অসম কৃষি বিশ্ববিদ্যালয়ৰ অধীনস্থ কৃষি বিজ্ঞান কেন্দ্ৰ, কামৰূপৰ উদ্যোগত যোৱা ২৯ চেপ্তেম্বৰ, ২০২১ ৰ পৰা তিনিদিনীয়া কাৰ্যসূচীৰে মাছৰ স্বাস্থ্যসন্মত প্ৰক্ৰিয়াকৰণ আৰু মূল্য সংযোজিত সামগ্ৰী উৎপাদনৰ ওপৰত ভাৰতীয় কৃষি গৱেষণা পৰিষদৰ কেৰেলাস্থিত কেন্দ্ৰীয় মীন প্ৰযুক্তি সংস্থানৰ (ICAR- CIFT) সহযোগত অনুসূচিত জনজাতিৰ মাছমৰীয়া সকলৰ বাবে এই প্ৰশিক্ষণ অনুস্থিত হয়। প্ৰশিক্ষণৰ উদ্বোধনী অনুস্থানত কৃষি বিজ্ঞান কেন্দ্ৰৰ মুৰব্বী ড০ ধীৰেন্দ্ৰ নাথ কলিতা আৰু পশু চিকিৎসা বিজ্ঞানৰ বিষয়বস্তু বিশেষজ্ঞা ড০ ইলাক্ষী ডেকা উপস্থিত থাকে। কৃষি বিজ্ঞান কেন্দ্ৰৰ মীন বিশেষজ্ঞ শ্ৰী পৰাগ শইকীয়া আৰু সামূহিক বিজ্ঞান বিভাগৰ বিশেষজ্ঞা শ্ৰীমতী মধুস্মিতা ডেকাৰ তত্বাৱধানত আয়োজিত এই প্ৰশিক্ষণ অনুস্থানত কামৰূপ জিলাৰ ২১ গৰাকী উদীয়মান পুৰুষ-মহিলাই অংশগ্ৰহণ কৰে। সমল ব্যক্তি হিচাপে ৰহা মীন মহাবিদ্যালয়ৰ সহকাৰী অধ্যাপক শ্ৰী ইনামআখ্টাৰ হুচেইন, পৰাগ শইকীয়া আৰু মধুস্মিতা ডেকাই মাছৰ স্বাস্থ্যসন্মত প্ৰক্ৰিয়াকৰণ আৰু বিভিন্ন মূল্য সংযোজিয সামগ্ৰীৰ উৎপাদনৰ বিভিন্ন দিশৰ ওপৰত বিশদভাৱে আলোকপাত কৰে। ইয়াৰ উপৰিও ব্যৱহাৰিকভাৱে প্ৰশিক্ষাৰ্থী সকলক মাছৰ পৰা আচাৰ, কাটলেট আৰু ফিছ বল আদি সামগ্ৰী হাতে কামে প্ৰস্তুত কৰোৱা হয়, যি বোৰ বহুদিনলৈ সংৰক্ষণ কৰি বজাৰত বিক্ৰী কৰিব পাৰি। প্ৰশিক্ষণৰ অন্তত প্ৰশিক্ষাৰ্থী সকলৰ উজ্জ্বল ভৱিষ্যত কামনা কৰি একোখনকৈ মানপত্ৰ প্ৰদান কৰা হয়।
ছাত্ৰ ছাত্ৰীক মাজবাট মহাবিদ্যালয়ত নাম ভৰ্তি কৰিবলৈ আহ্বান মাজবাট আছু ,আছাৰ ।
হাইস্কুল শিক্ষান্ত পৰীক্ষাত উত্তীৰ্ণ হৈ মহাবিদ্যালয়ত নাম ভৰ্তিৰ পৰা বঞ্চিত হোৱা ছাত্ৰ ছাত্ৰী সকলক মাজবাট মহাবিদ্যালয়ত নাম ভৰ্তি কৰিবলৈ আহ্বান জনাইছে আছু আৰু আছাই ।৩০ছেপ্তেম্বৰত সংবাদ মাধ্যমলৈ প্ৰেৰন কৰা এক যুটীয়া বিবৃতিত মাজবাট আঞ্চলিক ছাত্ৰ সন্থাৰ সম্পাদক হিমাংশু কলিতা আৰু মাজবাট আঞ্চলিক আদিবাসী ছাত্ৰ সন্থাৰ সম্পাদক গোলাপ গোডে উল্লেখ কৰা মতে সদ্য ঘোষিত হাইস্কুল শিক্ষান্ত পৰীক্ষাত উত্তীৰ্ণ হোৱা বৃহৎ মাজবাট এলেকাৰ দৰিদ্ৰ সীমাৰেখাৰ তলত বসবাস কৰি থকা পৰিয়ালৰ ছাত্ৰ ছাত্ৰী সকলে মাজবাট মহাবিদ্যালয়ত নাম ভৰ্তি কৰাৰ পৰা বঞ্চিত হব লগীয়া হৈছে । ছাত্ৰ নেতা দুগৰাকীয়ে বিবৃতিটোত আৰু উল্লেখ কৰিছে যে মাজবাট মহাবিদ্যালয় কৰ্তৃপক্ষই ছাত্ৰ ছাত্ৰী সকলৰ প্ৰথম পৰ্যায়ত নাম ভৰ্তিৰ প্ৰক্ৰিয়া সমাপ্ত কৰাৰ পাছত আসন সীমিত হোবাৰ বাবে বহু ছাত্ৰ ছাত্ৰী নাম ভৰ্তিৰ পৰা বাদ পৰিব লগীয়া হ’ল । কিন্তু মহাবিদ্যালয় কৰ্তৃপক্ষই বঞ্চিত ছাত্ৰ ছাত্ৰী সকলক দ্বিতীয় পৰ্যায়ত মাজবাট মহাবিদ্যালয়ত নাম ভৰ্তিৰ বাবে পুনৰ অনলাইন যোগে আবেদন কৰিবলৈ জাননী জাৰি কৰিছিল বুলি বিবৃতিটোত উল্লেখ কৰাৰ লগতে সৰহ সংখ্যক ছাত্ৰ ছাত্ৰীয়ে কাৰিকৰী অসুবিধাৰ বাবে দ্বিতীয় পৰ্যায়ত নাম ভৰ্তিৰ বাবে অনলাইন কৰিবলৈ সক্ষম নহল । ফলত মহাবিদ্যালয় খনত বৰ্তমান ১৫০ খন আসন খালি হৈ থকা বুলি ছাত্ৰ সংগঠন দুটাই বিবৃতিটোত উল্লেখ কৰি মাজবাট এলেকাৰ দুখীয়া নিচলা পৰিয়ালৰ ছাত্ৰ ছাত্ৰী সকলক মাজবাট মহাবিদ্যালয়ত নাম ভৰ্তি কৰিবলৈ মহাবিদ্যালয় কৰ্তৃপক্ষইক অনুৰোধ জনাইছে মাজবাট আঞ্চলিক আছু আৰু আছাই ।
ধুবুৰীত আৰক্ষীৰ অভিযানত চোৰাং সাৰসহ তিনিজন লোকক গ্ৰেপ্তাৰ।
কৃষকৰ বাবে যোগান ধৰা ইউৰীয়া সাৰ চোৰাং বজাৰত বিক্ৰী। ধুবুৰীৰ নিউঘাটত অভিযান চলাই আৰক্ষীয়ে জব্দ কৰে চোৰাং সাৰ। WB 69-A/5762 নম্বৰৰ এখন মিনি ট্ৰাকত ৪০ বস্তা ইউৰীয়া সাৰ যোৱাকালি নিউঘাটলৈ নিয়াৰ সময়ত ধুবুৰী এ,এম,কো ৰোড আৰক্ষীয়ে গোপন খবৰৰ ভিক্তিত আটক কৰিছে তিনিজনকৈ যুবকক। লোক কেইজন ক্ৰমে – বিকাশ লাকৰা (২5) আলিপুৰ দোৱাৰ, অনিমেষ দাস (২৬) আলিপুৰ দোৱাৰ আৰু মহম্মদ ৰাহিবুল ইছলাম (২০) ।
পূর্ণ গতিত থিয়েটাৰ বীণাপাণিৰ আখৰা
ভ্ৰাম্যমাণ থিয়েটাৰৰ শিবিৰে শিবিৰে আৰম্ভ হৈছে নাটকৰ যুদ্ধকালীন প্ৰস্তুতি। ক’ৰোনা মহামাৰীয়ে জুৰুলা কৰা সংস্কৃতিৰ পথাৰখন জীপাল কৰাৰ দুঃসাহসেৰে সাজু হোৱা প্ৰনৱ বৰ্মনৰ প্ৰযোজিত থিয়েটাৰ বীণাপাণিৰ ইতিমধ্যে প্ৰস্তুতি তুংগত । নাট্যপ্ৰেমী ৰাইজৰ মৰম আৰু আশীর্বাদ বিচাৰি চলিত ২১-২২ নাট্যবৰ্ষত থিয়েটাৰ বীণাপাণিৰ মঞ্চত দেখিবলৈ পোৱা যাব চাৰিজন নাট্যকাৰৰ চাৰিখন ভিন্ন ৰসৰ নাটক। নাট্যকাৰ অভিজিৎ ভট্টাচার্যৰ “কলংকিনী ৰাধা”, নাট্যকাৰ ধ্ৰুৱজ্যোতি শৰ্মাৰ “বলিদান”, সতীশ দাসৰ “মহা মিলন” আৰু ৰমা বৰ্মনৰ “বদনামী ছোৱালী” । ইতিমধ্যে মাটি আখৰা সম্পূর্ণ কৰি মঞ্চ আখৰাত ব্যস্ত হৈছে শিল্পী সকল আনহাতে চলিত নাট্যবৰ্ষত বীণাপাণিৰ মঞ্চত বহুতো ন পুৰণি অভিনেতা অভিনেত্রীৰ অভিনয়ৰ সমাহাৰ ঘটিব যত অভিনয় কৰিব বলিষ্ঠ অভিনেতা কৃষ্ণমনি নাথ, বিশাল বৰা, ৰাজীৱ শৰ্মা, পল্লৱ দিক্ষীত, সঞ্জীৱ বৈশ্য, প্ৰিয় বৰ্মন, কংকন দেৱনাথ, আলু খ্যাত গৌৰাংগ, অভিনেত্রী হেলেনা আখটাৰ, লীজা ববৰা আৰু বৰ্নালী পাঠকে। তাৰোপৰি নাটকৰ সংগীত পৰিচালনা কৰিছে বিশিষ্ট সংগীত পৰিচালক অমিত সিনহাই। থিয়েটাৰ বীণাপাণিৰ সম্পাদকৰ দায়িত্বত আছে ৰাজীৱ শৰ্মা আৰু কৰেন বৰ্মন। প্ৰযোজক প্ৰনৱ বৰ্মনে জানিব দিয়া মতে ৭ অক্টোবৰত বনিয়াকুছিত বীণাপাণি থিয়েটাৰে নাট্যযাত্ৰা আৰম্ভ কৰিব। সমূহ নাট্যপ্ৰেমী ৰাইজৰ সহযোগিতা আৰু আশীর্বাদ বিচাৰিছে থিয়েটাৰ বীণাপাণিৰ প্ৰযোজক পৰিচালক শিল্পী কলাকুশলী সকলে।
সাজু হৈছে উদয়ন থিয়েটাৰ
কৰোনাতাংকই স্তব্ধ কৰা সংস্কৃতিৰ পথাৰখন সজীব কৰাৰ প্ৰয়াসেৰে ভ্ৰাম্যমাণ নাট্যজগতত নৰূপেৰে পাঠশালাৰ পৰা আত্মপ্ৰকাশ কৰিবলৈ সাজু হৈছে জ্যোতিপদ তালুকদাৰৰ প্ৰযোজিত উদয়ন থিয়েটাৰ। ইতিমধ্যে যুদ্ধকালীন প্ৰস্তুতিৰে আখৰাত ব্যস্ত থকা উদয়ন থিয়েটাৰে চলিত নাট্যবৰ্ষত নিবেদন কৰিব অভিনেতা, নাট্যকাৰ চম্পক শৰ্মাৰ “সীতাৰ অগ্নিপৰীক্ষা” , নাট্যকাৰ ৰাজদ্বীপৰ “বুকুৰ মাজত তুমি” আৰু নাট্যকাৰ, পৰিচালক অভিজিত ভট্টাচাৰ্য্যৰ “মৰমৰ দালাল”। বাতৰি সংগ্রহ কৰা সময়লৈ সীতাৰ অগ্নিপৰীক্ষা আৰু বুকুৰ মাজত তুমি নাটকদুখনৰ আখৰা প্ৰায় সম্পূর্ণ হৈছে বৰ্তমানে মৰমৰ দালাল নাটকখনৰ মঞ্চআখৰাত ব্যস্ত আছে শিল্পী কলাকুশলী সকল। আনহাতে চলিত নাট্যবৰ্ষত উদয়নৰ মঞ্চত বহুতো ন পুৰণি অভিনেতা অভিনেত্রীৰ অভিনয়ৰ সমাহাৰ ঘটিছে যত দেখিবলৈ পোৱা গৈছে বলিষ্ঠ অভিনেতা মৃদুল বৰুৱা, অঞ্জন জ্যোতি বেজ, হেমেন শৰ্মা, দীপু তালুকদাৰ, চন্দন ডেকা, দেব ৰয়, অভিনেত্রী অৰ্চনা বৰা, ভায়োলিনা বৰুৱা, প্ৰনীতা নাথৰ লগতে বোলছবি জগতৰ সুদৰ্শন অভিনেতা অৰুপ বৰা আৰু সৰুপৰ্দাৰ মোহময়ী অভিনেত্রী দেবাশ্ৰী গগৈক। আনহাতে নাটকৰ সংগীত পৰিচালনা কৰিছে অহিৰ ভৈৰৱ আৰু দীপক বৰুৱাই। উদয়ন থিয়েটাৰৰ সম্পাদকৰ দায়িত্বত আছে কিশোৰ মালাকৰ। নাট্যদলটোৰ প্ৰতিষ্ঠাপক প্ৰযোজক শশী শক্তি ডেকা আৰু মূখ্য পৃষ্ঠপোষক পুতুলী ডেকা। আনহাতে নাটকৰ নাম প্ৰকাশৰ দিনৰে পৰা বিশেষ চৰ্চা লাভ কৰা উদয়ন থিয়েটাৰৰ চলিত নাট্যবৰ্ষকলৈ যথেষ্ট আশাবাদী প্ৰযোজক পৰিচালক তথা শিল্পী কলাকুশলী সকল। তাৰোপৰি প্ৰযোজকে জানিব দিয়া মতে অহা ৫ অক্টোবৰত পাঠশালাৰ পৰা উদয়ন থিয়েটাৰে নাট্যযাত্ৰা আৰম্ভ কৰিব।
বঙাইগাঁও জিলাৰ সৃজনগ্ৰাম উন্নয়ন খণ্ডৰ অন্তৰ্গত ২ নং নাম্বাৰপাৰা এম ই এম স্কুলৰ ছাত্ৰ ছাত্ৰীৰ ভোজন বিতৰণ।
আজি ৰাতিপুৱা বঙাইগাঁও জিলাৰ ২ নং নাম্বাৰপাৰা এম ই এম স্কুলত ছাত্ৰ ছাত্ৰীৰ অভিভাৱকৰ লগতে কমিটিৰ মানুহক লগত লৈ প্ৰধান শিক্ষকে ৯৫ জন ছাত্ৰ ছাত্ৰীৰ খাদ্য সামগ্ৰী বিতৰণ কৰে। কোনো ধৰণৰ বেমেজালি নকৰি ছাত্ৰ ছাত্ৰীক খাদ্য সামগ্ৰী বিতৰণ কৰাৰ স্থানীয় ৰাইজে প্ৰত্যেক কৰি ছাত্ৰ ছাত্ৰীৰ অভিভাৱকৰ লগতে স্হানীয় ৰাইজে সন্তষ্টি প্ৰকাশ কৰে।জানিব পৰা মতে আন আন স্কুলত বহুত ধৰণৰ দূৰ্নীতিৰ অভিযোগ আছে কিন্তু ২ নং নাম্বাৰপাৰা এম ই এম স্কুলত কোনো ধৰণৰ দূৰ্নীতিৰ নাই বুলি সাংবাদিকৰ আগত মন্তব্য কৰে প্ৰধান শিক্ষকে। চৰকাৰী নীতি নিয়ম মানি চৰকাৰী নিদেৰ্শ মৰ্মে ছাত্ৰ ছাত্ৰীৰ মাজত ভোজন বিতাড়ন কৰে।শিক্ষাৰ ক্ষেত্ৰত চৰকাৰে যি নতুন নীতি নিয়ম বান্ধি দিছে সেই নীতি নিয়ম মানি আজিৰ পৰা বিদ্যালয়, মহাবিদ্যালয় পাঠ ধান আৰম্ভ কৰিব বুলি জানিব দিয়ে প্ৰধান শিক্ষকে।
আমনিৰ বুঢ়াদিয়া নৈৰ ওপৰৰ দলংঙেৰে ৰাইজৰ বিপদ সংকুল যাত্ৰা
পশ্চিম নলবাৰী অঞ্চলৰ ধর্মপুৰ সমষ্টিৰ অতি গুৰুত্ব পূর্ণ এখন দলংঙে যাতায়াতৰ ক্ষেত্ৰত ৰাইজৰ মাজত ত্ৰাসৰ সৃষ্টি কৰিছে। যিখন দলঙেৰে চামতাৰ পৰা টিহুলৈকে বাটচোৱা অতি চমু হয় । দলংখনেৰে নিতৌ অহাযোৱা কৰে হেজাৰ হেজাৰ পথাচাৰী,স্কুল কলেজৰ ছাত্ৰ ছাত্ৰী।যেন ৰাইজৰ সংযোগৰ বাইক এক মাত্ৰ দলংখন। উক্ত দলং হল বুঢ়াদিয়া নৈৰ ওপৰৰ আমনি শংকৰ বাবাৰ থানৰ সন্মুখত থকা জৰাজীর্ন কাঠৰ দলং খন ৷ স্হানীয় ৰাইজে দৈনন্দিন বাৰ্তাৰ আগত অভিযোগ কৰা মতে যোৱা তিনিবছৰ আগতে বহুলক্ষ্য টকা খৰছ কৰি দলংখন নির্মান কৰা হৈছিল যদিও কিছুদিন পিছতে ২০১৮ চনত বানৰ ফলত ঢাহি-মুহি সম্পূর্ণ দলংখৰ মাজভাগটো বেকা কৰি লৈ যায়। ৷ কাম সম্পূৰ্ণ হোৱাৰ কিছুদিন পাছতে এনেদৰে বুঢ়াদিয়া নৈৰ পানীয়ে সম্পূর্ণ ৰূপে বেকা কৰাত ৰাইজৰ মনত সততে সন্দেহৰ প্ৰশ্ন উঠিছে বিভাগীয় দীৰ্ঘম্যাদী পৰিকল্পনাৰে ঠিকাদাৰে দলংখনৰ কাম সম্পূৰ্ণ কৰা হোৱা নাছিল নেকি? নিমনমানৰ কামেৰে ঠিকাদাৰে ৰাইজৰ লগত হেতালি খেলিলে নেকি ? অনেক প্ৰশ্ন। ইপিনে ৰাইজৰ অভিযোগৰ পিছত ভগ্ন কাঠৰ দলংখনৰ কাষতে এখন পকী দলংঙৰ কাম বিভাগীয় ভাবে আৰম্ভ কৰিছে যদিওঁ অকল খুটা দুটা পুতিয়ে সম্প্ৰতি কাম আধৰুৱা কৰি ৰাখিছে ৷ যাতায়াতৰ ক্ষেত্ৰত ৰাইজে এতিয়া ত্ৰাহি মধুসুদন সুঁৱৰিব লগা হৈছে। আজি অঞ্চলটোৰ সৰ্ব স্তৰৰ লোকৰ বহিঃ জগতৰ লগত যোগাযোগৰ ক্ষেত্ৰত অন্তৰায়ৰ সৃষ্টি হৈছ। গতিকে ৰাইজে ধর্মপুৰৰ বিধায়ক তথা পৰিবহন,উদ্যোগ আৰু বাণিজ্যিক মন্ৰী চন্দ্ৰমোহন পাটোৱাৰীৰ ওচৰত আবেদন জনাইছে অতি সোনকালে পকী দলংখন সম্পূর্ণ কৰি ৰাইজক যাতায়াতৰ বাবে উপকৃত কৰে যেন।
মৰিগাঁৱত অসমৰ হস্ততাঁত বস্ত্ৰ শিল্প,ৰেচম ,ভূমি সংৰক্ষণ মন্ত্রী উৰ্খাও গৌৰ ব্ৰহ্ম
অসমৰ হস্ততাত বস্ত্ৰশিল্প, ৰেচম, ভূমি সংৰক্ষন আৰু বড়োলেণ্ড কল্যাণ বিভাগৰ মন্ত্ৰী শ্ৰীযুত উৰ্খাও গৌৰ ব্ৰহ্ম আজি দিনৰ 11.30 বজাত মৰিগাঁও আৱৰ্ত ভৱনত উপস্থিত হয় | আৱৰ্ত ভৱনতে মাননীয় মন্ত্ৰী গৰাকীয়ে অৰুণোদয়, বিধৱা পেঞ্চন, বৃদ্ধ পেঞ্চন, কভিদৰ বলি হোৱা ব্যক্তি, প্ৰধানমন্ত্ৰী জন আৰোগ্য যোজনা, অটল অমৃত অভিযান আদি বিভিন্ন আঁচনিৰ দ্বাৰা উপকৃত হোৱা একোজনকৈ হিতাধিকাৰীৰ লগত মত বিনিময় কৰে |
গড়কাপ্তানী বিভাগৰ ৰঙাফিটাৰ মেৰপেছত ধিঙৰ এটি পথ ।
নগাঁও জিলাৰ ধিঙৰ এটি গুৰুত্ব পূৰ্ণ পথ । আজিৰ পৰা প্ৰায় পাঁচ মাহ পূৰ্বে পথৰ কাম আৰম্ভ কৰা বুলি বিভাগীয় ফলকত উল্লেখ কৰা হৈছে যদিও বাস্তৱক্ষেত্ৰত তাৰ বিপৰীত ছৱিখনহে দেখিবলৈ পোৱা গৈছে । ধিঙৰ নামডুমীয়াৰ পৰা মধ্য লেঙেৰীবৰীলৈ মুঠ ৮ কি: মি: পথ ৪,৫৯,৪২,৩০০’০০ টকা ব্যয় সাপেক্ষে নিৰ্মাণৰ কাম আৰম্ভ কৰা হৈছিল যদিও সেইয়া পথৰ নাম ফলকতে সীমাবদ্ধ থাকিল । বিভাগৰ ৰঙাফিটাৰ মেৰপেছত সোমাই ঠিকাদাৰে আজিলৈকে পথৰ কাম আৰম্ভ কৰিব পৰা নাই । যাৰ ফলস্বৰূপে দুৰ্ভোগ ভুগিব লগাত পৰিছে অঞ্চল টোৰ সাধাৰণ ৰাইজৰ লগতে ছাত্ৰ ছাত্ৰী সকলে । পথটোৰ দুৰৱস্থাৰ বাবে বিভিন্ন সময়ত দুৰ্ঘটনাও সংঘটিত হৈ আহিছে । পথটোৰ নিৰ্মাণৰ প্ৰাককলন প্ৰস্তত কৰোতেই বিভাগীয় কৰ্তৃপক্ষই ভূল কৰা বাবে আজিও পথটিৰ কামত হাত দিব পৰা নাই কামৰ ঠিকাদাৰে । এফালে চৰকাৰৰ গড়কাপ্তানি বিভাগৰ ৰঙাফিটাৰ মেৰপেছ আৰু আনফালে সৰ্বসাধাৰণ ৰাইজৰ দুৰ্ভোগ । তাৰ মাজতেই ৰাইজৰ আহ্বান অনতিপলমে পথৰ কাম আৰম্ভ কৰক বিভাগীয় কৰ্তৃপক্ষই ।
গৰুখুতিৰ উচ্ছেদ কাণ্ডক ধৰ্মীয় মেৰুকৰন কৰাৰ চেষ্টা
গৰুখুতিৰ উচ্ছেদ কাণ্ডক ধৰ্মীয় মেৰুকৰন কৰাৰ চেষ্টা কৰিছে একাংশ ৰাজনৈতিক নেতা পালি নেতাই কিন্তু ইয়াৰ বিপৰীতে অসম আন্দোলনৰ প্ৰাক মূহুৰ্তত গৰুখুতিৰ সমীপবৰ্তী চৰ চাপৰি অঞ্চলৰ বেদশলকৃত ভূমি বেদশলমুক্ত কৰাৰ দাবী উত্থাপন কৰিছিল একাংশ থলুৱা মুছলমানে আনকি ২০১২ চনত প্ৰয়াত কুবাত আলী নামৰ ছিপাঝাৰ বিধান সভা সমষ্টিৰ সনোৱা গাঁৱৰ এজন লোকে ৭৭৪২০ বিঘা ভূমি বেদখল মুক্ত কৰাৰ দাবীৰে আদালতত গোচৰ তৰিছিল এনে পৰিপ্ৰেক্ষিতত ৮৫৫ জন শ্বাহিদ ক অপমান সূচক মন্তব্য কৰা কায্যক ধিক্কাৰ প্ৰদান কৰি উচ্ছেদ সম্পৰ্কত ধৰ্মীয় ৰহণ সানিবলৈ বাধা আৰোপ কৰিছে একাংশ থলুৱা মুচলমান সম্প্ৰদায়ৰ লোকে।আনহাতে শেৰমান আলীৰ মন্তব্যক লৈ প্ৰতিক্ৰিয়া প্ৰকাশ কৰিছে শ্বাহিদ পৰিয়ালে। চৰকাৰী ভূমিৰ অবৈধ উচ্ছেদৰ বাবে মুখ্য মন্ত্ৰী ড০ হিমন্ত বিশ্ব শৰ্মাই গ্ৰহণ কৰা সাহসী পদক্ষেপক আদৰণি জনাইছে গৰুখুটিৰ শ্বহীদ পৰিয়ালে । খিলঞ্জীয়াৰ ভূমিমুক্ত কৰি কৃষি প্ৰকল্প ৰূপায়ণ কৰাত সন্তুষ্টি ব্যক্ত কৰে ৰাজাপুখুৰী গাঁৱৰ শ্বহীদ পৰেশ বৰাৰ পৰিয়ালবৰ্গই।সমান্তৰাল ভাৱে ছিপাঝাৰৰ দেৱানন্দ গাঁৱৰ মুজাৰাম বৰাৰ পৰিয়ালেও মুখ্যমন্ত্ৰীয়ে গ্ৰহণ কৰা এনে পদক্ষেপৰ প্ৰতি আদৰণি জনাইছে। ১৯৮৩ চনৰ ১৪ ফেব্ৰুৱাৰীত অবৈধ দখলকাৰীয়ে হানি খুচি হত্যা কৰা পৰেশ বৰা আৰু মুজাৰাম বৰাৰ অসম আন্দোলনৰ বৰ্ণনা দাঙি ধৰে।