নিউয়ৰ্ক-দিল্লী এয়াৰ ইণ্ডিয়াৰ এখন বিমানত ২৬ নৱেম্বৰৰ এজন মাতাল যাত্ৰীয়ে এগৰাকী মহিলা যাত্ৰীৰ গাতে প্ৰস্বাৱ কৰি দিয়াৰ দহ দিনৰ পিছত এইবাৰ এগৰাকী নিচাগ্ৰস্ত পুৰুষ যাত্ৰীয়ে এগৰাকী মহিলা যাত্ৰীৰ কম্বলত প্ৰস্ৰাৱ কৰাৰ আন এটা ঘটনা ঘটিছে। পেৰিছ-দিল্লীৰ মাজত চলাচল কৰা বিমান সংঘটিত হৈছে। যাত্ৰী জনে লিখিতভাবে ক্ষমা বিচৰাৰ পিছত তেওঁৰ বিৰুদ্ধে কোনো শাস্তিমূলক ব্যৱস্থা লোৱা হোৱা নাই বুলি এয়াৰ ইণ্ডিয়াৰ বিষয়াসকলে বৃহস্পতিবাৰে কয়। এই ঘটনাটো ৬ ডিচেম্বৰত এয়াৰ ইণ্ডিয়াৰ বিমান ১৪২ ত সংঘটিত হৈছিল । বিমানখনৰ পাইলটে বিষয়টো ইন্দিৰা গান্ধী আন্তঃৰাষ্ট্ৰীয় (আইজিআই) বিমানবন্দৰৰ এয়াৰ ট্ৰেফিক কণ্ট্ৰোল (এটিচি)ক ঘটনাটো অৱগত কৰিছিল। পিছত পুৰুষ যাত্ৰীজনক আটক কৰা হৈছিল।ঘটনাৰ সৈতে জড়িত যাত্ৰীসকলে কোন শ্ৰেণীত যাত্ৰা কৰি আছিল সেয়া জানিব পৰা হোৱা নাই। বিমানখনে পুৱা প্ৰায় ৯:৪০ বজাত দিল্লীত অৱতৰণ কৰিছিল আৰু বিমানবন্দৰৰ নিৰাপত্তাৰক্ষীক জনোৱা হৈছিল যে পুৰুষ যাত্ৰীজন “সুৰামত্ত হৈ আছিল আৰু তেওঁ কেবিন ক্ৰুৰ নিৰ্দেশনা অনুসৰণ কৰা নাছিল।তেওঁ এগৰাকী মহিলা যাত্ৰীৰ কম্বল প্ৰস্বাৱ কৰিছিল”

উল্লেখ্য কিছুদিন পূৰ্বে এয়াৰ ইণ্ডিয়াৰ বিমানৰ বিজনেছ ক্লাছত নিউয়ৰ্কৰ পৰা দিল্লীলৈ যাত্ৰা কৰি থকা এগৰাকী মহিলাৰ ওপৰত এজন পুৰুষ যাত্ৰীয়ে প্ৰস্ৰাৱ কৰি দিছিল। ভুক্তভোগী মহিলাগৰাকীয়ে শীঘ্ৰে এই কথা কেবিন ক্ৰেউ মেম্বাৰক জনায়। অভিযোগ অনুসৰি, সুৰাৰ ৰাগীত মাতাল হৈ থকা লোকজনৰ বিৰুদ্ধে কোনো ব্যৱস্থা গ্ৰহণ কৰা নহ’ল। বিমানখন দিল্লীত অৱতৰণ কৰাৰ পিছত অভিযুক্ত লোকজনক যাবলৈ দিয়া হয়। ভুক্তভোগী মহিলা যাত্ৰীগৰাকীয়ে পিছত টাটা গ্ৰুপৰ অধ্যক্ষ এন চন্দ্ৰশেখৰনক এই সন্দৰ্ভত এখন পত্ৰ লিখি বিষয়টো অৱগত কৰে। ইয়াৰ পিছতে এয়াৰ ইণ্ডিয়াৰ ফালৰ পৰা ঘটনাৰ তদন্ত আৰম্ভ হয়।

মহিলা যাত্ৰীগৰাকীয়ে নিজৰ পত্ৰত লিখিছে যে ক্ৰেউ মেম্বাৰে অতি সংবেদনশীল আৰু কঠিন পৰিস্থিতিৰ সৈতে মোকাবিলা কৰাৰ ক্ষেত্ৰত সজাগ নাছিল। তেওঁ আৰু লিখিছে যে এই ঘটনাক লৈ তেওঁ খুব দুখ পাইছে যে এয়াৰলাইনৰ ফালৰ পৰা তেওঁৰ নিৰাপত্তা আৰু সুবিধা সুনিশ্চিত কৰাৰ ক্ষেত্ৰত কোনো ধৰণৰ ব্যৱস্থা গ্ৰহণ কৰা হোৱা নাই।

টাটা গ্ৰুপৰ মালিকানাধীন প্ৰাক্তন ৰাষ্ট্ৰীয় বিমান সেৱা এয়াৰ ইণ্ডিয়াই ইয়াৰ নিউয়ৰ্ক-দিল্লীৰ এখন বিমানত এগৰাকী মহিলা যাত্ৰীৰ ওপৰতে এজন মাতাল যাত্ৰীয়ে প্ৰস্বাৱ কৰি দিয়াৰ চাঞ্চল্যকৰ ঘটনা সন্দৰ্ভত বিমান পৰিচালন নিৰীক্ষক ডিজিচিএই বিশেষ গুৰুত্ব দিছে। মহিলা যাত্ৰীগৰাকীৰ মতে, এয়াৰ ইণ্ডিয়াই আসন সলনি কৰিবলৈ অনুৰোধ কৰা স্বত্বেও কোনো ব্যৱস্থা গ্ৰহণ কৰা নাছিল। তেওঁ বিষয়টো অৱগত কৰিবলৈ টাটা চন্সৰ অধ্যক্ষলৈ এখন পত্ৰও লিখিছিল। পিছত, আৰক্ষীৰ বিৰুদ্ধে অভিযোগ দাখিল কৰা হয় আৰু দিল্লী আৰক্ষীয়ে তদন্ত আৰম্ভ কৰে। ইফালে, ডিজিচিএয়ে এই বিষয়ত এয়াৰ ইণ্ডিয়াৰ পৰা সঁহাৰি বিচাৰিছিল। এয়াৰলাইনটোৱে কৈছে যে ইয়াৰ কৰ্মচাৰীসকলে মুম্বাইৰ ব্যৱসায়ীজনৰ বিৰুদ্ধে লিখিত অভিযোগ কৰা নাছিল ।উল্লেখ্যয়াৰ ইণ্ডিয়াৰ এখন বিমানৰ ব্যৱসায়িক শ্ৰেণীত সংঘটিত হৈছে এক আচৰিত ঘটনা। মাতাল পুৰুষ যাত্ৰী এজনে এগৰাকী মহিলা যাত্ৰীৰ মূৰৰ ওপৰতে প্ৰস্ৰাৱ কৰি দিয়াৰ ঘটনাই প্ৰতিক্ৰিয়াৰ সৃষ্টি কৰিছে। ঘটনাটো ২০২২ চনৰ ২৬ নৱেম্বৰত নিউয়ৰ্কৰ পৰা নতুন দিল্লীলৈ উৰা মৰা এয়াৰ ইণ্ডিয়াৰ এখন বিমানত সংঘটিত হৈছিল। এয়াৰ ইণ্ডিয়াই প্ৰকাশ কৰা মতে অপৰাধ সংঘটিত কৰা মাতাল লোক জনৰ বিৰুদ্ধে এতিয়া ব্যৱস্থা গ্ৰহণ কৰা হৈছে। অভিযুক্তজনক ‘নো ফ্লাই’ তালিকাত ৰাখিবলৈ পৰামৰ্শ দিয়া দিয়া। যাতে তেওঁ আৰু কোনো দিনেই বিমানত উঠিব নোৱাৰে।

২৬ নৱেম্বৰত নিউয়ৰ্ক-দিল্লী এয়াৰ ইণ্ডিয়াৰ এখন বিমানৰ ব্যৱসায়িক শ্ৰেণীত এজন সুৰাসক্ত ব্যক্তিয়ে এগৰাকী মহিলা যাত্ৰীৰ মূৰৰ ওপৰতে প্ৰস্ৰাৱ কৰি দিছিল।ফলত মহিলা যাত্ৰীগৰাকী তিতি একাকাৰ হৈছিল। এয়াৰ ইণ্ডিয়াই ঘটনা সন্দৰ্ভত আৰক্ষীৰ ওচৰত অভিযোগ দাখিল কৰিছে আৰু পুৰুষ যাত্ৰীজনক ‘নো ফ্লাই’ তালিকাত ৰখাৰ পৰামৰ্শ দি এখন আভ্যন্তৰীণ সমিতি গঠন কৰিছে। ঘটনাটো সংঘটিত হোৱাৰ সময়ত বিমানখন আমেৰিকাৰ পৰা নতুন দিল্লীলৈ গৈ আছিল।

এয়াৰ ইণ্ডিয়াৰ এজন বিষয়াই কয় যে পুৰুষ যাত্ৰীজনক নো-ফ্লাই তালিকাত ৰখাৰ বিষয়টো চৰকাৰী সমিতিয়ে বিবেচনা কৰি আছে আৰু এটা কঠোৰ সিদ্ধান্তৰ বাবে অপেক্ষা কৰি থকা হৈছে। | মহিলা যাত্ৰীগৰাকীয়ে টাটা গ্ৰুপৰ অধ্যক্ষ এন চন্দ্ৰশেখৰণলৈ পত্ৰ লিখি ঘটনাটো অবগত কৰিছে। প্ৰতিবেদন দিয়াৰ পিছত ঘটনাটো পোহৰলৈ আহিছিল আৰু বিমানখনত তেওঁৰ দুখজনক অভিজ্ঞতাৰ কথা মনত পেলাইছিল। পত্ৰ খনত তেওঁ অভিযোগ কৰিছে যে তেওঁ কেবিন ক্ৰুসকলক এই বিষয়ে অবগত কৰিছিল, কিন্তু বিমানখন দিল্লীত অৱতৰণ কৰাৰ পিছত যাত্ৰীজনে মুক্ত ভাৱে খোজকাঢ়ি ওলাই যাব পাৰিছি।ঘটনাটো এআই-১০২ বিমানত সংঘটিত হৈছিল। দুপৰীয়াৰ আহাৰ পৰিৱেশন কৰাৰ অলপ পিছতে লাইট বন্ধ কৰা হৈছিল আৰু তেতিয়াই মাতাল লোকজনে মহিলা যাত্ৰীগৰাকীৰ আসনৰ কাষলৈ আহি প্ৰস্ৰাৱ কৰি দিছিল। ফলত মহিলাগৰাকীৰ কাপোৰ, জোতা আৰু মোনা প্ৰস্ৰাৱত তিতি গৈছিল । বিমানৰ কৰ্মচাৰীসকলে তেওঁক নতুন কাপোৰৰ এটা ছেট দিছিল।

ইপিনে লোক জনক ৩০ দিনৰ বাবে এয়াৰ ইণ্ডিয়াত যাত্ৰা কৰা নিষিদ্ধ কৰা হৈছে। সমিতিখনে প্ৰয়োজনীয় নথিপত্ৰ লাভ কৰিছে আৰু ইয়াৰ প্ৰথম শুনানি অনুষ্ঠিত কৰিছে। অভিযুক্ত লোকজনে ১০ জানুৱাৰীত দ্বিতীয় শুনানিৰ আগতে অতিৰিক্ত নথিপত্ৰ জমা দিব লাগিব।