পশ্চিম দৰং উন্নয়ন পৰিষদৰ  উদ্যোগত  দৰং জিলাৰ দুমুনিচকী হাইস্কুল খেলপথাৰত সদৌ অসম ভিত্তিত অনুষ্ঠিত  তিনি দিনীয়া দিবা নৈশ প্ৰাইজমানী ফুটবল প্ৰতিযোগিতাৰ মুখ্যদ্বাৰ উদ্ধোধন কৰে সমাজকৰ্মী বৈয়তুল্লা আহমেদে । পতাকা উত্তোলন কৰে পশ্চিম দৰং উন্নয়ন পৰিষদৰ সভাপতি তহিদ আলীয়ে। 

পশ্চিম দৰং উন্নয়ন পৰিষদৰ উদ্যোগত দুমুনিচকী হাইস্কুল খেলপথাৰত অনুষ্ঠিত কৰা প্ৰয়াত মহিবুল্লা আহমেদ আৰু ছাইফুল্লা আহমেদ সোঁৱৰণি তৃতীয় বাৰ্ষিক দিবা নৈশ তিনি দিনীয়া প্ৰাইজমানি ফুটবল খেল প্ৰতিযোগিতা খন কালি সন্ধিয়া আনুষ্ঠানিক ভাৱে মুকলি কৰে মঙলদৈ সমষ্টিৰ সাংসদ তথা বিজেপি ৰাষ্ট্ৰীয় সাধাৰণ সম্পাদক দিলীপ শইকীয়াই। 

সন্ধিয়া জনপ্ৰিয় কণ্ঠ শিল্পীৰ দেৱৰ্চনা কাশ্যপ,ৰিংকো প্ৰীয়মৰ , শিশু শিল্পী ঈশান আফ্ৰিদি, প্ৰিন্স নিহাল, জিত সাজাহানে গীত পৰিবেশন কৰে। লগতে ভঙা টিভি তথা ইউটিউবৰ জনপ্ৰিয় কৌতুক অভিনেতা ‘খিতেই কাই’ খ্যাত দিপজ্যতি ডেকাৰ  উপস্থিত থাকি  সাংস্কৃতিক অনুষ্ঠান পৰিবেশন কৰাৰ লগতে বিকি দান্স একাডেমীৰ শিল্পী সকলে নৃত্য পৰিৱেশন কৰা দেখিবলৈ পোৱা গৈছে।  সাংস্কৃতিক অনুষ্ঠানৰ  পিছতে প্ৰথমখন খেলৰ শুভ উদ্বোধন কৰে মঙলদৈ উন্নয়ন প্ৰাধিকৰনৰ অধ্যক্ষ  প্ৰতাপ বৰদলৈ ডাঙৰীয়াই।

শিল্পী পেন্সনপ্ৰাপক,অসমৰ আগশাৰীৰ বিশিষ্ট নাগাৰা নামৰ পাঠক (শিল্পী) কৈলাশ তালুকদাসহ নাগাৰা নামৰ কেইবাগৰাকী পাঠক-পাঠিকাৰ এটি সজাঁটি দলে আজি অসমৰ  মুখ্যমন্ত্ৰী ড০ হিমন্ত বিশ্ব শৰ্মা আৰু মুখ্যমন্ত্ৰীৰ ৰাজনৈতিক সচিব তথা নলবাৰী সমষ্টিৰ  বিধায়ক জয়ন্ত মল্ল বৰুৱাক অসম সচিবালয়ত সাক্ষাৎকাৰ কৰে।

দলটিয়ে মুখ্যমন্ত্ৰী  আৰু নলবাৰী বিধায়কক  পিতলৰ নাগাৰা, কুৰকুৰি আৰু  মানপত্ৰৰে সম্বৰ্ধনা জ্ঞাপন কৰে।লগতে দলটোৱে শিল্পীসকলে বিগত দিনত ভুগি অহা তেওঁলোকৰ বিভিন্ন সমস্যা সম্পৰ্কে মুখ্যমন্ত্ৰী হিমন্ত বিশ্ব শৰ্মা আৰু নলবাৰী বিধায়ক জয়ন্ত মল্ল বৰুৱাক  অৱগত কৰে।

মুখ্যমন্ত্ৰীগৰাকীয়ে নাগাৰা নামৰ পাঠক -পাঠিকাসকলৰ সমস্যাসমুহ পৰ্যায় ক্ৰমে সমাধান কৰাৰ উপৰিও অসমৰ ধৰ্মীয় সংস্কৃতিৰ লাইখুটা সদৃশ গুৰুজনাৰ অমৰ সৃষ্টি নাগাৰা নামক বিশ্বৰ বুকুত প্ৰতিস্থা কৰিবলৈ চেষ্টা কৰি যাম বুলি  আশ্বাস প্ৰদান কৰাৰ লগতে নলবাৰীৰ চৰকাৰী ভুমিত নলবাৰী জিলা নাগাৰা নাম সংঘৰ কাৰ্যালয় এটি স্থাপন কৰাৰ সুবিধাও প্ৰদান কৰিব বুলি দলটোক আশ্বাস প্ৰদান কৰে ।

লামডিং এছবিআইৰ পৰা ১০০.২৫ কোটি টকাৰো অধিক ঋণ লৈ পলাতক  অনন্ত চৰন নায়ক । বেঙ্কৰ টকা পৰিশোধ নকৰাৰ বাবে আজি হোজাই জিলা কাৰ্য্যকৰী দণ্ডাধীশৰ উপস্থিতিত এচবিআই বেঙ্ক কতৃপক্ষই  জব্দ কৰে অনন্ত চৰন নায়কৰ দুটা বিল্ডিং।

অনাগত দিনত ,অনন্ত চৰন নায়কৰ কেইবাটাও সম্পত্তি জব্দ কৰা হ’ব বুলি সাংবাদিকৰ আগত কাৰ্য্যকৰী দণ্ডাধীশে প্ৰকাশ কৰে। অনন্ত চৰন নায়ক Nayak Infrastructure Pvt Ltd ৰো কৰ্ণধাৰ । উল্লেখ যে দীর্ঘদিন ধৰি বেংকৰ পৰা ঋণ লৈ নিৰুদ্দেশ হৈ আছে নায়ক।

বিটিচি সাংস্কৃতিক বিভাগৰ দ্বাৰা ওদালগুৰি সাংস্কৃতিক কেন্দ্ৰৰ উদ্যোগত আৰু ওদালগুৰি  সাহিত্য সভাৰ সহযোগত  ১৬ ডিচেম্বৰৰ পৰা অহা  ২২ নৱেম্বৰলৈ সাদিনীয়াকৈ এখনি  “জ্যোতি সংগীত” আৰু “বনগীত”ৰ কৰ্মশালাৰ শুভাৰম্ভণি কৰা হৈছে।

এই উপলক্ষে ওদালগুৰি সাহিত্য সভাৰ প্ৰাক্তন সভাপতি তথা ৰাষ্ট্ৰীয় বঁটা প্ৰাপক কৃতী অৱসৰী শিক্ষক নৰেশ্বৰ ডেকাই কয়- বৰ্তমান সময়ত প্ৰশিক্ষাৰ্থী সকলে এনে প্ৰশিক্ষণ গ্ৰহণৰ জৰিয়তে উপকৃত হ’ব পাৰিব। ওদালগুৰি সাংস্কৃতিক কেন্দ্ৰৰ উন্নয়ন বিষয়া যুগান্ত বায়নে উপস্হিত থাকি কয়- সাংস্কৃতিক পৰিক্ৰমা বিভাগে সময়ে সময়ে অসমৰ বিভিন্ন অঞ্চলত কৰ্মশালাৰ জৰিয়তে হেৰাই যাবলৈ ধৰা বনগীতকে ধৰি জ্যোতি সংগীতৰ ধাৰাটো শুদ্ধ ৰূপত উপস্হাপন কৰি আহিছে।যাৰ জৰিয়তে নৱপ্ৰজন্মৰ শিল্পী সকলে শুদ্ধ ৰূপত গোৱাৰ অনুশীলন কৰিব পাৰিব।

ওদালগুৰি সাহিত্য সভাৰ সম্পাদক অজয় কলিতাই আঁতধৰা উক্ত কৰ্মশালাত উপস্হিত থাকি ওদালগুৰি সাহিত্য সভাৰ সভাপতি কমলাকান্ত শৰ্মা আৰু প্ৰাক্তন সভাপতি গৌতম জ্যোতি তালুকদাৰে ওদালগুৰি সাংস্কৃতিক কেন্দ্ৰই কৰ্মশালা খনি অনুষ্ঠিত কৰিবলৈ দিয়াৰ বাবে ধন্যবাদ জনোৱাৰ লগতে ইয়াৰ দ্বাৰা এক সুস্থ পৰিবেশৰ সৃষ্টি হ’ব বুলিও উল্লেখ কৰে।

আজিৰ এই কৰ্মশালা উদ্বোধনী অনুষ্ঠানত প্ৰশিক্ষক বিবেক দাসেও বক্তব্য ৰাখি প্ৰশিক্ষাৰ্থী সকলক এনে সুযোগ গ্ৰহণ কৰিবলৈ আহ্বান জনায়। উদ্বোধনী অনুষ্ঠানৰ আৰম্ভণিতে উদ্বোধক নৰেশ্বৰ ডেকা, সাংস্কৃতিক কেন্দ্ৰৰ উন্নয়ন বিষয়া যুগান্ত বায়ন, সাহিত্য সভাৰ সভাপতি কমলাকান্ত শৰ্মা, প্ৰাক্তন সভাপতি গৌতম জ্যোতি তালুকদাৰ আৰু মঙ্গল চণ্ডী ব্ৰহ্ম ভাষা গৱেষণা কেন্দ্ৰৰ কাৰ্যকৰী সভাপতি অখিল কলিতাই এগছিকৈ বন্তি প্ৰজ্বলন কৰে। 

আনহাতে ওদালগুৰি সাংস্কৃতিক কেন্দ্ৰৰ উদ্যোগত আৰু খেৰাই ডেন্স কোচিং চেন্টাৰৰ সহযোগত ১৬ ডিচেম্বৰৰ পৰা ২২ডিচেম্বৰলৈ অনুষ্ঠিত হ’ব লগা  “বড়ো লোক নৃত্য”ৰ  কৰ্মশালা ওদালগুৰিৰ বগৰীগুৰি ক্লাবত আনুষ্ঠানিক ভাবে শুভ উদ্বোধন কৰে ওদালগুৰি সাংস্কৃতিক কেন্দ্ৰৰ উন্নয়ন বিষয়া যুগান্ত বায়নে।

নব কুমাৰ ডেকা

ৰাজ্যৰ মুখ্যমন্ত্ৰী ড° হিমন্ত বিশ্ব শৰ্মাই সমগ্ৰ ৰাজ্যত অবৈধ গৰুৰ চোৰাং সৰবৰাহ বন্ধ কৰাৰ হুংকাৰ দিয়াৰ মাজতে একাংশ অসাধু ব্যৱসায়িয়ে আজিও অব্যাহত ৰাখিছে গৰুৰ চোৰাং বেহা।

জানিব পৰা মতে উজনি অসমৰ পৰা দৈনিক ট্ৰাকে ট্ৰাকে সৰবৰাহ হৈ আছে গৰুৰ চোৰাং বেহা। এখন ট্ৰাকত নথিপত্ৰ বিহীন গৰু সৰবৰাহ কৰা ঘটনা আজি পোহৰলৈ আহিছে। যোৰহাটৰ পশ্চিমে ম’হবন্ধা তিনিআলি সমীপৰ পুলিবৰ থানাৰ আৰক্ষীয়ে কৰা নিয়মিত তালাচীত আজি সন্ধ্যা জব্দ কৰে ১৮ টা গৰু সহ এখন ট্ৰাক।

উল্লেখ্য যে উজনি অসমৰ পৰা অহা AS-02-CC0793 নম্বৰ ট্ৰাকত নথিপত্ৰ বিহীন গাড়ীখন আহিছিল। উক্ত গৰুখিনি বাংলাদেশলৈ চালানৰ বাবে আনিছিল বুলি জানিব পৰা গৈছে। মন কৰিবলগীয়া যে উক্ত গৰু সৰবৰাহী ট্ৰাকখন নিয়মীয়াভাৱে উজনি অসমৰ পৰা আহি থকা বুলি আৰক্ষী সূত্ৰত প্ৰকাশ পাইছে। ইতিমধ্যে ট্ৰাকখনৰ চালকসহ  হেণ্ডিমেনকো আৰক্ষীয়ে গ্ৰেপ্তাৰ কৰে।