৰ বুলি ক’ব।
বন্ধুত্ব দিৱসৰ শুভেচ্ছা থাকিল!
২/ তোমাৰ অবিহনে জীৱনটো যেন অসম্পূৰ্ণ,
তোমাৰ লগত প্ৰতিটো সময়েই মৰমলগা যেন লাগে,
অ’ বন্ধু, তুমি সদায় এনেকৈ মোৰ লগত থাকা,
বন্ধুত্ব দিৱসৰ শুভেচ্ছা থাকিল!
৩/ তোমাৰ বন্ধুত্ব মোৰ বাবে ফুলৰ দৰে,
যাৰ ফলত মোৰ জীৱনটো সুগন্ধি হৈ পৰিছিল।
বন্ধুত্ব দিৱসৰ শুভেচ্ছা থাকিল মোৰ বন্ধু!
৪/ প্ৰতিদিনে বহুত মানুহ লগ পাওঁ,
কিন্তু তেওঁলোকৰ সৈতে প্ৰতিটো সম্পৰ্ক বিশেষ নহয়,
তোমাক লগ পোৱাৰ সময়ত মই নাজানো কেনেকৈ কেৱল তোমাৰ লগত আকৃষ্ট হৈ থাকিলোঁ,
আৰু এইটো মোৰ জীৱনৰ এক অতি বিশেষ কথা।
বন্ধুত্ব দিৱসৰ শুভেচ্ছা থাকিল বন্ধু!
৫) ঈশ্বৰে তেজৰ সম্পৰ্কত বান্ধিবলৈ পাহৰি যোৱাসকলক প্ৰকৃত বন্ধু কৰি নিজৰ ভুল শুধৰাই দিয়ে।
বন্ধুত্ব দিৱসৰ শুভেচ্ছা থাকিল!
সমগ্ৰ ৰাজ্য কঁপাই যোৱা (Borpathar Moral Policing Incident) বৰপথাৰৰ গেলাবিল কাণ্ডৰ মূল তিনিগৰাকী অভিযুক্তৰ এগৰাকীক গ্ৰেপ্তাৰ ।
গেলাবিল কাণ্ডৰ মূল অভিযুক্ত ৰাজু শ্ৰেষ্ঠই বৰপথাৰ আৰক্ষী থানাত আত্মসমৰ্পন কৰে ।
যোৱা নিশা ২ বজাত বৰপথাৰ আৰক্ষী থানাত আত্মসমৰ্পন কৰে গেলাবিল কাণ্ডৰ মূল অভিযুক্তগৰাকীয়ে ।
ইয়াৰ পিছতেই আৰক্ষীয়ে গ্ৰেপ্তাৰ কৰে গেলাবিল কাণ্ডৰ খলনায়কগৰাকীক ।
উল্লেখ্য যে বৰ্তমানলৈকে আৰক্ষীয়ে গ্ৰেপ্তাৰ কৰিব পৰা নাই গেলাবিল কাণ্ডৰ আন দুই অভিযুক্ত তথা ৰাজু শ্ৰেষ্ঠৰ ভাতৃ ৰঞ্জিত শ্ৰেষ্ঠ আৰু শশাংক শ্ৰেষ্ঠক।
তিনি হাই প্ৰফাইল ভাতৃৰ নাৰকীয় ঘটনাক লৈ গোলাঘাটত হৈ আছে উত্তাল প্ৰতিবাদ।
kokrajhar । আলাদিন আজাৰাইৰ হেট্ৰিকৰে বিগত বৰ্ষৰ চেম্পিয়ন নৰ্থ ইষ্ট ইউনাইটেড এফ চিয়ে চলিত ১৩৪ সংখ্যক ইণ্ডিয়ান অইল ডুৰাণ্ড কাপ ফুটবল প্ৰতিযোগিতাত প্ৰত্যাশিতভাবে জয়ৰে অভিযান আৰম্ভ কৰিছে৷ আজি ছিলঙৰ জৱাহৰলাল নেহৰু ষ্টেডিয়ামত অনুষ্ঠিত গ্ৰুপ ‘ই’ৰ এখন মেচত ইণ্ডিয়ান ছুপাৰ লীগৰ গুৱাহাটীৰ দলটোৱে ৩-১ গলৰ ব্যৱধানত মালয়েছিয়াৰ আৰ্মি ফুটবল দলক পৰাস্ত কৰে৷
নৰ্থ ইষ্ট ইউনাইটেডে তাৰকা আজাৰাইৰ প্ৰথম দুগলৰ সহায়ত খেলৰ প্ৰথমাৰ্ধতে ২-০ ৰ অগ্ৰগতি লয়৷ মৰক্কোৰ ষ্টাইকাৰগৰাকীয়ে খেলৰ ২৩ মিনিটত প্ৰথমটো গল কৰাৰ পাছত ২৯ মিনিটত দ্বিতীয়টো গল দিয়ে৷ আনহাতে, ৭০ মিনিটত আজাৰায়ে হেট্ৰিক গল কৰি ডুৰাণ্ড কাপৰ প্ৰথম মেচতে এই গৌৰৱ লাভ কৰাৰ অনন্য কৃতিত্ব অৰ্জন কৰে৷ এয়া চলিত প্ৰতিযোগিতাৰ প্ৰথমটো হেট্ৰিক৷
ইফালে, খেলৰ ৮৮ মিনিটত মালয়েছিয়াৰ হৈ আমিৰে গল কৰি প্ৰতিযোগিতাত দলৰ হৈ প্ৰথমটো গল কৰাৰ সফলতা লাভ কৰে৷ উল্লেখ্য যে এই পৰাজয়ৰ পাছতে মালয়েছিয়াৰ দলটোৰ বিদায় নিশ্চিত হৈছে৷ ইয়াৰপূৰ্বে নিজৰ প্ৰথম মেচত বিদেশী দলটো ছিলং লাজং এফ চিৰ বিৰুদ্ধে ৬-০ গলৰ ব্যৱধানত পৰাস্ত হৈছিল৷
ভাৰতীয় সেনাই আয়োজন কৰা এছিয়াৰ আটাইতকৈ পুৰণি ফুটবল প্ৰতিযোগিতাখনৰ কাইলৈ কোকৰাঝাৰত হ’বলগা গ্ৰুপ ‘ডি’ৰ এখন মেচত আই এছ এলৰ দল পঞ্জাৱ এফ চিয়ে অসমৰ কাৰ্বি আংলং মৰ্ণিং ষ্টাৰ এফ চিৰ বিৰুদ্ধে খেলিব৷ ছাই ষ্টেডিয়ামত নিশা সাত বজাত হ’বলগা এই মেচখন অসমৰ দলটোৰ বাবে অন্তিম খেল৷ ইতিমধ্যে প্ৰথম দুখন খেলত পৰাস্ত হোৱা মৰ্ণিং ষ্টাৰৰ গ্ৰুপতে বিদায় নিশ্চিত হৈছে৷ আনহাতে, পঞ্জাৱ এফ চিয়ে কাইলৈ প্ৰথম মেচত অৱতীৰ্ণ হ’ব৷
ইয়াৰপূৰ্বে কাইলৈ চাৰি বজাত গ্ৰুপ ‘এ’ৰ এখন মেচত ভাৰতীয় বায়ু সেনাৰ ফুটবল দলে নামধাৰি এফ চিৰ বিৰুদ্ধে খেলিব৷ কলকাতাৰ কিশোৰ ভাৰতী ক্ৰীড়াংগনত এই মেচখন অনুষ্ঠিত হ’ব৷
GUWAHATI । উত্তৰ-পূব সীমান্ত ৰেলৱেই ইয়াৰ মালিগাঁওস্থিত মুখ্য কাৰ্যালয়ত থকা মহাপ্ৰৱন্ধকৰ কনফাৰেন্স হলত
১ আগষ্ট, ২০২৫ তাৰিখে দুখন গুৰুত্বপূৰ্ণ বুজা-বুজিৰ চুক্তি স্বাক্ষৰ কৰি ইয়াৰ বহনক্ষমতাৰ প্ৰতি তাৰ
প্ৰতিশ্ৰুতি পুনৰ নিশ্চিত কৰে। উত্তৰ-পূব সীমান্ত ৰেলৱেৰ মহাপ্ৰবন্ধক শ্ৰী চেতন কুমাৰ শ্ৰীবাস্তৱৰ
অধ্যক্ষতাত অনুষ্ঠিত এই অনুষ্ঠানত ভিডিঅ’ কনফাৰেন্সিঙৰ জৰিয়তে সকলো মাণ্ডলিক ৰেলৱে প্ৰৱন্ধক
আৰু মুখ্য কাৰখানা প্ৰৱন্ধকসকলৰ উপৰিও জ্যেষ্ঠ বিষয়াসকলে অংশগ্ৰহণ কৰে, য’ত প্ৰদূষণ নিয়ন্ত্ৰণ
পৰিষদ, অসম (পিচিবিএ), ভাৰতীয় প্ৰযুক্তিবিদ্যা প্ৰতিষ্ঠান গুৱাহাটী(আইআইটিজি)আৰু মেছাৰ্ছ কুসুম
উদ্যোগৰ প্ৰতিনিধিও উপস্থিত থাকে।
প্ৰথমখন বুজা-বুজিৰ চুক্তিৰ অধীনত, উত্তৰ-পূব সীমান্ত ৰেলৱে, পিচিবিএ আৰু মেছাৰ্ছ কুসুম
উদ্যোগৰ মাজত এখন ত্ৰিপাক্ষিক চুক্তিৰ জৰিয়তে গুৱাহাটী ৰেলৱে ষ্টেচনক ১০০% প্লাষ্টিক ৰিচাইক্লিং কেন্দ্ৰ
হিচাপে গঢ়ি তোলাৰ পৰিকল্পনা কৰা হৈছে। এই পদক্ষেপৰ নেতৃত্ব দিবলৈ গুৱাহাটীৰ ষ্টেচন অধীক্ষকৰ
নেতৃত্বত ছয়জনীয়া এক বিশেষ টাস্ক ফোৰ্চ গঠন কৰা হৈছে। আৱৰ্জনা সংৰক্ষণৰ আন্তগাঁথনিৰ উন্নতকৰণ,
পচন সাৰ উৎপাদন প্লেণ্টৰ কাৰ্যকৰীকৰণ আৰু যাত্ৰীসকলৰ মাজত সঘন সচেতনতা বৃদ্ধিৰ বাবে নিয়মীয়া
অভিযানৰ আয়োজন কৰাৰ প্ৰচেষ্টা এই পদক্ষেপৰ অন্তৰ্ভূক্ত। পিচিবিএৰ বিশেষজ্ঞতা আৰু পিচিবিএৰ দ্বাৰা
অনুমোদিত ৰিচাইক্লৰ মেছাৰ্ছ কুসুম উদ্যোগৰ কাৰ্যকৰী ভূমিকাৰ জৰিয়তে এটা শক্তিশালী ৰিচাইক্লিং ব্যৱস্থা
গঢ়ি তোলাৰ লক্ষ্যৰে সচেতনতা অভিযান আৰম্ভ কৰা হৈছে।
দ্বিতীয়খন বুজা-বুজিৰ চুক্তি আইআইটি গুৱাহাটীৰ সৈতে স্বাক্ষৰিত হৈছে, য’ত এচি ডবাসমূহত
ব্যৱহৃত বেডৰোল বিতৰণৰ বাবে বৰ্তমান ব্যৱহৃত পেকেটৰ পৰিৱৰ্তে জৈৱ-পচনশীল আৰু পচনশীল বেগ
প্ৰৱৰ্তনৰ ওপৰত গুৰুত্ব দিয়া হৈছে। এই পৰীক্ষামূলক প্ৰকল্প কামাখ্যা-নতুন দিল্লীৰ মাজত চলা ব্ৰহ্মপুত্ৰ
মেইলৰ পৰা আৰম্ভ হ’ব, আৰু পৰৱৰ্তী সময়ত গুৱাহাটী আৰু কামাখ্যাৰ পৰা চলা সকলো ৰেলৰ লগতে
সমগ্ৰ উত্তৰ-পূব সীমান্ত ৰেলৱে নেটৱৰ্কত এই প্ৰচেষ্টাৰ সম্প্ৰসাৰণৰ পৰিকল্পনা কৰা হৈছে। এই পদক্ষেপে
সহযোগিতামূলক গৱেষণা আৰু ক্ষেত্ৰ-পৰ্যায়ৰ ৰূপায়ণৰ সংমিশ্ৰণ ঘটাইছে, যাৰ লক্ষ্য হৈছে পৰিৱেশ-হিতৈষী
আৰু যাত্ৰী-সচেতন বিকল্পৰ দিশত পৰিৱৰ্তন।
ই উত্তৰ-পূৰ্বাঞ্চলৰ বাবে প্ৰধানমন্ত্ৰী নৰেন্দ্ৰ মোদীৰ “পৰিবহণৰ দ্বাৰা ৰূপান্তৰণ” দৃষ্টিভংগীৰ প্ৰতি
উত্তৰ-পূব সীমান্ত ৰেলৱেৰ অটল প্ৰতিশ্ৰুতি প্ৰতিফলিত কৰে। পাৰিপাৰ্শ্বিক বহনক্ষমতা ইয়াৰ কাৰ্যকৰী
ফ্ৰেমৱৰ্কত একত্ৰিতকৰণ কৰি, উত্তৰ-পূব সীমান্ত ৰেলৱেই সংমণ্ডলটোৰ বাবে এক স্বচ্ছ আৰু সেউজ ৰেলৱে
পৰিৱেশতন্ত্ৰ সৃষ্টিৰ ক্ষেত্ৰত অগ্ৰণী ভূমিকা পালন কৰি আহিছে।
দাঁতৰ গঠনে এজন ব্যক্তিৰ (Teeth Shape) ভাগ্য আৰু স্বভাৱৰ বহু গোপন কথা কয়। মুখ আৰু হাঁহি সুন্দৰ কৰি তোলাত দাঁতৰ ভূমিকা অতি গুৰুত্বপূৰ্ণ। প্ৰতিজন ব্যক্তিৰ দাঁতৰ গঠন বেলেগ বেলেগ। কিছুমানৰ দাঁত বেঁকা হোৱাৰ বিপৰীতে কিছুমানৰ দাঁত চিধা। কিছুমান মানুহৰ দাঁতৰ মাজত ফাঁক থাকে। যিকোনো ব্যক্তিৰ প্ৰকৃতি, ভাগ্য আৰু ভৱিষ্যতৰ লগত জড়িত গোপনীয়তা দাঁতৰ এই ভিন্ন গঠনত লুকাই থাকে।
দাঁতৰ মাজৰ ফাঁক সমুদ্ৰিক শাস্ত্ৰৰ মতে যিজন ব্যক্তিৰ দাঁতৰ মাজত ফাঁক থাকে তেওঁলোক ভাগ্যৱান আৰু জীৱনৰ প্ৰতিটো পৰ্যায়তে সফলতা লাভ কৰে। তেওঁলোকে সঠিক সময়ত সঠিক সিদ্ধান্ত লয় আৰু ভাগ্যই তেওঁলোকক লগ দিয়ে। এনে লোকৰ আৰ্থিক অৱস্থা খুব ভাল হয়।
সমুদ্ৰিক শাস্ত্ৰৰ মতে যদি দাঁতৰ গঠন পোন হয় তেন্তে ব্যক্তিজন অতি চহকী আৰু অতি ভদ্ৰ। প্ৰতিটো পৰিস্থিতিত ধৈৰ্য্য ধৰিব জানে। পোন দাঁত থকা মানুহ প্ৰতিভাশালী। ব্যৱসায়ৰ ক্ষেত্ৰখনত অধিক আগ্ৰহী এইসকল লোকে চাকৰিতকৈ ব্যৱসায় কৰাতহে বেছি আগ্ৰহী। ব্যৱসায়ত নতুন নতুন ধাৰণা আৰু কৌশল ব্যৱহাৰ কৰাত তেওঁলোক পাকৈত। এই মানুহবোৰ আনৰ বাবে প্ৰেৰণা হৈ পৰে।
সৌদ্ৰিক শাস্ত্ৰৰ মতে যিসকল লোকৰ দাঁত চিকচিকিয়া আৰু বগা হয়, তেওঁলোক অতি সংবেদনশীল। সৰু কথা এটাইও তেওঁলোকৰ দিনটো নষ্ট কৰিব পাৰে। এনে লোকে অতিমাত্ৰা চিন্তা কৰে। এই সৰল স্বভাৱৰ মানুহবোৰ বিশ্বাসযোগ্য আৰু তেওঁলোক আন মানুহৰ দ্বাৰা সহজে প্ৰভাৱিত হয়। যাৰ বাবে তেওঁলোকক বাৰে বাৰে প্ৰতাৰণা কৰিবলগীয়া হয়।
সৌদ্ৰিক শাস্ত্ৰৰ মতে যিসকল লোকৰ দাঁত পাতল ক’লা বা হালধীয়া ৰঙৰ হয় তেওঁলোক অতি চতুৰ আৰু আচৰণত নিপুণ। তেওঁলোকে আনক প্ৰভাৱিত কৰি নিজৰ কাম চতুৰতাৰে সম্পন্ন কৰে। বেঁকা দাঁত থকা মানুহ স্বভাৱতে লোভী আৰু স্বাৰ্থপৰ হ’ব পাৰে। তেওঁলোকে নিজৰ সুবিধাৰ বাবে যিকোনো সীমা অতিক্ৰম কৰিব পাৰে।
চাইবাৰ চক্ৰৰ জালত (Cyber Crime) পৰিল এইবাৰ চাপৰৰ এজন সদ্য অৱসৰপ্ৰাপ্ত বিষয়া। মুম্বাইৰ নাছিক থানাত বিভিন্ন অপৰাধত গোচৰ ৰুজু হোৱা বুলি ভয় দেখুৱাই নিজকে প্ৰথমে ক্ৰাইম ব্ৰান্স আৰু পিছত ই ডিৰ ভয় দেখুৱাই লুটি ললে প্ৰায় দুই কোটি টকা। চাপৰ থানাৰ অন্তৰ্গত চাপৰ বজাৰৰ বাসিন্দা তথা বতৰ বিজ্ঞান কেন্দ্ৰৰ অৱসৰপ্ৰাপ্ত বতৰ বিজ্ঞানী নিৰ্মল দাস নামৰ ব্যক্তি গৰাকীৰ পৰা ই ডি -ৰ নাম লৈ ১ কোটি ৭০ লাখ ৩৯ হাজাৰ ৪৪৪ টকা লুটি নিয়ে চাইবাৰ অপৰাধী চক্ৰই। নিৰ্মল দাসে দিয়া তথ্য মতে – তেওঁৰ নামত মহাৰাষ্ট্ৰৰ নাসিক থানাত ভুৱা গোচৰ ৰুজু হোৱা বুলি চাইবাৰ অপৰাধী চক্ৰই ফোন কৰিছিল। লগতে স্কেমাৰ চক্ৰই তেওঁৰ বিৰুদ্ধে অবৈধ ধন সৰবৰাহৰ অপৰাধত উচ্চতম ন্যায়ালয়ত এটি গোচৰ ৰুজু হৈ আছে বুলি ভাবুকি প্ৰদান কৰে। পিছত উক্ত গোচৰটো ই ডিক হস্তান্তৰ কৰা হৈছে বুলি নিৰ্মল দাসক জানিবলৈ দিয়ে।
কেইদিনমান পিছত নিজকে ই ডিৰ বিষয়া বুলি পৰিচয় দিয়া ব্যক্তি এজনে কৌশলৰে অনুসন্ধান সম্পূৰ্ণ নোহোৱালৈকে তেওঁৰ একাউন্টত থকা ধন ই ডিৰ একাউণ্টত হস্তান্তৰ কৰিবলৈ পৰামৰ্শ দিয়ে আৰু তিনি দিন পিছত উক্ত ধনৰাশি মোকলাই দিব বুলি নিৰ্মল দাসক জানিবলৈ দিয়ে। উক্ত প্ৰবঞ্চক চক্ৰই দিয়া বিভিন্ন একাউন্টত নিৰ্মল দাসে যোৱা ২১ জানুৱাৰীৰ পৰা ৯মে’ লৈ ১৯ টা কিস্তিত টকা প্ৰদান কৰে বুলি জানিবলৈ দিয়ে। ধনৰ অন্তিম কিস্তি দিয়াৰ অন্তত তিনিদিন উকলি যোৱাৰ পিছত ধনৰাশি নিজৰ একাউণ্টত উভতি নহাত চিন্তিত হৈ পৰে নিৰ্মল দাস।
এই বিষয়ে তেওঁ প্ৰবঞ্চকৰ কবলত পৰা বুলি সন্দেহ কৰি উপায়ন্তৰ হৈ যোৱা ১৬ জুলাইত চাপৰ থানাত এখন এজাহাৰ দাখিল কৰে। উক্ত এজাহাৰৰ ভিত্তিত চাপৰ আৰক্ষীয়ে ১১৯/২৫ নম্বৰত গোচৰ ৰুজু কৰি তদন্ত আৰম্ভ কৰে। চাপৰ থানাৰ ভাৰপ্ৰাপ্ত বিষয়াই ঘটনাটো গুৰুত্ব সহকাৰে লৈ তৎপৰতাৰে তদন্ত কৰি উক্ত ঘটনা সংক্ৰান্তত ধুবুৰীৰ বন্ধন বেংকৰ এটা শাখাৰ একাউণ্টৰ দ্বাৰাও উক্ত ধনৰাশিৰ এটা অংশ লেনদেন হোৱাৰ তথ্য লাভ কৰে।চাপৰ আৰক্ষীয়ে উক্ত চাইবাৰ অপৰাধৰ লগত জড়িত থকাৰ অভিযোগত ধুবুৰীৰ বন্ধন বেংকৰ শাখাৰ প্ৰবন্ধক দিপ্ত কুমাৰ দাস(৪৬, গুৱাহাটী , ছয়মাইল) আৰু ফকিৰগঞ্জৰ হাফিজুৰ ৰহমান(৪১)ৰ লগতে জালাল উদ্দিন জোদ্দাৰকো (৩৮) আটক কৰে বুলি জানিব পৰা গৈছে।ঘটনা সন্দৰ্ভত অধিক তথ্যৰ বাবে তিনিজনকে ইতিমধ্যে চাপৰ আৰক্ষীয়ে জেৰা অব্যাহত ৰাখিছে।
