অসমৰ মুখ্যমন্ত্ৰী ড° হিমন্ত বিশ্ব শৰ্মাই আজি এই পদক্ষেপৰ মুকলি কৰে। অনুষ্ঠানটোত এইচ ডি এফ চি বেংকৰ উপ-মহাপ্ৰবন্ধক শ্ৰীযুত কাইজাদ ভাৰুচা, মুখ্য তথ্য বিষয়া শ্ৰীযুত ৰমেশ লক্ষ্মীনাৰায়ণ, অসম চৰকাৰৰ গণ্য-মান্য ব্যক্তিসকল আৰু বেংকৰ বিষয়া-কৰ্মচাৰীসকল উপস্থিত থাকে।
এই পদক্ষেপে ৰাজ্যখনত নতুন কৰ্মসংস্থাপনৰ সুযোগ সৃষ্টি কৰিব আৰু তেওঁলোকক ভৱিষ্যৎ প্ৰজন্মৰ প্ৰযুক্তি বিকাশত প্ৰত্যক্ষভাৱে অৱদান আগবঢ়াবলৈ সক্ষম কৰি তুলিব। অসম আৰু ইয়াৰ কাষৰীয়া ৰাজ্যসমূহৰ স্থানীয় প্ৰযুক্তি প্ৰতিভা ব্যৱহাৰ কৰি বেংকটোৱে প্ৰযুক্তি আৰু ডিজিটেল ফেক্টৰীৰ সক্ষমতা অধিক শক্তিশালী কৰিব। ইয়াৰ মূল লক্ষ্য হৈছে কৃত্ৰিম বুদ্ধিমত্তা, ক্লাউড, ডাটা আৰু ইঞ্জিনিয়াৰিং ক্ষেত্ৰৰ প্ৰযুক্তিগত অগ্ৰগতি নিশ্চিত কৰা আৰু ডিজিটেল ক্ষেত্ৰত নতুন সামগ্ৰী সৃষ্টি কৰাৰ সক্ষমতা বৃদ্ধি কৰা।
পাক-আফগান (Afghanistan Attack) সীমান্তত শিবিৰ স্থাপন কৰা সন্ত্ৰাসবাদীৰ বিৰুদ্ধে পুনৰ সক্ৰিয় হৈ পৰিছে পাকিস্তানৰ চৰকাৰ৷ ৰমজানৰ ৰোজা চলি থকাৰ মাজতে আফগানিস্তানত পাকিস্তানে আকাশমাৰ্গৰ পৰা চলালে আক্ৰমণ৷ শেহতীয়া আত্মঘাতী আক্ৰমণৰ প্ৰতিশোধস্বৰূপে পাকিস্তান-আফগানিস্তান সীমান্ত অঞ্চলৰ ৭টা স্থানত এই আক্ৰমণ চলাই পাকিস্তানে৷ সীমান্তৰ আফগানভিত্তিক সন্ত্ৰাসবাদী সংগঠনৰ ঘাটিক লক্ষ্য কৰি এই আক্ৰমণ কৰা বুলি দাবী কৰিছে ইছলামাবাদে৷ পাকিস্তানৰ তথ্য আৰু সম্প্ৰচাৰ মন্ত্ৰণালয়ৰ এক বিবৃতিত কোৱা হৈছে যে যোৱা সপ্তাহত ৰমজান আৰম্ভ হোৱাৰ পৰা ৩ টা আক্ৰমণ হৈছে৷ যাৰ বাবে চোৰাংচোৱাৰ তথ্যক ভিত্তিত পাকিস্তানী তালিবানৰ সন্ত্ৰাসবাদী শিবিৰ আৰু আত্মগোপনৰ স্থানক লক্ষ্য কৰি লোৱা হৈছে৷ মন্ত্ৰণালয়ে জনোৱা মতে দুসপ্তাহ পূৰ্বে ইছলামাবাদৰ ছিয়া মছজিদত সংঘটিত হোৱা আত্মঘাতী বিস্ফোৰণ আৰু শনিবাৰেও উত্তৰ-পশ্চিম পাকিস্তানত শেহতীয়াকৈ সংঘটিত হোৱা অন্যান্য আত্মঘাতী বোমা বিস্ফোৰণৰ প্ৰতিক্ৰিয়া স্বৰূপে এই আক্ৰমণ কৰা হৈছে ৷
বিভাগীয় মন্ত্ৰী আট্টাউল্লাহ তাৰাৰে এক্সত প্ৰকাশ কৰা বিবৃতিটোত কোৱা হৈছে যে পাকিস্তানে ইছলামিক ষ্টেট গোটৰ এটা সংযুক্ত সংস্থাকো লক্ষ্য কৰি লৈছে ৷ অৱশ্যে পোষ্টটোত আক্ৰমণৰ স্থান উল্লেখ কৰা হোৱা নাই বা এই সন্দৰ্ভত অধিক তথ্য দিয়া হোৱা নাই ৷ কিন্তু আফগান চৰকাৰৰ মুখপাত্ৰ জাবিহুল্লাহ মুজাহিদে দেওবাৰে এক্সৰ এটা পোষ্টত কয়, ‘পাকিস্তানে নাংগাৰহৰ আৰু পাক্তিকা প্ৰদেশত আমাৰ সাধাৰণ নাগৰিকক লক্ষ্য কৰি বোমা বিস্ফোৰণ কৰিছে৷ মহিলা আৰু শিশুকে ধৰি কেইবা ডজন লোক শ্বহীদ আৰু আহত হৈছে৷’
উল্লেখ্য যে, ২০০৮ চনত মেৰিয়েট হোটেলত সংঘটিত বোমা বিস্ফোৰণৰ পিছত ইছলামাবাদত সংঘটিত হোৱা আটাইতকৈ ভয়ংকৰ আক্ৰমণত কমেও ৪০জন লোকৰ মৃত্যু হোৱাৰ লগতে ১৬০জনতকৈ অধিক লোক আহত হোৱা মছজিদ বোমা বিস্ফোৰণৰ দায়িত্ব স্বীকাৰ কৰিছিল ইছলামিক ষ্টেট গোটে৷ দেওবাৰে পাকিস্তানে কয় যে ইছলামাবাদে বাৰে বাৰে আহ৩ান জনোৱাৰ পিছতো কাবুলৰ তালিবান কতৃৰ্পক্ষই পাকিস্তানত আক্ৰমণ চলাবলৈ আফগান ভূখণ্ড ব্যৱহাৰ কৰা সন্ত্ৰাসবাদী সংগঠনৰ বিৰুদ্ধে ব্যৱস্থা গ্ৰহণ কৰাত ব্যৰ্থ হৈছে৷ লগতে কোৱা হৈছে যে পাকিস্তানে অঞ্চলটোত শান্তি আৰু স্থিতিশীলতা বজাই ৰখাৰ বাবে সদায় চেষ্টা কৰি আহিছে যদিও একে সময়তে নাগৰিকসকলৰ সুৰক্ষা আৰু নিৰাপত্তা তেওঁলোকৰ শীৰ্ষ অগ্ৰাধিকাৰ হৈয়ে আছে৷
