আজি পুনৰ অসমলৈ আহিব কেন্দ্ৰীয় গৃহমন্ত্ৰী অমিত শ্বাহ। (Amit Shah)
বিয়লি ৫ বজাত গুৱাহাটী আহি পাব গৃহমন্ত্ৰীগৰাকী।
নিশা ৮ বজাত গুৱাহাটী পাবহি বিজেপি যুৱমৰ্চাৰ ৰাষ্ট্ৰীয় সভাপতি তেজস্বী সূৰ্যও।
কাইলৈ যুৱ মৰ্চাই আয়োজন কৰা যুৱ সন্মিলনত ভাগ ল’ব দুয়োগৰাকী নেতাই।
কাইলৈ ১২বজাত প্ৰাগজ্যোতিষ মেডিকেল কলেজৰ শিলান্যাস কৰিব গৃহমন্ত্ৰী অমিত শ্বাহে।
আজি শিলচৰলৈ যাব প্ৰধানমন্ত্ৰী নৰেন্দ্ৰ মোদী।
পুৱা ১১ বজাত শিলচৰত উপস্থিত হ’ব প্ৰধানমন্ত্ৰীগৰাকী।
শিলচৰৰ অম্বিকাপুৰত প্ৰধানমন্ত্ৰীয়ে সম্বোধন কৰিব বিশাল জনসভা।
জনসভাত প্রায় দুই লাখ লোক উপস্থিত থকাৰ সম্ভাৱনা।
শিলচৰত মুঠ ২৩,৫৫০ কোটি টকাৰ বিভিন্ন প্ৰকল্পৰ আধাৰশিলা স্থাপন কৰিব।
শ্বিলং-শিলচৰ হাইস্পীড কৰিডৰৰ আধাৰশিলা স্থাপন কৰিব।
২২,৮৬০ কোটি টকাৰে নিৰ্মাণ হ’ব হাইস্পীড কৰিডৰ, হ্রাস কৰিব গুৱাহাটী-শিলচৰ ভ্ৰমণৰ সময়।
প্ৰধানমন্ত্ৰীয়ে শিলচৰ নগৰ উৰণ সেতুৰো ভূমিপূজন কৰিব।
আনহাতে পাথাৰকান্দিৰ কৃষি মহাবিদ্যালয়ৰো শিলান্যাস কৰিব প্রধানমন্ত্রী নৰেন্দ্ৰ মোদীয়ে।
আগন্তুক বিধান সভাৰ নিৰ্বাচনৰ প্ৰতি লক্ষ্য ৰাখি বিজিপি যুৱ মৰ্চা সৌজনত দংকামোকাম বিজেপি যূৱ সম্নিলন অনুষ্ঠিত হয় ৷ সভাত উপস্থিত কেএএচি চিইএম ড° তুলিৰাম ৰংহাং ৰাইজক উদ্দেশি ভাষণ আগবঢাই ৷ ৰাইজে চিন্তা কৰিব নালাগে ৰংখাংঙত দলে টিকত দিলে সাজু বুলি উল্লেখ কৰে ৷
সকলো ৰাইজৰ সহায় সহযোগ কৰিবলৈ আহ্বান ৷ বিৰোধীদলে ৰাইজক বিপথে পৰিচালিত কৰা বাহিৰে কোনো কাম নাই বুলি উলেখ কৰে ৷ সভাত উপস্থিত থাকে মধ্য প্ৰদেশৰ সাংসদ তথা দিফু লোকসভাৰ প্ৰভাৰি ভিবেক কুমাৰ চাহু ।
ৰাজ্য কঁপোৱা অভি-নীল কাণ্ডৰ শুনানি প্ৰক্ৰিয়া সম্পন্ন।
দুয়োপক্ষৰ অধিবক্তা উপস্থিত আছিল অন্তিম শুনানিত।
৬ এপ্রিলত হ’ব গোচৰৰ ৰায়দান।
দোষীয়ে কঠোৰ শাস্তি পাব বুলি আশাবাদী অভি-নীলৰ পিতৃ।
এই ঘটনাত অভিযুক্তৰ বিৰুদ্ধে প্রমাণ নাই বুলি মন্তব্য অভিযুক্ত পক্ষৰ অধিবক্তা মানস শৰণীয়াৰ।
মণিকূট প্ৰকাশনে অহা বসন্তৰ বতৰতে মানস প্ৰতিম দত্তৰ এখন মনোমোহা শিশু-গল্প সংকলন ‘মানুৰ অংকৰ উত্তৰ বহীখন’ প্ৰকাশৰ যো-জা চলাইছে। শিশু আৰু চেমনীয়াসকলক আকৰ্ষণ কৰিবৰ পৰা মনোৰম গল্পৰে সজোৱা গ্ৰন্থখনৰ আকৰ্ষণীয় কাহিনী আৰু জীপাল ছবিয়ে যুৱ মনত নৈতিকতা আৰু ইতিবাচক পৰিৱেশ সুৰক্ষা মানসিকতাৰ ভৱিষ্যত গঢ়ি তোলাৰ দায়িত্বশীল ভূমিকা গ্ৰহণ কৰিবলৈ প্ৰেৰণা যোগাব।
ধেমাজি জিলাৰ এগৰাকী অন্যতম যুৱ লেখক, অনুবাদক, শিক্ষক মানস প্ৰতিম দত্তই তেওঁৰ শিশু-গ্ৰন্থখনত নিজৰ দৃষ্টিভংগী জীৱন্ত কৰি তুলিবলৈ যত্ন কৰিছে। এজন লেখক, কবি, অনুবাদক হিচাপে সুপৰিচিত মানসৰ ইতিপূৰ্বে প্ৰকাশিত পৰিৱেশ বিষয়ক গ্ৰন্থ সংকট-সম্ভাৱনাৰ আলিবাটেৰে মানুহ আৰু প্ৰকৃতি, কোলাহল আৰু নীৰৱতাৰ সিপাৰে, সেউজীয়া দিনৰ নৈসৰ্গিক খোজ, চিনাকি প্ৰকৃতিৰ অচিনাকি সাধু, প্ৰকৃতিৰ জমাদাৰ, নেশ্যনেল বুক ট্ৰাষ্টৰ দ্বাৰা প্ৰকাশিত অনুবাদ গ্ৰন্থ কেনেকৈ এইবোৰৰ বিকাশ ঘটে, পৰ্বতত এভুমুকি, হাড় গৈ শিল হ’ল, যেতিয়া ক্রীড়াসুলভ মানসিকতাই দৌৰত জয়লাভ কৰে আৰু কবিতা সংকলন মাৰ বাবে লিখিব নোৱৰা কবিতাবোৰৰ কবিতা, কুৱঁলীৰ আখৰ এথুপি, তেজত গজা দুপৰীয়াটো, তুমি ৰ’দ হোৱা মই বৰষুণ হ’ম, এই সময় আমাৰ আৰু তোমাক ভালপাওঁ বাবেই শীৰ্ষক গ্ৰন্থকেইখনে ইতিমধ্যে পাঠক ৰাইজৰ সমাদৰ লাভ কৰিবলৈ সক্ষম হৈছ।
‘মানুৰ অংকৰ উত্তৰ বহীখন’ মূলতঃ শিশুসকলৰ মাজত নৈতিক মূল্যবোধ সৃষ্টি কৰিব পৰা গল্প সংকলন। পৰিৱেশ, সামাজিক মূল্যবোধ আৰু নৈতিকতা বিষয়ক বাৰ্তাক নিভাজ ৰূপত তুলি ধৰা হৈছে। এই সংকলনটিৰ কেওটা কাহিনীয়েই পৰিৱেশ আৰু বিদ্যালয়কেন্দ্রিক। সংকলনটিৰ মূল পটভূমি হৈছে শিক্ষক হিচাপে লেখকে দেখা পোৱা শিক্ষার্থীৰ বিভিন্ন সমস্যা আৰু ইয়াৰ সমাধান চিন্তা। আয়াং, দর্শিত, মানু, বিতু, মন ছাৰ, বাবু আদি চৰিত্ৰ সমূহ আমাৰ তেনেই চিনাকি। কেওটা কাহিনী পঢ়িলে অনুভৱ কৰিব পাৰি যে সেয়া আমাৰ পৰিৱেশ আৰু বিদ্যালয়ত দেখা দিয়া সমস্যাই। আনকি বহু শিক্ষার্থীয়ে সেয়া নিজৰ লগতো ৰিজাব পাৰিব। এয়া কেৱল কাহিনী নহয়, সমাজ সচেতনতাৰ প্রতি শিশু-কিশোৰৰ মনত নৈতিকতা আৰু দায়িত্ববোধৰ বীজ সিঁচাৰ হাতপুথি হ’ব পাৰে বুলি লেখক দত্তই জনাইছে।
মণিকূট প্ৰকাশনে প্ৰকাশ কৰিবলগীয়া এই গ্ৰন্থখনে অভিভাৱক, শিক্ষক আৰু যুৱ পাঠকসকলৰ মাজত পৰিৱেশ আৰু নৈতিকতা বিষয়ক অৰ্থপূৰ্ণ আলোচনাৰ সূচনা কৰিব বুলি আশা কৰা হৈছে।
কোকৰাঝাৰ ভ্ৰমণ বাতিলৰ সম্ভাৱনা প্ৰধানমন্ত্ৰী নৰেন্দ্ৰ মোদীৰ।(Narendra Modi)
প্ৰতিকূল বতৰৰ বাবে কোকৰাঝাৰ ভ্ৰমণ বাতিলৰ সম্ভাৱনা।
গুৱাহাটী বিমান বন্দৰৰ পৰা পোনে পোনে ৰাওনা হ’ব কইনাধৰালৈ।
গুৱাহাটীৰ অনুষ্ঠানৰ পৰাই কোকৰাঝাৰৰ কাৰ্যসূচীত ভার্চুৱেলী অংশ লোৱা সম্ভাৱনা।
প্ৰতিকূল বতৰৰ বাবে গুৱাহাটীত ল’ব পৰৱৰ্তী সিদ্ধান্ত।
জুবিন গাৰ্গৰ মৃত্যুৰ গোচৰৰ চূড়ান্ত ৰায়।(Zubeen Garg Death Case)
আজি স্পষ্ট হ’ব স্বাভাৱিক মৃত্যু নে ষড়যন্ত্ৰমূলক হ*ত্যাকাণ্ড।
ছিংগাপুৰৰ কৰনাৰ্ছ আদালতে দিব ৰায়।
ইতিমধ্যে আদালতত সকলো পক্ষৰে গ্ৰহণ সাক্ষ্য।
ছিংগাপুৰৰ ১১ প্ৰৱাসী অসমীয়াৰো লৈছিল গ্রহণ।
জুবিনৰ পৰিয়ালৰ হৈ মনোজ বৰঠাকুৰৰ সাক্ষ্য গ্রহণ।
ৰাহুল গৌতম শৰ্মাৰো সাক্ষ্য গ্রহণ।
একেৰাহে ৩ দিন ধৰি শুনানিৰ অন্তত ৰায় দিবলৈ সাজু ছিংগাপুৰৰ কৰনাৰ্ছ ক’ৰ্ট।
ছিংগাপুৰৰ কৰনাৰ্ছ আদালতে বিয়লি প্ৰায় ৫ বজাত এই ৰায় প্ৰদান কৰিব।
প্ৰবীণ ক্ৰীড়া সাংবাদিক, সংগঠক প্ৰেমধৰ শৰ্মাৰ বিয়োগ।
৮৬ বছৰ বয়সত শেষ নিঃশ্বাস ত্যাগ সাংবাদিকগৰাকীৰ।
আজি শেষকৃত্য সম্পন্ন হ’ব প্ৰবীণ ক্ৰীড়া সাংবাদিক প্ৰেমধৰ শৰ্মাৰ।
দীৰ্ঘদিন ধৰি অসুস্থ আছিল সাংবাদিকগৰাকী।
নৱগ্ৰহ শ্মশানত শেষকৃত্য সম্পন্ন দৈনিক অসমৰ সাংবাদিকগৰাকীৰ।
প্ৰেমধৰ শৰ্মাৰ বিয়োগত ৰাজ্যৰ সংবাদজগতত শোকৰ ছাঁ।
দুদিনীয়া ভ্ৰমণসূচীৰে আজি অসমলৈ প্ৰধানমন্ত্ৰী নৰেন্দ্ৰ মোদী।(Narendra Modi)
কলকাতাৰ পৰা হেলিকপ্টাৰেৰে কোকৰাঝাৰত উপস্থিত হ’ব প্ৰধানমন্ত্ৰীগৰাকী।
কোকৰাঝাৰত কেইবাটাও প্ৰকল্পৰ আধাৰশিলা স্থাপন কৰিব মোদীয়ে।
কোকৰাঝাৰত বিশাল জনসভা সম্বোধন কৰিব প্ৰধানমন্ত্ৰী নৰেন্দ্ৰ মোদীয়ে।
বিয়লি ৪ বজাত গুৱাহাটীলৈ ৰাওনা হ’ব প্ৰধানমন্ত্ৰী মোদী।
মধ্য প্ৰাচ্যৰ সংকটে এতিয়া চুই গৈছে সমগ্ৰ বিশ্বকে৷ বিশ্বৰ বিভিন্ন দেশত ইন্ধনৰ নাটনিয়ে দেখা দিছে৷ এই জলপথটোৱে বিশ্বৰ সাগৰীয় তেলৰ ব্যৱসায়ৰ প্ৰায় এক চতুৰ্থাংশ আৰু যথেষ্ট পৰিমাণৰ তৰলীকৃত প্ৰাকৃতিক গেছ আৰু সাৰ কঢ়িয়াই নিয়ে৷ প্ৰতিবেদনত কোৱা হৈছে যে ইয়াৰ পৰিণতি অঞ্চলটোৰ বহু ওপৰলৈকে বিস্তৃত হৈ থকা শক্তি বজাৰ, সামুদ্ৰিক পৰিবহণ আৰু বিশ্বৰ যোগান শৃংখলত প্ৰভাৱ পেলায়৷’ ইৰাণৰ বৈদেশিক মন্ত্ৰী ছেইদ আব্বাছ আৰাঘচিৰে ভাৰতৰ বৈদেশিক মন্ত্ৰী এছ জয়শংকৰে আমেৰিকা-ইজৰাইল যুদ্ধ সন্দৰ্ভত বাৰ্তালাপ কৰে৷
ইৰাণৰ বৈদেশিক মন্ত্ৰীগৰাকীয়ে টেলিফোনিক বাৰ্তালাপৰ সময়ত বিগত ১১ দিনত ইৰাণী জাতিটোৰ ওপৰত আমেৰিকা আৰু ইজৰাইলে সংঘটিত কৰা আক্ৰমণৰ বিষয়ে বিতংভাৱে কয়, য’ত তেওঁ যুদ্ধৰ প্ৰথম দিনাই মিনাবৰ ছোৱালীৰ বিদ্যালয়ত ক্ষেপণাস্ত্ৰ আক্ৰমণকে ধৰি জনসাধাৰণৰ বিৰুদ্ধে বৃহৎ পৰিসৰৰ আক্ৰমণৰ কথা উল্লেখ কৰে ৷
তেওঁ ইৰাণৰ সাৰ্বভৌমত্ব সম্পূৰ্ণৰূপে ৰক্ষা কৰাৰ ইৰাণৰ দৃঢ় সংকল্পৰ ওপৰত গুৰুত্ব আৰোপ কৰে৷ বৈদেশিক মন্ত্ৰীগৰাকীয়ে লগতে আমেৰিকা আৰু ইজৰাইল চৰকাৰৰ এই আক্ৰমণাত্মক কাৰ্যক ৰাষ্ট্ৰসংঘৰ চনদ আৰু আন্তঃৰাষ্ট্ৰীয় আইনৰ মৌলিক সিদ্ধান্ত আৰু নীতি-নিয়ম উলংঘা বুলি অভিহিত কৰি কয় যে এই সামৰিক আক্ৰমণ আৰু আইনৰ প্ৰকাশ্য উলংঘাক নিন্দা কৰাৰ দায়িত্ব সকলো চৰকাৰৰ৷ ইৰাণ আৰু ভাৰতৰ বৈদেশিক মন্ত্ৰীয়ে জাহাজৰ ওপৰত আমেৰিকা আৰু ইজৰাইল চৰকাৰৰ সামৰিক আক্ৰমণৰ পৰিণতিৰ বিষয়েও আলোচনা কৰে৷
পশ্চিম এছিয়াৰ সংঘাতৰ মাজতে হৰমুজ জলদ্বীপ বন্ধ হ’লে খাদ্যৰ মূল্যবৃদ্ধি আৰু জীৱন-যাপনৰ ব্যয় বৃদ্ধিকে ধৰি বিশ্ব বাণিজ্য আৰু উন্নয়নৰ বাবে যথেষ্ট বিপদৰ সন্মুখীন হ’ব বুলি ৰাষ্ট্ৰসংঘই সকীয়াই দিয়ে৷ ৰাষ্ট্ৰসংঘৰ বাণিজ্য আৰু উন্নয়ন সন্মিলনে এক প্ৰতিবেদনত কয় যে ইৰাণৰ ওপৰত আমেৰিকা-ইজৰাইলৰ আক্ৰমণ আৰু তেহৰাণৰ প্ৰতিশোধমূলক কাৰ্যৰ ফলত এই অঞ্চলত চলি থকা সামৰিক উত্থানে বিশ্বৰ অন্যতম গুৰুত্বপূৰ্ণ সামুদ্ৰিক পথ হৰমুজ জলদ্বীপৰ মাজেৰে জাহাজৰ প্ৰবাহত ব্যাঘাত জন্মাইছে৷
