ইউক্ৰেইন-ৰাছিয়া যুদ্ধৰ ৪০দিনৰো অধিক হ’ল। এফালে, আমেৰিকা আৰু ইয়াৰ মিত্ৰশক্তিয়ে ৰাছিয়াৰ বিৰুদ্ধে নিষেধাজ্ঞা আৰোপ কৰিছে। আনহাতে, চীনক ৰাছিয়াৰ সমৰ্থনত একেৰাহে থকা দেখা গৈছে। আনহাতে, আমেৰিকা যুক্তৰাষ্ট্ৰৰ কমাণ্ডাৰে টাইৱানৰ বিষয়ে ৰাষ্ট্ৰপতি জ’ বিডেনক ইতিমধ্যয়ে সতৰ্ক কৰি দিছে। টাইৱান লৈ আমেৰিকা আৰু চীনৰ মাজত দীৰ্ঘদিন ধৰি উত্তেজনা চলি আছে। দুয়োখন দেশে দুয়োখন দেশৰ বিৰুদ্ধে বহুবাৰ কঠোৰ বিবৃতিও জাৰি কৰিছে। আমেৰিকান কামাণ্ডাৰে কৈছে যে, চীনে ইউক্ৰেইনৰ পৰিস্থিতিৰ ওপৰত তীক্ষ্ণ দৃষ্টি ৰাখিছে।

৪০ দিনতকৈও অধিক সময়তো কিন্তু ৰাছিয়াই এতিয়াও সম্পূৰ্ণৰূপে ইউক্ৰেইন দখল কৰিব পৰা নাই। বৰঞ্চ, ৰুছ সেনাই ইউক্ৰেইন চহৰৰ পৰা পলাব লগীয়া অবস্থাহে হৈ পৰিছে। লগতে আমেৰিকাৰ নৌ-সেনাৰ পেচিফিক ফ্লীটকমাণ্ডাৰ এডমিৰেল চেমুৱেল জন পাপাৰোৱে কয়, “এতিয়া কোনো সন্দেহ নাই যে চীনে ইউক্ৰেইনৰ পৰিস্থিতিৰ প্ৰতি লক্ষ্য ৰাখি শিক্ষা পাইছে।” জানিব পৰা মতে, আমেৰিকাৰ বিদেশ বিভাগে টাইৱানক ৯৫ নিযুত আমেৰিকান ডলাৰৰ প্ৰতিৰক্ষাৰ সামগ্ৰীৰ বিক্ৰী কৰিবলৈ অনুমোদন জনাইছে। আনহাতে, যোৱা মাহত আমেৰিকাৰ এটা প্ৰাক্তন সামৰিক দল টাইৱানলৈ প্ৰেৰণ কৰিছে। আৰু ইয়াৰ প্ৰতিবাদত চীনে কৈছে যে “টাইৱানক সমৰ্থন কৰাৰ বাবে আমেৰিকাই যথেষ্ট মূল্য পৰিশোধ কৰিব লাগিব।”

কেন্দ্ৰীয় গৃহমন্ত্ৰী অমিত শ্বাহে এক অনুষ্ঠানৰ জৰিয়তে উত্তৰ পূৰ্বাঞ্চলৰ আটাইকেইখন ৰাজ্যত হিন্দী বাধ্যতামূলক হ’ব এক মন্তব্য কৰিছে। তেওঁ কৈছে যে, উত্তৰ পূৰ্বাঞ্চলত ২২,০০০ হিন্দীৰ শিক্ষক নিযুক্তি দিয়া হৈছে। তেওঁ কৈছে, উত্তৰপূৰ্বাঞ্চলৰ মুঠ ৯ টা জনজাতিয়ে দেৱনাগিৰী লিপি গ্ৰহণ কৰিছে । অনুষ্ঠানত তেওঁ কয়, এই ৮ খন ৰাজ্যত দশম শ্ৰেণীলৈকে চৰকাৰে হিন্দী বাধ্যতামূলক কৰাৰ দিশটোত একমতত উপনিত হৈছে।

উল্লেখ্যে যে বৃহস্পতিবাৰে দিল্লীত অনুষ্ঠিত হোৱা চৰকাৰী ভাষাৰ সংসদীয় সমিতিৰ বছেৰেকীয়া সভাৰ অধ্যক্ষতা কৰি এই মন্তব্য কৰিছে। অনুষ্ঠানত তেওঁ কয় যে, দেশৰ বিভিন্ন ৰাজ্যৰ লোকসকলে ইংৰাজীৰ পৰিৱৰ্তে হিন্দীত কথা পাতিব লাগে। প্ৰধানমন্ত্ৰী মোডীৰ প্ৰসংগৰে তেওঁ কয়, প্ৰধানমন্ত্ৰী নৰেন্দ্ৰ মোডীয়ে সকলো চৰকাৰী কাম-কাজ চৰকাৰী ভাষাত পৰিচালনা কৰাৰ সিদ্ধান্ত গ্ৰহণ কৰিছে। গতিকে হিন্দী ভাষাৰ জৰিয়তে দেশক একতাৰ এনাজৰীৰে বান্ধিব লাগে। তেওঁ অ-হিন্দীভাষী ৰাজ্যসমূহৰ লোকসকলক হিন্দীত মনৰ ভাৱ আদান প্ৰদান কৰাৰ বাবেও পৰামৰ্শ প্ৰদান কৰিছে।