জাতীয় সাজ পৰিধান নকৰাকৈ গুৰুজনাৰ জন্মস্থান বটদ্ৰৱা থানৰ কীৰ্ত্তনঘৰত প্ৰবেশ কৰিলে সমষ্টি(কলিয়াবৰ) টোৰে সাংসদ গৌৰৱ গগৈয়ে। ভগৱান শ্ৰীকৃষ্ণৰ জন্মাষ্টমী উপলক্ষে বটদ্ৰৱা থানৰ কীৰ্ত্তনঘৰত পৰম্পৰাগত নামপ্ৰসংগ চলি আছিল। দুপৰীয়া দূৰদূৰণিৰ তীৰ্থযাত্ৰী সকলে জাতীয় সাজ পৰিধান কৰি নামকীৰ্তনত অংশ গ্ৰহণ কৰিছিল। সেই সময়তে সাংসদ গৌৰৱ গগৈয়ে ৰাজনৈতিক নেতাই পৰিধান কৰা কূৰ্তা পায়জামা পিন্ধিয়েই পোনে পোনেই কীৰ্ত্তনঘৰত প্ৰবেশ কৰি নামকীৰ্তনত অংশ গ্ৰহণ কৰে। সমগ্ৰ অসমীয়া সমাজে জানে, জাতীয় সাজ পৰিধান নকৰাকৈ বটদ্ৰৱা থানত প্ৰবেশ কৰা নিষিদ্ধ আছে। ইফালে কীৰ্ত্তনঘৰৰ প্ৰবেশদ্বাৰত লিখা আছে “জাতীয় সাজ পৰিধান কৰিহে থানৰ ভিতৰত প্ৰবেশ কৰিব”। তাৰ পাছতো অসমীয়া জাতিৰ আবেগক ভৰিৰে মোহাৰি সাংসদ গৰাকীয়ে কৰা আচৰনে বটদ্ৰৱা সমষ্টিত তীব্ৰ প্ৰতিক্ৰিয়াৰ সৃষ্টি কৰিছ। সাংসদ গৰাকীৰ এনে আচৰনৰ বিষয়ে অৱগত হৈ বটদ্ৰৱা নৰোৱা সত্ৰৰ সত্ৰাধিকাৰ দেৱানন্দ দেৱ গোস্বামীয়ে।

“জাতীয় সংস্কৃতি ৰক্ষা কৰি জাতীয় সত্বা ৰক্ষা বটদ্ৰৱা থানৰ কীৰ্তনঘৰকে আদি কৰি বিভিন্ন ধৰ্মীয় পবিত্ৰ স্থান সমূহত তীৰ্থযাত্রী, দৰ্শনাৰ্থীক প্ৰবেশৰ বাবে বটদ্ৰৱা থান পৰিচালনা সমিতিয়ে অনুৰোধ জনাইছিল। সেই মৰ্মে বহু বছৰ ধৰি ৰাজ্য-বহিঃৰাজ্যৰ আনকি বিদেশী পৰ্যটকো বটদ্ৰৱা থানলৈ জাতীয় সাজ পৰিধান কৰি আহি জাতীয় সংস্কৃতি ৰক্ষা কৰি আহিছে। কিন্তু আজি দুৰ্ভাগ্যজনক ভাবে সদ গৌৰৱ গগৈয়ে কূৰ্তা পায়জামা পিন্ধি কীৰ্তনঘৰত প্ৰবেশ কৰি, নামকীৰ্ত্তন অংশ গ্ৰহণ কৰিলে আমি আচৰিত। আনকি সাংসদ গৰাকীয়ে বিগত দিনত বৰদোৱাৰ সন্মান অসমীয়া জাতিৰ ঐতিহ্য বহন কৰি জাতীয় সাজ পোচাক পৰিধান কৰি কীৰ্তনঘৰত নামকীৰ্ত্তন কৰি প্ৰসাদ গ্ৰহণ কৰিছিল। কিন্তু আজি সেই সকলো জলাঞ্জলি দি, কিয় তেনেকুৱা কৰিলে? তেওঁৰ এই বাৰ্তা বাবে আমি সমস্যাত পৰিম।” ইয়াৰোপৰি বটদ্ৰৱাৰ কেইবাগৰাকী সচেতন ব্যক্তিয়ে সাংসদ গৰাকীৰ আচৰনত সমালোচনা কৰিছে। উল্লেখ্য যে, সাংসদ গৌৰৱ গগৈৰ বটদ্ৰৱা থানৰ কীৰ্তনঘৰত প্ৰবেশৰ সময়ত বটদ্ৰৱা বিধান সভা সমষ্টিৰ বিধায়িকা শিৱামনি বৰাকে প্ৰমুখ্য কৰি কেইবাগৰাকী স্থানীয় লোকে সংগ প্ৰদান কৰিছিল।

অসম অৰুণাচল সীমান্তৰ চিলাপথাৰ লিকাবালিস্হিত ২২ নং অসম আৰক্ষী বেটেলিয়নৰ প্ৰায় অৰ্ধ সহ্ৰস্বাধিক জোৱান আৰু স্হানীয় আইমাতৃ সকলে আৰক্ষী বাহিনীৰ চৌহদত বাহিনীৰ অধিনায়ক মোছলেহ উদ্দিন আহমেদে আটকধুনীয়া নিৰ্মাণ কৰা জগতগুৰু শ্ৰীমন্ত শঙ্কৰদেৱ নামঘৰ ভাগিত জন্মাষ্টমী উপলক্ষে একেলগে পৰিবেশন কৰিলে নাম।

বেটেলিয়ানৰ অধিনায়ক মোছলেহ উদ্দিন আহমেদে নামত ভাগ লৈ আনন্দিত হোৱাৰ কথা প্ৰকাশ কৰি সংবাদ মাধ্যমৰ আগত কয় কালিৰে পৰা নামঘৰত পবিত্ৰ ভাদ মাহৰ নাম-প্ৰসঙ্গ আৰম্ভ হৈছে আৰু সম্পূৰ্ণ এমাহ ধৰি আইমাতৃ সকলে এই নাম প্ৰসংগ কৰিব। গুৰু দুজনাৰ তিথি আৰু নামৰ সামৰণিত কিছু ব্যতিক্ৰমী অনুষ্ঠানৰ আয়োজন কৰা হ’ব।

অন্যহাতে চিলাপথাৰৰ প্ৰজ্ঞাজ্যোতি সংগীত মহাবিদ্যালয়ৰ ছাত্ৰ ছাত্ৰী সকলৰ মাজত বিভিন্ন অনুষ্ঠানেৰে দিনজোৰা কাৰ্যসূচীৰে শ্ৰীকৃষ্ণৰ জন্মাষ্টমী আয়োজন কৰে ।

শুক্ৰবাৰে লালুক আঞ্চলিক ছাত্ৰ সন্থাৰ উদ্যোগত লালুক মহাবিদ্যালয়ৰ পেক্ষাগৃহত বিশেষ অভিনন্দন অনুষ্ঠান অনুষ্ঠিত হৈ যায় । বিশেষ সম্বৰ্ধনা অনুষ্ঠানটোত এই বৰ্ষত অঞ্চলটোৰ মেট্ৰিক আৰু উচ্চতৰ মাধ্যমিক চূড়ান্ত পৰীক্ষাত সুখ্যাতিৰে উত্তীৰ্ণ হোৱা ছাত্ৰ-ছাত্ৰী সকলক সম্বৰ্ধনা জনোৱা হয়।

উক্ত অনুষ্ঠানটোত উপস্থিত থাকে সদৌ অসম ছাত্ৰ সন্থাৰ কেন্দ্ৰীয় সমিতি,জিলা সমিতি আৰু আঞ্চলিক সমিতিৰ বিষয়ববীয়া লগতে স্থানীয় শিক্ষানুষ্ঠানৰ মূৰব্বী আৰু সুখ্যাতিৰে উত্তীৰ্ণ হৈ অঞ্চলটোলৈ গৌৰৱ কঢ়িয়াই অনা ছাত্ৰ-ছাত্ৰী সকলৰ অভিভাৱক সকল।