Home Blog Page 2

Rakibul Hussain: চাপৰৰ উচ্ছেদস্থলীত চকুলো টুকিলে সাংসদ ৰকিবুল হুছেইনে

Rakibul Hussain: চাপৰৰ উচ্ছেদস্থলীত চকুলো টুকিলে সাংসদ ৰকিবুল হুছেইনে
Rakibul Hussain: চাপৰৰ উচ্ছেদস্থলীত চকুলো টুকিলে সাংসদ ৰকিবুল হুছেইনে

আজি চাপৰৰ উচ্ছেদস্থলীত (Rakibul Hussain) উপস্থিত সাংসদ ৰকিবুল হুছেইন। উচ্ছেদিতৰ কাষত থিয় হৈ চকুলো সাংসদগৰাকীৰ। সাংসদগৰাকীক কাষতে পাই সাবটি ধৰিলে উচ্ছেদিতই।

বৃস্পপতিবাৰে চাপৰৰ চৰুৱাবাখৰা সন্তোষপুৰত আৰু চিৰাকুটাৰ উচ্ছেদৰ বিৰুদ্ধে তীব্ৰ প্ৰতিবাদ সাব্যস্ত কৰিছিল এ আই ইউ ডি এফৰ ৯ গৰাকী বিধায়কে।

আনহাতে আজি উচ্ছেদিতৰ খবৰ ল’বলৈ উচ্ছেদস্থলীত উপস্থিত ধুবুৰীৰ সাংসদ ৰকিবুল হুছেইন। উচ্ছেদৰ তিনিদিনৰ পিছত উচ্ছেদস্থলীত উপস্থিত হয় ধুবুৰীৰ সাংসদ ৰকিবুল হুছাইন।

চৰুৱাবাখৰাত উপস্থিত হৈ উচ্ছেদিত ৰাইজে তিৰপাল পাইছে নে নাই,পানী খাইছে নে নাই সেই খবৰ ল’লে সাংসদ ৰকিবুল হুছাইনে।

উচ্ছেদিত ৰাইজৰ চকুলো টুকিলে ৰকিবুল হুছাইনে। কংগ্ৰেছৰ চৰকাৰ আহিলে আমি সকলো ঠিক কৰিম বুলি কয়।

Honey Side Effects For Babies: সাৱধানঃ শিশুক মৌ খুৱাই নেকি ? শিশু চিকিৎসকৰ মতামত জানি লওক

Honey Side Effects For Babies: সাৱধানঃ শিশুক মৌ খুৱাই নেকি ?
Honey Side Effects For Babies: সাৱধানঃ শিশুক মৌ খুৱাই নেকি ?

মৌ যিমানেই বিশুদ্ধ বা প্ৰাকৃতিক নহওক কিয়, (Honey Side Effects For Babies) এবছৰৰ তলৰ শিশুৰ বাবে ই বিপজ্জনক। মৌৰ টোপাল এটাও শিশুটিৰ বাবে মাৰাত্মক হৈ পৰিব পাৰে।

সংস্কৃতি আৰু পৰম্পৰাৰ ওপৰত নিৰ্ভৰ কৰি সন্তান জন্ম হ’লে ঘৰতে বহু ধৰণৰ ৰীতি-নীতি কৰা হয়। কিছুমান ধৰ্মত নৱজাত শিশুক মৌ খুৱাই দিয়াৰ প্ৰথাও প্ৰচলিত। পুৰণি বিশ্বাস অনুসৰি এয়া মধুৰতাৰে ভৰা নতুন জীৱনৰ শুভ আৰম্ভণিৰ বাবে। কিন্তু চিকিৎসা বিজ্ঞানৰ দৃষ্টিকোণৰ পৰা এইটো এটা অন্ধবিশ্বাস কেতিয়াবা ই শিশুৰ স্বাস্থ্যৰ বাবেও ক্ষতিকাৰক হ’ব পাৰে।

জন্মৰ প্ৰথম বছৰতে শিশুৰ শৰীৰ বিশেষকৈ পাচন শক্তি আৰু ৰোগ প্ৰতিৰোধ ক্ষমতা সম্পূৰ্ণৰূপে বিকশিত নহয়। এনে পৰিস্থিতিত কিছুমান কথা, যিবোৰ প্ৰাপ্তবয়স্কৰ বাবে স্বাভাৱিক, শিশুৰ বাবে বিপদজনক বুলি প্ৰমাণিত হ’ব পাৰে। মৌও সেইবোৰৰ ভিতৰত এটা। এবছৰৰ তলৰ শিশুৰ বাবে মৌ বিষতকৈ কম নহয়। গুৰুতৰ ক্ষেত্ৰত মৃত্যুৰ আশংকা থাকে।

শিশুৰ প্ৰথম এবছৰ অতি গুৰুত্বপূৰ্ণ, গতিকে তেওঁলোকৰ খাদ্যাভ্যাসৰ প্ৰতি অতি সাৱধান হোৱাৰ প্ৰয়োজন আছে। যদিও ৬ মাহৰ পিছত শিশুৱে খাবলৈ শিকিবলৈ আৰম্ভ কৰে, কিন্তু তথাপিও তেওঁলোকক সকলো খুৱাব নালাগে। শিশুৰ বাবে বজাৰত উপলব্ধ বহু সামগ্ৰী, চিকিৎসকৰ পৰামৰ্শ নোলোৱাকৈ নিদিব। বিশেষজ্ঞসকলে কয় যে কেৱল প্ৰত্যক্ষভাৱে মৌয়ে নহয়, যিবোৰ বস্তুত মৌ মিহলি কৰা হৈছে যেনে কিছুমান বস্তু পৰিহাৰ কৰিব লাগে।

যেতিয়া শিশুটি কঠিন খাদ্যৰ প্ৰতি অভ্যাস কৰে তেতিয়া পিতৃ-মাতৃয়ে তেওঁৰ খাদ্যখিনি অলপ সোৱাদযুক্ত কৰি তুলিব বিচাৰে। এনে পৰিস্থিতিত আপুনি আপোনাৰ শিশুক আঁহ আৰু পটাছিয়াম সমৃদ্ধ কলৰ গুড়ি, ভিটামিন চি আৰু এন্টিঅক্সিডেন্ট সমৃদ্ধ চেনিবিহীন আপেলৰ পিউৰি, খেজুৰৰ পেষ্ট, মিঠা আলু খুৱাব পাৰে।

এবছৰৰ পিছত শিশুক মৌ খাবলৈ দিব পাৰে। শিশুটিৰ বয়স ১২ মাহ হ’লে তেওঁৰ পাচনতন্ত্ৰ বহু পৰিমাণে বিকশিত হৈছে। এনে পৰিস্থিতিত ক্ৰমান্বয়ে, কম পৰিমাণে মৌ খাদ্যত অন্তৰ্ভুক্ত কৰিব পাৰি। ইয়াৰ পৰা কোনো ধৰণৰ বিপদৰ আশংকা নাই। কিন্তু এই কথা মনত ৰখাটো জৰুৰী যে মৌত কোনো ধৰণৰ মিশ্ৰণ হ’ব নালাগে।

Radhika Yadav: পিতৃয়ে হত্যা কৰিলে টেনিছ খেলুৱৈ ৰাধিকা যাদৱক, হত্যাৰ প্ৰকৃত কাৰণ ফাদিল

Radhika Yadav: পিতৃয়ে হত্যা কৰিলে টেনিছ খেলুৱৈ ৰাধিকা যাদৱক
Radhika Yadav: পিতৃয়ে হত্যা কৰিলে টেনিছ খেলুৱৈ ৰাধিকা যাদৱক

গুৰুগ্ৰামত টেনিছ খেলুৱৈ ৰাধিকা (Radhika Yadav) যাদৱৰ হত্যাকাণ্ডই চাঞ্চল্যৰ সৃষ্টি কৰিছে। অভিযুক্ত পিতৃ দীপক যাদৱৰ ফটো ভাইৰেল হৈ পৰিছে। আৰক্ষীয়ে গ্ৰেপ্তাৰ কৰিছে পিতৃক। দীপকে ৰাধিকাক পাঁচটা গুলী চলাইছিল। হত্যাকাণ্ডৰ কাৰণ একাডেমীক লৈ বিবাদ বুলি কোৱা হৈছে।


হাৰিয়ানাৰ গুৰুগ্ৰামত সংঘটিত হৈছে শোকাৱহ ঘটনা। নিজ পিতৃয়ে নিজ কন্যা সন্তানক গুলীয়াই হত্যা কৰে। এতিয়া উদীয়মান টেনিছ খেলুৱৈ ৰাধিকা যাদৱৰ হত্যাকাণ্ডত এক নতুন টুইষ্ট চৰ্চালৈ আহিছে। অভিযুক্ত পিতৃ দীপক যাদৱৰ প্ৰথমখন ছবিও পোহৰলৈ আহিছে, যিখন ছবি ক্ৰমান্বয়ে ছ’চিয়েল মিডিয়াত ভাইৰেল হৈ পৰিছে। ভাইৰেল ফটোখনত ছবিখনত অভিযুক্ত দীপক যাদৱক তললৈ মুখ কৰি থিয় হৈ থকা দেখা গৈছে। তেওঁ আৰক্ষীৰ জিম্মাত। ছবিখন প্ৰকাশ পোৱাৰ পিছতে ছ’চিয়েল মিডিয়াত ৰাইজে ন্যায় বিচাৰিছে আৰু পিতৃৰ এই নিষ্ঠুৰ কাৰ্যক তীব্ৰ গৰিহণা দিছে। আজি দুপৰীয়া প্ৰায় ২ বজাত স্থানীয় আদালতত মৃতকৰ পিতৃ আৰু অভিযুক্ত দীপক যাদৱক দাখিল কৰিব।

আৰক্ষীৰ তথ্য অনুসৰি বৃহস্পতিবাৰে পুৱা দীপক যাদৱে নিজৰ ঘৰত অনুজ্ঞাপত্ৰ থকা ৰিভলভাৰেৰে ৫টা জাঁই গুলী চলাই ৰাধিকাৰ ওপৰত তাৰে তিনিটা গুলীৰ পিঠিত লাগি থিতাতে মৃত্যু হয় ৰাধিকাৰ। হত্যাকাণ্ডৰ কাৰণ হ’ল ৰাধিকাৰ দ্বাৰা পৰিচালিত টেনিছ একাডেমীক লৈ পিতৃ-কন্যাৰ মাজত চলি থকা বিবাদ। আৰক্ষীৰ তদন্তত এই কথাও পোহৰলৈ আহিছে যে দীপক যাদৱে নিজৰ কন্যাৰ উপাৰ্জনৰ ওপৰত নিৰ্ভৰশীল বুলি মানুহে ঠাট্টা কৰিছিল।

আৰক্ষীয়ে জনোৱা মতে, দেউতাকে বিচাৰিছিল যে ৰাধিকাই টেনিছ একাডেমীখন বন্ধ কৰক কাৰণ মানুহে তেওঁক ঠাট্টা কৰিছিল যে তেওঁৰ ছোৱালীৰ উপাৰ্জনৰ দ্বাৰা জীৱন নিৰ্বাহ কৰি আছে বুলি। প্ৰথম তথ্য প্ৰতিবেদন (এফআইআৰ)ত উল্লেখ আছে যে কন্যাই নিজৰ উদ্যোগ বন্ধ কৰিবলৈ অস্বীকাৰ কৰাৰ পিছত দীপক যাদৱে ক্ষোভিত হৈ পৰিছিল।

যোৱা কেইদিনমানৰ পৰা ঠাট্টা-মস্কৰা বাঢ়িছিল, তাৰ পিছত তেওঁ ৰাধিকা যাদৱক টেনিছ একাডেমী বন্ধ কৰিবলৈ কৈছিল, আনহাতে ৰাধিকা একাডেমীখন বন্ধ কৰিবলৈ অমান্তি হৈছিল।

ঘটনাৰ পিছত গুৰুগ্ৰাম আৰক্ষীয়ে দীপক যাদৱক গ্ৰেপ্তাৰ কৰাৰ লগতে ছেক্টৰ ৫৬ থানাত এফআইআৰ ৰুজু কৰা হৈছে। লগতে এই গোচৰৰ সৈতে জড়িত অন্যান্য দিশ যেনে ৰাধিকাৰ ছ’চিয়েল মিডিয়াৰ কাম-কাজ আৰু ব্যক্তিগত সম্পৰ্কৰ তদন্তও কৰি থকা বুলিও আৰক্ষীয়ে জানিবলৈ দিয়ে। মন কৰিবলগীয়া যে ৰাধিকা যাদৱ আছিল ভাৰতৰ এগৰাকী প্ৰতিভাৱান টেনিছ খেলুৱৈ, ৰাষ্ট্ৰীয় আৰু আন্তঃৰাষ্ট্ৰীয় পৰ্যায়ত বহু কৃতিত্ব অৰ্জন কৰিছিল ৰাধিকাই। তেওঁৰ হত্যাকাণ্ডৰ বাবে ক্ৰীড়া জগত আৰু সমাজত শোকৰ ছাঁ পৰিছে।

Dilip Saikia: ১৭বাৰ মোগলক পৰাস্ত কৰা অসমীয়া জাতি, বীৰ জাতিঃ ৰাজ্যিক বিজেপিৰ সভাপতি দিলীপ শইকীয়া

Dilip Saikia: ১৭বাৰ মোগলক পৰাস্ত কৰা অসমীয়া জাতি, বীৰ জাতি
Dilip Saikia: ১৭বাৰ মোগলক পৰাস্ত কৰা অসমীয়া জাতি, বীৰ জাতি

অসমীয়া ভাষাক লৈ ABMSUৰ(Dilip Saikia)নেতাৰ মন্তব্যৰ প্ৰতিক্ৰিয়া ৰাজ্যিক বিজেপিৰ সভাপতি দিলীপ শইকীয়াৰ।

তেওঁ কয় যে ABMSUৰ নেতাৰ ধমকে অসমীয়া জাতিক কেতিয়াও দুৰ্বল কৰিব নোৱাৰে। বৰঞ্চ জাতিটোক সবল কৰাৰ এপাত অস্ত্র আমাৰ হাতত দিছে। ১৭বাৰ মোগলক পৰাস্ত কৰিছে অসমীয়া জাতিয়ে। ‘ABMSUৰ নেতাৰ মন্তব্যই আইৰ মুখৰ ভাষাক নাইকীয়া কৰিব নোৱাৰে । যদি অসমত থাকিব বিচাৰে তেন্তে সহাৱস্থান কৰক। মুখ্যমন্ত্ৰীয়ে স্পষ্টকৈ কৈছে অসমৰ চৰকাৰী ভাষা অসমীয়া। যেতিয়ালৈকে আমি অসমীয়া জাতিটো জীয়াই থাকিম তেতিয়ালৈকে অসমত অসমীয়া ভাষা চৰকাৰী ভাষা হৈ থাকিব। সন্দেহযুক্ত নাগৰিকৰ বিৰুদ্ধে মুখ্যমন্ত্ৰীৰ নেতৃত্বত যি উচ্ছেদ চলিছে তাকেলৈ একাংশ আৱেগিক হৈ এনে মন্তব্য কৰিছে। আনহাতে তেওঁলোকৰ আৱেগত কিছু সাৰপানী যোগাই আছে একাংশ ৰাজনৈতিক নেতাই। অসমীয়াক সংখ্যালঘু কৰিবলৈ চিন্তা কৰা ABMSU প্ৰত্যুত্তৰৰ বাবে সাজু থাকক বুলিও মন্তব্য কৰে দিলীপ শইকীয়াই।

উচ্ছেদ চলি থাকিব, বন্ধ নহয়। মঙলদৈতো উচ্ছেদ হ’ব বুলি মন্তব্য দিলীপ শইকীয়াৰ।

Monday Born Personality: এই দিনটোত জন্ম লোৱা মানুহবোৰ মৰমীয়াল, তেওঁলোকৰ ব্যক্তিত্বই মানুহক আকৰ্ষণ কৰে !

Monday Born Personality: এই দিনটোত জন্ম লোৱা মানুহবোৰ মৰমীয়াল, তেওঁলোকৰ ব্যক্তিত্বই মানুহক আকৰ্ষণ কৰে !
Monday Born Personality: এই দিনটোত জন্ম লোৱা মানুহবোৰ মৰমীয়াল, তেওঁলোকৰ ব্যক্তিত্বই মানুহক আকৰ্ষণ কৰে !

যিদৰে এজন ব্যক্তিৰ ব্যক্তিত্ব আৰু ভৱিষ্যতৰ বিষয়ে (Monday Born Personality) তেওঁৰ জন্ম তাৰিখৰ পৰাই জানিব পাৰি, ঠিক তেনেদৰে তেওঁৰ জন্মদিনৰ পৰাই ব্যক্তিজনৰ ব্যক্তিত্বৰ বিষয়ে বহু কথা জানিব পাৰি।

জ্যোতিষ শাস্ত্ৰত ৰাশি, ৰাশি আৰু জন্ম তাৰিখৰ সংখ্যাৰ লগতে সেই সপ্তাহৰ দিনটোকো গুৰুত্ব দিয়া হয়, যিটো দিনত শিশুটিৰ জন্ম হৈছিল। জ্যোতিষৰ সহায়ত আমি জানিব পাৰোঁ যে সপ্তাহৰ কোনটো দিনত জন্মগ্ৰহণ কৰা ব্যক্তিৰ স্বভাৱ কি? আজি আমি জানো সোমবাৰে জন্ম হোৱা মানুহৰ ব্যক্তিত্বৰ বিষয়ে জানো আহক-

সোমবাৰে জন্ম হোৱা মানুহৰ ব্যক্তিত্ব অতি আকৰ্ষণীয়। এই মানুহবোৰ স্বভাৱতে মিলাপ্ৰীতি আৰু আনন্দময়। লগতে, তেওঁলোক অতি আৱেগিক আৰু সংবেদনশীল। তেওঁলোকৰ হৃদয়খন বৰ কোমল। সেইবাবেই তেওঁলোকে আনক সহায় কৰিবলৈ সদায় সাজু থাকে।

সোমবাৰে জন্ম হোৱা মানুহবোৰ ধুনীয়া। বিশেষকৈ সোমবাৰে জন্ম হোৱা ছোৱালীবোৰ বৰ মৰমলগা আৰু ধুনীয়া। যাৰ বাবে মানুহ সহজেই তেওঁলোকৰ প্ৰতি আকৰ্ষিত হয়।

সোমবাৰে জন্ম হোৱা মানুহৰ মন চঞ্চল। ইয়াৰ বাবে তেওঁলোকৰ মন এটা কামত মনোনিৱেশ নকৰে। লগতে এই মানুহবোৰ মুডী। বহু সময়ত আৱেগ বা খৰখেদাকৈ ভুল সিদ্ধান্ত লয়।

সোমবাৰে জন্ম হোৱা লোকৰ পৰিয়ালৰ প্ৰতি এক বিশেষ মোহ থাকে। চন্দ্ৰৰ প্ৰভাৱৰ বাবে তেওঁলোকৰ স্বভাৱ শান্ত। তেওঁলোকৰ খং উঠিলেও কিছু সময়ৰ পাছত কমি যায়।

Goalpara eviction: আজি গোৱালপাৰাত নচলে উচ্ছেদ অভিযান

Goalpara eviction: আজি গোৱালপাৰাত নচলে উচ্ছেদ অভিযান
Goalpara eviction: আজি গোৱালপাৰাত নচলে উচ্ছেদ অভিযান

আজি গোৱালপাৰাত নচলে উচ্ছেদ অভিযান।(Goalpara eviction)

কাইলৈ পুৱাৰে পৰা পাইকান বনাঞ্চলত চলিব উচ্ছেদ অভিযান।

পাইকান বনাঞ্চলৰ ১৩৮ হেক্টৰ ভূমিত চলিব উচ্ছেদ।

আজি শুকুৰবৰীয়া নামাজৰ বাবে আজি নচলায় উচ্ছেদ অভিযান।

জুম্মা বাৰ হোৱাৰ বাবে উচ্ছেদ নচলোৱাৰ সিদ্ধান্ত চৰকাৰৰ।

Traditional Farming: হালুৱাই হাল বাইছে, ৰোৱনীয়ে ৰুইছেঃ ধৰাৰ বুকুত কঠিয়া গুজি বছৰটোলৈ সপোন সিঁচিছে

Traditional Farming: হালুৱাই হাল বাইছে, ৰোৱনীয়ে ৰুইছেঃ ধৰাৰ বুকুত কঠিয়া গুজি বছৰটোলৈ সপোন সিঁচিছে
Traditional Farming: হালুৱাই হাল বাইছে, ৰোৱনীয়ে ৰুইছেঃ ধৰাৰ বুকুত কঠিয়া গুজি বছৰটোলৈ সপোন সিঁচিছে

কপালৰ ঘাম মাটিত পেলাই নাঙলৰ সীৰলুত (Traditional Farming) সেউজীয়াৰ সপোন ৰচিছে চহা অসমীয়াই। বৰষাই বোকা কৰা মাটিত প্ৰাণ পোৱা মুঠি মুঠি কঠীয়াই সজীৱ কৰি তোলে জীয়াই থকাৰ আশা। তেজপুৰৰ খেতি পথাৰত ব্যস্ত হৈ পৰিছে কৃষকসকল। বাৰিষা অহাৰ লগে লগে খেতিপথাৰত ব্যস্ত হৈ পৰা দেখা গৈছে কৃষকসকলক। জেঠ গৈ আহাৰ মাহত ভৰি দিয়াৰ লগে লগেই চহা জীৱনৰ কৃষকসকলৰ বাবে অতি গুৰুত্বপূৰ্ণ হৈ পৰে এইখিনি সময়।


ধৰাৰ উজ্জ্বিৱিত বুকুত ৰোৱনীয়ে ভূই ৰোৱাৰ সময় এইয়া । কৃষিজীৱি পৰিয়ালৰ ডেকা – বুঢ়াৰ পৰা আদি কৰি সকলো ব্যস্ত হৈ পৰিছে খেতিপথাৰত। বৰ্ষাই কৃষকৰ দুচকুত আশাৰ জোৱাৰ নমাই অনাৰ লগে লগে ৰাজ্যৰ প্ৰতিটো প্ৰান্তৰ খেতিপথাৰত এতিয়া ব্যস্ত কৃষকসকল।


মুল্যবৃদ্ধিয়ে জনজীৱন স্তব্ধ কৰাৰ সময়তেই কঁকালত গাঁঠি মাৰি খেতি পথাৰত নামিছে হালুৱা ৰোৱনী। হালুৱাই হাল বাইছে, ৰোৱনীয়ে ধৰাৰ বুকুত কঠিয়া গুজি বছৰটোলৈ সপোন সিঁচিছে। নানা আনন্দ উলাহেৰে এতিয়া তেজপুৰত খেতি পথাৰত ব্যস্ত হৈ পৰিছে কৃষকসকল।

জৈৱিক কৃষিৰে বহিঃৰাজ্যত বজাৰ দখল গোলাঘাটৰ কৃষকৰ । Golaghat

জৈৱিক কৃষিৰে বহিঃৰাজ্যত বজাৰ দখল গোলাঘাটৰ কৃষকৰ । Golaghat
জৈৱিক কৃষিৰে বহিঃৰাজ্যত বজাৰ দখল গোলাঘাটৰ কৃষকৰ । Golaghat

১০ জুলাই: Golaghat । গোলাঘাট জিলাৰ জামুগুৰি কৃষি উন্নয়ন চক্ৰৰ অন্তৰ্গত পদুমপথাৰ এগ্ৰ’ প্ৰডিউচাৰ কোম্পানীয়ে উৎপাদন কৰা প্ৰায় বিশ মেট্ৰিকটন শুকান হালধি উচিত মূল্যত হাৰিয়ানাৰ বজাৰলৈ ৰপ্তানি কৰিবলৈ সক্ষম হৈছে।

জিলা কৃষি বিভাগৰ দিহা-পৰামৰ্শৰে সম্পূৰ্ণ জৈৱিক পদ্ধতি অৱলম্বন কৰি ৰঙালাও, আদা, হালধি, নেমুটেঙা আদি খেতি কৰি লাভান্বিত হৈছে সংস্থাটোৰ সৈতে জড়িত প্ৰায় ১৫০০ কৃষক। বিগত কিছু দিন ধৰি সংস্থাটোৱে বহিঃৰাজ্যলৈ আদা, হালধি, ৰঙালাও আৰু নেমুটেঙা আদি উৰিষ্যা, মহাৰাষ্ট্ৰ, হিমাচল প্ৰদেশ, মিজোৰাম, পশ্চিমবংগ আৰু তেলেংগানাত বিক্ৰী কৰি লাভান্বিত হোৱাৰ কথা প্ৰকাশ কৰে পদুমপথাৰ এগ্ৰ’ প্ৰডিউচাৰ কোম্পানীৰ সঞ্চালক অঞ্জল লিম্বুয়ে।তেঁও লগতে কয় যে সম্পূৰ্ণ জৈৱিক প্ৰক্ৰিয়াৰে কৰা ফচলসমূহে বহিঃৰাজ্যত যথেষ্ঠ সমাদৰ লাভ কৰিবলৈ সক্ষম হৈছে আৰু প্ৰতিবাৰে তেওঁলোকে ইয়াৰ বাবদ আশাপ্ৰদ মোনাফা লাভ কৰি আহিছে।

উল্লেখ্য যে, চলিত বৰ্ষত কোম্পানীটোৱে উৰিষ্যা, মহাৰাষ্ট্ৰ আৰু তেলেংগানালৈ ৪০০ মেট্ৰিকটন আদা, মিজোৰাম আৰু উৰিষ্যালৈ ৫০ মেট্ৰিকটন হালধি ৰপ্তানি সম্পূৰ্ণ কৰিছে। ইয়াৰোপৰি কৃষকৰ দলটোয়ে এই বৰ্ষত ৭০ বিঘা মাটিত ৰঙালাও খেতি কৰি বৰ্তমানলৈকে ২০০০ কুইণ্টলৰো অধিক ৰঙালাও স্থানীয় বজাৰত বিক্ৰী কৰি আছে। সেইদৰে বিগত বৰ্ষতো তেলেংগানা, উৰিষ্যা, হিমাচল প্ৰদেশ, মহাৰাষ্ট্ৰ আৰু পশ্চিম বংগলৈ ৭০০ মেট্ৰিকটন হালধি আৰু ২০০ মেট্ৰিকটন আদা ৰপ্তানি কৰি লাভজনক মুনাফা অৰ্জন কৰিবলৈ সক্ষম হৈছে।


জিলাখনৰ দৈয়াং নদীৰ পাৰৰ প্ৰায় ১৫০০ হেক্টৰ কৃষি ভূমিত ১৫০০ কৃষক পৰিয়ালে সন্মিলিত প্ৰচেষ্টাৰে প্ৰতি বছৰে কৰি অহা জৈৱিক কৃষি প্ৰণালীক ইতিমধ্যে ৰাজ্য কৃষি বিভাগে স্বীকৃতি প্ৰদান কৰিছে।ভৱিষ্যতৰ দিনত কৃষকৰ দলটোৱে জৈৱিক কৃষি সম্প্ৰসাৰণৰ জৰিয়তে আন্তঃৰাষ্ট্ৰীয় বজাৰ দখলৰ সপোন পুহি ৰাখিছে।

বঙাইগাঁৱত ভলীবল প্ৰশিক্ষণ শিবিৰৰ সামৰণি । Fooball

বঙাইগাঁৱত ভলীবল প্ৰশিক্ষণ শিবিৰৰ সামৰণি । Fooball
বঙাইগাঁৱত ভলীবল প্ৰশিক্ষণ শিবিৰৰ সামৰণি । Fooball

Fooball । ব্ৰহ্মপুত্ৰ ভলীবল লীগৰ উদ্যোগত তথা বঙাইগাঁও জিলা ক্ৰীড়া সন্থাৰ সহযোগত ৰাজস্থানৰ এনআইএচ প্ৰশিক্ষক আছিফ খানৰ তত্ত্বাৱধানত বীৰঝৰা উচ্চতৰ মাধ্যমিক বিদ্যালয়ৰ খেলপথাৰত অনুষ্ঠিত ল’ৰা-ছোৱালীৰ ভলীবল প্ৰশিক্ষণ শিবিৰৰ বৃহস্পতিবাৰে সফল সামৰণি পৰে ৷

এই প্ৰশিক্ষণ শিবিৰত স্থানীয় বিভিন্ন বিদ্যালয়ৰ উদীয়মান খেলুৱৈ সকলে অংশগ্ৰহণ কৰিছিল। তেওঁলোকক প্ৰশিক্ষণৰ জৰিয়তে ভলীবল খেলৰ প্ৰাথমিক কৌশল, দলগত সমন্বয় আৰু শাৰীৰিক সক্ষমতা বৃদ্ধিৰ ওপৰত গুৰুত্ব সহকাৰে শিকোৱা হয়। বৃহস্পতিবাৰে সামৰণি অনুষ্ঠানত বঙাইগাঁও জিলা ক্ৰীড়া সন্থাৰ বিষয়ববীয়া আৰু সদস্যসকল , বিভিন্ন ক্ৰীড়া সংগঠনৰ সদস্যবৃন্দ, বিদ্যালয় কৰ্তৃপক্ষ, অভিভাৱক, আৰু অঞ্চলটোৰ কেইবাগৰাকী প্ৰাক্তন ভলীবল খেলুৱৈয়ে উপস্থিত থাকে ৷

অনুষ্ঠানৰ শেষত এক সাদৰ বিদায় অনুষ্ঠানৰ জৰিয়তে প্ৰশিক্ষক আছিফ খানলৈ আন্তৰিক কৃতজ্ঞতা জ্ঞাপন কৰে। ক্ৰীড়া জগতৰ প্ৰতি তেওঁৰ অৱদান আৰু অঞ্চলটোৰ উদীয়মান খেলুৱৈসকলৰ বাবে আগবঢ়োৱা অনুপ্ৰেৰণাৰ বাবে সকলোৱে জনায় কৃজ্ঞতা ৷ লগতে এনে ধৰণৰ প্ৰশিক্ষণ শিবিৰে স্থানীয় পৰ্যায়ত ক্ৰীড়াৰ বিকাশ ঘটাবলৈ সহায় কৰিব বুলি অনুষ্ঠানত উপস্থিত থকা সকলে মতপোষণ কৰে ৷ উল্লেখ্য যে ২৯ জুনৰ পৰা এই প্ৰশিক্ষণ শিবিৰ আৰম্ভ হৈছিল ৷

অসম প্ৰকাশন পৰিষদৰ উদ্যোগত গুৱাহাটী শিশু মহোৎসৱঃ যোগাসন, মূকাভিনয়, নৃত্য, নাট, সংগীত, সুকুমাৰ কলাৰ কৰ্মশালা । Assam Prakashan Parishad

অসম প্ৰকাশন পৰিষদৰ উদ্যোগত গুৱাহাটী শিশু মহোৎসৱঃ যোগাসন, মূকাভিনয়, নৃত্য, নাট, সংগীত, সুকুমাৰ কলাৰ কৰ্মশালা । Assam Prakashan Parishad
অসম প্ৰকাশন পৰিষদৰ উদ্যোগত গুৱাহাটী শিশু মহোৎসৱঃ যোগাসন, মূকাভিনয়, নৃত্য, নাট, সংগীত, সুকুমাৰ কলাৰ কৰ্মশালা । Assam Prakashan Parishad

আনন্দমুখৰ চানমাৰি বাকৰিঃ শিশু গ্ৰন্থমেলাৰো আয়োজন

শিশুৰ সামগ্ৰিক উৎকৰ্ষৰ বাবে এনে কাৰ্যসূচী শুভফলদায়কঃ সিজাৰ বাগচি

১০ জুলাইঃ Assam Prakashan Parishad চানমাৰিস্থিত অসম অভিযান্ত্ৰিক প্ৰতিষ্ঠান খেলপথাৰ শিশুৰ কলৰৱেৰে মুখৰিত কৰি অসম প্ৰকাশন পৰিষদৰ উদ্যোগত আজিৰ পৰা আৰম্ভ হ’ল এঘাৰদিনীয়াকৈ আয়োজিত গুৱাহাটী শিশু মহোৎসৱ ৷ প্ৰকাশন পৰিষদে পোন প্ৰথমবাৰৰ বাবে আয়োজন কৰা এই শিশু মহোৎসৱৰ উদ্বোধনী সভাত আজি সন্মানীয় অতিথিৰূপে অংশগ্ৰহণ কৰে পশ্চিমবংগৰ বিশিষ্ট লেখক- সাহিত্যিক, বাংলা ভাষাৰ শিশু আলোচনী আনন্দ মেলাৰ সম্পাদক সিজাৰ বাগচীয়ে ৷ তেওঁ ভাষণত কয় যে অসম চৰকাৰে প্ৰকাশন পৰিষদৰ উদ্যোগত অনুষ্ঠিত কৰা এই শিশু মহোৎসৱ যথাৰ্থতে এক অভিনৱ কাৰ্যসূচী ৷ গ্ৰন্থমেলা তথা যোগাসন, অভিনয়, মূকাভিনয়, সংগীত, নৃত্য, আবৃত্তি আদি বৰ্ণিল কাৰ্যসূচীৰ সমাহাৰেৰে শিশুৰ সামগ্ৰিক মানসিক উৎকৰ্ষ সাধনৰ বাবে আয়োজন কৰা এই অনুষ্ঠান দেশৰ ভৱিষ্যতৰ বাবে শুভফলদায়ক হ’ব ৷ আজিৰ সময়ত এয়া অতি গুৰুত্বপূৰ্ণ কাম ৷ কিয়নো এতিয়া শিশুসকলৰ জীৱন অন্যধৰণৰ হৈ পৰিছে ৷ সৰুৰে পৰা কেৰিয়াৰ গঢ়াৰ চাপ, প্ৰতিষ্ঠাৰ প্ৰতিযোগিতা, সাফল্যৰ দৌৰত শিশুসকলৰ মন গধূৰ হৈ পৰে ৷ তেওঁলোকৰ খেলাৰ সময়, অন্যান্য প্ৰতিভা বিকাশৰ সময় কাঢ়ি লৈছে বিভিন্ন গেজেটে ৷ এনে এক সন্ধিক্ষণত শিশুসকলৰ বাবে অসম প্ৰকাশন পৰিষদে আয়োজন কৰা এই কাৰ্যসূচীয়ে দৰাচলতে নতুন আশা জাগৰিত কৰিছে ৷


আন এগৰাকী সন্মানীয় অতিথি, বিশিষ্ট শিশু সাহিত্যিক ড° শান্তনু তামুলীয়ে কয় যে প্ৰতিটো শিশু একোটা ফুলৰ কলি ৷ তেওঁলোকক নিজৰ নিজৰ ৰং-ৰূপ আৰু বুদ্ধিমত্তাৰে জাতিষ্কাৰ কৰাটো সমাজৰ নৈতিক দায়িত্ব ৷ তেওঁলোকৰ অনুসন্ধিৎসা, হেঁপাহ, সপোন বাস্তৱায়িত হ’বলৈ আস্থাৰ বাতাৱৰণ গঢ়ি তুলিব লাগিব ৷ সৰুৰে পৰা যুক্তিবাদী, বিজ্ঞান মনস্কতা, সমাজৰ প্ৰতি দায়ৱদ্ধতা গঢ়ি তুলিব পাৰিলে আজিৰ শিশুৰ হাততে অনাগত সময়ত ৰাষ্ট্ৰ সুৰক্ষিত হ’ব ৷ শিশুসকলক সুনাগৰিক হিচাপে গঢ়ি তোলাৰ ক্ষেত্ৰত অসম প্ৰকাশন পৰিষদৰ এই কাৰ্যসূচীয়ে সমাজলৈ শুভবাৰ্তা প্ৰেৰণ কৰিছে ৷ সভাৰ উদ্দেশ্য ব্যাখ্যাৰ জৰিয়তে আদৰণী ভাষণ আগবঢ়ায় অসম প্ৰকাশন পৰিষদৰ সচিব প্ৰমোদ কলিতাই ৷ তেওঁ কয়—“ মুখ্যমন্ত্ৰী ড° হিমন্ত বিশ্ব শৰ্মাৰ নেতৃত্ব আৰু শিক্ষামন্ত্ৰী ডাঃ ৰণোজ পেগুৰ পৰামৰ্শ অনুসৰি অসম প্ৰকাশন পৰিষদৰ উদ্যোগত পোন প্ৰথমবাৰৰ বাবে গুৱাহাটী শিশু মহোৎসৱৰ আয়োজন কৰা হৈছে ৷ ইয়াৰ মূল লক্ষ্য আৰু উদ্দেশ্য হৈছে শিশুসকলৰ সামগ্ৰিক বিকাশৰ বাট প্ৰশস্ত কৰা ৷ গ্ৰন্থৰ সুবাস-স্পৰ্শ শিশুসকলৰ বাবে মনোৰম অভিজ্ঞতা হৈ ৰ’ব ৷ দেশৰ কেবাটাও প্ৰখ্যাত প্ৰকাশন গোষ্ঠীয়ে ভাগ লৈছে এই শিশু গ্ৰন্থমেলাত। শিশুৰ উপযোগী গ্ৰন্থ অভিভাৱকসকলে ৰেহাই মূল্যত পাব গুৱাহাটী শিশু মহোৎসৱৰ বাকৰিত। ইয়াৰ সমান্তৰালভাৱে যোগাসনৰ অভ্যাস , মূকাভিনয়, সংগীত, নৃত্য, নাট, সুকুমাৰ কলাৰ কৰ্মশালা, খেল বাগিছা, আবৃত্তি প্ৰতিযোগিতা আদি ভিন্ন কাৰ্যসূচী ইয়াত সংযোজন কৰা হৈছে ৷ প্ৰতিদিনে ছাত্ৰ-ছাত্ৰীসকলক চুটি চলচ্চিত্ৰ প্ৰদৰ্শনৰ ব্যৱস্থাও কৰা হৈছে ৷ অভিভাৱক আৰু শিশুসকলৰ অংশগ্ৰহণে এই অনুষ্ঠান সাফল্যমণ্ডিত কৰিব বুলি আশা প্ৰকাশ কৰিছোঁ ৷


এই আয়োজন সফল হ’লে আমি প্ৰতি বছৰে এই কাৰ্যসূচী ৰূপায়ণ কৰিবলৈ নিশ্চয় উৎসাহ লাভ কৰিম ৷
এই অনুষ্ঠানে শিশুসকলক উপকৃত কৰিলে আমাৰ কষ্ট সাৰ্থক হোৱা বুলি ভাবিম ৷” সঞ্চিতা আমচি, অংকিতা আদচিয়ে পৰিৱেশন কৰা গটি বৰগীতেৰে উদ্বোধনী সভাখন আৰম্ভ হয় ৷ সভাৰ আঁত ধৰে প্ৰবোধ দাসে ৷ ইপিনে আজি প্ৰথম দিনাই শতাধিক শিশুৱে নাটক, নৃত্য, মূকাভিনয়, সুকুমাৰ কলাৰ কৰ্মশালাত অংশগ্ৰহণ কৰি চানমাৰি বাকৰিত আনন্দৰ পৰিৱেশ সৃষ্টি কৰে ৷ কৰ্মশালাত সমল ব্যক্তিৰূপে অংশগ্ৰহণ কৰি শিশুসকলক নিৰ্দ্দষ্ট বিষয়ৰ শিক্ষাদান কৰে বিশিষ্ট মূকাভিনয় শিল্পী মইনুল হক, ৰাষ্ট্ৰীয় পৰ্যায়ৰ খ্যাতনামা শিল্পী কমল নাথ, ৰাষ্ট্ৰীয় নাট্যবিদ্যালয়ৰ স্নাতক, বিশিষ্ট নাট্যকাৰ-পৰিচালক ৰবিজিতা গগৈ, নাট্যশিল্পী ৰাজীৱ কুমাৰ সাউদ, সুকুমাৰ কলাৰ বিশিষ্ট শিল্পীদ্বয় দেৱকান্ত হাজৰিকা, দিগন্ত হাজৰিকা, নৃত্য শিল্পী প্ৰিয়ংকা কাশ্যপে ৷ কাইলৈ পুৱা ১০ বজাৰ পৰা যোগাসনৰ প্ৰশিক্ষণ প্ৰদান কৰিব আৰতি হাজৰিকাই ৷ সমল ব্যক্তিসকলক উদ্বোধনী সভাত ফুলাম গামোছাৰে সম্বৰ্ধনা জ্ঞাপন কৰে অসম প্ৰকাশন পৰিষদৰ সচিব প্ৰমোদ কলিতাই ৷ উল্লেখ্য যে বিশিষ্ট সংগীত শিল্পী তৰালি শৰ্মাই কাইলৈৰ পৰা সমল ব্যক্তিৰূপে গুৱাহাটী শিশুমহোৎসৱত অংশ ল’ব ৷ আজি সন্ধিয়াৰ সাংস্কৃতিক অনুষ্ঠানত অংশগ্ৰহণ কৰে জু ৰোডস্থিত শংকৰদেৱ শিশুকুঞ্জ, আৰু গীতা নগৰস্থিত গুৰুকুল গ্ৰামাৰ ছিনিয়’ৰ ছেকেণ্ডাৰি স্কুলে ৷
অহা ২০ জুলাইলৈ প্ৰতিদিনে পুৱা ১০ বজাৰ পৰা নিশা ৮ বজালৈ গুৱাহাটী শিশু মহোৎসৱৰ দুৱাৰ মুকলি থাকিব ৷ শিশু মহোৎসৱৰে সংগতি ৰাখি আয়োজন কৰা গ্ৰন্থমেলাত ৩০ টাকৈ অভিজাত প্ৰকাশন প্ৰতিষ্ঠানে তেওঁলোকৰ শিশুসাহিত্য সম্ভাৰেৰে অংশগ্ৰহণ কৰিছে ৷ অংশগ্ৰহণ কৰা ৰাজ্যৰ বাহিৰৰ অন্যতম গ্ৰন্থ বিপণীসমূহ হৈছে পেংগুইন চিল্ড্ৰেন, হাৰপাৰ কলিন্‌ছ, উডপেকাৰ, নেশ্যনেল বুক ট্ৰাষ্ট, অ’ছৱাল পাব্লিচাৰ্ছ আদি ৷ ইয়াৰ লগতে আছে অসম প্ৰকাশন পৰিষদ, লয়াৰ্ছ বুক ষ্টল, আংগিক, আঁক-বাক, বান্ধৱ, পুথিতীৰ্থ প্ৰকাশন, বনলতা, অসম বুক হাইভ, শিশু সাহিত্য ন্যাস, ৰেখা প্ৰকাশন আদি অসমৰ আগশাৰীৰ প্ৰকাশন প্ৰতিষ্ঠানসমূহ ৷ গুৱাহাটী শিশু মহোৎসৱত পাৰ্কিঙৰো ব্যৱস্থা কৰা হৈছে ৷