নলবাৰীৰ ঐতিহ্যমণ্ডিত ককয়া উচ্চতৰ মাধ্যমিক বিদ্যালয়ৰ পৰা ১৯৮৫ বৰ্ষত হাইস্কুল শিক্ষান্ত পৰীক্ষাত অৱতীৰ্ন হোৱা বিদ্যালয়খনৰ শিক্ষাৰ্থীসকলৰ এক ব্যতিক্ৰমী অনুষ্ঠান সম্পন্ন হয় ৷

দেওবাৰে পশ্চিম নলবাৰীৰ ঐতিহ্যমণ্ডিত ককয়া উচ্চতৰ মাধ্যমিক বিদ্যালয়ৰ পৰা ১৯৮৫ বৰ্ষত হাইস্কুল শিক্ষান্ত পৰীক্ষাত অৱতীৰ্ন হোৱা বিদ্যালয়খনৰ শিক্ষাৰ্থীসকলৰ এক ব্যতিক্ৰমী অনুষ্ঠান সম্পন্ন হয় ৷ অনুষ্ঠানটোত বিদ্যালয়খনৰ প্ৰায় ৮০ গৰাকী প্ৰাক্তন শিক্ষাৰ্থী আৰু জীৱিত ৯ গৰাকী সেই সময়ৰ শিক্ষাগুৰুৰ লগতে বিদ্যালয়খনৰ বৰ্তমানৰ কেইবাগৰাকীও শিক্ষক উপস্থিত থাকে। ককয়া উচ্চতৰ মাধ্যমিক বিদ্যালয় প্ৰাংগনত অনুষ্ঠিত প্ৰাক্তন ছাত্ৰ-ছাত্ৰী আৰু শিক্ষাগুৰু সন্মিলনত স্বনামধন্য কৃতী অৱসৰ প্ৰাপ্ত অধ্যক্ষ ক্ৰমে খলিলুৰ ৰহমান, বীৰেন্দ্ৰ কুমাৰ ঠাকুৰীয়া অৱসৰপ্ৰাপ্ত শিক্ষক শৰৎ চন্দ্ৰ শৰ্মা, নৃপেন্দ্ৰ কুমাৰ ভাগৱতী আদি কেইবাজনো উপস্থিত থাকি ভাষণ প্ৰদান কৰে৷ তদুপৰি অৱসৰপ্ৰাপ্ত শিক্ষক নৃপেন কুমাৰ ভাগৱতীয়ে সুন্দৰ সংগীত পৰিবেশন কৰি সভাৰ সৌষ্ঠৱ বৃদ্ধি কৰে।

উল্লেখ্য যে, ১৯৮৫ শিক্ষাবৰ্ষটোৰ প্ৰায় ৮০ গৰাকী প্ৰাক্তন ছাত্ৰ-ছাত্ৰী আৰু ৯ গৰাকীকৈ স্বনামধন্য অৱসৰপ্ৰাপ্ত শিক্ষাগুৰু আজি ৩৭ বছৰ পাছত একেলগে সমবেত হৈ আবেগবিহ্বল হৈ পৰে। অনুষ্ঠানৰ আৰম্ভনিতে পতাকা উত্তোলন কৰে উদযাপন সমিতিৰ সভাপতি দিলীপ বৰ্মনে। ইয়াৰ পিছতে পৰেশ ভাগৱতী আৰু সুকুমাৰ শৰ্মাই শ্বহীদ তৰ্পণেৰে প্ৰয়াত শিক্ষাগুৰু আৰু প্ৰয়াত সহপাঠীক শ্ৰদ্ধাঞ্জলি অৰ্পণ কৰে। বৃক্ষৰোপণ কাৰ্যসূচী সম্পন্ন কৰে সুভাষ ভট্টাচাৰ্য, কন্দৰ্প বৰ্মন, বাণীকান্ত নাথ আৰু দীপক হালৈয়ে। মন কৰিবলগীয়া যে, ইয়াৰ পাছতেই ককয়া উচ্চতৰ মাধ্যমিক বিদ্যালয়ৰ অধ্যক্ষ সুশীল মজুমদাৰৰ সভাপতিত্বত মুকলি সমাৰোহ অনুষ্ঠিত হয় যিটো অনুষ্ঠানৰ আঁত ধৰে বলভদ্ৰ নাথে।

হাতত কেটেপা লৈ অসম-নাগালেণ্ড সীমান্তৰ দিচৈ ভেলী সংৰক্ষিত বনাঞ্চলৰ বালিজান পাহাৰত বিধায়ক ৰূপজ্যোতি কুৰ্মী। পিছে পিছে এদল যুৱক, সকলোৰে হাতত কেটেপা।  পিছে হাতত কেটেপা আৰু এদল যুৱকক লগত লৈ বিধায়ক ৰূপজ্যোতি কুৰ্মীয়ে কিহৰ সন্ধানত বালিজান পাহাৰত!

এয়া চিকাৰ বা আন একো  নহয়। এয়া আচলতে  কেটেপা খেলৰ প্ৰস্ততিহে। অসম স্লিংশ্বট (Slingshot) সন্থাৰ আহ্বানত যোৰহাট শাখাৰ উদ্যোগত  অহা ২৯ আৰু ৩০ অক্টোবৰত  পোন প্ৰথমবাৰৰ বাবে মৰিয়নিৰ বালিজান পাহাৰত অনুষ্ঠিত হ’বলগীয়া Slingshot (কেটেপা) প্ৰতিযোগিতাৰ বাবে প্ৰস্ততি চলাই থকা দেখা গৈছে তেওঁক।

আনহাতে উদযাপন সমিতিৰ সভাপতি হোৱাৰ বাবেই বিধায়ক কুৰ্মীক এনেদৰে হাতত কেটেপা লৈ কেটেপাৰ অনুশীলনত ব্যস্ত হৈ পৰা দেখা গ’ল। বিধায়কগৰাকীয়ে এই প্ৰতিযোগিতাত অসমৰ যুৱক-যুৱতীসকলক অংশগ্ৰহণ কৰিবৰ বাবে আহ্বান জনোৱাৰ লগতে এইবিধ খেল শীঘ্ৰে অলিম্পিকত অন্তৰ্ভুক্ত হ’ব বুলি আশা প্ৰকাশ কৰে।

মাৰাত্মক ড্ৰাগছৰ বিৰুদ্ধে অব্যাহত আছে অসম আৰক্ষীৰ ৰণচালি। আজি আৰক্ষীয়ে চতিয়াৰ নাগশংকৰত ড্ৰাগছসহ এজনক কৰায়ত্ত সক্ষম হয়। আৰক্ষীৰ হাতত গ্ৰেপ্তাৰ হোৱা লোকজন হৈছে বালিডোঙাৰ ৰমজান আলি। জানিব পৰা মতে, ধৃত ৰমজানে মটৰ চাইকেলত ড্ৰাগছ লৈ আহি থকা অৱস্থাতে চতিয়া আৰক্ষীয়ে দুটা চাবোনৰ বাকচত কঢ়িয়াই অনা ড্ৰাগছৰ সৈতে গ্ৰেপ্তাৰ কৰে ৷ ৰমজানৰ পৰা জব্দকৃত ড্ৰাগছখিনিৰ ওজন ৩০ গ্ৰাম। আৰক্ষীয়ে ড্ৰাগছ কঢ়িয়াই অনা AS12AD9691 নম্বৰৰ মটৰ চাইকেলখনো জব্দ কৰিছে। ধৃত ৰমজানৰ বিৰুদ্ধে চতিয়া আৰক্ষীয়ে NDPS আইনৰ অধীনত এক গোচৰ ৰুজো কৰি তদন্ত অব্যাহত ৰাখিছে।