LPG গ্ৰাহকৰ বাবে ডাঙৰ খবৰ।
দেশত পুনৰ বৃদ্ধি পালে ৰন্ধন গেছৰ মূল্য।
১১৫ টকাকৈ বৃদ্ধি LPG চিলিণ্ডাৰৰ মূল্য।
গ্ৰাহকে অধিক দামত কিনিব লাগিব চিলিণ্ডাৰ।
ঘৰুৱা চিলিণ্ডাৰত বৃদ্ধি পালে ৬০টকাকৈ।
বাণিজ্যিক চিলিণ্ডাৰত বৃদ্ধি পালে ১১৫টকাকৈ।
ঘৰুৱা চিলিণ্ডাৰৰ দাম হ’লগৈ ৯৬২টকা।
প্ৰতিটো বাণিজ্যিক চিলিণ্ডাৰৰ মূল্য হ’ল ২,০৫১টকা।
শিশুৰ অত্যধিক ম’বাইল আসক্তিক লৈ চৰকাৰৰ ডাঙৰ সিদ্ধান্ত।
১৬ বছৰ অনূৰ্ধ্বই ব্যৱহাৰ কৰিব নোৱাৰিব সামাজিক মাধ্যম।
শিশুৰ অত্যধিক ম’বাইল আসক্তিক লৈ কৰ্ণাটক চৰকাৰৰ ডাঙৰ সিদ্ধান্ত।
কিশোৰ-কিশোৰীৰ বাবে সামাজিক মাধ্যম নিষিদ্ধ কৰিব ছিদ্দাৰামায়া চৰকাৰে।
সামাজিক মাধ্যমত নিষেধাজ্ঞা আৰোপ কৰা দেশৰ প্ৰথম ৰাজ্য হ’ব কর্ণাটক।
১৬ বছৰ অনূর্ধ্বই ব্যৱহাৰ কৰিব নোৱাৰিব সামাজিক মাধ্যম।
বিধানসভাত এই কথা প্রকাশ কৰিলে কৰ্ণাটকৰ মুখ্যমন্ত্ৰী ছিদ্দাৰামায়াই।
সোণাপুৰৰ মিটনী গাৱত অৱস্থিত জগন্নাথ ধামৰ দৌল মহোৎসৱ আৰু ঘুনুচা যাত্ৰাত বৃহস্পতিবাৰে কামৰূপ মহানগৰ জিলা পৰিবহণ বিভাগৰ উদ্যোগত এক ব্যতিক্ৰমী পথ সুৰক্ষা সজাগতা অনুষ্ঠান অনুষ্ঠিত হয়। দৌল মহোৎসৱৰ লগত সঙ্গতি ৰাখি সজাগতা অনুষ্ঠানটোত ভগৱান শ্ৰীকৃষ্ণ আৰু ঘুনুচাই ৰং-ৰহইছেৰে মঞ্চত প্ৰৱেশ কৰি উপস্থিত কেইবা সহস্ৰাধিক লোকক উদ্দেশ্যি সমাজত পথ-সুৰক্ষা সজাগতা গঢ়ি তোলাৰ আহ্বান জনায়। উল্লেখ্য যে, তিৱা ৰজা আৰিমত্তই ১৩৬৫ খ্ৰীষ্টাব্দতে প্ৰতিষ্ঠা কৰা জগন্নাথ ধামখনৰ ৬৬১সংখ্যক দৌল মহোৎসৱৰ সাংস্কৃতিক সন্ধিয়াৰ মঞ্চ মুকলি কৰে অসম চৰকাৰৰ পৰিবহণ বিভাগৰ বিশেষ কতৰ্ব্যৰত বিষয়া আৰু কামৰূপ মহানগৰ জিলাৰ অতিৰিক্ত দায়িত্ববাহী জিলা পৰিবহণ বিষয়া গৌতম দাসে ৷
এই উপলক্ষে পৰিবহণ বিষয়াগৰাকীৰ তত্বাৱধানত সাংস্কৃতিক সন্ধিয়াৰ মঞ্চত পথ-সুৰক্ষা সজাগতাৰ আহ্বানেৰে কেইবাটাও ব্যতিক্ৰমী কাৰ্যসূচী গ্ৰহণ কৰা হয়। সাংস্কৃতিক সন্ধিয়াৰ মঞ্চ উদ্বোধন কৰি জ্যেষ্ঠ পৰিবহণ বিষয়াগৰাকীয়ে বৃহত্তৰ অঞ্চলটোৰ সামাজিক-সাংস্কৃতিক তথা আধ্যাত্মিক দিশত জগন্নাথ ধামখনৰ মাহাত্ম্য আৰু ঐতিহ্য সন্দৰ্ভত বক্তব্য আগবঢ়ায়। ইফালে তেওঁ মুখ্যমন্ত্ৰী ড° হিমন্ত বিশ্ব শৰ্মাৰ অসমক এখন দুৰ্ঘটনামুক্ত ৰাজ্য হিচাপে গঢ়ি তোলাৰ সপোন বাস্তৱায়িত কৰাৰ বাবে বৃহত্তৰ অঞ্চলবাসীক অনবৰতে পথ সুৰক্ষা সজাগতা মানি চলাৰ আহ্বান জনায়।
তেওঁ কয় যে, বৰ্তমান সময়ত আমাৰ বাবে পথ সুৰক্ষাৰ অৰ্থ মাথোঁ কেইটামান চৰকাৰী নিয়ম নহয়, ই জীৱন ৰক্ষাৰ এক মন্ত্ৰ। বহুতে গাড়ীখনত ভগৱানৰ ফটো লগাই ভাবে যে তেওঁ সুৰক্ষিত। হয়, ভগৱানে সকলোকে ভাল বুদ্ধি দিছে ৷ কিন্তু সেই বুদ্ধি ব্যৱহাৰ কৰি হেলমেট আৰু চিটবেল্ট ব্যৱহাৰ কৰক। মনত ৰাখিব, যমৰাজৰ কোনো ট্ৰেফিক চিগনেল নাই। সুৰাপান কৰি গাড়ী চলোৱা মানেই হ’ল নিজৰ লগতে আন এজন নিৰ্দোষী ব্যক্তিক বিপদৰ মুখলৈ ঠেলি দিয়া। শ্ৰীকৃষ্ণই সাৰথি হৈ অৰ্জুনক সঠিক দিশ দেখুৱাইছিল।
আমিও প্ৰত্যেকেই নিজৰ পৰিয়ালৰ সাৰথি হৈ ধৈৰ্য্যৰে গাড়ী চলাব লাগিব। মনত ৰাখিব লাগিব যে ৫ মিনিট দেৰি হোৱাটো জীৱনটো হেৰুওৱাতকৈ বহুত ভাল ৷ সেয়ে পথত নিজৰ লগতে আনৰ সুৰক্ষাৰ কথা ভাবি বাহন চালনাৰ নীতি নিয়ম মানি চলাৰ বাব তেওঁ আহ্বান জনায়। ইফালে পৰিবহণ বিষয়াগৰাকীৰ বক্তব্যৰ মাজতে গায়ক গোপেশ চৌধুৰী আৰু শিশু-শিল্পী অনুৰাগ কলিতাই পথ সুৰক্ষা গীতৰ লগতে হোলী গীত পৰিৱেশন কৰি দৰ্শকক আপ্লুত কৰে। সাংস্কৃতিক অনুষ্ঠানৰ আৰম্ভণীত বন্তি প্ৰজ্বলন কৰে নিপডে গ্ৰূপ অৱ এডুকেছনৰ অধ্যক্ষ ড° প্ৰশান্ত বুঢ়াগোহাঁয়ে ।
UPSC পৰীক্ষাৰ ফলাফল ঘোষণা অসমৰ কেইবাগৰাকীও মেধাৱীৰ স্থান লাভ।
১৮৭ স্থান লাভ অভিজ্ঞান খাউণ্ডৰ।
৫৭০ স্থান লাভ অভিজ্ঞান জ্যোতি বৰাৰ।
৭৭৭ স্থান লাভ ভাস্বতা শইকীয়াৰ।
UPSCৰ চূড়ান্ত পৰীক্ষাৰ ফলাফলত প্ৰথম স্থান লাভ অনুজ অগ্নিহোত্ৰীৰ।
দেশৰ কেইবাখনো ৰাজ্যত নতুন ৰাজ্যপাল নিযুক্তি-(Governor)
আৰ এন ৰবিক পশ্চিমবংগৰ ৰাজ্যপাল হিচাপে নিযুক্তি।
লাডাখৰ ৰাজ্যপালৰূপে নিযুক্তি বিনয় কুমাৰ ছাক্সেনাক।
দিল্লীৰ ৰাজ্যপালৰূপে তৰণজিৎ সিং সান্ধুক নিযুক্তি।
তেলেংগানাৰ ৰাজ্যপালৰূপে শিৱ প্ৰতাপ শুক্লাক নিযুক্তি।
জিষ্ণু দেৱবাৰ্মাক মহাৰাষ্ট্ৰৰ ৰাজ্যপালৰূপে নিযুক্তি।
নন্দকিশোৰ যাদৱক নাগালেণ্ডৰ ৰাজ্যপালৰূপে নিযুক্তি।
বিহাৰৰ ৰাজ্যপালৰূপে ছৈয়দ আতা হাছনেইনক নিযুক্তি।
হিমাচল প্ৰদেশৰ ৰাজ্যপালৰূপে নিযুক্তি কবীন্দ্র গুপ্তাক।
ৰাজেন্দ্ৰ বিশ্বনাথ আলেকাৰক তামিলনাডুৰ ৰাজ্যপাল নিযুক্তি।
ইজৰাইল (baba vanga predictions) আৰু আমেৰিকাই যৌথভাৱে ইৰাণ আক্ৰমণ কৰাৰ পিছতে গা কৰি উঠিছে তৃতীয় বিশ্ব যুদ্ধৰ আশংকাই৷ এনে সময়তে বাবা ভাংগাৰ ভৱিষ্যদ্বাণীক লৈও চলিছে চৰ্চা৷ তেওঁক বল্কানৰ নষ্ট্ৰাডামুছ বুলি কোৱা হয়৷ তেওঁ কৈ গৈছিল যে ২০২৬ চনত তৃতীয় বিশ্বযুদ্ধ আৰম্ভ হ’ব পাৰে৷ অৱশ্যে বাবা ভাংগাই লগতে কৈছিল যে ২০২৬ বৰ্ষটো মানৱতাৰ বাবে এক ডাঙৰ আঘাত হ’ব৷ বৃহৎ ক্ষতি হ’ব, কিন্তু মানৱ সভ্যতাৰ অন্ত নপৰে৷
৫০৭৯ চনলৈকে পৃথিৱীখন জীয়াই থাকিব৷ মধ্যপ্ৰাচ্যৰ বৰ্তমানৰ উত্তেজনা আৰু সংঘাতৰ লগে লগে বহুতে বাবা ভাংগাৰ ভৱিষ্যদ্বাণী সত্য হোৱা যেন দেখিবলৈ পাইছে৷ বাবা ভাংগাই কৈছিল যে ২০২৬ চনত ইউৰোপত যুদ্ধ হ’ব আৰু ইয়াৰ প্ৰভাৱ ইমানেই ভয়ংকৰ হ’ব যে ই সমগ্ৰ মহাদেশখনকে ধবংস কৰি পেলাব৷ এই ঘটনাৰ পিছত ৰাছিয়াই নিজকে বিশ্বৰ সৰ্বশ্ৰেষ্ঠ শক্তি হিচাপে প্ৰমাণ কৰিব৷ কিছুমান সংস্কৰণত কোৱা হৈছে যে এই সংঘাতৰ পিছত ইউৰোপ অৰ্থনৈতিক আৰু সামাজিকভাৱে দুৰ্বল হৈ পৰিব আৰু ৰাছিয়া তুলনামূলকভাৱে শক্তিশালী স্থানলৈ উঠিব,যাৰ ফলত বিশ্ব শক্তিৰ ভাৰসাম্যৰ বৃহৎ পৰিৱৰ্তন ঘটিব৷ একে সময়তে তেওঁ ভৱিষ্যদ্বাণী কৰিছিল যে এই বছৰ পাৰমাণৱিক যুদ্ধৰ পৰা আৰম্ভ কৰি সঘনাই ভূমিকম্প আৰু ছুনামিৰ সৃষ্টি হ’ব৷
২০২৬ চনৰ আৰম্ভণিতে ‘মহাযুদ্ধ’ আৰম্ভ হ’ব, যিখন পূবৰ পৰা আৰম্ভ হৈ পশ্চিমলৈ বিয়পি পৰিব৷ যদিও এই দাবীক লৈ তীব্ৰ বিতৰ্ক চলি আছে, তথাপি অনি(য়তাৰ সময়ত এনে ভৱিষ্যদ্বাণীৰ প্ৰতি আগ্ৰহ বাঢ়িছে৷ ১৯১১ চনত জন্মগ্ৰহণ কৰা বাবা ভাংগাই শিশু অৱস্থাত দুৰ্ঘটনাত দৃষ্টিশক্তি হেৰুৱাইছিল৷ পিছত তেওঁ দাবী কৰিছিল যে তেওঁ অন্ধ হৈ পৰাৰ পিছত অলৌকিক দৃষ্টিশক্তি লাভ কৰিছিল৷ তেওঁৰ অনুগামীসকলে দাবী কৰে যে তেওঁ বহুতো ডাঙৰ আন্তঃৰাষ্ট্ৰীয় পৰিঘটনাৰ ভৱিষ্যদ্বাণী কৰিছিল– যেনে জ্ঝযৰৰৰ আক্ৰমণৰো৷
ইজৰাইল আৰু আমেৰিকাই সন্মিলিতভাৱে ইৰাণ আক্ৰমণ কৰাৰ পিছতে বিশ্বৰ বহুতেই এখন পাৰমাণৱিক যুদ্ধৰ আশংকা কৰিছিল৷ কাৰণ ইৰাণ হৈছে বিশ্বৰ এখন আগশাৰীৰ পাৰমাণৱিক শক্তিধৰ দেশ৷ এনে আশংকাৰ মাজতে আমেৰিকাই নিশা কেলিফৰ্ণিয়াৰ উপকূলত এটা ডুমছডে বেলিষ্টিক মিছাইল পৰীক্ষা কৰাৰ খবৰ পোৱা গৈছে৷ এই ‘মিনিটমেন ৩’ হিৰোচিমাত নিক্ষেপ কৰা পৰমাণু বোমাতকৈ ২০ গুণ বেছি শক্তিশালী৷ চাণ্টা বাৰ্বাৰাৰ সমীপৰ ভাণ্ডেনবাৰ্গ মহাকাশ বাহিনী ঘাটিৰ পৰা নিক্ষেপ কৰা হৈছিল এই বেলিষ্টিক মিছাইল৷ আনহাতে, ইৰাণে স্পষ্টভাৱে সকীয়াই দিছে যে যদি আমেৰিকা আৰু ইজৰাইলে তেওঁলোকৰ বৰ্তমানৰ শাসন ব্যৱস্থাক ওফৰাই পেলাবলৈ চেষ্টা কৰে তেন্তে ইজৰাইলৰ পাৰমাণৱিক কেন্দ্ৰসমূহত পোনপটীয়াকৈ আক্ৰমণ কৰা হ’ব৷
আমেৰিকাৰ বায়ুসেনাৰ তথ্য অনুসৰি জিটি ২৫৪ নামেৰে পৰিচিত এই নিৰস্ত্ৰ ৰকেটটোৱে পশ্চিম মধ্য প্ৰশান্ত মহাসাগৰৰ মাশ্বেৰ্ল দ্বীপপুঞ্জৰ ওচৰত ইয়াৰ লক্ষ্যত আঘাত কৰে৷ বায়ুসেনাৰ গ্ল’বেল ষ্ট্ৰাইক কমাণ্ডৰ মতে, এই ক্ষেপণাস্ত্ৰৰ ফলপ্ৰসূতা, প্ৰস্তুতি আৰু নিৰ্ভুলতা পৰীক্ষা কৰিবলৈ নিক্ষেপ কৰা হৈছিল৷ ইপিনে, ইৰাণৰ জনসাধাৰণৰ বাবে শাসন ব্যৱস্থা পৰিৱৰ্তনৰ পৰিস্থিতি সৃষ্টি কৰাৰ লক্ষ্যৰে শেহতীয়াকৈ সংঘটিত সামৰিক অভিযান চলোৱাৰ কথা জনায় ইজৰাইলৰ প্ৰধানমন্ত্ৰী বেঞ্জামিন নেত্যানিয়াহু আৰু আমেৰিকাৰ ৰাষ্ট্ৰপতি ড’নাল্ড ট্ৰাম্পে৷ তেহৰাণে এই বক্তব্যসমূহক নিজৰ আভ্যন্তৰীণ বিষয়ত প্ৰত্যক্ষ হস্তক্ষেপ বুলি গণ্য কৰে৷ সূত্ৰ অনুসৰি, আমেৰিকা আৰু ইজৰাইলৰ কৌশল কেৱল সামৰিক ঘাটিতে সীমাবদ্ধ নহয়৷ ইছলামিক ৰিভল্যুচনেৰী গাৰ্ড কৰ্পছ আৰু আনুষংগিক অৰ্ধসামৰিক সংগঠনৰ উপৰি আৰক্ষী থানাকো লক্ষ্য কৰি লোৱা হৈছে৷
মধ্য প্ৰাচ্যত বৰ্তমান জুই জ্বলিছে৷ ইজৰাইল-আমেৰিকাৰ আক্ৰমণত বহু ক্ষতিৰ সন্মুখীন হৈছে ইৰাণ৷ ইৰাণেও প্ৰত্যাক্ৰমণ কৰাত এতিয়া পৰিস্থিতি বেয়াৰ ফালে ঢাল খাইছে৷ এনে সময়তে প্ৰধানমন্ত্ৰী নৰেন্দ্ৰ মোদীয়ে কৈছে যে সমস্যাৰ সমাধান যুদ্ধৰে নহয়, আলোচনাৰেহে সম্ভৱ৷ ইৰাণৰ সৈতে আমেৰিকা আৰু ইজৰাইলৰ সংঘাতৰ মাজতে প্ৰধানমন্ত্ৰীগৰাকীয়ে শান্তিৰ বাবে এই বিশেষ বাৰ্তা প্ৰেৰণ কৰিছে৷ দিল্লীত ফিনলেণ্ডৰ ৰাষ্ট্ৰপতি আলেকজেণ্ডাৰ ষ্টাবৰ সৈতে হোৱা এক বৈঠকত মোদীয়ে স্পষ্ট কৰি দিয়ে যে ভাৰতে সদায় যুদ্ধৰ বিপৰীতে শান্তি আৰু আইনৰ শাসনক সমৰ্থন কৰে৷
তেওঁ কয় যে পশ্চিম এছিয়াৰ পৰা ইউক্ৰেইনলৈকে যিকোনো জটিল সমস্যা কেৱল আলোচনা আৰু বুজাবুজিৰ জৰিয়তেহে সমাধান কৰিব পৰা যায়৷ প্ৰধানমন্ত্ৰীয়ে পোনপটীয়াকৈ কোনো দেশৰ নাম উল্লেখ কৰা নাই যদিও তেওঁৰ এই মন্তব্যই ইৰাণৰ শাসন ব্যৱস্থালৈ এক ইংগিত বহন কৰিছে বুলি চৰ্চা চলিছে৷ ইজৰাইল আৰু আমেৰিকাৰ আক্ৰমণত ইৰাণৰ ধৰ্মীয় নেতাৰ মৃত্যুৰ পিছত দেশখনৰ আভ্যন্তৰীণ পৰিস্থিতি আৰু ধৰ্মীয় ফতোৱাক লৈ জনসাধাৰণৰ মাজত যি অসন্তুষ্টি আছিল, তাৰ পৰিপ্ৰেক্ষিততে মোদীয়ে আইনৰ শাসনৰ ওপৰত গুৰুত্ব দিয়া বুলি ধাৰণা কৰা হৈছে৷
আনহাতে, আমেৰিকাৰ ৰাষ্ট্ৰপতি ট্ৰাম্পেও ইৰাণৰ শাসন ব্যৱস্থা সলনি কৰাৰ কথা উল্লেখ কৰিছিল আৰু প্ৰধানমন্ত্ৰীৰ এই মন্তব্যই সেই দিশটোকো স্পৰ্শ কৰিছে৷ এক কূটনৈতিক মহলৰ মতে প্ৰধানমন্ত্ৰীয়ে আলোচনাৰ পথ খোলা ৰখাৰ পৰামৰ্শ দি আমেৰিকাকো এক বিশেষ বাৰ্তা দিছে৷ বিশেষকৈ ইৰাণৰ পাৰমাণৱিক অস্ত্ৰক লৈ আলোচনা চলি থকাৰ মাজতে ইজৰাইল আৰু আমেৰিকাই কৰা আক্ৰমণৰ পিছত মোদীয়ে সামৰিক সংঘাতক একমাত্ৰ পথ হিচাপে গণ্য নকৰিবলৈ আহ৩ান জনাইছে৷ তেওঁৰ মতে বন্দুকৰ গুলীতকৈ মেজত বহি কৰা আলোচনাহে বেছি ফলপ্ৰসু হ’ব পাৰে৷
ইফালে চৌদি আৰৱ, ওমান আৰু কুৱেইটত থকা আমেৰিকাৰ সামৰিক ঘাটিত ইৰাণে কৰা আক্ৰমণৰো বিৰোধিতা কৰিছে ভাৰতে৷ যদিও মোদীয়ে ইৰাণৰ নাম লোৱা নাই, তথাপি অন্য দেশৰ সাৰ্বভৌমত্ব উলংঘা কৰি কৰা এনে আক্ৰমণৰ তেওঁ নিন্দা কৰিছে৷ এই সন্দৰ্ভত তেওঁ ইতিমধ্যে আক্ৰান্ত হোৱা দেশসমূহৰ ৰাষ্ট্ৰপ্ৰধানসকলৰ সৈতে টেলিফোনত কথা পাতি ভাৰতৰ স্থিতি স্পষ্ট কৰি দিছে৷
T20 বিশ্বকাপৰ শ্বাসৰুদ্ধকৰ ছেমি ফাইনেলত ৰানৰ বৰষুণ।
২৫৪ ৰানৰ লক্ষ্য অনুসৰণ কৰি ২৪৬ ৰান সংগ্ৰহ ইংলেণ্ডৰ ।
৭ৰানত জয়ী টীম ইণ্ডিয়া।
T-20 বিশ্বকাপৰ ফাইনেলত প্ৰৱেশ কৰে ভাৰতে।
ছেমি ফাইনেলত ইংলেণ্ডক পৰাস্ত কৰি ফাইনেলত প্ৰৱেশ টীম ইণ্ডিয়াৰ।
৮ মাৰ্চত ফাইনেলত মুখামুখি হ’ব ভাৰত আৰু নিউজিলণ্ড।
আনহাতে সঞ্জু ছেমচনে কয় যে PLAYER OF THE MATCHৰ সন্মান মোতকৈ বেছি বুমৰাহহে যোগ্য। কাৰণ অন্তিম অভাৰবোৰত বুমৰাহৰ বলিঙৰ সহায় নহ’লে আমি মেচখনত জয়লাভকৰিব নোৱাৰিলোহেঁতেন। বুমৰাহ এজন বিশ্বৰ শ্ৰেষ্ঠ বলাৰ।
কাৰ্বি পাহাৰত দুৰ্ঘটনাগ্ৰস্ত যুঁজাৰু বিমান।(Sukhoi Su-30 )
কাৰ্বি আংলঙৰ চকীহোলাত যুঁজাৰু বিমান দুৰ্ঘটনাগ্ৰস্ত।
ছুখয়-৩০ দুৰ্ঘটনাত নিহত দুই পাইলট।
নিহত ফ্লাইং পাইলট স্কোৱাড্ৰন লিডাৰ অনুজসহ পাইলট লেফটেনেন্ট পূৰ্বেশ দুৰাগকাৰৰ।
ভাৰতীয় বায়ুসেনাই প্ৰকাশ কৰিলে এই তথ্য।
কাৰ্বি আংলঙৰ পাহাৰত ভূপতিত যুঁজাৰু ছুখয় বিমান।
নিশা বিকট শব্দ কৰি পাহাৰত খুন্দা খাই ভূপতিত হ’ল বিমানখন।
কাৰ্বি আংলঙত ভয়ংকৰ পতিত যুঁজাৰু বিমান ছুখয়-৩০
দুৰ্গম চকীহোলাৰ ৰং খেলানৰ কালা পাহাৰত এই বিমান দুৰ্ঘটনা।
কেইবাঘণ্টীয়া অভিযানৰ অন্তত নিশা ঘটনাস্থলীত উপস্থিত উদ্ধাৰকাৰী দল।
দুৰ্ঘটনাস্থলীত উদ্ধাৰ মানৱ শৰীৰৰ ভিন্ন অংগ।
যোৰহাট এয়াৰ ফৰ্চ ষ্টেচনৰ পৰা উৰা মাৰিছিল যুঁজাৰু বিমানখন।
বৃহস্পতিবাৰে সন্ধিয়া উৰা মাৰিছিল বিমানখন।
সময়মতে উভতি নাহিল ভাৰতীয় বায়ু সেনাৰ বিমানখন।
সন্ধিয়া ৭.৪২ বজাত শেষবাৰৰ বাবে হৈছিল যোগাযোগ ভাৰতীয় বায়ু সেনাই সদৰী কৰিছে তথ্য।
