প্ৰতিযোগিতাখন উদ্ধোধন কৰে মিচিং বানে কেবাঙৰ কেন্দ্রীয় সমিতিৰ সাধাৰণ সম্পাদক ৰাজু মেদকে

ধেমাজি জিলাৰ জোনাই মহকুমাৰ অন্তৰ্গত গালীঘাটত TMPK ৰ ৫১ সংখ্যক প্ৰতিষ্ঠা দিৱসৰ লগত সংগতি ৰাখি এক বৃহৎ নাও প্ৰতিযোগিতা অনুষ্ঠিত কৰে।

অসমৰ বিভিন্ন প্ৰান্তৰ লগতে ধেমাজি জিলাৰ জোনাইতো TMPK ৰ ৫১ সংখ্যক প্ৰতিষ্ঠা দিৱসক লৈ উখল মাখল পৰিবেশ। ইয়াৰ সমান্তৰালভাৱে TMPK গালী আঞ্চলিক সমিতিৰ উদ্যোগত তিনিদিনীয়া কাৰ্যসূচীৰে উৎযাপন কৰিছে TMPK ৰ ৫১ সংখ্যক প্ৰতিষ্ঠা দিৱস। সেই উপলক্ষে যোৱা কালি শনিবাৰে দ্বিতীয়টো দিনত জোনাইৰ গালীঘাটতত ২০ টা নাও দলৰ অংশগ্রহণেৰে অনুষ্ঠিত কৰে এক নাও প্ৰতিযোগিতা।

অসম জ্যেষ্ঠ নাগৰিক সন্মিলনৰ অন্তৰ্গত টংলা আঞ্চলিক জ্যেষ্ঠ নাগৰিক সন্মিলনৰ দশম দ্বি- বাৰ্ষিক অধিৱেশন আজি টংলা সাহিত্য সভা ভৱনত সফলতাৰে সম্পন্ন হয় । টংলা আঞ্চলিক জ্যেষ্ঠ নাগৰিক সন্মিলনৰ কাৰ্যকৰী সভাপতি ধৰণীধৰ মেধিয়ে পুৱা ৯ বজাত পতাকা উত্তোলনেৰে শুভাৰম্ভ কৰা অধিৱেশনৰ দ্বিতীয় কাৰ্যসূচী বন্তি প্ৰজ্বলন কাৰ্যসূচী ৰূপায়ণ কৰে ওদালগুৰি জিলা জ্যেষ্ঠ নাগৰিক সন্মিলনৰ সদস্য আদিত চন্দ্ৰ কলিতাই । টংলা অঞ্চলিকৰ উপ- সভাপতি মনমোহন দাসে স্মৃতি তৰ্পণ কৰা অনুষ্ঠানত ভাৰপ্ৰাপ্ত সভাপতি ধৰণীধৰ মেধিৰ সভাপতিত্বত অনুষ্ঠিত কাৰ্যনিৰ্বাহক সভাতে পৰৱৰ্তী কাৰ্যকালৰ বাবে ২৭ জনীয়া নতুন সমিতি এখন গঠন কৰা হয়।

ৰবীন্দ্ৰ কুমাৰ শৰ্মাক সভাপতি ,আদিত চন্দ্ৰ কলিতাক কাৰ্যকৰী সভাপতি হিৰণময়ী দেৱীক উপসভাপতি ,বিনোদ মহন্তক সম্পাদক ,প্ৰভাত চন্দ্ৰ ডেকাক সহকাৰী সম্পাদক হিচাপে লৈ গঠন কৰা সভাখনিৰ উদ্দেশ্যে ব্যাখ্যা আৰু আঁত ধৰে টংলা আঞ্চলিক জ্যেষ্ঠ নাগৰিক সন্মিলনৰ সম্পাদক জ্ঞানেদ্ৰ কুমাৰ চলিহাই।কাৰ্যনিৰ্বাহক সভাখন সমাপন হোৱাৰ পিছতে জ্যেষ্ঠ নাগৰিক নবীন বেজবৰুৱাৰ সভাপতিত্বত অনুষ্ঠিত মুকলি সভাত নিৰ্দিষ্ট বক্তাৰ আসন অলংকৃত কৰি সাহিত্যিক ,জ্যেষ্ঠ নাগৰিক ঘনকান্ত ডেকাই জ্যেষ্ঠ নাগৰিকৰ বাবে সময়োপযোগী ভাষণ ৰাখে।স্থানীয় শিল্পীৰ গীত -মাত পৰিৱেশনেৰে জীপাল কৰা সভাখন জাতীয় সংগীতেৰে সফল সামৰণি পৰে।

আজি ভাৰতীয় জনতা পাৰ্টি অসম প্ৰদেশৰ সংবাদ বিভাগৰ সদস্যসকলৰ সৈতে বিত্ত মন্তী অজন্তা নেওগ এখন বৈঠকত মিলিত হৈ সৰ্বসাধাৰণ ৰাইজৰ মঙ্গলৰ অৰ্থে আমাৰ চৰকাৰে গ্ৰহণ কৰা বিভিন্ন উন্নয়নমূলক পদক্ষেপৰ বিষয়ে সকলোকে অৱগত কৰে।

উক্ত সভাত মন্ত্ৰী শ্ৰী পিয়ুষ হাজৰিকা ডাঙৰীয়া, বিধায়ক শ্ৰী ৰামকৃষ্ণ ঘোষ, বিত্ত অৰ্থনীতি বিভাগৰ সঞ্চালক শ্ৰী হেমন্ত কুমাৰ দেউৰী, ভাৰতীয় জনতা পাৰ্টি অসম প্ৰদেশৰ অৰ্থনৈতিক কোষৰ আহ্বায়ক আৰু মেডিয়া পেনেলিষ্টৰ লগতে অন্যান্যসকল উপস্থিত থাকে।

ধুবুৰী জিলা সাহিত্য সভাৰ উপ-সভাপতিৰ মৃত্যু। বিশিষ্ট সাহিত্যিক তথা অৱসৰপ্ৰাপ্ত শিক্ষক আবুল কালাম আৰু নাই। চাপৰৰ শালকোচা নিজ বাসগৃহত শেষ নিঃশ্বাস ত্যাগ কৰে কালামৰ।মৃত্যুৰ পূর্বে ১৪ খন গ্ৰন্থ ৰচনা কৰিছিল কালামে।তেখেতৰ মৃত্যুত গভীৰ শোঁক প্ৰকাশ বিভিন্ন দল সংগঠনৰ।