আমাৰ প্ৰত্যেকৰে ঘৰত কম-বেছি পৰিমাণে জেঠী দেখিবলৈ পোৱা যায়। ই এবিধ এনেকুৱা প্ৰাণী যিয়ে আমাৰ প্ৰত্যক্ষ ক্ষতি নকৰে, কিন্তু ইয়াৰ পৰা বহু ৰোগ বিয়পিব পাৰে। তদুপৰি জেঠীয়ে যদি খাদ্যত মুখ দিয়ে, ই স্বাস্থ্যৰ বাবে অতি ক্ষতিকাৰক। আজি আমি কেইটামান টিপছৰ বিষয়ে জানিম, যাৰ দ্বাৰা সহজে জেঠীৰ পৰা মুক্তি পাব পাৰে। এবাৰ চাওঁ আহক-

 ১. ঘৰৰ পৰা জেঠী আঁতৰাবলৈ কেৰাচিন তেলেৰে ঘৰ, বেলকনি আৰু বেৰ ভালদৰে মচিব লাগে। কেৰাচিন তেলৰ উৎকট গোন্ধে জেঠীৰ লগতে আন পোক-পৰুৱাকো ঘৰৰ পৰা আঁতৰা কৰে।

২. বহুতে হয়তো নাজানে যে ময়ূৰৰ পাখি জেঠী হত্যাকাৰী হিচাপে ব্যৱহাৰ কৰিব পাৰি। বহুতে ভাবে যে ঘৰৰ বেৰত ময়ুৰৰ পাখি লগালে জেঠীৰ পৰা পৰিত্ৰাণ পোৱা যায়। যদিও এই বিষয়ত কোনো বৈজ্ঞানিক যুক্তি নাই, তথাপিও বহুতে বিশ্বাস কৰে যে ময়ূৰৰ পাখিয়ে সঁচাকৈয়ে ঘৰৰ পৰা জেঠী আঁতৰাই কৰে।

৩. আপুনি জানি আচৰিত হ’ব যে জলকীয়াৰ গোন্ধও জেঠীয়ে একেবাৰে সহ্য কৰিব নোৱাৰে। আপোনাৰ ঘৰত জেঠী থকা সকলো ঠাইতে জলকীয়াৰ গুড়ি পানীৰ লগত মিহলাই ছটিয়াই দিলে উপকৃত হ’ব।

৪. হালধিৰ তিতা গোন্ধ জেঠীয়ে সহ্য কৰিব নোৱাৰে। অলপমান হালধি পানীৰ লগত মিহলাই স্প্ৰে কৰিলে ঘৰৰ পৰা জেঠীবোৰ নোহোৱা হয়।

৫. ঘৰৰ পৰা জেঠী দূৰ কৰিবলৈ কৰ্ফূৰ ব্যৱহাৰ কৰিব পাৰে। ঘৰৰ চুকত কৰ্পূৰ ৰাখিলে ইয়াৰ তিতা গোন্ধৰ বাবে জেঠী আৰু অন্যান্য পোক-পৰুৱাক নোহোৱা কৰিব পাৰে।

টোপনিৰ অভাৱৰ বাবে এজন ব্যক্তি বহু বিপদজনক ৰোগৰ বলি হ’ব পাৰে। যদি আপোনাৰো টোপনিৰ অভাৱৰ দৰে সমস্যা আছে, তেন্তে এবাৰ আপোনাৰ খাদ্যৰ ওপৰত গুৰুত্ব দিব লাগিব। কাৰণ খাদ্য আৰু পানীয়ই মানুহৰ টোপনিৰ ওপৰত ডাঙৰ প্ৰভাৱ পেলায়। সেইবাবেই খাদ্যাভ্যাসৰ প্ৰতি গুৰুত্ব দিয়াটো অতি প্ৰয়োজনীয়। সুস্বাস্থ্যৰ বাবে টোপনি অতি প্ৰয়োজনীয়। টোপনিৰ লগত সুস্বাস্থ্যৰ ওতঃপ্ৰোত সম্পৰ্ক আছে। টোপনিৰ অভাৱৰ বাবে এজন ব্যক্তি বহু বিপদজনক ৰোগৰ বলি হ’ব পাৰে। ইয়াৰ ভিতৰত হৃদৰোগ, ৰোগ প্ৰতিৰোধ ক্ষমতা দুৰ্বল, স্তন কেন্সাৰৰ আশংকা, হতাশা আদি সমস্যা হ’ব পাৰে। গতিকে শোৱাৰ আগতে কিছুমান বস্তু খোৱাৰ পৰা বিৰত থাকিব লাগে।

ৰাতি শোৱাৰ আগতে এইবোৰ সেৱন নকৰিব
১) কেফেইনযুক্ত পানীয়ঃ ৰাতি মদ আৰু কেফেইনৰ পৰিমাণ নিৰীক্ষণ কৰাটো গুৰুত্বপূৰ্ণ। আপুনি এইটোও মনত ৰাখিব লাগে যে টোপনিৰ ধৰণত প্ৰভাৱ পেলোৱা কেফেইন বহু ধৰণৰ খাদ্য আৰু পানীয়ত পোৱা যায়। চাহ, কফি আৰু বিভিন্ন ধৰণৰ শীতল পানীয়ত কেফেইন পোৱা যায়। চকলেট আৰু বিষনাশক ঔষধতো ইয়াক পোৱা যায়। গতিকে ৰাতি শোৱাৰ আগতে এইবিলাক সেৱনৰ পৰা বিৰত থাকিব লাগে।
২) বিলাহীঃ আপুনি জানেনে ৰাতি শোৱাৰ আগত বিলাহী খোৱাটোও টোপনিৰ বাবে ভাল নহয়। কাৰণ বিলাহীয়ে এচিড ৰিফ্লাক্স সৃষ্টি কৰি হজম শক্তিৰ লগত জড়িত সমস্যা বৃদ্ধি কৰিব পাৰে। ৰাতি বিলাহী সেৱন কৰিলে অস্থিৰতা বৃদ্ধি পাব পাৰে আৰু তাৰপাছত আপুনি পৰ্যাপ্ত টোপনি পোৱাৰ সম্ভাৱনা অতি কম হৈ পৰে।
৩) পিঁয়াজঃ বিলাহীৰ বাহিৰেও পিঁয়াজ এনেকুৱা এটা বস্তু, যিয়ে আপোনাৰ পাচনতন্ত্ৰত বিৰূপ প্ৰভাৱ পেলাব পাৰে। পিঁয়াজে পেটত গেছ তৈয়াৰ কৰাৰ কাম কৰে। এই গেছে আপোনাৰ পেটৰ চাপত প্ৰভাৱ পেলায়, যাৰ ফলত এচিড ডিঙিৰ ফালে ওপৰলৈ যায়। বিশেষকৈ যেতিয়া আপুনি পোন হৈ শুই থাকে। আশ্চৰ্যজনকভাৱে কেঁচা বা সিজোৱা পিয়াঁজ দুয়োটাই এনে সমস্যাৰ সৃষ্টি কৰিব পাৰে। সেয়েহে ৰাতি শোৱাৰ আগতে যিমান পাৰি পিয়াঁজ খোৱাৰ পৰা বিৰত থাকিব লাগে।

এলোভেৰা উদ্ভিদ আমাৰ দৈনন্দিন বহু কামত ব্যৱহাৰ কৰা হয়। এলোভেৰা গছৰ পৰা তৈয়াৰী জেল ছালৰ যিকোনো সমস্যা সমাধানৰ বাবে অতি উপযোগী। কিন্তু বাস্তুশাস্ত্ৰৰ মতে এলোভেৰা উদ্ভিদে আপোনাৰ বহু সমস্যা সমাধান কৰিব পাৰে বুলি বহুতে হয়তু নাজানে। আজি আমি জানিম যে কেনেকৈ আপুনি এলোভেৰা গছ ৰোপণ কৰি আৰ্থিক সমস্যাৰ সমাধান পাব পাৰে?

 বাস্তু বিশেষজ্ঞসকলে কয় যে এলোভেৰা গছ যদি ঘৰৰ পূব দিশত ৰোপণ কৰা হয়, তেন্তে ই আপোনাৰ ঘৰৰ বাস্তু উন্নত কৰে। আমাৰ জীৱনৰ বহুখিনি কথাই নিৰ্ভৰ কৰে আমাৰ বাস্তুৰ ওপৰত। পূব দিশত এলোভেৰা গছ ৰোপণ কৰিলে আপোনাৰ আৰ্থিক সৌভাগ্যও উন্নত হোৱাৰ লগতে সুখ- সমৃদ্ধিও বৃদ্ধি হয়। কিন্তু পূব দিশত গছ ৰোপণ কৰিলেই নহ’ব, আন কিছুমান নিয়ম জনাটো প্ৰয়োজন।

 * বাস্তুশাস্ত্ৰৰ মতে পূব দিশ সূৰ্য্যৰ দিশ। আনহাতে গছ ৰোপণ কৰিলে আৰ্থিক বৃদ্ধি হয় আৰু সাংসাৰিক অস্থিৰতা দূৰ হয়। বিশেষজ্ঞসকলে জনোৱা মতে, ঘৰৰ পূব দিশত এলোভেৰা ৰোপণ কৰিলে ঘৰৰ বাসিন্দাসকলৰ আত্মবিশ্বাস বৃদ্ধি পায়। আত্মবিশ্বাস বৃদ্ধিয়ে আৰু কঠিন কামবোৰ সহজ কৰি তোলে।

 * যদি ঘৰৰ পূব দিশত এলোভেৰা ৰোপণ কৰে, তেন্তে উত্তৰ-পূব দিশত কোনো ধৰণৰ গছ ৰোপণ নকৰিব। সেয়েহে ঘৰৰ কেৱল পূব দিশতহে এলোভেৰা গছ ৰোপণ কৰিব লাগে আৰু নিয়মীয়াকৈ ইয়াৰ যত্ন ল’ব লাগে। দেখিব সময়ৰ লগে লগে এলোভেৰা গছৰ প্ৰভাৱত আপোনাৰ সকলো সমস্যা নোহোৱা হৈ পৰিছে।