ৰহাৰ টোলগেটত আজি এক উতপ্ত পৰিস্থিতিৰ সৃষ্টি হয়।অসম জাতীয়তাবাদী যুৱ ছাত্ৰ পৰিষদৰ নগাঁও জিলা সমিতিৰ এটা সজাতি দল গুৱাহাটীলৈ যোৱাৰ পথত ৰহা টোলগেটত টোলগেটৰ কৰ্মচাৰীৰ লগত টোলটেক্স প্ৰদানক লৈ তৰ্ক বিৰ্তকত লিপ্ত হোৱাত টোলগেটৰ কৰ্মচাৰীয়ে জাতীয় সংগঠনটোৰ দুজনমান সদস্যক থেলা গটা কৰা লগতে আক্ৰমণ কৰিবলৈ উদ্যত হয়।ইয়াকে লৈ পৰিস্থিতি উতপ্ত হৈ পৰে।অসম যুৱ ছাত্র পৰিষদৰ সদস্য সকলে টোলগেটৰ কৰ্মচাৰীয়ে মদ্যপান কৰি তেওঁলোকক অপমান কৰাৰ অভিযোগ তুলিছে।

পৰবৰ্তী সময়ত পৰিবেশ শাম কাটে যদিও উক্ত ঘটনা সন্দৰ্ভত যুৱ ছাত্ৰ পৰিষদে আৰক্ষীক অৱগত কৰিব বুলি উল্লেখ কৰে লগতে শীঘ্ৰে উক্ত ঘটনা সন্দৰ্ভত টোলগেটৰ বিৰুদ্ধে আন্দোলন গঢ়ি তুলিব বুলিও মন্তব্য কৰে।টোলগেটৰ বিৰুদ্ধে এজাহাৰ দাখিল কৰাৰ হুংকাৰ যুৱ ছাত্ৰ পৰিষদৰ ৷ ধ্ৰুৱ ডেকা নামৰ মেনেজাৰ জনে মাৰপিট কৰাৰ অভিযোগ অসম জাতীয়তাবাদী যুৱ ছাত্ৰ পৰিষদৰ নগাঁও জিলা সমিতিৰ।

নগাঁও চহৰৰ আমোলাপট্টিৰ শিৱনগৰত কলঙৰ বুকুত আজি এটা বৰকাছ ওলোৱা ঘটনাই চাঞ্চল্যৰ সৃষ্টি কৰিছে।জানিব পৰা মতে নগাঁৱৰ আমোলাপট্টিৰ শিৱনগৰৰ ওচৰত কলঙত আজি যুৱক কেইজনমানে মাছ ধৰি থাকোতে জালত বৰকাছটো উঠি আহে ৷ মাছ ধৰি থকা যুৱক কেইজনে লগে লগে  স্থানীয় ৱাৰ্ড কমিচনাৰ সীমান্ত বৰাক খবৰ দিয়ে ।সীমান্ত বৰা আমোলাপট্টি শ্মশানৰ ওচৰৰ কলঙ সূঁতিৰ পাৰত উপস্থিতহৈ প্ৰথমে আমোলাপট্টিৰ শিৱ নগৰৰ শিৱ মন্দিৰত বৰ কাছটো সংৰক্ষনৰ দিহা কৰে।

কিন্তু কাছটো যথেষ্ট ডাঙৰ হোৱাৰ বাবে সেই স্থানতত ৰাখিব পৰা নগল।সেয়ে তেওঁলোকে বন বিভাগক অৱগত কৰে ৷ বন বিভাগৰ দলে শিৱ মন্দিৰ প্ৰাঙ্গনত উপস্থিত হৈ কাছটো নিজৰ জিম্মাত লৈ বৰদোৱালৈ লৈ যায় ৷বন বিভাগে বৰদোৱাৰ আকাশীগঙ্গাত কাছটো এৰি দিয়াৰ ব্যৱস্থা কৰে ৷

কলিয়াবৰত আজি দুগৰাকী জাতীয় কৃষ্টি বিহুৰ দুগৰাকী সাধকক আনুষ্ঠানিকভাৱে প্ৰবীণ মুক্তিযোদ্ধা, সত্ৰাধিকাৰ শিক্ষক কমল চন্দ্ৰ মহন্ত সোঁৱৰণী বঁটা প্ৰদান কৰা হয়। কলিয়াবৰৰ প্ৰবীণ মুক্তিযোদ্ধা, সত্ৰাধিকাৰ শিক্ষক কমল চন্দ্ৰ মহন্ত সোঁৱৰণী মঞ্চৰ উদ‍্যোগত, বৰলুইত কৃষ্টি বিকাশ কেন্দ্ৰ ব‍্যৱস্থাপনাত দুগৰাকী বিশিষ্ট বিহু গীতৰ শিল্পী ক্ৰমে কলিয়াবৰৰ কবীন ফুকন আৰু অসমৰ জনপ্ৰিয় বিহু শিল্পী বিপুল চেতিয়া ফুকনক ২০২১ আৰু ২০২২ বৰ্ষৰ বঁটা প্ৰদান কৰা হয়। কলিয়াবৰ মহাবিদ্যালয়ৰ প্ৰেক্ষাগৃহত এক গাম্ভীৰ্যপূৰ্ণ সভাত দুয়োগৰাকী শিল্পীকে পঁচিশ হাজাৰকৈ নগদ মাননী, জাপি গামোচা, অঙ্গবস্ত্ৰ আৰু স্মাৰকেৰে সম্বৰ্ধনা জনোৱা হয়।মুক্তিযোদ্ধা কমল চন্দ্ৰ মহন্ত সোঁৱৰণী মঞ্চৰ উদ্যোগত বৰলুইত কলাকৃষ্টি বিকাশ কেন্দ্ৰৰ ব্যৱস্থাপনাত আৰু নিউ গুৱাহাটী ৰঙালী বিহু সন্মিলনী, জি এল পি চ’চিয়েল চাৰ্কোল আৰু ব্যতিক্ৰম মাচডোৰ সহযোগত আয়োজিত অনুষ্ঠানটোত নিৰ্দিষ্ট বক্তা হিচাপে ভাষণ দিয়ে কলিয়াবৰ মহাবিদ্যালয়ৰ অধ্যাপক উৎপল বৰাই। ভাষণ প্ৰসংগত তেওঁ মুক্তিযোদ্ধা কমল চন্দ্ৰ মহন্তৰ ভাৰতৰ স্বাধীনতা আন্দোলনত সক্ৰিয় অংশগ্ৰহণৰ কিয়দাংশ আলোকপাত কৰি উপস্থিত ৰাইজক আপ্লুত কৰে। বিৰাজ ভূষন বৰাই আঁত ধৰা অনুষ্ঠানটোত বিশিষ্ট অতিথি হিচাপে অংশগ্ৰহণ কৰে ক্ৰমে স্বৰ্গদেউ চাউলুং চুকাফা সমন্বয় ক্ষেত্ৰৰ উপ-সভাপতি দয়ানন্দ বৰগোহাঁই, অসমীয়া প্ৰতিদিন কাকতৰ জ্যেষ্ঠ সাংবাদিক সঞ্জীৱ ফুকন, লণ্ডন সাহিত্য সভাৰ প্ৰাক্তন সভানেত্ৰী লাহৰী বৰঠাকুৰ, কলিয়াবৰ মহাবিদ্যালয়ৰ অধ্যক্ষ ড০ হিৰণ‍্য কুমাৰ চলিহা, মহকুমাধিপতি পবিত্ৰ কুমাৰ দাস, এন. ডি. ২৪ৰ মুখ্য সম্পাদক ৰাজদীপ বাইলুং, অসমীয়া খবৰ কাকতৰ মুখ্য সম্পাদক বিশ্বজিত দাস আৰু নিউ গুৱাহাটী ৰঙালী বিহু সন্মিলনীৰ সভাপতি পৱন দত্তই অংশগ্ৰহণ কৰে। 

ভাষণ প্ৰসংগত দয়ানন্দ বৰগোহাঁইয়ে কয় যে, বৰ্তমান সময়ত সমাজত কাম কৰা মানুহ কমি আহিছে। নিজৰ কৰ্মৰ প্ৰতি অৱহেলা এটা জাতিৰ বাবে শুভলক্ষণ নহয়। যিসকলে নতুন প্ৰজন্মক কৰ্মস্পৃহা জাগ্ৰত কৰিব পাৰে সেইসকলেই নিজ খৰ্মত অৱহেলা কাৰ পৰিলক্ষিত হৈছে। ৰাজদ্বীপ বাইলুঙে কয় যে, যি সকলৰ অসীম ত‍্যাগ-কষ্টৰ বিনিময়ত দেশখনে স্বাধীনতা পালে তেওঁলোকক যথোচিত সন্মান জনোৱাতো সমাজৰেই কাম। তেওঁ লগতে কয় বুৰঞ্জী মানুহে নপঢ়া হ’ল। বীৰ-বীৰংগনাৰ তথ্য আজিৰ দিনত থাকিও নাই।সঞ্জীৱ ফুকনে তেওঁৰ ভাষণ প্ৰসঙ্গত কয় যে, এটা ভাল কামেই এখন সমাজৰ আধাৰ। ভাল কামে জাতিটোক সুদীৰ্ঘ দিনলৈ জীয়াই ৰাখিব। লণ্ডন সাহিত্য সভাৰ প্ৰাক্তন সভানেত্ৰী লাহৰী বৰঠাকুৰে কয় যে অসমীয়া ভাষাটো নতুন প্ৰজন্মক ভালদৰে  শিকাই-বুজাই লোৱাৰ সময় আহিছে। তেওঁ লগতে কয়, বিদেশত থাকি অসমীয়া সংস্কৃতি ৰক্ষা কৰি আহিছোঁ। তেওঁ আৰু কয় এটা সুষ্ঠ সবল ভাষাই জাতিটোক জীয়াই ৰাখিব। অনুষ্ঠানত কণ্ঠশিল্পী সংগীতা কাকতি, তৃষ্ণা দেৱী, পদ্মনাভ বৰদলৈ। কমল চন্দ্ৰ মহন্তৰ জ্যেষ্ঠ পুত্ৰ স্থানীয় বিধায়ক তথা স্বাস্থ্যমন্ত্ৰী কেশৱ মহন্তই অংশগ্ৰহণ কৰা অনুষ্ঠানটোৰ আৰম্ভণিতে কমল চন্দ্ৰ মহন্তৰ প্ৰতিচ্ছবিত বন্তি প্ৰজ্বলন কৰে মহন্তৰ সহধৰ্মিনী কাঞ্চন মহন্তই। অনুষ্ঠানত অভ‍্যাগতসকলক আদৰণি জনাই মণিমাধৱ মহন্তই। অনুষ্ঠানত সাংস্কৃতিক কৰ্মী হিৰু প্ৰসাদ মহন্ত, কমল গোস্বামী, প্ৰভাত গোস্বামী, হেমোধৰ হাজৰিকা, মৃণাল কুমাৰ হাজৰিকা আদিয়ে অংশগ্ৰহণ কৰে।

কৃষকৰ বাবে সুখৰ বতৰা। বোকাখাতত ১০০০ মেট্ৰিক টন শস্য মজুত ৰখাৰ ভঁৰাল গৃহ উন্মোচন। ১ কোটি ৬০ লাখ টকাৰ ব্যয় সাপেক্ষে নিৰ্মাণ হ’ব লগা কৃষি জ্ঞান কেন্দ্ৰৰ নিৰ্মাণৰ শুভাৰম্ভ। আজি কৃষি মন্ত্ৰী অতুল বৰাই কৃষকৰ উৎপাদিত শস্য মজুত ৰাখিবৰ বাবে ১০০০ মেট্ৰিক টনৰ পৰিসৰৰ ভঁৰাল গৃহৰ দ্বাৰ মুকলি কৰাৰ লগতে নতুনকৈ নিৰ্মাণ হ’ব লগা কৃষি জ্ঞান কেন্দ্ৰৰ নিৰ্মাণ কাৰ্যৰ শুভাৰম্ভ কৰে।

বোকাখাতৰ কৃষকক সকাহ দিবৰ বাবে মহকুমা কৃষি বিষয়াৰ কাৰ্যলয়টোৰ পৰিত্যক্ত অৱস্থাত থকা পুৰণা গৃহসমূহ নতুনকৈ নিৰ্মাণ কৰাৰ লগতে বোকাখাতত এটা শীতল ভঁৰাল নিৰ্মাণ কৰাৰ পৰিকল্পনাৰ কথা সদৰি কৰে।