কামৰূপ জিলাৰ বকোত ব্যক্তিগত খণ্ডৰ বিদ্যালয় এখনত তিনিটা শিক্ষকৰ পদ আৰু এটা কাৰ্যালয় সহায়ক পদ খালী হৈছে ।জানিবপৰা মতে ৪৮নং বকো বিধান সভাসমষ্টিৰ অন্তৰ্গত ছমৰীয়াৰ ছমৰীয়া সত্ৰ শংকৰদেৱ শিশু বিদ্যা নিকেতনত খালী হোৱা শিক্ষকৰ পদ তিনিটা হ’ল ক্ৰমে – অসমীয়া , সংস্কৃত আৰু সাধাৰণ বিষয়ৰ শিক্ষক পদ ।
অসমীয়া পদত অসমীয়া বিষয়ক প্ৰধান বিষয় হিচাপে লৈ স্নাতক, সংস্কৃত পদৰ বাবে সংস্কৃত বিষয়ক প্ৰধান বিষয় হিচাপে লৈ স্নাতক আৰু সাধাৰণ শিক্ষকৰ পদত যিকোনো বিষয় স্নাতক ডিগ্ৰীৰ লগতে সংগীতৰ জ্ঞান থাকিব লাগিব বুলি নিকেতনখনৰ পৰিচালনা সমিতিৰ সভাপতি-সম্পাদকে জনাইছে । আনহাতে কাৰ্যালয় সহায়কৰ পদটোৰ বাবে যিকোনো বিষয়ত স্নাতক ডিগ্ৰী হোৱাৰ লগতে কম্পিউটাৰ জ্ঞান থকা হ’ব লাগিব।
হিন্দু জনসংখ্যা কম থকা ৯খন ৰাজ্যত হিন্দু সকলক সংখ্যালঘুৰ মৰ্যদা প্ৰদান কৰাৰ দাবী কৰা আৱেদনৰ শুনানি স্থগিত কৰে উচ্চতম ন্যায়ালয়ে। ৬ সপ্তাহ পাছত পুনৰ ইয়াৰ ওপৰত শুনানি হ’ব। ন্যায়ালয়ে কেন্দ্ৰ চৰকাৰক এই আৱেদনৰ সৈতে জড়িত সকলো ধৰণৰ প্ৰশ্নৰ উত্তৰ দিবলৈ ৪ সপ্তাহ সময় দিছে। তাৰপাছতহে ইয়াৰ ওপৰত শুনানি হ’ব।
ইয়াৰ পূৰ্বে কেন্দ্ৰ চৰকাৰে উচ্চতম ন্যায়ালত দাখিল কৰা এক আৱেদনত কৈছিল যে হিন্দু জমসংখ্যা কম থকা ৰাজ্যসমূহত ৰাজ্য চৰকাৰে হিন্দু সকলক সংখ্যালঘুৰ মৰ্যদা দিব লাগে। লগতে কেন্দ্ৰ চৰকাৰে কয় যে যি ৰাজ্যত হিন্দু অথবা অন্য সমূদায়ৰ লোক সকলক কম আছে তাত তেওঁলোকক সংখ্যালঘু ঘোষণা কৰিব লাগে।
