কেন্দ্ৰীয় সংৰক্ষিত আৰক্ষী বাহিনীত দুগৰাকী মহিলা বিষয়াক মহাপৰিদৰ্শক হিচাপে নিযুক্তি দিয়া হৈছে। ৩৫ বছৰৰ পাছত প্ৰথমবাৰৰ বাবে কেন্দ্ৰীয় সংৰক্ষিত আৰক্ষী বাহিনীত দুগৰাকী মহিলা বিষয়াক মহাপৰিদৰ্শক (আই জি) পদবীলৈ উন্নীত কৰা হৈছে। তেওঁলোকৰ নাম এনি আব্ৰাহাম আৰু সীমা ধুণ্ডিয়া। দুয়োগৰাকী মহিলা বিষয়াই ১৯৮৭ চনত চি আৰ পি এফত যোগদান কৰিছিল। 

বিষয়াসকলে জনোৱা মতে, চি আৰ পি এফৰ মুখ্য কাৰ্যালয়ে জাৰি কৰা নিৰ্দেশ অনুসৰি এনি আব্ৰাহামক ৰেপিড একচন ফৰ্চ (আৰ এ এফ)ৰ আই জি নিযুক্তি দিয়া হৈছে, আনহাতে সীমা ধুণ্ডিয়াক বিহাৰ খণ্ডৰ আই জি নিযুক্তি দিয়া হৈছে। এনি আৰু সীমা প্ৰথম বেটচৰ। দুয়োৰে কেৰিয়াৰ প্ৰত্যাহ্বানমূলক। দুয়োজনে অতি স্পৰ্শকাতৰ ক্ষেত্ৰত কাম কৰিছে।
চি আৰ পি এফৰ এগৰাকী মুখপাত্ৰই জনোৱা মতে, এনি আৰু সীমাক তেওঁলোকৰ বিশিষ্ট সেৱাৰ বাবে ৰাষ্ট্ৰপতিৰ আৰক্ষী পদক প্ৰদান কৰা হৈছে। সীমা ধুণ্ডিয়াই দেশৰ বহু স্পৰ্শকাতৰ ক্ষেত্ৰত সেৱা আগবঢ়াই আহিছে। চি আৰ পি এফৰ দ্বিতীয় মহিলা বেটেলিয়নক শক্তিশালী কৰাত তেওঁ অতি সক্ৰিয় আছিল। লাইবেৰিয়াত ৰাষ্ট্ৰসংঘৰ মিছনত প্ৰথম মহিলা গঠিত আৰক্ষী ইউনিট (এফ পি ইউ)ৰ অধিনায়ক আছিল। আৰ এ এফত ডি আই জি হিচাপেও কাম কৰি আহিছে।
এনি আব্ৰাহামছে লাইবেৰিয়াত ৰাষ্ট্ৰসংঘৰ মিছনত সৰ্বমহিলা এফ পি ইউৰ কমাণ্ড কৰাৰ উপৰিও ফৰ্চৰ মুখ্য কাৰ্যালয়ত ডি আই জি চোৰাংচোৱা হিচাপে কাশ্মীৰ অপাৰেচন ছেক্টৰৰ অপাৰেচনৰ দলত কাৰ্যনিৰ্বাহ কৰি আহিছে। তেওঁ কয় যে ‘ট্ৰেইনিঙৰ অন্তত মোৰ পোষ্টিং অযোধ্যাত কৰা হ’ল। তেতিয়াৰ পৰাই জীৱনটো প্ৰত্যাহ্বানমূলক হৈ পৰিছে যদিও আমি বহু কথা শিকিলোঁ।’
এনি আব্ৰাহামছে কয়, ‘মই মিজোৰামত এটা সম্পূৰ্ণ পুৰুষৰ বেটেলিয়নৰ নেতৃত্ব দিছিলো। ২০০৮ চনত ভূমি বিবাদৰ বাবে কেন্দ্ৰীয় বেটেলিয়নটো তাৰ পৰা জম্মুলৈ স্থানান্তৰ কৰিবলগীয়া হৈছিল। দলটোক একেলগে ৰখাটো এটা কঠিন কাম।” নতুন ভূমিকাই আৰ এ এফে অধিক উচ্চতা লাভ কৰাটো নিশ্চিত কৰিব বুলিও তেওঁ কয়।’
১৯৮৬ চনত মহিলাক যুদ্ধত অৱতীৰ্ণ কৰা প্ৰথমটো কেন্দ্ৰীয় সশস্ত্ৰ আৰক্ষী বাহিনী আছিল চি আৰ পি এফ। বৰ্তমান ইয়াৰ ছটা এনে বেটেলিয়ন আছে; য’ত ৬ হাজাৰৰো অধিক মহিলা কনিষ্টবলৰ পদত নিযুক্তি দিয়া হয়।

সম্ভাজি ভিন্দে নামৰ মহাৰাষ্ট্ৰৰ বৰ্ষীয়ান নেতাগৰাকীয়ে মহিলাক দুৰ্ব্যৱহাৰ কৰাৰ অভিযোগ উঠিছে।

অভিযোগ অনুসৰি বুধবাৰে ভিন্দেই এগৰাকী মহিলা টিভি সাংবাদিকক এই দুৰ্বব্যৱহাৰ কৰিছে। ভিন্দেৰ সাক্ষাৎকাৰ ল’বলৈ যোৱা মহিলাগৰাকীয়ে কপালত বিন্দী তথা ফোঁট নোলোৱাৰ বাবেই বৰ্ষীয়ান নেতাগৰাকীয়ে কটু বাক্য প্ৰয়োগ কৰে।

বুধবাৰে মহাৰাষ্ট্ৰৰ মুখ্যমন্ত্ৰী একনাথ সিন্দেক সাক্ষাৎ কৰি অহাৰ পাছতে মহিলা সাংবাদিকগৰাকীয়ে ভিন্দেৰ মুখামুখি হয়। কিন্তু সাংবাদিকগৰাকীয়ে কপালত ফোঁট নোলোৱাৰ বাবে ভিন্দেই সাক্ষাৎকাৰ দিবলৈ অমান্তি হয়।

ভিডিঅ’ত দেখা পোৱা অনুযায়ী, ভিন্দেই মহিলা সাংবাদিকগৰাকীক কোৱা দেখা গৈছে যে তেওঁৰ বক্তব্য লোৱাৰ পূৰ্বে সাংবাদিকগৰাকীয়ে ফোঁট লৈ আহিব লাগিব। তদুপৰি ভিন্দেই  কয় যে এগৰাকী মহিলা ‘ভাৰতমাতা’ৰ দৰে আৰু ‘ভাৰতমাতা’ কেতিয়াও বিধৱা নহয়।

ভিডিঅ’টো সামাজিক মাধ্যমত ভাইৰেল হৈ পৰে। মহাৰাষ্ট্ৰৰ মহিলা আয়োগৰ চেয়াৰপাৰ্ছন ৰূপালী চাকানকাৰে ভিন্দেক এখন চমনো জাৰি কৰিছে।

উল্লেখ্য যে ইয়াৰ পূৰ্বেও ভিন্দেই বিতৰ্কিত মন্তব্য কৰি চৰ্চা লাভ কৰিছিল। ২০১৮ চনত তেওঁ কৈছিল যে তেওঁৰ ফলৰ বাগিচাৰ পৰা আম খালে বিবাহিত দম্পত্তিসকলে পুত্ৰসন্তান লাভ কৰে।