হিন্দু জনসংখ্যা কম থকা ৯খন ৰাজ্যত হিন্দু সকলক সংখ্যালঘুৰ মৰ্যদা প্ৰদান কৰাৰ দাবী কৰা আৱেদনৰ শুনানি স্থগিত কৰে উচ্চতম ন্যায়ালয়ে। ৬ সপ্তাহ পাছত পুনৰ ইয়াৰ ওপৰত শুনানি হ’ব। ন্যায়ালয়ে কেন্দ্ৰ চৰকাৰক এই আৱেদনৰ সৈতে জড়িত সকলো ধৰণৰ প্ৰশ্নৰ উত্তৰ দিবলৈ ৪ সপ্তাহ সময় দিছে। তাৰপাছতহে ইয়াৰ ওপৰত শুনানি হ’ব।
ইয়াৰ পূৰ্বে কেন্দ্ৰ চৰকাৰে উচ্চতম ন্যায়ালত দাখিল কৰা এক আৱেদনত কৈছিল যে হিন্দু জমসংখ্যা কম থকা ৰাজ্যসমূহত ৰাজ্য চৰকাৰে হিন্দু সকলক সংখ্যালঘুৰ মৰ্যদা দিব লাগে। লগতে কেন্দ্ৰ চৰকাৰে কয় যে যি ৰাজ্যত হিন্দু অথবা অন্য সমূদায়ৰ লোক সকলক কম আছে তাত তেওঁলোকক সংখ্যালঘু ঘোষণা কৰিব লাগে।
