যদি আপুনিও জীৱনত সফলতা লাভ কৰিব বিচাৰে,(Vastu Tips)তেন্তে আপোনাৰ বহা ঠাইখন পৰীক্ষা কৰক। প্ৰতিটো কৰ্মক্ষেত্ৰতে বহিবলৈ এটা বিশেষ দিশ থাকে আৰু সেই ঠাইত বহি কাম কৰিলে কেৰিয়াৰ দ্ৰুতগতিত আগবাঢ়ি যায়।
গোটেই বছৰটো কঠোৰ পৰিশ্ৰম কৰাৰ পিছত প্ৰতিজন ব্যক্তিয়ে কামনা কৰে যে তেওঁৰ পদোন্নতি হ’ব লাগে। একে সময়তে ব্যৱসায়ীসকলে লাভ বৃদ্ধি কৰিব বিচাৰে। কিন্তু বছৰৰ শেষত যদি আপোনাৰ এই ইচ্ছা পূৰণ নহয়, তেন্তে মনটো বেয়া লাগে। বাস্তু শাস্ত্ৰৰ মতে ইয়াৰ কাৰণ কৰ্মক্ষেত্ৰত আপোনাৰ বহা ঠাইও হ’ব পাৰে। ভুল দিশত বহিলে আপোনাৰ অগ্ৰগতিৰ পথ বন্ধ হৈ যায়, গতিকে সময় থাকোঁতে বহীৰ সঠিক দিশ জানি লওক।
কৰ্মক্ষেত্ৰত বহাৰ সঠি দিশ-
বাস্তু শাস্ত্ৰৰ মতে চাকৰি আৰু ব্যৱসায়ত সফলতাৰ বাবে বহাৰ দিশটো অতি গুৰুত্বপূৰ্ণ বুলি বিবেচিত হয়। ইয়াৰ বাবে যদি আমি আটাইতকৈ শুভ দিশৰ কথা কওঁ, তেন্তে সেয়া হ’ল পশ্চিম দিশ। এই দিশক লাভৰ দিশ বুলি ধৰা হয়। অৰ্থাৎ কৰ্মক্ষেত্ৰত এই দিশত বহিলে ফলাফল পোৱাৰ সম্ভাৱনা প্ৰবল হৈ পৰে।
ধৰ্মীয় পণ্ডিতসকলৰ মতে যদি কোনো কাৰণত কৰ্মস্থলীৰ পশ্চিম দিশত বহিবলৈ ঠাই নাথাকে, তেন্তে জ্যোতিষীৰ সৈতে যোগাযোগ কৰি বিকল্প সমাধান বিচাৰিব পাৰে। এনে পৰিস্থিতিত দক্ষিণ-পশ্চিম বা উত্তৰ-পশ্চিমও বিকল্প হ’ব পাৰে। ইয়াৰ লগতে পশ্চিম দিশৰ বেৰত ৰূপালী বা সোণালী ৰঙৰ ফ্ৰেমত এখন বিশেষ ফটো বা পেইন্টিং ৰাখিব লাগে। এনে কৰিলে ধনাত্মক শক্তিৰ প্ৰবাহ বৃদ্ধি পায় আৰু আত্মবিশ্বাস শক্তিশালী হয়।
মন কৰিবলগীয়া যে পশ্চিম দিশটো সকলোৰে বাবে সমানে লাভজনক নহ’বও পাৰে। প্ৰতিজন ব্যক্তিৰ ৰাশিফলৰ ওপৰতো নিৰ্ভৰ কৰে। কিছুমান মানুহৰ বাবে পশ্চিম দিশত বহি থাকিলেও অপ্ৰীতিকৰ ফলাফল দিবলৈ আৰম্ভ কৰিব পাৰে। গতিকে জ্যোতিষীৰ পৰামৰ্শ লৈহে এই বিষয়ে সিদ্ধান্ত লওক। কেৱল এয়াই নহয়, এই দিশত বহাৰ আগতে নিতৌ পূজা-পাঠ কৰক। এনে কৰিলে দেৱ-দেৱীৰ আশীৰ্বাদ লাভ কৰিব।
গুৱাহাটী প্ৰেছ ক্লাৱত দেওবাৰে অনুষ্ঠিত এখন গাম্ভীৰ্যপূৰ্ণ (Bihunam Binandia) সভাত প্রিয়নাৰী ড° মন্দিৰা বৰুৱাৰ ‘বিহুনাম বিনন্দীয়া’ আৰু ‘বিয়ানাম অমিয়া’ নামৰ দুখনি গ্রন্থ উন্মোচন কৰা হয়। এশ বছৰৰ পুৰণি বিহুনাম সংগ্রহ ‘বিহুনাম বিনন্দীয়া’ গ্রন্থখন উন্মোচন কৰি বিহু সম্ৰাট খগেন গগৈ য়ে কয়- মন্দিৰা বৰুৱাক বহু দিন আগতে পাইছিলোঁ। তেওঁ বিভিন্ন লোকসংস্কৃতিৰ কামত একাগ্ৰতাৰে লাগি আছে। বিহু নাম বুলি কলে অনুষ্ঠানলৈ আহিবলৈ মন যায়। অসমীয়া অতি জীয়াই থকা লৈকে বিহু জীয়াই থাকিব। অসমীয়া লোক সংস্কৃতি যদি ভালদৰে শিকে তেতিয়া বহু কামত সহায়ক হয়। মই এই লোক সংস্কৃতিৰ লগত জড়িত হোৱা বাবে পৃথিৱীৰ ১৫ খন ৰাষ্ট্ৰ ঘূৰিবলৈ সক্ষম হলো। মই লোক সংস্কৃতি, টোকাৰী গীত হৃদয়ত লৈ থকা বাবে আজি দেশ বিদেশ ঘূৰিলোঁ। লেখিকাই ১০০ বছৰ পুৰণি বিহু নাম সংগ্ৰহ কৰিছে।যদিহে কিছুমান থলুৱা শব্দ বাদ দিয়া হয় তেতিয়া লোক সংস্কৃতিৰ আমেজ নোহোৱা হৈ যাব । লেখিকাই সংগ্ৰহ কৰা এই গ্ৰন্থখনত পূৰণা পুৰণা বিহু নাম ৰাইজে সংগ্ৰহ কৰিবলৈ সক্ষম হ’ব।’
আনহাতে ‘বিয়ানাম অমিয়া’ নামৰ গ্ৰন্থখন উন্মোচন কৰি কন্ঠশিল্পী প্ৰশান্ত ৰাজখোৱাই কয়- সাহসী নাৰী মন্দিৰা বৰুৱাই অসমৰ প্রথম মহিলা কেব চালক। তেওঁ বহু মহিলাক স্বাৱলম্বী কৰিছে। এনে এগৰাকী নাৰী আমাৰ সমাজৰ বাবে খুবেই প্ৰয়োজন। তেওঁৰ বিয়া নাম আৰু এশ বছৰ পুৰণি বিহু নাম সংগ্ৰহ কৰা এক আপুৰুগীয়া প্ৰচেষ্টা। তেওঁ আৰু ভাল ভাল কম কৰি যাওঁক। সমাজ সংস্কৃতিৰ বাবে কাম কৰি আগবাঢ়ি যাওঁক তাৰে আশা কৰিলোঁ।’ গীত বাদ্যৰ সমাহাৰেৰে জীপাল কৰিব খোজা এই সভাত কেইবাটাজনো বিশেষ ব্যক্তি ক্ৰমে চক্ৰপানী পৰাশৰ(সাংবাদিকতা), বশিষ্ঠ দেৱ ফুকন(সাংবাদিকতা),মনজিৎ ৰাজখোৱা(চিত্ৰশিল্পী),মৃন্ময় গোস্বামী(সমাজ সেৱক), ভৱেন বড়া(সাহিত্যিক), বিশ্বজিৎ দাস(মুখ্য সম্পাদক অসমীয়া খবৰ,)অলি বড়া(বিশিষ্ট ব্যৱসায়ী),ডাঃধীৰেন কুমাৰ নাথ(চিকিৎসক),শংকৰ কাকতি(সাহিত্যিক,সাংবাদি),ৰাণা বশিষ্ঠ(অসম শিক্ষা সংসদৰ সচিব),ৰূপজ্যোতি কলিতা(পাট মুগা সাজ ব্যৱসায়ী),দেৱেশ্বৰ শইকীয়া(বিশিষ্ট ঢোলবাদক)ড° হেমেন হাজৰিকা(জেষ্ঠ পৰিৱেশ বিজ্ঞানী,ভাৰত চৰকাৰ), হীৰকজ্যোতি শৰ্মা(লোকশিল্পী)ক বিশেষভাৱে সম্বৰ্ধনা জনোৱা হয়। সভাখন আতঁধৰে সাতসৰী সামাজিক সাংস্কৃতিক অনুষ্ঠানৰ সাংস্কৃতিক সম্পাদক অসম ভাষা গৌৰৱ বটাঁ প্ৰাপ্ত যুৱ সাহিত্যিক ৰণদ্বীপ চহৰীয়াই। সভাত সাতসৰীৰ স্বত্বাধিকাৰী
ড০ মন্দিৰা বৰুৱাই গ্ৰন্থ দুখনৰ আঁৰৰ কথা কোৱাৰ লগতে এটা বিয়ানাম পৰিবেশন কৰি উপস্থিত সকলোকে আপ্লুত কৰে। সভাত বৰগীত পৰিৱেশন কৰে লাৱণ্য মহন্তই, মেনডলিন বাদন কৰে ভাৰ্চু বৰুৱাই আৰু সমবেত সংগীত পৰিৱেশন সাতসৰীৰ সদস্য বৃন্দই। সভাত বহু গণ্য মান্য ব্যক্তি উপস্থিত থাকে।
Trump for Nobel Peace Prize: ট্ৰাম্পক শান্তিৰ নোবেল বঁটা প্ৰদান কৰক, পৰামৰ্শ দিলে পাকিস্তানে
আমেৰিকাৰ ৰাষ্ট্ৰপতি ড’নাল্ড ট্ৰাম্পক (Trump for Nobel Peace Prize) শান্তিৰ নোবেল বঁটা প্ৰদান কৰা উচিত৷ পাকিস্তানে এই বুলিয়েই পৰামৰ্শ দিলে। শুকুৰবাৰে ট্ৰাম্পে কৈছিল, ‘মই নোবেল লাভ কৰা উচিত আছিল’ এই কাৰণেই পাকিস্তানে এই পৰামৰ্শ দিলে৷ ভাৰতৰ বৈদেশিক সচিব বিক্ৰম মিশ্ৰীয়ে ইয়াৰ পূৰ্বে কৈছিল যে আমেৰিকাৰ ৰাষ্ট্ৰপতিয়ে প্ৰধানমন্ত্ৰী নৰেন্দ্ৰ মোদীৰ সৈতে ৩৫ মিনিটৰ বাবে ফোনত কথা পাতিছিল৷ তাতে মোদীয়ে তেওঁক কয় যে ভাৰত আৰু পাকিস্তানৰ মাজত যুদ্ধবিৰতি কাৰো মধ্যস্থতাত হোৱা নাই৷ যুদ্ধবিৰতিৰ প্ৰস্তাৱ আহিছিল পাকিস্তানৰ পৰা৷ ভাৰতে সন্মতি দিলে৷ কিন্তু কেইঘণ্টামানৰ ভিতৰতে ট্ৰাম্পে পুনৰবাৰ দাবী কৰিলে যে ভাৰত আৰু পাকিস্তান নামৰ দুখন পাৰমাণৱিক অস্ত্ৰৰে সজ্জিত ৰাষ্ট্ৰৰ মাজত ক্ৰমবৰ্ধমান সংঘাত বন্ধ কৰি দিছে৷ তেৱেঁই মধ্যস্থতা কৰিছিল৷ পাকিস্তানেও আৰম্ভণিৰে পৰাই ট্ৰাম্পৰ এই দাবীক সমৰ্থন কৰি আহিছে৷ এইবাৰ পাকিস্তানে বিচাৰিছে ট্ৰাম্পে সেই ‘পদক্ষেপ’ৰ বাবে ২০২৬ চনত শান্তিৰ নোবেল বঁটা লাভ কৰক৷
শনিবাৰে পাকিস্তান চৰকাৰে এক আনুষ্ঠানিক বিবৃতি প্ৰকাশ কৰে৷ পাকিস্তানী সংবাদ মাধ্যম ডনে সেই তথ্য প্ৰকাশ কৰি চৰকাৰী বিবৃতিৰ উদ্ধৃতি দিয়ে৷ ছ’চিয়েল মিডিয়াত প্ৰকাশিত পাকিস্তানৰ বিবৃতিত কোৱা হৈছে যে, ‘ক্ৰমবৰ্ধমান আঞ্চলিক অস্থিৰতাৰ মাজতে ট্ৰাম্পে অসাধাৰণ কূটনৈতিক দৃষ্টিভংগী দেখুৱাইছে৷ তেওঁ নিপুণতাৰে ভাৰত আৰু পাকিস্তানৰ মাজত আপোচৰ দালালি কৰিছে৷ ট্ৰাম্পে দুয়োখন পাৰমাণৱিক অস্ত্ৰধাৰী ৰাষ্ট্ৰৰ মাজত যুদ্ধবিৰতি নিশ্চিত কৰিছে৷ ফলত বৃহত্তৰ সংঘাত ৰোধ কৰা হৈছে৷ লাখ লাখ মানুহৰ দুখ-কষ্ট ৰোধ কৰা হৈছে৷’ ইয়াৰ বাবে ইছলামবাদৰ মতে ট্ৰাম্পে ২০২৬ চনৰ শান্তিৰ নোবেল বঁটা লাভ কৰিব লাগে৷ তেওঁলোকৰ মতে, ‘ভাৰত আৰু পাকিস্তানৰ সংঘাতত এই হস্তক্ষেপে প্ৰকৃত শান্তিপ্ৰেমী হিচাপে ট্ৰাম্পৰ ভূমিকা প্ৰমাণ কৰে৷ তেওঁ আলোচনাৰ জৰিয়তে সংঘাত সমাধানৰ ওপৰত গুৰুত্ব আৰোপ কৰিছে৷’ কেৱল সেয়াই নহয়, পাকিস্তান চৰকাৰৰ বিবৃতিত জম্মু-কাশ্মীৰক লৈ ভাৰত আৰু পাকিস্তানৰ মাজত দীৰ্ঘদিনীয়া বিবাদ সমাধানৰ বাবে ট্ৰাম্পে আগবঢ়োৱা সহায়ৰ কথাও উল্লেখ কৰা হৈছে৷ পাকিস্তান চৰকাৰৰ মতে পশ্চিম এছিয়াত বৰ্তমান ইজৰাইল আৰু ইৰাণৰ মাজত চলি থকা সংঘাতত ট্ৰাম্পে গুৰুত্বপূৰ্ণ ভূমিকা পালন কৰিব৷
কাকতালীয়ভাৱে ক’ব পাৰি যে ইয়াৰ পূৰ্বেও ট্ৰাম্পৰ নাম নোবেল বঁটাৰ বাবে মনোনীত হৈছিল৷ অৱশ্যে তেওঁ এই বঁটা লাভ কৰা নাছিল৷ ২০০৯ চনত আমেৰিকাৰ প্ৰাক্তন ৰাষ্ট্ৰপতি বাৰাক ওবামাই শান্তিৰ নোবেল বঁটা লাভ কৰিছিল৷
US joins Israel’s strikes on Iran: ইৰানৰ তিনিটা পাৰমাণৱিক ঘাটিত আক্ৰমণ আমেৰিকাৰ
তৃতীয় বিশ্বযুদ্ধৰ দিশে নেকি বিশ্ব? ইৰানৰ তিনিটাকৈ পাৰমাণৱিক ঘাটিত আমেৰিকাৰ আক্ৰমণ। ফর্ডো, নাটাঞ্জ, এছফাহানত আমেৰিকাৰ বিমান আক্ৰমণ। এই আক্রমণ সফল বুলি অভিহিত কৰে ৰাষ্ট্ৰপতি ড’নাল্ড ট্রাম্পে।(US joins Israel’s strikes on Iran)
