আমেৰিকা আৰু ইজৰাইলে ইৰাণত চলোৱা ভয়ংকৰ আক্ৰমণত ইৰাণৰ সৰ্বোচ্ছ নেতা খোমেইনী নিহত হোৱাৰ পিছতে অধিক অশান্ত হৈ পৰিছে মধ্য প্ৰাচ্য৷ এনে সময়তে চাৰি শতাধিক আন্তঃৰাষ্ট্ৰীয় বিমান বাতিলৰ চিন্তা-চৰ্চা কৰিছে ভাৰতে৷ ইজৰাইল আৰু আমেৰিকাৰ আক্ৰমণৰ প্ৰত্যুত্তৰত ইৰাণে ডুবাই, আবুধাবি, বাহৰেইন আদিত কৰা আক্ৰমণে ভয়ংকৰ পৰিস্থিতিৰ সৃষ্টি কৰিছে৷ ইফালে মধ্যপ্ৰাচ্যত আকাশমাৰ্গ বন্ধ কৰাৰ পৰিপ্ৰেক্ষিতত বিভিন্ন দেশে বিমান সেৱা বাতিল কৰিছে৷ ভাৰতৰ অসামৰিক বিমান পৰিবহণ মন্ত্ৰণালয়ে ঘোষণা কৰিছে যে মধ্যপ্ৰাচ্যৰ এনে পৰিস্থিতিৰ ফলত ভাৰতীয় বিমান সংস্থাসমূহে ৰ মাৰ্চত ৪৪৪খন আন্তঃৰাষ্ট্ৰীয় বিমান সেৱা বাতিল কৰাৰ সম্ভাৱনা আছে ৷ দেওবাৰে পুৱা এক্সৰ এটা পোষ্টত মন্ত্ৰণালয়ে কয় যে ইৰাণ আৰু মধ্যপ্ৰাচ্যৰ কিছু অংশৰ ওপৰত আকাশমাৰ্গৰ নিষেধাজ্ঞাৰ বাবে ২৮ ফেব্ৰুৱাৰীত ঘৰুৱা বিমান সেৱাৰ ৪১০খন বিমান বাতিল কৰা হৈছিল আৰু ৰ মাৰ্চত ৪৪৪খন বিমান বাতিল হোৱাৰ সম্ভাৱনা আছে৷ বিমান নিয়ন্ত্ৰক ডিজিচিএই বিমান সংস্থাসমূহৰ সৈতে যোগাযোগ স্থাপন কৰি সুৰক্ষা আৰু কাৰ্যকৰী নিয়মসমূহ সম্পূৰ্ণৰূপে মানি চলাটো নিশ্চিত কৰিছে ৷ লগতে সম্ভাব্য যাত্ৰা পথ সলনিৰ পৰিচালনা আৰু নিৰৱচ্ছিন্ন যাত্ৰীৰ সুবিধা নিশ্চিত কৰিবলৈ প্ৰধান বিমানবন্দৰসমূহ কাৰ্যকৰী সতৰ্কতাত আছে৷ মন্ত্ৰণালয়ে জনোৱা মতে যাত্ৰীসকলৰ সহায়, বিমান সংস্থাৰ সমন্বয় আৰু টাৰ্মিনেলৰ ভিৰ ব্যৱস্থাপনা আদি তীক্ষ্ণ নিৰীক্ষণ কৰা হৈছে৷ বিবৃতিত কোৱা হৈছে যে যাত্ৰী সহায় নিয়ন্ত্ৰণ কক্ষই [পিএচিআৰ] যাত্ৰীসকলৰ সমস্যাসমূহ নিৰীক্ষণ কৰি তাৎক্ষণিক সমাধানৰ ব্যৱস্থা কৰিছে৷ বিবৃতিত উল্লেখ কৰিছে, ‘২৮ ফেব্ৰুৱাৰীত এয়াৰ সেৱাই ২১৬টা অভিযোগ পাইছিল আৰু একে সময়তে ১০৫টা অভিযোগৰ সমাধান কৰা হয়৷ ইফালে ৰিয়াধত থকা ভাৰতৰ দূতাবাসে উল্লেখ কৰিছে যে যাত্ৰাত বাধাৰ বাবে ছৌদি আৰৱত আবদ্ধ হৈ থকা যিকোনো ভাৰতীয় যাত্ৰীয়ে বিভিন্ন হেল্পলাইন নম্বৰৰ জৰিয়তে দূতাবাসৰ সৈতে যোগাযোগ কৰিব পাৰে৷ দূতাবাসে যাত্ৰীসকলক নিজ নিজ বিমান সংস্থাই জাৰি কৰা আপডেটসমূহ মানি চলিবলৈ আহ৩ান জনাইছে৷ মধ্যপ্ৰাচ্যৰ অস্থিৰতাৰ পিছতে শনিবাৰে ডি জি চি এই বিমান সংস্থাসমূহক ইৰাণ, চৌদি আৰব, ইউ এ ইকে ধৰি ১১খন দেশৰ আকাশমাৰ্গ ২ মাৰ্চলৈকে ব্যৱহাৰ নকৰিবলৈ পৰামৰ্শ দিছে৷ অসামৰিক বিমান পৰিবহণ মন্ত্ৰী কে ৰামমোহন নাইডুৱে জ্যেষ্ঠ বিষয়াসকলৰ সৈতে বৈঠকত মিলিত হৈছে আৰু মধ্যপ্ৰাচ্যৰ কিছু অংশত একাধিক আকাশমাৰ্গৰ নিষেধাজ্ঞাৰ ক্ষেত্ৰত যাত্ৰীৰ সুৰক্ষা আৰু বিভিন্ন বিষয়ত গুৰুত্ব আৰোপ কৰিছে৷ অসামৰিক বিমান পৰিবহণ মন্ত্ৰণালয়ে এক বিবৃতিত কয় যে বিমান সংস্থাসমূহক নিৰ্দেশ দিয়া হৈছে যে য’তেই প্ৰয়োজন হয় বিশ্বব্যাপী সুৰক্ষা প্ৰট’কল আৰু প্ৰতিষ্ঠিত আকস্মিক পৰিকল্পনা পদ্ধতিৰ অনুসৰি কঠোৰভাৱে বিমান সেৱাৰ সময় মতে নতুন পথ বা পথ সলনি নিশ্চিত কৰক৷ ইয়াৰ উপৰি সমগ্ৰ দেশৰ বিমানবন্দৰসমূহক সম্ভাব্য বিমানৰ যাত্ৰা পথ সলনি, নিৰ্ধাৰিত নোহোৱা অৱতৰণ আৰু যাত্ৰীসকলৰ সুবিধা প্ৰদানৰ প্ৰয়োজনীয়তাসমূহ পৰিচালনা কৰিবলৈ অপাৰেচনেল এলাৰ্টত ৰখা হৈছে৷

আমেৰিকা-ইজৰাইলৰ বোমাবৰ্ষণত ইৰাণৰ সৰ্বোচ্ছ নেতা খোমেইনীৰ মৃত্যু ঘটাৰ পিছতে বিশ্বত তৃতীয় বিশ্ব যুদ্ধৰ আশংকাই দেখা দিছে৷ ৰাষ্ট্ৰপতি ড’নাল্ড ট্ৰাম্পে তেওঁ ‘ইতিহাসৰ অন্যতম দুষ্ট লোক’ বুলি অভিহিত কৰা ৮৬ বছৰীয়া ধৰ্মগুৰুজনক হত্যা কৰাৰ কথা ঘোষণা কৰাৰ কেইঘণ্টামানৰ পিছতে দেওবাৰে ইৰাণৰ ৰিভল্যুচনেৰী গাৰ্ডে সৰ্বোচ্ছ নেতা আয়াতুল্লাহ আলী খোমেইনীৰ ‘হত্যাকাৰী’ক শাস্তি প্ৰদান কৰাৰ কথা ঘোষণা কৰিছে৷ টেলিগ্ৰামত গাৰ্ডে পোষ্ট কৰি কয় যে ই অঞ্চলটো ‘দখল কৰা ভূখণ্ড আৰু আমেৰিকাৰ সন্ত্ৰাসবাদী ঘাটি’ক লক্ষ্য কৰি ল’ব৷ এনে সময়তে পাৰমাণৱিক আক্ৰমণৰ আশংকাও ঘনীভূত হৈ পৰিছে৷ কাৰণ ইৰাণ এখন পাৰমাণৱিক শক্তিধৰ দেশ৷ ইৰাণ, ইৰাক, কুৱেইট, ছিৰিয়া, ইউ এ ই আৰু ইজৰাইলে আংশিকভাৱে হ’লেও নিজৰ আকাশমাৰ্গ অসামৰিক যাতায়াতৰ বাবে বন্ধ কৰি দিছে আৰু একাধিক বিমান সংস্থাই মধ্যপ্ৰাচ্যলৈ বিমান সেৱা বাতিল কৰিছে৷ ট্ৰাম্পৰ দূতসকলে বৃহস্পতিবাৰে জেনেভাত ইৰাণৰ বৈদেশিক মন্ত্ৰীৰ সৈতে আলোচনা কৰিছিল৷ ট্ৰাম্পে কয় যে ইৰাণৰ নেতাসকলে ইয়াৰ বিতৰ্কিত পাৰমাণৱিক কাৰ্যসূচীৰ ক্ষেত্ৰত পৰ্যাপ্ত আপোচ কৰা নাই, যদিও আক্ৰমণৰ পিছত তেওঁ স্পষ্ট কৰি দিছিল যে লক্ষ্য শাসন ব্যৱস্থা পৰিৱৰ্তন আৰু পাৰমাণৱিক চুক্তি নহয়৷

তেওঁ কয় যে তেওঁৰ কন্যা, জোঁৱাই আৰু নাতিনীয়েকক হত্যা কৰা হৈছে৷ ইপিনে বিস্ফোৰণত কঁপি উঠিছে কাবুল৷ তালিবানে গুলীয়াই নমালে পাকিস্তানী যুদ্ধ বিমান৷ তালিবান চৰকাৰৰ অভিযোগ যে পাকিস্তানী সেনাই পুনৰ মধ্য কাবুলৰ কেইবাটাও স্থানত গোলাবৰ্ষণ কৰিছে৷ তালিবানেও ইয়াৰ প্ৰত্যুত্তৰ দিছে৷ অব্যাহত আছে গুলীয়াগুলী৷ ইপিনে, তালিবানেও পাকিস্তানৰ এখন যুদ্ধ বিমান গুলীয়াই নমোৱা বুলি দাবী কৰিছে৷ বাতৰি মতে, দেওবাৰে পুৱতি নিশা মধ্য কাবুলৰ কেইবাটাও স্থানত বিস্ফোৰণৰ শব্দ শুনা গৈছিল৷ কেৱল সেয়াই নহয়, কেইবাটাও পৰ্যায়ত গুলীচালনা চলি থকাৰ অভিযোগ উত্থাপন হৈছে৷ এই ঘটনাত এতিয়ালৈকে কোনো লোক হতাহতিৰ খবৰ পোৱা হোৱা নাই৷ তালিবান চৰকাৰৰ মুখপাত্ৰ জাবিহুল্লাহ মুজাহিদে কয় যে, ‘পাকিস্তানে ৰাজধানী কাবুলত পুনৰ বিমান আক্ৰমণ চলাবলৈ চেষ্টা কৰিছে৷ আমাৰ বিমান প্ৰতিৰক্ষা ব্যৱস্থা সক্ৰিয়৷ কাবুলৰ বাসিন্দাসকলে চিন্তা কৰাৰ কোনো কাৰণ নাই৷’ যোৱা দেওবাৰে পাকিস্তানৰ আক্ৰমণৰ প্ৰতিশোধ হিচাপে আফগান সেনাই পাকিস্তানৰ সীমা অতিক্ৰম কৰি বৃহস্পতিবাৰে নিশা আক্ৰমণ কৰে৷ পাকিস্তানৰ কমেও ১২টা পোষ্ট আফগানৰ নিয়ন্ত্ৰণলৈ অহা বুলিও দাবী কৰিছে তালিবান প্ৰশাসনে৷

৫৫ জন পাকিস্তানী সেনা জোৱান নিহত হৈছে৷ সেই আক্ৰমণৰ প্ৰতিশোধ হিচাপে শুকুৰবাৰে পাকিস্তানে আফগানিস্তানৰ একাধিক অঞ্চলত আক্ৰমণ চলায়৷ দেওবাৰেও দুয়োখন দেশৰ মাজত সংঘৰ্ষ অব্যাহত থাকে৷ প্ৰসংগক্ৰমে শনিবাৰে তালিবানে জালালাবাদত পাকিস্তানী যুদ্ধ বিমান গুলীয়াই পেলোৱা বুলি দাবী কৰিছিল৷ আনকি তালিবানৰ যোদ্ধাসকলে পাকিস্তান বায়ুসেনাৰ উইং কমাণ্ডাৰক বন্দী কৰাৰ দাবীও কৰে৷ নিউয়ৰ্কত থকা ৰাষ্ট্ৰসংঘৰ মুখ্য কাৰ্যালয়ত ইউ এন এছ চিৰ বৈঠক চলি থকাৰ সময়তে আমেৰিকাৰ ৰাষ্ট্ৰপতি ড’নাল্ড ট্ৰাম্পে সামাজিক মাধ্যমৰ এটা পোষ্টত আয়াতুল্লাহৰ মৃত্যুৰ কথা ঘোষণা কৰে৷ ট্ৰাম্পে কয়, ‘ইতিহাসৰ অন্যতম দুষ্ট মানুহ খোমেইনীৰ মৃত্যু৷ এয়া কেৱল ইৰাণৰ জনসাধাৰণৰ বাবেই নহয়, সকলো গ্ৰেট আমেৰিকান আৰু সমগ্ৰ বিশ্বৰ বহু দেশৰ লোকসকলৰ বাবে ন্যায় ৷’ ট্ৰাম্পে সকীয়াই দিয়ে যে গধুৰ আৰু পিনপইণ্ট বোমা বিস্ফোৰণ চলি থাকিব৷ গোটেই সপ্তাহটোৰ ভিতৰত নিৰৱচ্ছিন্নভাৱে বা যিমান দিনলৈকে প্ৰয়োজন হ’ব৷

ইজৰাইল-ইৰানৰ মহাযুদ্ধৰ মাজতে পাকিস্তান-আফগানিস্তানৰ যুদ্ধ।

আফগানিস্তানৰ ৪৬টা স্থানত পাকিস্তানৰ ভয়ংকৰ আক্ৰমণ।

পাকিস্তানৰ আক্ৰমণত নিহত ৪৫১জন আফগান সেনা।

আক্ৰমণত ৫৮০ৰো অধিক আফগান সেনা গুৰুতৰভাৱে আহত।

ইফালে ইৰাণী সৈন্যক শেষ সকীয়নি ড’নাল্ড ট্ৰাম্পৰ।

হয় যুদ্ধ এৰক নহ’লে শেষ সময় সমাগত।

৪সপ্তাহ জুৰি চলিব ইৰাণ, ইজৰাইল, আমেৰিকাৰ যুদ্ধ।

ইৰাণলৈ ট্ৰাম্পৰ ৰঙা চকু।

মধ্যপ্রাচ্যৰ যুদ্ধ সন্দৰ্ভত ৩ ঘণ্টা ধৰি CCSৰ বৈঠক।

প্ৰধানমন্ত্ৰী নৰেন্দ্ৰ মোডীৰ অধ্যক্ষতাত অনুষ্ঠিত এই বৈঠক।