ৱ’ৰ্ল্ড চেম্পিয়নশ্বিপ অফ লিজেণ্ড ২০২৫ৰ চতুৰ্থখন মেচ বাতিল।(WCL)
বাতিল কৰা হৈছে ইণ্ডিয়া লিজেণ্ড-পাকিস্তান লিজেণ্ডৰ মাজৰ মেচ।
ভাৰতীয় দলৰ কেইবাগৰাকীও খেলুৱৈৰ মেচখন নেখেলাৰ সিদ্ধান্ত লয়।
হৰভজন সিং, শিখৰ ধাৱন, সুৰেশ ৰাইনাৰ মেচ নেখেলাৰ সিদ্ধান্ত লয়।
ইয়াৰে পাছতে মেচখন বাতিলৰ সিদ্ধান্ত লোৱা হয়।
কেলখনৰ সন্দৰ্ভত শিখৰ ধাৱনে কয় মোৰ দেশ মোৰ বাবে সকলো, দেশতকৈ একো ডাঙৰ নহয়।
অৱশেষত ভাৰত-পাকিস্তানৰ মেচখন বাতিল কৰাৰ সিদ্ধান্ত ল’লে WCL কর্তৃপক্ষই।
আটলান্টালৈ যোৱা ডেল্টা এয়াৰলাইন্সত (Delta Airlines) মাজ আকাশতে লাগিল জুই। লছ এঞ্জেলছৰ পৰা আটলান্টালৈ যোৱা ডেল্টা এয়াৰলাইন্সৰ এখন বয়িং বিমানে উৰণৰ কিছু সময়ৰ পিছতে ইঞ্জিনত জুই লগাৰ বাবে জৰুৰীকালীন অৱতৰণ কৰিবলগীয়া হয়। আটলান্টালৈ যোৱা ডেল্টা এয়াৰলাইন্সৰ বিমানকনত হঠাতে ইঞ্জিনত অগ্নিকাণ্ড সংঘটিত হোৱাৰ পিছত লছ এঞ্জেলছ আন্তঃৰাষ্ট্ৰীয় বিমানবন্দৰত (LAX) জৰুৰীকালীন অৱতৰণ কৰিবলগীয়া হয়। বিমানখনত জুই লগা এটা ভিডিঅ’ ছ’চিয়েল মিডিয়াত ভাইৰেল হৈ পৰিছে। সেই ভিডিঅ’টোত বিমানখনৰ বাওঁ ইঞ্জিনৰ পৰা জুই লগা দেখা গৈছে।
বিমানখন আছিল এয়াৰবাছ এ৩৩০। সেই সময়ত বিমানখনত আছিল ২৮২ জন যাত্ৰী, ১০ জন বিমান পৰিচাৰক আৰু দুজন পাইলট। অৱশ্যে কোনো লোকৰ আহত-নিহতৰ খবৰ পোৱা নাই। অগ্নিনিৰ্বাপক বাহিনীয়ে জুই নিৰ্বাপন কৰে।
অগ্নিকাণ্ডৰ কাৰণ এতিয়াও জানিব পৰা হোৱা নাই। এই সন্দৰ্ভত বিমান পৰিবহণ বিভাগে তদন্ত আৰম্ভ কৰিছে। বিমানখন প্ৰায় ২৫ বছৰীয়া। বিমানখনত দুটা জেনেৰেল ইলেক্ট্ৰিক চিএফ৬ ইঞ্জিন আছে। ডেল্টা এয়াৰলাইন্সৰ এগৰাকী মুখপাত্ৰই জনোৱা মতে, “ডেল্টা বিমান ৪৪৬ বিমানখনৰ বাওঁ ইঞ্জিনত সমস্যাৰ লক্ষণ দেখা পোৱাৰ কিছু সময়ৰ পিছতেলছ এঞ্জেলছলৈ উভতি আহে।”
কফি খোৱাটো স্বাস্থ্যৰ বাবে ভাল নেকি? (Coffee) এই প্ৰশ্নটো আপোনাৰ মনলৈ হয়তো বহুবাৰ আহে। আজি আমি আপোনালোকক এই বিষয়ে জনাম কিছু কথা।
বহুতে ৰাতিপুৱা কফি খাই ভাল পায়। এদিনতে ৩-৪ কাপ কফিও কাই বহুতে। কিন্তু প্ৰশ্ন হয় কফি খোৱাটো আমাৰ লিভাৰৰ বাবে ভাল নে বেয়া? এই প্ৰশ্নটো আমাৰ সকলোৰে মনলৈ প্ৰায়ে আহে। শেহতীয়া গৱেষণাৰ পৰা দেখা গৈছে যে কফি খোৱাটো স্বাস্থ্যৰ বাবে উপকাৰী হ’ব পাৰে কিন্তু সঠিকভাৱে প্ৰস্তুত আৰু সেৱন কৰিব লাগিব। ইয়াৰ লগতে কফি সীমিত পৰিমাণৰ ভিতৰত খাব লাগিব।
কফি খোৱাৰ উপকাৰিতাৰ-
কফিয়ে ফেটি লিভাৰ ৰোগ প্ৰতিৰোধ কৰাত সহায় কৰিব পাৰে। যকৃতত অত্যধিক চৰ্বি আৰু কলাজেন জমা হোৱা ফলত বেছিভাগৰে অতিৰিক্ত ওজন, ডায়েবেটিছত আক্ৰান্ত হয়। চিকিৎসা নকৰিলে লিভাৰৰ দাগ (cirrhosis), লিভাৰ কেন্সাৰ বা আনকি লিভাৰ বিকল হোৱাৰ দৰে গুৰুতৰ সমস্যাৰ সৃষ্টি হ’ব পাৰে।
কিউৰিয়াছত প্ৰকাশিত এক গৱেষণাৰ মতে, দিনটোত ৩-৪ কাপ কফি খালে ইনচুলিন প্ৰতিৰোধ ক্ষমতা আৰু ব্লাড চুগাৰৰ মাত্ৰা বৃদ্ধি কৰি এন এ এফ এল ডি (যাক মেটাবলিক ডিছফংচন-এছ’চিয়েটেড লিভাৰ ডিজিজ (MASLD) বুলিও জনা যায়)ৰ সম্ভাৱনা হ্ৰাস কৰিব পাৰি।
কফি খালে লিভাৰৰ ক্ষতি হয়নে?
স্বাস্থ্য বিশেষজ্ঞৰ মতে যদি আপুনি সীমিত পৰিমাণে (দিনটোত প্ৰায় ৩-৪ কাপ) কফি খায় তেন্তে ই যকৃতৰ বাবে ভাল হ’ব পাৰে। ইয়াতকৈ বেছি কফি খালে হৃদস্পন্দন দ্ৰুত হ’ব পাৰে। উদ্বেগ আৰু পেটত এচিডৰ পৰিমাণ বৃদ্ধি হ’লেও পানীলগা আৰু এচিড ৰিফ্লাক্স হ’ব পাৰে।
কফি কোনসকল পৰিহাৰ কৰিব লাগে?
চিৰ’ছিছ হোৱা লোকসকলে কফি খোৱাৰ পৰা বিৰত থাকিব লাগে। এনে লোকে কেফেইন সঠিকভাৱে হজম কৰিব নোৱাৰে, যাৰ ফলত তেওঁলোকৰ সমস্যা হ’ব পাৰে। আনহাতে শেহতীয়াকৈ ৰজোনিবৃত্তিৰ মাজেৰে পাৰ হোৱা মহিলাসকল অধিক হৰম’নৰ পৰিৱৰ্তনৰ বলি হ’ব পাৰে। যিসকল লোকৰ হৃদস্পন্দন ওপৰলৈ বা কমিছে বা উচ্চ বি পি ৰোগত আক্ৰান্ত লোকসকলেও বেছিকৈ কফি খোৱাৰ পৰা বিৰত থাকিব লাগে। তেনে নকৰিলে তেওঁলোকৰ উদ্বেগ, কঁপনি, উচ্চ বি পি আৰু অনিদ্ৰা আদি সমস্যা হ’ব পাৰে।
যদি আপুনি লিভাৰৰ ফিটনেছ বজাই ৰাখি কফি উপভোগ কৰিব বিচাৰে তেন্তে আপোনাৰ বাবে আটাইতকৈ স্বাস্থ্যকৰ কফি হ’ল চেনি, ক্ৰীম বা উচ্চ চৰ্বিযুক্ত গাখীৰ নোহোৱাকৈ তৈয়াৰী ক’লা কফি।
স্বাস্থ্য বিশেষজ্ঞৰ মতে, ঠাণ্ডা কফিক লিভাৰ ফিটনেছৰ বাবেও এটা ভাল বিকল্প বুলি গণ্য কৰা হয়, ই অধিক কোমল আৰু কম এচিডিক, গতিকে ই পেটত বিশেষ প্ৰভাৱ পেলোৱা নাই। দিনটোত ২-৩ কাপ সাধাৰণ বা ফিল্টাৰ কৰা কফি খাব পাৰে। ইয়াতকৈ বেছি কফি খালে ক্ষতি হ’ব পাৰে।
সাত সাগৰ তেৰ নদীৰ সিপাৰে মস্কোত (Asom Sahitya Sabha) ভাষা-সাহিত্যৰ সেৱক দুই তেজপুৰীয়া শিক্ষাবিদৰ উপস্থিতিত অসম সাহিত্য সভাৰ বিশেষ অনুষ্ঠান সম্পন্ন। উল্লেখ্য যে, অসম সাহিত্য সভাৰ আন্ত:ৰাজ্যিক বিদেশ মৈত্ৰী বন্ধন উপসমিতিৰ আৰু দ্য কুৱেষ্টৰ উদ্যোগত “ব্ৰহ্মপুত্ৰৰ পৰা মস্কোভালৈ কলা আৰু ধাৰণাৰ সংগম, অসম মস্কো সমন্বয় সেঁতু ,ইণ্ডোনেছিয়ান সাংস্কৃতিক সন্ধিয়া “শীৰ্ষক এক মননশীল কাৰ্যসূচী অলপতে মস্কোস্থিত দ্য ধাৱা, লেলিনস্কাই প্ৰচপে- “১৪৬ -৩ অনুষ্ঠিত হৈ যায় ।অনুষ্ঠানটিত অসম সাহিত্য সভাৰ আন্ত:ৰাজ্যিক বিদেশ মৈত্ৰী বন্ধন উপসমিতিৰ আহ্বায়ক তথা ডি এইচ এছ কানৈ মহাবিদ্যালয়ৰ অধ্যক্ষ ড০ শশীকান্ত শইকীয়াই উদ্দেশ্য ব্যাখ্যা কৰি এনেধৰনৰ অনুষ্ঠান অনুষ্ঠিত কৰাৰ ক্ষেত্ৰত অসম সাহিত্য সভাৰ সভাপতি ড০ বসন্ত গোস্বামী, উপসভাপতি পদুম ৰাজখোৱা আৰু প্ৰধান সম্পাদক দেৱজিৎ বৰাই যথেষ্ট উৎসাহ প্ৰদান কৰিছে।
মৈত্ৰী বন্ধনৰ কাৰ্যকৰী সভাপতি তথা তেজপুৰৰ বিহগুৰি নিবাসী গুৱাহাটী বিশ্ববিদ্যালয়ৰ অধ্যাপক ড০ যোগেন কলিতা, শোণিতপুৰ জিলা সাহিত্য সভাৰ প্ৰাক্তন সভাপতি তথা অৱসৰপ্ৰাপ্ত অধ্যক্ষ ড০ ভূপেন শইকীয়াকে ধৰি বিশিষ্ট ব্যক্তিসকলে অংশগ্ৰহণ কৰাৰ কালত ভিডিঅ কনফাৰেঞ্চৰ জৰিয়তে অসম সাহিত্য সভাৰ সভাপতি ড০ বসন্ত গোস্বামীয়ে বিশেষ বাৰ্তা প্ৰেৰণ কৰে। ড০ বলেন্দ্ৰ কুমাৰ দাসেও মননশীল ভাষণ প্ৰদান কৰা অনুষ্ঠানটিত অসমৰ বিহুৱা দলৰ বিহুনাচ আৰু বিহুনামেৰে জীপাল হৈ উঠে।
শ্বাহৰুখ খানে তেওঁৰ আগন্তুক ছবি ‘কিং’ৰ শ্বুটিং কৰি আছিল, (Shah Rukh Khan) একচন ছিন কৰি থকা অৱস্থাত আঘাতপ্ৰাপ্ত হয় কিং খান। এই দুৰ্ঘটনা সংঘটিত হৈছে মুম্বাইৰ গোল্ডেন টবেকো ষ্টুডিঅ’ত। বৰ্তমান তেওঁক চিকিৎসকৰ তত্বাৱধানত ৰখা হৈছে।
সংবাদ মাধ্যমৰ বাতৰি অনুসৰি শ্বাহৰুখ খান নিজৰ দলৰ সৈতে চিকিৎসাৰ বাবে আমেৰিকালৈ গৈছে। চিকিৎসকে তেওঁক অস্ত্ৰোপচাৰৰ পিছত প্ৰায় এমাহ জিৰণি ল’বলৈ পৰামৰ্শ দিছে। ইয়াৰ পূৰ্বেও তেওঁ বহুবাৰ ষ্টাণ্ট কৰি থাকোঁতে এনে পেশীৰ আঘাত পাইছে কিং খান। সুস্থ হৈ উঠিলে তেওঁ পুনৰ ছবিখনৰ শ্বুটিং আৰম্ভ কৰিব। বৰ্তমান এমাহ ধৰি ছবিখনৰ শ্বুটিং বন্ধ কৰা হৈছে বুলি কোৱা হৈছে। আঘাত বৰ গুৰুতৰ নহয়, কিন্তু পেশীৰ সৈতে জড়িত, সেইবাবে তেওঁ কিছু জিৰণি লোৱাৰ প্ৰয়োজন।
তিনিখন বলিউডৰ ছবিত অভিনয় কৰি আছে অসমৰ সুসন্তান তথা জনপ্ৰিয় অভিনেত্ৰী সুৰভি দাসে।(Surabhi Das)
তাৰে এখন হৈছে ৰণবীৰ কাপুৰ আৰু ছাই পল্লৱী অভিনীত ছবি ৰামায়ণ।
আৰু দুখনৰ নাম প্ৰকাশ কৰা নাই বৰ্তমানলৈকে।
সুৰভি অভিনীত বিগ বাজেটৰ ছবিখন নিতেশ তিৱাৰীয়ে পৰিচালনা কৰিছে।
ছবিখনৰ সংগীত কৰিছে হনছ জিম্মাৰ আৰু এ আৰ ৰহমানে।
বিগত তিনিবছৰে ৰাষ্ট্ৰীয় টেলিভিচনত অভিনয় কৰি আছে সুৰভিয়ে।
ৰাষ্ট্ৰীয় টেলিভিচনত অবিনয় কৰা পূৰ্বে সুৰভিয়ে অসমীয়া চিৰিয়েল আৰু মিউজিক ভিডিঅ’, নাটকত অভিনয় কৰি অভিনয় জগতত ভৰি দিছিল।
পেহেলগামৰ হিংসাত্মক ঘটনাৰ পিছত ৭-১০ (Donald Trump) মে’ত ভাৰত-পাকিস্তানৰ সংঘাত বন্ধ কৰাৰ ক্ষেত্ৰত মধ্যস্থতাকাৰী ভূমিকা গ্ৰহণ কৰা বুলি পুনৰ দাবী কৰিছে আমেৰিকাৰ ৰাষ্ট্ৰপতি ড’নাল্ড ট্ৰাম্পে।
ভাৰত আৰু পাকিস্তানৰ মাজত যুদ্ধবিৰতিৰ কৃতিত্ব বিগত দুমাহত প্ৰায় বহুবাৰ দাবী কৰিছে ড’নাল্ড ট্ৰাম্পে। আমেৰিকাৰ ৰাষ্ট্ৰপতি ড’নাল্ড ট্ৰাম্পে এইবাৰ দাবী কৰে যে ‘অপাৰেচন সিন্দুৰ’ৰ সময়ত দুয়োখন দেশৰ সংঘাতত কমেও চাৰি-পাঁচখন যুদ্ধ বিমান ধ্বংস হৈছিল। কিন্তু পেহেলগামৰ হত্যাকাণ্ডৰ পাছত ৭-১০ মে’ত ভাৰত-পাকিস্তান সংঘাতত কোনখন দেশৰ পৰা কিমানখন বিমান ধ্বংস হৈছিল সেই সন্দৰ্ভত ট্ৰাম্পে একো কোৱা নাছিল।
শুকুৰবাৰে ৰিপাব্লিকান পাৰ্টিৰ চিনেটৰ আৰু হাউছ অৱ ৰিপ্ৰেজেণ্টেটিভৰ সদস্যসকলৰ বাবে অনুষ্ঠিত হোৱা ৰাতিৰ আহাৰত ট্ৰাম্পে কয়, “আমি বহু যুদ্ধ বন্ধ কৰি দিলোঁ। আৰু ই যথেষ্ট গুৰুতৰ আছিল। ভাৰত আৰু পাকিস্তানৰ মাজত কি চলি আছিল। যুদ্ধ বিমান গুলীয়াই পেলোৱা হৈছিল। চাৰি-পাঁচখন। কিন্তু মই ভাবো যে পাঁচখন জেট বিমান আচলতে ধ্বংস হৈছিল। দুখন পাৰমাণৱিক অস্ত্ৰধাৰী দেশে যুদ্ধ কৰিছিল। আচলতে এয়া আছিল এক নতুন ধৰণৰ যুদ্ধ।”
২২ এপ্ৰিলত জম্মু-কাশ্মীৰৰ পেহেলগামত সংঘটিত সন্ত্ৰাসবাদী আক্ৰমণৰ পিছত ভাৰতে ইয়াৰ বাবে পাকিস্তানক দোষাৰোপ কৰি কেইবাটাও পদক্ষেপ গ্ৰহণ কৰিছিল। ‘অপাৰেচন সিন্দুৰ’ৰ প্ৰতিশোধমূলক অভিযানত ভাৰতীয় সেনাই ৬ মে’ৰ মাজনিশা পাকিস্তানক আক্ৰমণ কৰে। কেতবোৰ সন্ত্ৰাসবাদী শিবিৰ ধ্বংস কৰে ভাৰতীয় সেনাই। ইয়াৰ পিছত পাকিস্তানেও প্ৰতিশোধ লয়। চাৰিদিন ধৰি দুয়োখন দেশৰ মাজত সংঘাত অব্যাহত আছিল। ১০ মে’ত ভাৰত আৰু পাকিস্তানে যুদ্ধবিৰতিৰ বাবে সন্মতি প্ৰকাশ কৰে। এই যুদ্ধবিৰতি দুয়োখন দেশৰ সামৰিক বাহিনীৰ সামৰিক অভিযান সঞ্চালক প্ৰধান (DGMO) পৰ্যায়ত পাৰস্পৰিক আলোচনাৰ ভিত্তিত কৰা হৈছিল।
অৱশ্যে উল্লেখযোগ্যভাৱে ভাৰত আৰু পাকিস্তানৰ মাজত যুদ্ধবিৰতিৰ কথা প্ৰথম ঘোষণা কৰিছিল ট্ৰাম্পে। ইয়াৰ পিছত তেওঁ কেইবাবাৰো দাবী কৰিছে যে দক্ষিণ এছিয়াৰ দুয়োখন পাৰমাণৱিক অস্ত্ৰধাৰী দেশৰ মাজত যুদ্ধবিৰতিত তেওঁৰ কৃতিত্বআছিল। অৱশ্যে ইছলামবাদে ট্ৰাম্পৰ ক্ৰেডিট মানি লৈছিল যদিও নতুন দিল্লীয়ে তেওঁৰ দাবী মানি লোৱা নাছিল। এই সংঘাতৰ সময়ত পাঁচখন ভাৰতীয় যুদ্ধ বিমান ধ্বংস হোৱা বুলি দাবী কৰিছিল পাকিস্তানে। ভাৰতীয় সেনা প্ৰধান জেনেৰেল অনিল চৌহানে কৈছিল যে অপাৰেচন সিন্দুৰৰ সময়ত পাকিস্তানৰ আক্ৰমণত ভাৰতীয় যুদ্ধ বিমান ধ্বংস হৈছিল। অৱশ্যে কিমান যুদ্ধবিমান ধ্বংস হৈছিল সেই কথা তেওঁ কোৱা নাই।
শাওণ মাহ শিৱৰ অতি বিশেষ মাহ। (Sawan 2025) এইবাৰ শাওণ মাহত মালব্য ৰাজযোগ, বুঢ়াদিত্য ৰাজযোগ আৰু গজকেছাৰী ৰাজযোগ গঠন হ’বলৈ ধৰিছে। এই ৰাজযোগসমূহৰ শুভ প্ৰভাৱ বৃষ-মিথুন ৰাশিকে ধৰি ৫টা ৰাশিৰ ওপৰত পৰিব। এই লোকসকলৰ উপাৰ্জন বাঢ়িব, তেওঁলোকে বহুত খ্যাতি লাভ কৰিব আৰু শিৱৰ আশীৰ্বাদ লাভ কৰিব।২/৭
২৪ বছৰ পূৰ্বে শাওণ মাহত এনে মহাযোগ গঠন হৈছিল। এইবাৰ ২০২৫ চনৰ শাওণ মাহত এই সকলোবোৰ যোগ গঢ় লৈ উঠিছে, যাৰ বাবে এই মাহটো অতি বিশেষ হৈ পৰিছে। কোন কোন ৰাশিৰ বাবে শুভ জানি লওঁ আহক-
বৃষ ৰাশি-
শাওণত বৃষ ৰাশিৰ লোকৰ সুখ হ’ব। উপাৰ্জন বাঢ়িব। ভগৱান শিৱৰ আশীৰ্বাদত জীৱনত উন্ন্তি লাভ লাভ কৰিব। আপুনি সকলো দিশতে উপকৃত হ’ব। ধন-সম্পত্তিৰ সুখ পাব।
মিথুন ৰাশি-
গজকেছাৰী ৰাজযোগে মিথুন ৰাশিৰ লোকক বিশেষ সুবিধা প্ৰদান কৰিব। এই লোকসকলে উপাৰ্জনৰ ভাল সুযোগ পাব। ধন-সম্পত্তি, সমৃদ্ধি আৰু সন্মান লাভ কৰিব। কেৰিয়াৰত স্বীকৃতি পাব। জীৱনত সুখ পাব।
কৰ্কট ৰাশি-শাওণত কৰ্কট ৰাশিয়ে লাভ কৰিব আৰ্থিক সুবিধা। হঠাতে টকা পাব পাৰে। আপোনাৰ পত্নীৰ লগত ভাল সম্পৰ্ক থাকিব। ভ্ৰমণলৈ যাব পাৰিব।
বৃশ্চিক ৰাশি-
মালব্য ৰাজযোগে বৃশ্চিক ৰাশিৰ লোকক ঘৰ আৰু বাহনৰ সুখ দিব। বস্তুগত আৰাম বৃদ্ধি পাব। আপুনি ৰাজসুখ উপভোগ কৰিব। অবিবাহিত মানুহে নিজৰ আকাংক্ষিত জীৱন সংগী পাব। আৰ্থিক অৱস্থা সুদৃঢ় হ’ব।
ধনু ৰাশি-
গজকেছাৰী ৰাজযোগে ধনু ৰাশিৰ লোকক ধন আৰু উচ্চ পদবী প্ৰদান কৰিব। আনক সহায় কৰাত আপুনি আগবাঢ়ি যাব। আপুনি ধৰ্মৰ প্ৰতি প্ৰৱল হ’ব। পুৰণি সমস্যাবোৰ নাইকিয়া হৈ যাব। বিদেশ ভ্ৰমণৰ সম্ভাৱনা আছে।
আজিৰ দিনত প্ৰত্যাহ্বানৰ সন্মুখীন (Koliabar press club) হোৱা অন্যতম বৃত্তি হৈছে সাংবাদিকতা। এসময়ৰ সেৱা এতিয়া বৃত্তি লৈ পৰিৱৰ্তন হৈছে যদিও এই বৃত্তি কিমান সুৰক্ষিত? দহৰ মাজত আনৰ কথাকে বাতৰিৰ মাজেৰে নিৰবাচ্ছিন্নভাৱে বিলাই থকা সংবাদকৰ্মীসকলে এদিন নিজৰ কথাও ক’ব বিচাৰে, ৰাইজক জনাব বিচাৰে নিৰপত্তাহীন সংবাদকৰ্মীৰ বাতৰি সংগ্ৰহৰ জটিলতা আৰু প্ৰত্যাহ্বানৰ কথা।
এনেবোৰ বিষয়েই আলোচিত হ’ল কলিয়াবৰ প্ৰেছ ক্লাবৰ উদ্যোগত। সংবাদ আৰু সাংবাদিকসকল হৈছে গণতন্ত্ৰৰ অতন্দ্ৰ প্ৰহৰী। সেয়ে, গণতন্ত্ৰৰ চতুৰ্থ স্তম্ভৰ অভিধা দিয়া হৈছে। সংবাদকৰ্মীসকলে সমাজৰ বাবে সত্য, নিৰপেক্ষ তথ্য প্ৰেৰণ কৰি ৰাইজক সচেতন কৰে। তেওঁলোকে সামাজিক অন্যায়, দুৰ্নীতি আৰু প্ৰশাসনিক ত্ৰুটিসমূহ উন্মোচন কৰি সুশাসন বলৱৎ কৰাত গুৰুত্বপূৰ্ণ ভূমিকা গ্ৰহণ কৰে। কলিয়াবৰ প্ৰেছ ক্লাবে দীৰ্ঘদিন ধৰি সংবাদ মাধ্যমৰ স্বাধীনতা ৰক্ষা আৰু সাংবাদিকসকলৰ কল্যাণৰ হকে কাম কৰি আহিছে। এই অনুষ্ঠানে সংবাদকৰ্মীসকলৰ মাজত ঐক্য আৰু পেছাদাৰী দক্ষতা বৃদ্ধিতো অৰিহণা যোগাই আহিছে।
মধ্য অসমৰ অন্যতম সক্ৰিয় সাংবাদিক অনুষ্ঠান কলিয়াবৰ প্ৰেছ ক্লাৱৰ ২৯ সংখ্যক প্ৰতিষ্ঠা দিৱস আৰু একাদশ দ্বি- বাৰ্ষিক অধিবেশনৰ শুকুৰবাৰে সামৰণি পৰে। বৃহস্পতিবাৰৰ পৰা জখলাবন্ধা উচ্চতৰ মাধ্যমিক বিদ্যালয়ত অনুষ্ঠিত অধিবেশনৰ শুকুৰবাৰৰ দ্বিতীয় দিনা মুকলি সভা অনুষ্ঠিত হয়। কলিয়াবৰ প্ৰেছ ক্লাৱৰ সভাপতি তৰুণ মুক্তিয়াৰৰ সভাপতিত্বত অনুষ্ঠিত মুকলি সভা উদ্ধোধন কৰি দিয়া ভাষণত নগাঁও জিলা আয়ুক্ত দেৱাশীষ শৰ্মাই বৰ্তমান সময়ৰ সাংবাদিকতাৰ বিষয়ে উল্লেখ কৰি কয় – সাংবাদিকসকল সমাজৰ একো-একোজন নিষ্ঠাবান সৈনিক। সাংবাদিক সকলে সমাজখনক সঠিকভাৱে আগুৱাই নিয়াত ব্ৰতী হোৱা উচিত। কিন্তু বৰ্তমান সময়ত ইয়াৰ বিপৰীত অৱস্থা এটা প্ৰত্যক্ষ কৰা যায়। ইয়াৰ বাবে কেৱল সাংবাদিকসকল জগৰীয়া নহয়। সাধাৰণ পাঠক, শ্ৰুতা-দৰ্শক, বাতৰি প্ৰতিষ্ঠানৰ কৰ্তৃপক্ষই সামগ্ৰীকভাৱে বিষয়টো অৱলোকন কৰা উচিত।
সভাত মুখ্য অতিথি হিচাপে অংশগ্ৰহণ কৰি নগাঁও জিলা সাহিত্য সভাৰ সভাপতি ড০ শৰৎ বৰকটকীয়ে কয় যে, ‘সম্প্ৰতি সমগ্ৰ বিশ্বত ছপা মাধ্যমৰ বাতৰি কাকতৰ পাঠকৰ সংখ্যা কমিছে। বিশেষকৈ বাতৰি কাকতৰ প্ৰতি যুৱচামৰ আকৰ্ষণ কমিব ধৰিছে। বহু পাঠকে অনলাইন বাতৰি কাকত পঢ়িবলৈ বেছি পচন্দ কৰে। বিশ্বৰ বহু প্ৰতিষ্ঠিত ছপা সংবাদ প্ৰতিষ্ঠানত তলা উলমিছে। ক’ভিড মহামাৰীৰ পিছত অসমত বাতৰি কাকতৰ সংখ্যা যাথেষ্ট হ্ৰাস পোৱাৰ কথা উল্লেখ কৰি ড০ বৰকটকীয়ে কয় – ই অতি উদ্বেগৰ বিষয়।’
একেদৰে, সভাত নিৰ্দিষ্ট বক্তাৰ ভাষণ প্ৰদান কৰি গুৱাহাটী বিশ্ববিদ্যালয়ৰ যোগাযোগ আৰু সাংবাদিকতা বিভাগৰ অধ্যাপিকা ড০ ভাৰতী ভড়ালীয়ে ৰামায়ণ, মহাভাৰতৰ দিনৰ লগতে নাৰদ মুনিৰ সাংবাদিকতাৰ প্ৰসঙ্গ উল্লেখ কৰি কয় – এসময়ত সাংবাদিকতা সেৱা আছিল। বৰ্তমান বৃত্তিলৈ ৰূপান্তৰিত হৈছে সাংবাদিকতা। সেয়েহে ইয়াতো বৃত্তিগত দায়বদ্ধতা আহি পৰে। তদুপৰি, “সাংবাদিকৰ আৰ্থিক নিৰাপত্তা নাই” বুলি উল্লেখ কৰি ড০ ভড়ালীয়ে কয় – “ডিজিটেল সংস্কৰণৰ চাহিদা বঢ়া আৰু ৰাজহ হ্ৰাস হোৱাৰ লগে-লগে সংবাদ মাধ্যমসমূহ প্ৰত্যাহ্বানৰ সন্মুখীন হৈছে। সংবাদ মাধ্যমৰ ওপৰত আস্থা ৰাখিও ক’ব লাগিব তেওঁলোকে কোৱা বিষয় সঠিকভাৱে বিশ্লেষণ কৰিব লাগিব। নহ’লে জনসাধাৰণ বিভ্ৰান্ত হ’ব আৰু মহাভাৰতৰ দ্ৰোণাচাৰ্যৰ দৰে অৱস্থা হ’ব। আন চৰকাৰী-বেচৰকাৰী বৃত্তিৰ দৰে সংবাদকৰ্মীৰ আৰ্থিক ৰক্ষা কৱচৰ প্ৰয়োজন। এই ক্ষেত্ৰত সংবাদকৰ্মীসকলে নিজৰ প্ৰাপ্য সমূহৰ সঠিক উপস্থাপনৰ জৰিয়তে চৰকাৰৰ দৃষ্টি আকৰ্ষণ কৰিব লাগিব।”
আনহাতে, কলিয়াবৰ প্ৰেছ ক্লাৱৰ সম্পাদক গৌতম বৰাই উদ্দেশ্য ব্যাখ্যা কৰা সভাত কলিয়াবৰ প্ৰেছ ক্লাবে প্ৰথমবাৰৰ বাবে প্ৰৱৰ্তন কৰা ‘টুন্- ৰুং- ডাম্’ বঁটা প্ৰদান কৰা হয় বিশিষ্ট সাহিত্যিক, শিক্ষাবিদ, সাংবাদিক উপেন্দ্ৰ বৰকটকীক। এই বঁটাত আছে গামোচা, চেলেং, স্মাৰক, মানপত্ৰ আৰু মাননি। অধিবেশনৰ আদৰণি সমিতিৰ সভাপতি বিপুল হাজৰিকাই আদৰণি ভাষণ প্ৰদান কৰা সভাত স্মৃতিগ্ৰন্থ ‘টুন্- ৰুং- ডাম্’ উন্মোচন কৰি বিশিষ্ট সাংবাদিক কনক হাজৰিকাই কয় – স্মৃতিগ্ৰন্থই একোটা অনুষ্ঠানৰ ইতিহাস সজীৱ কৰি ৰাখে।
সভাত কলিয়াবৰ সমজিলাৰ আয়ুক্ত ৰাজ বৰুৱা, শিক্ষাসেৱী শিৱৰঞ্জন মহন্ত, নগাঁও জিলা জন-সংযোগ বিষয়া মন্দিৰা চায়েঙীয়া, কলিয়াবৰ সমজিলাৰ আৰক্ষী বিষয়া বিপুল চেতিয়া, কলিয়াবৰৰ উন্নয়ন খণ্ডৰ খণ্ড উন্নয়ন বিষয়া শিল্পা দত্তই অংশগ্ৰহণ কৰে। এই সভাতেই বৃহস্পতিবাৰে অনুষ্ঠিত বাতৰি লিখা আৰু বক্তৃতা প্ৰতিযোগিতাৰ বিজয়ী ছাত্ৰ-ছাত্ৰীসকলক বঁটা প্ৰদান কৰা হয়। সভাৰ আৰম্ভণিতে সমবেত সংগীত আৰু সভাৰ মাজত নৃত্য-গীত পৰিৱেশন কৰা হয়।
আজি গুৱাহাটী ৰবীন্দ্ৰ ভৱনত শিল্পী সমাজৰ একত্ৰিত প্ৰতিবাদ।(Artists protest)
বিগত তিনি বছৰে বন্ধ হৈ থকা ৰবীন্দ্ৰ ভৱন মুকলি কৰি দিয়াৰ দাবী।
গীতে মাতে উত্তাল ৰবীন্দ্ৰ ভৱনৰ প্ৰাংগণ।
পুৰণি ৰবীন্দ্ৰ ভৱন ঘূৰাই দিয়াৰ দাবী চৰকাৰক।
প্ৰস্তাৱিত ৰবীন্দ্ৰ ভৱনৰ অভিলাষী প্ৰকল্প লাচিত ঘাটলৈ স্থানান্তৰ কৰাৰ দাবী শিল্পী সমাজৰ।
ছমাহৰ ভিতৰত ৰবীন্দ্ৰ ভৱন উপযুক্তভাবে মেৰামতি কৰি নাটক আদি প্ৰদৰ্শনৰ বাবে মুকলি কৰি দিয়াৰো দাবী।
