Home Blog Page 283

Dr Dalimi Konwar: অসমীয়া লোক সংস্কৃতিৰ গৱেষক, দিহানাম আৰু বিহুৰ বিচাৰক ড° ডালিমী কোঁৱৰৰ দেহাৱসান

Dr Dalimi Konwar: অসমীয়া লোক সংস্কৃতিৰ গৱেষক, দিহানাম আৰু বিহুৰ বিচাৰক ড° ডালিমী কোঁৱৰৰ দেহাৱসান
Dr Dalimi Konwar: অসমীয়া লোক সংস্কৃতিৰ গৱেষক, দিহানাম আৰু বিহুৰ বিচাৰক ড° ডালিমী কোঁৱৰৰ দেহাৱসান

অসমীয়া লোক সংস্কৃতিৰ গৱেষক, দিহানাম আৰু বিহুৰ বিচাৰক ড০ ডালিমী কোঁৱৰ আৰু নাই।(Dr Dalimi Konwar)

নুনমাটিৰ নিজা বাসগৃহত ৩.২০ বজাত শেষ নিশ্বাস ত্যাগ।

দুৰাৰোগ্য কৰ্কট ৰোগত আক্ৰান্ত হৈ মুম্বাইৰ টাটা মেম’ৰিয়েল আৰু বি বৰুৱা কৰ্কট হাস্পতালত দীৰ্ঘদিন ধৰি চিকিৎসা গ্ৰহণ কৰি আছিল শিল্পীগৰাকীয়ে।

Weather Update: তীব্ৰ গৰমে দহিব ৰাজ্যক, জুনত কমিব বৰষুণ

Weather Update: তীব্ৰ গৰমে দহিব ৰাজ্যক, জুনত কমিব বৰষুণ
Weather Update: তীব্ৰ গৰমে দহিব ৰাজ্যক, জুনত কমিব বৰষুণ

আৰু মাত্ৰ কেইটামান দিন৷ কেইটামান(Weather Update) দিনৰ পিছতে তীব্ৰ গৰমে দহিব ৰাজ্যক৷ শেহতীয়াকৈ সমগ্ৰ ৰাজ্যত অবিৰত বৰষুণত মানুহৰ স্বাভাৱিক জীৱনযাত্ৰা ব্যাহত হৈ পৰিছে৷ ধাৰাসাৰ বৰষুণৰ ফলত গুৱাহাটীৰ বিভিন্ন প্ৰান্তত কৃত্ৰিম বানে জটিল ৰূপ ধাৰণ কৰিছে৷ মহানগৰীৰ বিভিন্ন ঠাইৰ লোক একপ্ৰকাৰ জলবন্দী হৈ পৰিছে৷

গুৱাহাটীৰ আঞ্চলিক বতৰ বিজ্ঞান কেন্দ্ৰৰ তথ্য মতে, অহা তিনি-চাৰিদিনলৈ অসমৰ বিভিন্ন প্ৰান্তৰ লগতে গুৱাহাটীতো বৰষুণ থাকিব৷ কিন্তু অহা জুন মাহত এইবাৰ পূৰ্বৰ তুলনাত অসম তথা পূৰ্বোত্তৰত সৰ্বভাৰতীয় হাৰতকৈ হ্ৰাস পাব বৃষ্টিপাত৷ জুনত বৰষুণ কমিব, তাপমাত্ৰা বাঢ়িব৷

আঞ্চলিক বতৰ বিজ্ঞান কেন্দ্ৰৰ জ্যেষ্ঠ বতৰ বিজ্ঞানী সঞ্জয় শ্ব’ নীলে কয়, ‘শেহতীয়াকৈ ভাৰতীয় বতৰ বিজ্ঞান বিভাগে আগজাননী দিয়া অনুসৰি এইবাৰ বাৰিষা কালত [ৰ জুনৰ পৰা ৩০ ছেপ্টেম্বৰ] সমগ্ৰ দেশৰ প্ৰায়ভাগ ঠাইতেই স্বাভাৱিকতকৈ বেছিকৈ বৰষুণ হ’ব যদিও সমগ্ৰ উত্তৰ-পূৰ্বাঞ্চলত বৰষুণ কম হ’ব৷’ দক্ষিণ-পশ্চিম মৌচুমী বায়ুৰ প্ৰভাৱত এইবাৰ দেশত ১০৬ শতাংশ বৃষ্টিপাত হোৱাৰ সম্ভাৱনা আছে যদিও অসমকে ধৰি উত্তৰ-পূবৰ ক্ষেত্ৰত বৃষ্টিপাত ৯৪ শতাংশহে হ’ব বুলি বতৰৰ বতৰা দিছে বতৰ বিজ্ঞান বিভাগে৷ জুন মাহত অসমকে ধৰি উত্তৰ-পূবত বৰষুণ কম হ’ব৷

আনহাতে, জুন মাহত উত্তৰ-পূবত সৰ্বোচ্ছ তাপমাত্ৰা স্বাভাৱিকতকৈ বেছি হ’ব বুলি কৈছে বতৰ বিজ্ঞান বিভাগে৷ ভাৰতীয় বতৰ বিজ্ঞান বিভাগৰ তথ্য অনুসৰি, যোৱা ৰ মাৰ্চৰ পৰা ২৭ মে’ পৰ্যন্ত অসমত স্বাভাৱিকতকৈ ১৭ শতাংশ কমকৈ বৰষুণ হৈছে৷

Baba Vanga Predictions 2025: ২০২৫ৰ আগন্তুক ৭ মাহ বিলাসীতাত কটাব ৫ৰাশিৰ লোকে !

Baba Vanga Predictions 2025: ২০২৫ৰ আগন্তুক ৭ মাহ বিলাসীতাত কটাব ৫ৰাশিৰ লোকে !
Baba Vanga Predictions 2025: ২০২৫ৰ আগন্তুক ৭ মাহ বিলাসীতাত কটাব ৫ৰাশিৰ লোকে !

মহান বাবা ভাংগাই ২০২৫ বৰ্ষৰ বাবে বহু গুৰুত্বপূৰ্ণ ভৱিষ্যদ্বাণী কৰিছে। ইয়াৰ লগতে এই বছৰ কোনবোৰ ৰাশিৰ বাবে বিশেষ হ’ব সেই কথাও কৈছে।(Baba Vanga Predictions 2025)

১৯১১ চনত বুলগেৰিয়াত জন্মগ্ৰহণ কৰা বাবা ভাংগাই অতি কম বয়সতে অসুস্থতাৰ বাবে চকুৰ দৃষ্টিশক্তি হেৰুৱাইছিল। পিছত তেওঁ ভৱিষ্যদ্বাণী কৰিবলৈ ল’লে আৰু সেইবোৰ সঁচা হ’বলৈ ধৰিলে। ইয়াৰ পিছতে তেওঁৰ খ্যাতি পৃথিৱীত বিয়পি পৰিল। বৰ্তমান বাবা ভাংগা আৰু নাই যদিও তেওঁৰ ভৱিষ্যদ্বাণীবোৰ দশক দশকৰ পাছতো সঁচা হৈ আছে।

বাবা ভাংগাই ২০২৫ বৰ্ষৰ বাবেও বহু ভৱিষ্যদ্বাণী কৰিছে। তেওঁৰ ভৱিষ্যদ্বাণী অনুসৰি ২০২৫ চনটো কিছুমান ৰাশিৰ বাবে অতি বিশেষ। কোনবোৰ ৫টা ৰাশিৰ বাবে আগন্তুক ৭ মাহ ভাল হ’ব জানি লওঁ আহক।

২০২৫ বৰ্ষটো মেষ ৰাশিৰ লোকৰ বাবে ডাঙৰ পৰিৱৰ্তনৰ হ’ব পাৰে। তেওঁলোকৰ জীৱনত বহু সুযোগ, সফলতা আৰু ধনৰ প্ৰবাহ কঢ়িয়াই আনিব। আবদ্ধ হৈ থকা ধন লাভ কৰিব। প্ৰত্যাহ্বান অতিক্ৰম কৰাত আপুনি সফল হ’ব। অৱশ্যে ইয়াৰ বাবে আপোনাক সাহস আৰু দৃঢ়তাৰ প্ৰয়োজন হ’ব।

২০২৫ বৰ্ষটোৱে বৃষ ৰাশিৰ লোকসকলৰ বাবে বহু সম্ভাৱনা কঢ়িয়াই আনিছে। আৰ্থিক স্থিতি লাভ কৰিব। বিগত বছৰবোৰত আপোনালোকে যি কঠোৰ পৰিশ্ৰম কৰিছে, সেই কষ্টৰ পুৰস্কাৰ এইবাৰ আপোনাৰ বাবে বহু সুখ আৰু সাফল্যৰ ৰূপত পোৱা যাব। কেৰিয়াৰত সফলতাৰ নতুন দুৱাৰ মুকলি হ’ব। বুদ্ধিমান বিনিয়োগে ভৱিষ্যতে ডাঙৰ লাভ দিব। গুৰুত্বপূৰ্ণ সিদ্ধান্তবোৰ সাৱধানে ল’ব।

এই বছৰটোও মিথুন ৰাশিৰ লোকৰ বাবে নতুন সুযোগ, পৰিৱৰ্তন আৰু সুখেৰে ভৰি পৰিছে। প্ৰত্যাহ্বান অতিক্ৰম কৰি আপুনি সফলতা লাভ কৰিব। আপোনাৰ সংগীৰ পৰা আপুনি ৰোমাঞ্চকৰ সমৰ্থন পাব।

কন্যা ৰাশিৰ আগন্তুক ৭ মাহ সমৃদ্ধি আৰু সুখত কটাব। আপোনাৰ বুদ্ধিমত্তাৰ ভিত্তিত আপুনি লাভ পাব। কেৰিয়াৰত আপুনি আকাংক্ষিত সফলতা লাভ কৰিব। বিনিয়োগৰ দ্বাৰা আপুনি লাভৱান হ’ব। সম্পৰ্ক সুদৃঢ় হ’ব।


২০২৫ বৰ্ষটো কুম্ভ ৰাশিৰ লোকৰ বাবে অতি গুৰুত্বপূৰ্ণ হ’ব বুলি আশা কৰা হৈছে। আপোনাৰ বাবে অসাধাৰণ সুযোগ আৰু সফলতাৰ দুৱাৰ মুকলি হ’ব। ২০২৫ চনত আপুনি নতুন আৰম্ভণি কৰিব। নেতৃত্বৰ ভূমিকাত আহিব পাৰে।

Karbi langpi hydro electric project: খুলি দিলে কাৰ্বি লাংপি জলবিদু্ৎ প্ৰকল্পৰ পাঁচখনকৈ শ্লুইছ গেট

Karbi langpi hydro electric project: খুলি দিলে কাৰ্বি লাংপি জলবিদু্ৎ প্ৰকল্পৰ পাঁচখনকৈ শ্লুইছ গেট
Karbi langpi hydro electric project: খুলি দিলে কাৰ্বি লাংপি জলবিদু্ৎ প্ৰকল্পৰ পাঁচখনকৈ শ্লুইছ গেট

বিগত দুদিন ধৰি নেৰানেপেৰাকৈ বৰষুণ দি(karbi langpi hydro electric project)থকাৰ ফলত সমগ্ৰ ৰাজ্যৰ সমান্তৰালকৈ পশ্চিম কাৰ্বি আংলং জিলাৰ বৈঠালাংছ’ আৰু হামৰেণৰো বিভিন্ন প্ৰান্তত বানপানীৰ সৃষ্টি হয়৷ জিলাখনৰ ১০০ মেগাৱাট শক্তিসম্পন্ন কাৰ্বি লাংপি জলবিদু্যৎ প্ৰকল্পৰ পাঁচখনকৈ শ্লুইছ গেটৰ দুই নম্বৰৰ ৫০ ছেণ্টিমিটাৰ, তিনি নম্বৰৰ ২০০ ছেণ্টিমিটাৰ, চাৰি নম্বৰৰ ২০০ ছেণ্টিমিটাৰ, পাঁচ নম্বৰৰ ২০০ ছেণ্টিমিটাৰ আৰু ছয় নম্বৰৰ ২০০ ছেণ্টিমিটাৰকৈ খুলি দিয়াৰ ফলত উফন্দি উঠে কাৰ্বি লাংপি নদীৰ জলপৃষ্ঠ ৷

ফলত বৈঠালাংছ’ আৰু বৰচালি সংযোগী পথৰ ওপৰেদি পানী বাগৰি যোৱাত দহখনকৈ গাঁৱৰ সংযোগ বিছিন্ন হৈ পৰাৰ লগতে প্লাৱিত হৈ পৰে খাৰুপিন্ধা, ইংহিন গাঁৱ, বৰচালি, থাৰ্বে আবি, ৰংতুমেন, আমডুবি, শিলডুবি, ৰংফেলান, উদমাৰীকে ধৰি সৰ্বমুঠ দহখনকৈ গাঁও৷ সমান্তৰালকৈ, বৈঠালাংছ’ নতুন বজাৰ, পুৰণা বজাৰ, টিছ’ গাঁৱৰ লগতে বৃহত্তৰ বৈঠালাংছ’ৰ কেইবাখনো ৰাজহ গাঁও বানপানী বুৰাই পেলায়৷ আনহাতে, জিলাসদৰ হামৰেণতো প্ৰবল বৃষ্টিপাতৰ ফলত কৃত্ৰিম বানপানীৰ সৃষ্টি হয় ৷

হামৰেণ নতুন বজাৰস্থিত প্ৰেছবাইটেৰিয়ান বিদ্যালয়ৰ সন্মুখত নিৰ্মিয়মাণ অৱস্থাত থকা দলঙখনৰ দুয়োকাষে পানী ঢলে মাটি উতোৱাই নিয়াৰ ফলত পথটিৰ যোগাযোগ বিছিন্ন হৈ পৰে৷ তদুপৰি, হাজং বস্তি, উমৰিন্তি আদি অঞ্চলো কৃত্ৰিম বানপানীয়ে বুৰাই পেলোৱাৰ ফলত ভুক্তভোগী ৰাইজে পথৰ ওখস্থানত আহি আশ্ৰয় ল’বলগীয়া হৈছে৷ ইতিমধ্যে জিলা দুৰ্যোগ ব্যৱস্থাপনা বিভাগৰ মুখ্য কাৰ্যবাহী বিষয়া তথা জিলা আয়ুক্ত সাৰংগপাণি শৰ্মাই বানপানীৰ ফলত ক্ষতিগ্ৰস্ত পৰিয়ালক তাৎক্ষণিকভাৱে সেৱা আগবঢ়াবলৈ জিলা দুৰ্যোগ ব্যৱস্থাপনা বিভাগ, স্থানীয় স্বেচ্ছাসেৱী সংগঠন আৰু বে-চৰকাৰী সংস্থাসমূহক নিৰ্দেশনা প্ৰদান কৰে৷

Food eating style: চামুচেৰে নহয়, হাতেৰে খাবঃ হাতেৰে খোৱা পৰম্পৰা কিয় বাঢ়িছে বিদেশত ?

Food eating style: চামুচেৰে নহয়, হাতেৰে খাবঃ হাতেৰে খোৱা পৰম্পৰা কিয় বাঢ়িছে বিদেশত ?
Food eating style: চামুচেৰে নহয়, হাতেৰে খাবঃ হাতেৰে খোৱা পৰম্পৰা কিয় বাঢ়িছে বিদেশত ?

বৰ্তমান আধুনিক যুগত প্ৰায় মানুহে চামুচ আৰু কাঁটাচামুচেৰে(Food eating style) খোৱা শৈলী পৰিষ্কাৰ-পৰিচ্ছন্নতাৰ প্ৰতীক বুলি গণ্য কৰে, আমাৰ আইতাহঁতৰ যুগৰ হাতেৰে খোৱাৰ অভ্যাস লাহে লাহে নাইকিয়া হৈ আহিছে।

হাতেৰে খোৱাটো কেৱল এটা পৰম্পৰা নহয়, বৈজ্ঞানিক আৰু আয়ুৰ্বেদিক দৃষ্টিকোণৰ পৰাও ই উপকাৰী। কিন্তু ইয়াৰ পিছতো ভাৰতকে ধৰি সমগ্ৰ বিশ্বতে যোৱা কেইটামান দশকত চামুচেৰে খোৱাৰ ধাৰা বাঢ়িছে। গতিকে চামুচেৰে খোৱাটো ফেশ্বন নে স্বাস্থ্যৰ বাবে ভাল? হাতেৰে খোৱাটোৱে আপোনাৰ ভাবমূৰ্তি নষ্ট কৰে নেকি, মানুহে আপোনাক পিছপৰা বুলি গণ্য কৰে নেকি আৰু আধুনিকতাৰ নামত চামুচেৰে খাই নেকি আপুনিও?

সনাতন সংস্কৃতি অনুসৰি আমাৰ শৰীৰ পাঁচটা মৌলৰে গঠিত আৰু আঙুলিয়ে বিভিন্ন মৌল চিনাক্ত কৰে। বুঢ়া আঙুলিটো জুইৰ লগত জড়িত, আনহাতে তৰ্জনী আঙুলিটো বায়ুৰ লগত জড়িত। একেদৰে মধ্যমা আঙুলিটো আকাশৰ লগত, সৰু আঙুলিটো পানীৰ লগত জড়িত। এই পাঁচটা পইণ্ট মিলাই খাদ্য খালে আমাৰ শৰীৰৰ বিভিন্ন অংশত ইয়াৰ প্ৰভাৱ পৰে।

হাতেৰে খাদ্য খোৱাৰ উপকাৰিতা-


বিভিন্ন গৱেষণাৰ পৰা দেখা গৈছে যে হাতেৰে খাদ্য খোৱাৰ বহু উপকাৰ হয়।

১/ শক্তিশালী পাচনতন্ত্ৰ
আমাৰ পাচনতন্ত্ৰ ভাল হয় আৰু খাদ্য সোনকালে হজম হয়। আয়ুৰ্বেদৰ মতে খাদ্য মুখত ভৰাই দিলে যোগ মুদ্ৰাৰ ৰূপত আঙুলিবোৰ লৰচৰ কৰে, যাৰ ফলত খাদ্যৰ দ্ৰুত হজম হোৱাত সহায় কৰে।

২) ৰক্ত সঞ্চালন
হাত লৰচৰ কৰাৰ লগে লগে শৰীৰৰ বহু বস্তু সলনি হয়। ইয়াৰ ফলত আপোনাৰ শৰীৰৰ ৰক্ত সঞ্চালন সঠিক হৈ থাকে।

৩/ গৰম আৰু ঠাণ্ডা চিনাক্তকৰণ
খাদ্য খোৱাৰ সময়ত আঙুলিৰ বিন্দুবোৰে খাদ্যৰ উষ্ণতা অনুভৱ কৰে আৰু খাদ্য কিমান গৰম বা ঠাণ্ডা সেইটো অনুমান কৰিবলৈ সক্ষম হয়। সেই অনুসৰি মগজুৱে কাম কৰে।

৪) হজম শক্তি
হাতেৰে খোৱাৰ সময়ত আমি কিমান খাব লাগে, কি খাব লাগে, কিমান বেগেৰে খাব লাগে সেই কথাও বুজিব পাৰো, যাৰ ফলত হজম শক্তি সহজ হৈ পৰে।

৫/ অতিমাত্ৰা খাদ্য গ্ৰহণৰ পৰা আঁতৰি থকা
হাতেৰে খোৱাৰ ফলত খাদ্যৰ পৰিমাণ নিৰ্দিষ্ট হৈ থাকে, যাৰ ফলত অধিক খাদ্য খোৱাৰ প্ৰয়োজনীয়তা কমি যায়।

শাস্ত্ৰত কি লিখা আছে?
হাতেৰে খাদ্য খোৱাৰ আঁৰতো আমাৰ সাংস্কৃতিক সংযোগ আছে। শাস্ত্ৰত লিখা আছে যে খাদ্য ব্ৰহ্মা, ৰস বিষ্ণু আৰু গ্ৰাহক মহেশ্বৰ। হাতেৰে খোৱাৰ দ্বাৰা আমি খাদ্যৰ প্ৰতি আমাৰ শ্ৰদ্ধা প্ৰকাশ কৰোঁ আৰু আমাৰ শাস্ত্ৰত খাদ্য গ্ৰহণৰ লগত জড়িত বহুতো পদ আছে।

চামুচেৰে খোৱা কেতিয়াৰ পৰা আৰম্ভ হৈছিল?

প্ৰাচীন মিচৰত ৩০০০ বছৰ আগতে হেণ্ডেল থকা চামুচৰ ব্যৱহাৰ আৰম্ভ হৈছিল। প্ৰথমে চামুচ শিলৰ আৰু তাৰ পিছত কাঠৰ পৰা তৈয়াৰ কৰা হৈছিল। ধাতুৰ চামুচ বহু পিছত জনপ্ৰিয় হৈ পৰিছিল। গ্ৰীক আৰু ৰোমান সাম্ৰাজ্যৰ সময়ত চামুচ প্ৰায়ে ব্ৰঞ্জ আৰু ৰূপৰ পৰা তৈয়াৰ কৰা হৈছিল আৰু ইয়াক বেছিভাগেই ধনী লোকে ব্যৱহাৰ কৰিছিল। ইংৰাজী বুৰঞ্জী অনুসৰি ১২৫৯ চনত প্ৰথম এডৱাৰ্ডৰ আলমাৰীত চামুচৰ উল্লেখ পোৱা যায়।সংস্কৃত গ্ৰন্থ আৰু আয়ুৰ্বেদিক গ্ৰন্থত কুশপাত্ৰ, চাৰু, সৰ্বানী আদি শব্দ ব্যৱহাৰ কৰা হৈছে, যিয়ে চামুচৰ দৰে বস্তুলৈ আঙুলিয়াই দিয়ে।

গতিকে কেনেকৈ খাব খাদ্য?

হাত বা চামুচেৰে খোৱাটো আপোনাৰ বাবে ভাল লগা বা অপছন্দৰ বিষয়। কিন্তু এইটো একেবাৰেই নহয় যে চামুচেৰে খোৱাই আধুনিক কৰি তুলিব আৰু হাতেৰে খালে পিছপৰা হ’ব। যদি আপুনি হাতেৰে খায়, তেন্তে খোৱাৰ আগতে হাত দুখন ভালদৰে পৰিষ্কাৰ কৰিব। হাতেৰে খোৱাটোৱে আমাক আত্মসন্তুষ্টিৰ অনুভৱ দিয়ে।

Guwahati flood: এসাগৰ পানীত কক্‌বকনি গুৱাহাটীবাসীৰ

Guwahati flood: এসাগৰ পানীত কক্‌বকনি গুৱাহাটীবাসীৰ
Guwahati flood: এসাগৰ পানীত কক্‌বকনি গুৱাহাটীবাসীৰ

সাগৰ দেখিছা, দেখা নাই কেতিয়াও? গুৱাহাটী মহানগৰীত বহুতেই দেখিলে সাগৰ৷(Guwahati flood) বিগত প্ৰায় ৩৬ ঘণ্টা ধৰি চলি থকা অবিৰত বৰষুণৰ ফলত অসমৰ বিভিন্ন ঠাইত জনজীৱন বিপন্ন হৈ পৰে৷ একে দৃশ্যই দেখা যায় গুৱাহাটী মহানগৰীতো৷ ধাৰাসাৰ বৰষুণৰ ফলত কৃত্ৰিম বানত বুৰ গ’ল গুৱাহাটী৷ কৃত্ৰিম বানে উটুৱাই নিলে মহানগৰীৰ আভিজাত্য৷ যোৱা প্ৰায় ৩৬ ঘণ্টা ধৰি হোৱা বৰষুণৰ ফলত ভয়ংকৰ পৰিস্থিতিৰ সৃষ্টি হৈছে গুৱাহাটীত৷

অধিকাংশ পথতে একাঠু পৰ্যন্ত পানী হয়৷ শ শ বাহন ৰাজপথত আবদ্ধ হৈ পৰে৷ শিক্ষাৰ্থী, চাকৰিয়ালকে ধৰি সাধাৰণ যাত্ৰীসকলো ঘণ্টা ঘণ্টা ধৰি আবদ্ধ হৈ পৰে৷ চানমাৰি, জু-ৰোড, ভি আই পি ৰোড, ৰাজগড়, ৰুক্মিণীগাঁও, হাতীগাঁও, বেলতলা, খানাপাৰা, ছয়মাইল, পাঞ্জাবাৰী, যোৰাবাট আদি অঞ্চলত অভাৱনীয় পৰিস্থিতিৰ সৃষ্টি হৈছে৷ কৃত্ৰিম বানৰ ফলত ৰাজপথবোৰত নদীসদৃশ পৰিৱেশৰ সৃষ্টি হৈছে৷ একপ্ৰকাৰ স্তব্ধ হৈ পৰিছে গুৱাহাটী মহানগৰী৷ কামৰ তাগিদাত একাংশ লোকে লেতেৰা, দুৰ্গন্ধময় পানী গচকিয়ে কৰ্মস্থলী বা ঘৰলৈ ৰাওনা হৈছে৷ কৃত্ৰিম বানৰ ফলত গুৱাহাটীৰ প্ৰতিটো পথতে ভয়ংকৰ যানজঁটৰ সৃষ্টি হৈছে৷

ৰাজপথতে বিকল হৈ পৰিছে বহু বাহন৷ জানিব পৰা মতে ৰুক্মিণীগাঁৱৰ মূল পথৰ লগতে উপ-পথসমূহত অভাৱনীয় পৰিস্থিতিৰ সৃষ্টি হৈছে৷ বিগত দুটা দিনে অঞ্চলটো পানীত ডুব গৈ থকাৰ ফলত সেই অঞ্চলৰ লোকসকল বিভিন্ন সমস্যাৰ সন্মুখীন হৈছে৷ বিশেষকৈ খাদ্য-সামগ্ৰী আৰু খোৱাপানীৰ নাটনিয়ে দেখা দিছে৷ এছ ডি আৰ এফ, এন ডি আৰ এফ তথা প্ৰশাসনৰ লোকসকলে সেই স্থানত উপস্থিত হৈ পৰিস্থিতি পৰ্যালোচনা কৰিছে৷ লগতে উদ্ধাৰ অভিযানো আৰম্ভ কৰিছে৷

কিন্তু একাংশ লোকে অভিযোগ কৰা মতে প্ৰশাসনে তেওঁলোকক কোনোধৰণৰ সুবিধা প্ৰদান কৰা নাই৷ মুঠতে কৃত্ৰিমবানত পণবন্দী গুৱাহাটীবাসী৷ এনে পৰিস্থিতিত লোকসকলে চৰকাৰ তথা প্ৰশাসনক তীব্ৰ সমালোচনা কৰিছে৷ উল্লেখ্য আজিকোপতি কিন্তু মহানগৰীত কৃত্ৰিম বানপানীৰ সমস্যা সমাধান কৰিব নোৱাৰিলে চৰকাৰে৷ এজাক বৰষুণ দিলেই আলৈ-আথানি হয় মহানগৰবাসীৰ৷ আজিও ৰাজ্যত অব্যাহত থাকিব বৰষুণ৷

Expanding Assam’s Air Network: যোৰহাট, ডিব্ৰুগড়, উত্তৰ লখিমপুৰৰ পৰা পোনপোটীয়া বিমান উৰিব দিল্লীলৈ

Expanding Assam's Air Network: যোৰহাট, ডিব্ৰুগড়, উত্তৰ লখিমপুৰৰ পৰা পোনপোটীয়া বিমান উৰিব দিল্লীলৈ
Expanding Assam's Air Network: যোৰহাট, ডিব্ৰুগড়, উত্তৰ লখিমপুৰৰ পৰা পোনপোটীয়া বিমান উৰিব দিল্লীলৈ

অচিৰেই যোৰহাটৰ পৰা দিল্লীলৈ পোনপটীয়া বিমানসেৱা।(Expanding Assam’s Air Network)

ইণ্ডিগ’য়ে আৰম্ভ কৰিছে দিল্লী-যোৰহাটৰ পোনপটীয়া বিমান সেৱা।( IndiGo)



ডিব্ৰুগড় আৰু দিল্লীৰ মাজতো আৰম্ভ হ’ব নতুন বিমান সেৱা।


গুৱাহাটী-নবী মুম্বাইৰ মাজতো আৰম্ভ হ’ব বিমান সেৱা।


গুৱাহাটীৰ পৰা শিলচৰলৈও নতুন বিমান।


ইণ্ডিগ’ই আৰম্ভ কৰিব পোনপটীয়া বিমান সেৱা।

ছেপ্টেম্বৰৰ পৰা আৰম্ভ হ’ব ইণ্ডিগ’ৰ পোনপটীয়া বিমান সেৱা।

মুখ্যমন্ত্ৰী হিমন্ত বিশ্ব শৰ্মাই সদৰী কৰে এই কথা।

Himanta Biswa Sarma: কামৰূপ, কামৰূপ মহানগৰৰ সকলো বিদ্যালয় বন্ধ আজি

Himanta Biswa Sarma: কামৰূপ, কামৰূপ মহানগৰৰ সকলো বিদ্যালয় বন্ধ আজি
Himanta Biswa Sarma: কামৰূপ, কামৰূপ মহানগৰৰ সকলো বিদ্যালয় বন্ধ আজি

কামৰূপ, কামৰূপ মহানগৰৰ সকলো বিদ্যালয় বন্ধ আজি।(Himanta Biswa Sarma)

কিয়নো বৰষুণ কমিলেও দুৰ্দশা কমা নাই তেনে পৰিস্থিতিৰ প্ৰতি লক্ষ্য ৰাখি কামৰূপ, কামৰূপ মহানগৰৰ সকলো বিদ্যালয় বন্ধ আজি।(flood)

আনহাতে ব্যক্তিগত প্ৰতিষ্ঠানৰ দূৰৰ কৰ্মচাৰীৰ আজি ছুটী দিবলৈ আহ্বান মুখ্যমন্ত্ৰীৰ।

চৰকাৰী কৰ্মচাৰীৰ আজি নৈমিত্তিক ছুটী ঘোষণা। লগতে মুখ্যমন্ত্ৰীগৰাকীয়ে কয় যে দূৰৰ চাকৰিয়াল কর্মক্ষেত্রলৈ আহিব নালাগে, মহানগৰীৰ সমীপতে আৱাসত থকাসকলক কর্মস্থলীলৈ অহাৰ আহ্বান মুখ্যমন্ত্ৰীগৰাকীৰ।

ধাৰাসাৰ বৰষুণৰত মহানগৰীত বানৰ অবৰ্ণনীয় পৰিস্থিতিৰ পাছতে সংবাদমেল মুখ্যমন্ত্ৰী হিমন্ত বিশ্ব শৰ্মাৰ।

Strom: কলিয়াবৰত ধুমুহাই প্ৰাণ ল’লে এজনৰ

Strom: কলিয়াবৰত ধুমুহাই প্ৰাণ ল'লে এজনৰ
Strom: কলিয়াবৰত ধুমুহাই প্ৰাণ ল'লে এজনৰ

কলিয়াবৰত ধুমুহাই প্ৰাণ ল’লে এজন যুৱকৰ।(Strom) ধুমুহাত গছৰ ডাল ভাঙি কৰুণ মৃত্যুক সাৱটি ল’লে এজন যুৱকে। কলিয়াবৰ সমজিলাৰ উলুৱনি আৰক্ষী নীৱেশৰ সমীপত সংঘটিত হয় কৰুণ দুৰ্ঘটনাটো।(Kaliabor)


ধুমুহাত গছৰ ডাল ভাঙি যুৱকজনৰ গাত পৰাত ততাতৈয়াকৈ আহত যুৱকজনক সংকটজনক অৱস্থাত কলিয়াবৰ মহকুমা অসামৰিক চিকিৎসালয়ত ভৰ্তি কৰা হয় যদিও চিকিৎসকে মৃত ঘোষণা কৰে যুৱকজনক।

মৃত যুৱকজনৰ নাম জীৱন বিশ্বাস। নিজৰ ঘৰৰ চোতালতে সংঘটিত হৈছিল কৰুণ দুৰ্ঘটনাটো।


নেৰানেপেৰা বৰষুণৰ ফলত বুডঢ়াপাহাৰত ৰাষ্ট্ৰীয় পথত গছ বাগৰি যাতায়ত স্তব্ধ হৈ পৰে। তদুপৰি, কলিয়াবৰৰ ৰাজপথৰ দিনৰ ভাগত কেইবাটাও দুৰ্ঘটনা সংঘটিত হয়।

Guwahati Landslide: গুৱাহাটীত ভূমিস্খলনত তিনিজনকৈ লোকৰ মৃত্যু

গুৱাহাটীত ভূমিস্খলনত তিনিজনকৈ লোকৰ মৃত্যু
গুৱাহাটীত ভূমিস্খলনত তিনিজনকৈ লোকৰ মৃত্যু

গুৱাহাটীত বান-ভূমিস্খলনৰ ভয়াৱহ ৰূপ। (Guwahati Landslide)

গুৱাহাটীত ভূমিস্খলনত তিনিজনকৈ লোকৰ মৃত্যু।

বোন্দাৰ চপাইদঙত মহিলা, শিশুসহ ৩জনৰ মৃত্যু।

বোন্দাৰ দৈমুগুৰিত মৃত্যু মাতৃ পুনম গোস্বামী, কন্যা নীলাক্ষী গোস্বামীৰ।

পৰিয়ালটোৰ কাষতে বাস কৰা আন এটি শিশু কন্যা ৰঞ্জিতা বড়োৰো মৃত্যু।

তিনিমাহ পূৰ্বে দৈমুগুৰিত পাহাৰৰ দাঁতিত পৰিয়াল দুটাই ঘৰ সাজি বাস কৰিছিল।