আজি মহানগৰীৰ কলাক্ষেত্ৰত মটক(Mattak Community)জনগোষ্ঠীৰ সাংস্কৃতিক ঐতিহ্যৰ এক গুৰুত্বপূর্ণ প্ৰতীক হিচাপে “গছ তলৰ বিহু”ৰ প্ৰতীক পটৰ শুভ উদ্বোধন অনুষ্ঠিত হয়। মটক স্বায়ত্ব শাসিত পৰিষদৰ তত্ত্বাৱধানত অনুষ্ঠিত এই উদ্বোধনী অনুষ্ঠানত বহু গণ্যমান্য ব্যক্তি আৰু জনগোষ্ঠীৰ সদস্যসকলে উপস্থিত থাকি অনুষ্ঠানক গৌৰৱজনক ৰূপত সম্পন্ন কৰে।
দীৰ্ঘদিন ধৰি মটক জনগোষ্ঠীয়ে দাবী কৰি অহা গছ তলৰ বিহুৰ সাংস্কৃতিক স্বীকৃতি আজি এক প্ৰতীক পটৰ ৰূপত কলাক্ষেত্ৰত স্থান লাভ কৰাত আনন্দৰ সোঁত বৈ গৈছে সম্প্ৰদায়টোৰ মাজত।
উল্লেখযোগ্য যে, এই প্ৰতীক পটটি মটক জনগোষ্ঠীৰ বিশেষ উন্নয়ন পুঁজিৰ অধীনত নিৰ্মাণ কৰা হৈছে। মটক সমাজৰ ধৰ্মীয়, সামাজিক, আৰু সাংস্কৃতিক পৰিচয় বহন কৰা এই বিহু উৎসৱৰ প্ৰতীকটোৱে ৰাজ্যিক পৰ্যায়ত মটক সংস্কৃতিৰ প্ৰচাৰ-প্ৰসাৰৰ বাবে এক উল্লেখযোগ্য ভূমিকা গ্ৰহণ কৰিব বুলি উদ্যোক্তাসকলে আশা প্ৰকাশ কৰিছে।
অনুষ্ঠানত মটক সমাজৰ ঐতিহাসিক পটভূমি, সংস্কৃতি, নৃত্য-গীত, পৰম্পৰা আৰু “গছ তলৰ বিহু”ৰ বৈশিষ্ট্যক কেন্দ্ৰ কৰি আলোচনা সভা আৰু সাংস্কৃতিক কাৰ্যসূচীও অনুষ্ঠিত হয়।
এই অনুষ্ঠানৰ জৰিয়তে মটক জনগোষ্ঠীয়ে নিজৰ ঐতিহ্যক ৰাজহুৱা ভাৱে প্ৰতিষ্ঠা কৰাৰ লগতে, নতুন প্ৰজন্মৰ বাবে এটি সাংস্কৃতিক সচেতনতাৰ বাতৰি আগবঢ়াব পাৰে বুলি অভিমত প্ৰকাশ কৰা হৈছে।
বাস্তুৰ মতে জেতুকা গছ ঘৰত ৰুৱ নালাগে। বিশ্বাস কৰা হয় যে জেতুকা গছত নেতিবাচক শক্তি থাকিব পাৰে। যি ঠাইত জেতুকা গছ ৰোপণ কৰা হয়, তাত ঋণাত্মক শক্তিৰ প্ৰবাহ হয়।
ঘৰখন আগবাঢ়িব নোৱাৰে। জেতুকা গছ ঘৰত থাকিলে ঘৰৰ শান্তি আৰু সুখ বিঘ্নিত হয় আৰু কোনো উন্নতি নহয়।
২৭ জুন শুকুৰবাৰে শেষ নিশ্বাস ত্যাগ কৰে অভিনেত্ৰী শ্বেফালী জাৰিৱালায়ে। ‘কাঁটা লগা গাৰ্ল’ নামেৰে বিখ্যাত শ্বেফালীৰ হৃদক্ৰিয়া বন্ধ হৈ মৃত্যু হয়। অৱশ্যে এই সন্দৰ্ভত মুম্বাই আৰক্ষীয়ে তদন্ত অব্যাহত ৰাখিছে।
আৰক্ষীৰ তদন্তত পোহৰলৈ আহিছে শ্বেফালীয়ে যোৱা ৭-৮ বছৰ ধৰি নিয়মিতভাৱে এন্টি এজিং ঔষধ সেৱন কৰি আছিল। ২৭ জুনত তেওঁলোকৰ ঘৰত পূজাৰ আয়োজন কৰা হৈছিল, যাৰ বাবে শ্বেফালীয়ে উপবাসে আছিল তাৰ পিছতো সেইদিনা দুপৰীয়া এণ্টি এজিং মেডিচিনৰ বেজী লৈছিল। এই ঔষধবোৰ বছৰ বছৰ আগতে ডাক্তৰৰ পৰামৰ্শ মতে তেওঁক দিয়া হৈছিল আৰু তেতিয়াৰ পৰাই তেওঁ প্ৰতিমাহে এই চিকিৎসা গ্ৰহণ কৰিছিল। আৰক্ষীয়ে সন্দেহ কৰিছে যে এই ঔষধবোৰো তেওঁৰ হঠাৎ মৃত্যুৰ এটা কাৰণ হ’ব পাৰে, যাৰ বাবে তেওঁৰ হৃদক্ৰিয়া বন্ধ হৈ গৈছিল।ৱেবিনাৰ: দৈ এম্বিয়েণ্টলৈ যায়
খবৰ অনুসৰি ঘটনা সংঘটিত হোৱাৰ সময়ত নিশা ১০ৰ পৰা ১১ বজাৰ ভিতৰত হঠাৎ শেফালীৰ স্বাস্থ্যৰ অৱনতি ঘটিবলৈ ধৰে। তেওঁৰ শৰীৰটো কঁপি অচেতন হৈ পৰিল। লগে লগে চিকিৎসালয়লৈ লৈ যোৱা হয়। ঘটনাৰ সময়ত শ্বেফলীৰ স্বামী পৰাগ, মাতৃ আৰু কিছু সদস্য ঘৰত উপস্থিত আছিল। ফৰেনছিক দলটোৱে তেওঁৰ ঘৰৰ পৰা বিভিন্ন ধৰণৰ ঔষধ জব্দ কৰিছে, য’ত আছে এন্টি এজিং শিশি, ভিটামিন চাপ্লিমেণ্ট আৰু গেষ্ট্ৰিক সম্পৰ্কীয় বড়ি। এতিয়ালৈকে আৰক্ষীয়ে এই গোচৰত বেলভিউ হাস্পতালৰ পৰিয়ালৰ সদস্য, ঘৰুৱা চাকৰিয়াল আৰু চিকিৎসককে ধৰি আঠজন লোকৰ বক্তব্য লিপিবদ্ধ কৰিছে।
তদন্তৰ সময়ত কোনো ধৰণৰ বিবাদ বা কাজিয়াৰ কোনো চিন পোৱা নাই। আৰক্ষী আৰু ফৰেনছিক দলটোৱে এতিয়া মৰণোত্তৰ পৰীক্ষাৰ প্ৰতিবেদন আৰু ঔষধৰ লেব তদন্তৰ ভিত্তিত অধিক ব্যৱস্থা গ্ৰহণ কৰিছে, যাতে মৃত্যুৰ প্ৰকৃত কাৰণ জানিব পৰা যায়। এই গোচৰৰ তদন্ত চলি আছে আৰু শীঘ্ৰে সম্পূৰ্ণ প্ৰতিবেদন ওলোৱাৰ সম্ভাৱনা আছে।
২৭ জুনত বৃহস্পতিবাৰে গভীৰ নিশা শ্বেফালিৰ হৃদযন্ত্ৰৰ ক্ৰিয়া বন্ধ হৈছিল।ইয়াৰ পিছত স্বামী পৰাগ ত্যাগী আৰু আন তিনিজনে তেওঁক মুম্বাইৰ বেলভিউ মাল্টিস্পেচিয়েলিটি হাস্পতাললৈ লৈ যায়, য’ত চিকিৎসকে তেওঁক মৃত বুলি ঘোষণা কৰে। উল্লেখযোগ্য যে ২০০২ চনত শ্বেফালী জাৰিৱালাই ১৯৭২ চনৰ ‘সমাধি’ ছবিৰ ক্লাছিক লতা মংগেশকাৰ গীত ‘কাঁটা লাগা’ৰ ৰিমিক্সৰ প্ৰচণ্ড সফলতাৰে নিজৰ নাম উজলাইছিল। এই গীতটোৰ বাবেই তেওঁ ‘কাঁটা লগা গাৰ্ল’ নামেৰে বিখ্যাত হৈছিল।
