নগৰবেৰাত শনিবাৰে এক অতৰ্কিত অভিযান চলাই অপৰাধ অনুসন্ধান শাখাৰ এটা দলে নগৰবেৰা বজাৰৰ মান্নান বীজ-সাৰৰ দোকানত তালাচী চলাই সাৰৰ বিক্ৰী বিসংগতিৰ বাবে প্ৰতিষ্ঠান খনত তলা লগোৱাৰ উপৰি দোকানী মান্নান আলীক আটক কৰি জিম্মালৈ নিয়ে।প্ৰতিষ্ঠান খনত দীৰ্ঘদিনৰে পৰা ইউৰিয়া সাৰৰ বিক্ৰী বিসংগতি চলি থকাৰ অভিযোগ।পিছে পৰৱৰ্তী তদন্তৰ খাটিৰতেই অভিযানকাৰী দলে কোনো তথ্যই প্ৰকাশ নকৰিলে সাংবাদিকৰ আগত ,আনকি যিকোনো লোকৰে প্ৰবেশ নিষিদ্ধ কৰি ব্যৱসায়িক প্ৰতিষ্ঠান খনত দলটিয়ে চলায় ৰুদ্ধদ্বাৰ অভিযান।

অৱশেষত প্ৰতিষ্ঠান খনৰ স্বত্বাধিকাৰী মান্নান আলীক গাড়ীত তুলি নিয়াৰ পাছতহে পোহৰলৈ আহে ঘটনাৰ আচল ছবিখন।

এগৰাকী লোকৰ প্ৰকৃতি প্ৰেমৰ ব্যতিক্ৰমী নিদৰ্শন ।এখন চাইকেলত উঠি বিদ্যালয়ে বিদ্যালয়ে গছপুলি ৰোপন কৰি আছে এজন লোকে ৷সমগ্ৰ অসমত শিক্ষানুষ্ঠান সমূহত গছ পুলি ৰুই গছ-গছনিৰে পৰিৱেশ সংৰক্ষণৰ প্ৰচেষ্টা কৰি ফুৰিছে নগাঁৱৰ মিছাৰ কুদ্ৰত আলিয়ে৷গছ কাটি প্ৰকৃতিক এচামে ধ্বংস কৰি থকাৰ বিপৰীতে প্ৰকৃতিক সুন্দৰ ৰূপত সজাবলৈ সমগ্ৰ অসমৰ স্কুলে স্কুলে গছপুলি ৰুই প্ৰকৃতিপ্ৰেমৰ ব্যতিক্ৰমী নিদৰ্শন আগবঢ়োৱা নগাঁৱৰ মিছাৰ কুদ্ৰত আলি নামৰ ব্যক্তিজনক আদৰণি জনাইছে খুমটাইত৷এখন চাইকেলত গছপুলি লৈ চাইকেলেৰেই বিভিন্ন ঠাই ভ্ৰমণ কৰি আছে ৷এই ক্ষেত্ৰত তেওঁ সকলো খৰচ ব্যক্তিগতভাৱে কৰিছে৷বৰ্তমান গোলাঘাট জিলাৰ বাদুলিপাৰৰ ৰূপায়ণ কৰি আছে কাৰ্যসূচী ৷

খুমটাইৰ কেইবাখনো বিদ্যালয়ত তেওঁ ৰোপণ কৰিছে গছপুলি ৷অসমৰ প্ৰতিখন জিলাতে এনেধৰণে গছপুলি ৰোপণৰ মন থকাৰ কৰাও জনালে তেওঁ৷উল্লেখ্য যে লোকজনে নিজকে পাঁচটি ৰূপত সজাব পাৰে৷লোকজন বৰ্তমান হৈ পৰিছে চৰ্চাৰ বিষয় ।

অভয়াপুৰীত দেওবাৰে পুৱতি নিশা আৰক্ষীয়ে চলায় এই অভিযান৷বঙাইগাঁও জিলাৰ অভয়াপুৰী থানাৰ অন্তৰ্গত লেংটিছিঙা আৰক্ষী নিৰীক্ষণ চকীৰ উপ পৰিদৰ্শক মোবাৰক আলীৰ নেতৃত্বত অভিযান চলাই চোৰাং চাউল ভৰ্তি এখন বলেৰো গাড়ী জব্দ কৰিবলৈ সক্ষম হয়।গাড়ীখন বৰপেটাৰ ফালৰ পৰা অভয়াপুৰী অভিমুখে গৈ থকাৰ অবস্থাত AS 19C 2347 নম্বৰৰ গাড়ীখনে আনুমানিক ৩৫ কুইন্টল চাউল লৈ যোৱাৰ সময়তে আৰক্ষীয়ে জব্দ কৰিবলৈ সক্ষম হয়।

অভিযোগ অনুসৰি ছহিদুল ইছলাম নামৰ চোৰাং ব্যৱসায়ী এগৰাকীয়ে দীৰ্ঘদিন ধৰি বগা চাউলৰ ক’লা বেহাৰে বহিঃৰাজ্যলৈ চোৰাংভাৱে চাউল কঢ়িয়াই আহিছে । চোৰাং চাউলৰ বেপাৰী ছহিদুল ইছলামৰ বিৰুদ্ধে ব্যৱস্থা গ্ৰহণৰ দাবী জনাইছে নাগৰিক সুৰক্ষা মঞ্চই ৷

পখিলা খেদাৰ বয়সত শিশুটি অসজা(অভজা) ৰোগত আক্ৰান্ত ।হাতেৰে ভালকৈ ধৰিব নোৱাৰে,ধৰি খাব নোৱাৰে আৰু খোজ কাঢ়িব নোৱাৰে।ডিগবৈৰ লক্ষীপথাৰ আমগুৰি গাওঁৰ দৰিদ্ৰ পৰিয়ালৰ কণমানি টো ডিগবৈ,তিনিচুকীয়া অসামৰিক চিকিৎসালয়ৰ লগতে অসজা(অভজা) ৰোগত আক্রান্ত হোৱা বুলি জনাই ডিব্ৰুগড় চিকিৎসা মহাবিদ্যালয়ৰ চিকিৎসকে।চিকিৎসকে এই ৰোগটো সম্পূৰ্ণ সুস্থ কৰাৰ পৰামৰ্শ দিয়ে গুৱাহাটীস্থিত PRATIKSHA HOSPITAL ৰ চিকিৎসক ড° সুকল্যাণ দে।চিকিৎসাৰ বাবে প্ৰয়োজন এতিয়া ৬,৫০,০০০টকা।কেৱল মাত্ৰ খেতি বাতি কৰি পোহ পাল পৰিয়ালটোৰ মাটি-ভেটিও বিক্ৰী কৰি শেষ। সৰগ ভাগি পৰিল পৰিয়ালটোৱে এতিয়া অৰ্থৰ অভাৱত উপায় বিহীন হৈ সংবাদ মাধ্যমৰ যোগেদি অসমৰ মুখ্য মন্ত্ৰী,স্বাস্থ্য মন্ত্ৰীৰ লগতে স্থানীয় বিধায়ক কেবিনেট মন্ত্ৰী সঞ্জয় কিশানলৈ সহায়ৰ বাবে অনুৰোধ জনায়।

আপুনিও যদি এই কণমানিটি সুস্থ হোৱাৰ ক্ষেত্ৰত কিঞ্চিত হলেও অৰ্থৰ সহায়ৰ হাত আগবঢ়াব বিচাৰে তেন্তে State Bank of India,Pranob Sonowalৰ একাউণ্ট নং,20187905326, IFSC SBIN0006000 নম্বৰত আগ বঢ়াব পাৰিব।আপোনাৰ অকণমান আৰ্থিক সহায়ে ঋতিষ্মানক পুনৰ সুস্থ হোৱাত সহায় কৰিব।

মষ্ট ৱান্টেড ডকাইতৰ দল বদং বাহিনী শিৱসাগৰ আৰক্ষীৰ জালত ,বদঙৰ পাচ সহযোগী ডকাইত আটক ৷শিৱসাগৰ আৰক্ষীৰ বৃহৎ সাফল্য।নিশা বামুনবাৰী বাগানত আত্মগোপন কৰি থকা অৱস্থাত পাচটা ডকাইতক আটক কৰে ৷বাবা লাহণ, আৰিফ খানৰ নেতৃত্বত গঠিত কূখ্যাত আতংক সৃষ্টিকাৰী ডকাইতৰ দলৰ সহযোগী আছিল এই ডকাইত বাহিনীটো৷বিগত ২৮ ফেব্ৰুৱাৰীৰ নিশা শিৱসাগৰৰ পোনজান পথত সংঘটিত ডকাইতি কাণ্ডত জড়িত আছিল এই ডকাইতৰ দলটো ৷আটকাধীন ডকাইত কেইটা হল ডিমৌ আৰক্ষী থানাৰ অন্তৰ্গত জাপিসজীয়া গাৱৰ নিৱাসী ইকৰাম আলি ওৰফে বদং, চামচুল আলি,জালালউদ্দিন আহমেদ ,আখতাৰ হুছেইন,আৰু নেবুল হুছেইন ওৰফে ফেটী৷

কেওটা ডকাইতকে সদৰ থানাত মাৰাথান জেৰা অব্যাহত ৰাখিছে আৰক্ষীয়ে৷১০৫ / ২২ নং গোচৰ আৰু ভাৰতীয় দণ্ডবিধি ৩৯৫ ধাৰাত শিৱসাগৰ আৰক্ষীয়ে গ্ৰেপ্তাৰ কৰা ডকাইতৰ সংখ্যা হল মুঠ সাত জন৷