লিভাৰ চিৰোচিচত আক্ৰান্ত জামুগুৰিহাটৰ ধলাইবিল চামধৰা গাঁৱৰ যুৱ সাংবাদিক ৰাজু বৰুৱা সম্প্ৰতি লিভাৰ ট্ৰান্সপ্লান্টৰ বাবে চেন্নাইৰ গ্লেনিগ’লচ্ গ্ল’বেল হেলথ চিটিত ভৰ্তি হৈ বৰ্তমান চিকিৎসাধীন অৱস্থাত আছে।ইতিমধ্যে ৰাজ্যৰ মন্ত্ৰী বিধায়ক তথা অন্যান্য মানৱদৰদী লোকসকলে সাংবাদিকগৰাকীৰ চিকিৎসাৰ বাবে আগবঢ়োৱা সহায়ক সাহস হিচাপে লৈ চিকিৎসাধীন হৈ থকা সাংবাদিক ৰাজু বৰুৱাৰ অহাকাইলৈ চিকিৎসকে অস্ত্ৰোপচাৰ কৰিব৷য’ত লিভাৰ অস্ত্ৰোপচাৰৰ বাবে লিভাৰ আগবঢ়াব সাংবাদিকগৰাকী ভাতৃ শৰৎ বৰুৱাই৷সাংবাদিকগৰাকীৰ লগতে পৰিয়ালটিক এই জটিল সময়খিনিত সহায়ক হ’ব পৰাকৈ চতিয়া সমষ্টিৰ বিধায়ক পদ্ম হাজৰিকাই চিকিৎসাৰ বাবে আজি দুই লক্ষ টকা অনুদান হিচাপে আগবঢ়ায়৷আজি ধলাইবিল চামধৰাস্থিত ৰাজু বৰুৱাৰ বাসগৃহত বিজেপি দলৰ কেবাগৰাকীও বিষয়ববীয়া উপস্থিত হৈ সাংবাদিক ৰাজু বৰুৱাৰ পিতৃ-মাতৃৰ হাতত এই ধনৰ টোপোলা চমজি দিয়ে৷

চতিয়া সমষ্টিৰ বিধায়কগৰাকীৰ হৈ এই সহায়ৰ টোপোলা প্ৰদান কৰে নদুৱাৰ মণ্ডল বিজেপিৰ সভাপতি জয়ন্ত বৰাই৷সমগ্ৰ কাৰ্যসুচীটোত সংগ দিয়ে যুৱ নেতা বুলু আহমেদ,গৌতম লাহন,যুৱ মৰ্চাৰ সভাপতি ভাষ্কৰ শইকীয়াকে ধৰি কেবাগৰাকীও বিষয়ববীয়াই৷উপস্থিত সকলোৱে সাংবাদিক ৰাজু বৰুৱা শীঘ্ৰে সুস্থ হৈ পুণৰ সংবাদক্ষেত্ৰৰ জগতখনলৈ উভতি অহাৰ বাবে ভগৱানৰ ওচৰত প্ৰাৰ্থনা জনোৱাৰ লগতে ৰাজু বৰুৱাৰ পিতৃ-মাতৃয়েও বিধায়ক পদ্ম হাজৰিকাই পৰিয়ালটিক কৰা এই সহায়ৰ বাবে কৃতজ্ঞতা জ্ঞাপন কৰে৷উল্লেখ্য যে ৰাজু বৰুৱা গুৱাহাটীস্থিত এটি চেটেলাইট চেনেলত কৰ্মৰত সাংবাদিক আছিল৷

ইউ পি পি এল দলৰ গোসাইগাঁও জিলা সমিতিৰ যুৱ আৰু মহিলা গোটৰ নতুন সমিতিৰ শপত গ্ৰহন অনুষ্ঠিত হয়।তদুপলক্ষে দলৰ গোসাইগাঁও জিলা সমিতিৰ সভাপতি অনিন্দ্ৰ বসুমতাৰীৰ সভাপতিত্বত এখন সভা অনুষ্ঠিত হয়।সভাত ৰাজীৱ মুছাহাৰীক সভাপতি, সৌমকৌৰ বসুমতাৰী আৰু হাফিজুৰ ৰহমানক সম্পাদক হিচাপে লৈ দলৰ যুৱ গোটৰ গোসাইগাও জিলা সমিতি গঠন কৰা হয় আৰু যুৱ সমিতি খনৰ শপত বাক্য পাঠ কৰোৱায় দলৰ কেন্দ্ৰীয় যুৱ সমিতিৰ সভাপতি সোমনাথ নাৰ্জাৰীয়ে।আনহাতে চিত্ৰা বসুমতাৰীক সভানেত্ৰী আৰু মঞ্জিলা খাতুনক সম্পাদিকা হিচাপে লৈ গঠিত হোৱা দলৰ গোসাইগাঁও জিলা মহিলা সমিতি খন আৰু গোসাইগাঁও জিলা সমিতিৰ অধীনস্থ বিভিন্ন ব্লক সমিতি সমূহৰ শপত বাক্য পাঠ কৰোৱায়।

কোকৰাঝাৰ পৌৰ সভাৰ পৌৰপতি প্ৰতিভা ব্ৰহ্ময়ে।সভাত দলৰ মহিলা সমিতিৰ কেন্দ্ৰীয় সভানেত্ৰী বীণা গয়াৰীয়ে কৰ্মী সকলক উদ্দেশ্যি সাংগঠনিক দিশৰ ওপৰত ভাষণ দিয়ে।সভাত গোসাইগাও পৌৰ সভাৰ পৌৰপতি প্ৰফুল্ল ইছলাৰী,কেন্দ্ৰীয় সাংগঠনিক সম্পাদিকা মুৰ্শীদা বেগম,প্ৰশাসনিক সম্পাদক আয়নাল হক,গোসাইগাঁও জিলা সমিতিৰ সাংগঠনিক সম্পাদক লোকনাথ নাৰ্জাৰী সহ বহু নেতা কৰ্মী উপস্থিত থাকে।সাংবাদিকে সোধা এক আছুতীয়া সাক্ষাতকাৰত গোসাইগাঁও জিলা সমিতিৰ সভাপতি অনিন্দ্ৰ বসুমতাৰীয়ে কয় যে বি পি এফ দলৰ দলীয় কৰ্মী সকলক ধৰি ৰখাৰ বাবে বিপিএফ দলৰ চৰকাৰ গঠন হব বুলি ছয় মাহ মূৰে মূৰে কৈ থাকে।

গোলাঘাট বেবেজীয়া কাণ্ডৰ মূল অভিযুক্ত হত্যাকাৰী নাজিদুল হুছেইনৰ ফাঁচীৰ দাবীত আজি গোলাঘাটত বিভিন্ন দল-সংগঠনৰ লগতে বেবেজীয়াবাসীয়ে এক প্ৰতিবাদী কাৰ্যসূচী ৰূপায়ণ কৰে। গোলাঘাট জিলা উপায়ুক্ত কাৰ্যালয়ৰ সন্মুখত ৰূপায়ণ কৰা প্ৰতিবাদত প্ৰতিবাদকাৰীয়ে শীঘ্ৰেই নাজিদুলক ফাঁচী দিয়া আৰু অসম পুলিচ হায় হায় ধ্বনিৰে এক উত্তপ্ত পৰিস্থিতিৰ সৃষ্টি কৰে। উল্লেখযোগ্য যে অসম পুলিচৰ প্ৰতি এই প্ৰতিবাদ কৰাৰ মূলতে আৰক্ষী জিম্মাত থকা সময়ত আঘাতপ্ৰাপ্ত হোৱা নাজিদুলক গোলাঘাটৰ শ্বহীদ কুশল কোঁৱৰ অসামৰিক চিকিৎসালয়ত চিকিৎসাৰ বাবে ভৰ্তি কৰাত স্বয়ং আৰক্ষীৰ সন্মুখতে অভিযুক্তৰ তিনি ভাতৃয়ে উদ্ভণ্ডালী কৰি চিকিৎসালয়ৰ চৌহদত এক অপ্ৰীতিকৰ পৰিবেশৰ সৃষ্টি কৰি ঘটনা সংঘটিত হোৱা গাঁও জ্বলাই দিয়াৰো ভাবুকি প্ৰদান কৰিছিল।

আৰক্ষীৰ সন্মুখতে অভিযুক্তৰ ভাতৃয়ে কৰা অসভ্যালীৰ বাবে প্ৰতিবাদকাৰীয়ে আজি অসম পুলিচকো তীব্ৰ বাক্যবাণেৰে শ্ল’গান দিয়া পৰিলক্ষিত হয়। ইফালে দেওবাৰে হিন্দু যুৱ পৰিষদৰ কৰ্ম কৰ্তাই গোলাঘাট আৰক্ষী থানাত অভিযুক্ত নাজিদুলৰ তিনি ভাতৃৰ বিৰুদ্ধে তৰা গোচৰৰ ভিত্তিত চিকিৎসালয়ত উদ্ভণ্ডালীৰ সৃষ্টি কৰা ৱাহিদুৰ ইছলাম, মৈদুল ইছলাম আৰু চৰিদুল ইছলামৰ লগতে এগৰাকী মহিলাক সোধপোছৰ বাবে আটক কৰিছে । অৱশ্যে বাতৰি লিখাৰ পৰলৈকে এই সন্দৰ্ভত আৰক্ষীয়ে কোনো মন্তব্য আগবঢ়োৱা নাই।